名苑酒家

营业中

休息中

飲左幾次，職員態度都極差，一係唔出聲，一係鬧人！食物慢，入唔到單 唔出聲，催極無反應！一入門口有個斟滾水位，經常彈到客人，善意提醒過，無反應！如果坐正隔離，成餐飯 最少俾佢彈10次！最驚係有小朋友坐！

星期六的下午，與家人相約到杏花邨聚一聚。當家人正討論到哪兒飲茶，想起早前在商場曾看到一家名為「名苑酒家」的下午茶時段有很多優惠，所以向家人提議到那兒去。可能是假日的下午，所以等候的人也很多。我和家人2時多才到達排隊，但酒樓的空間大，桌子亦多，所以不用等待很久便可入座。我們看過點心紙，下午茶時段有多款點心孖寶選擇，我們選了蟲草花鮮竹卷、蜜汁叉燒包、古法馬拉糕、酥炸鹹水角，另外還點了一碗叉燒瀨粉。鮮竹卷配以淡淡的蟲草花清湯，吃下去不會覺得太肥膩。古法馬拉糕鬆軟可口，帶點香甜的黑糖味，不錯。熱騰騰的鹹水角的外皮炸得酥脆。叉燒包的餡料多，放着滿滿的叉燒粒。唯獨略嫌叉燒瀨粉的叉燒份量較少，但瀨粉較大碗，所以比例上不太相配。

提早慶祝父親節而去食飯, 叫左半圍，加錢改左何湯做冬瓜盎。冬瓜盎好飲，而且都算足料呀! 有螺肉，乾瑤柱個d.有1/2 隻乳豬，7個人每人都有2片，好薄唔係好有肥膏個種，我個人比較like呢種。四季豆炒帶子，應該有xo 醬個種類既調味醬，個醬好味！仲有一條蒸花斑, 少少韌不過好食既，但呢碟開始我就唔記得影相。最神奇係另一個油鹽焗阿拉斯加蟹伊麵，d麵完全冇味7個人都覺得冇味！但d蟹就好有味好好食，擺明兩樣野係分開煮，唔ok呀！額外叫左個藜麥海王炒飯，味道都唔錯！所以感覺呢間嘢d食物質素都好唔穩定，有d飄忽！

晚飯點了龍蝦伊麵 $198 + 蒸勝瓜+ 蛋白茶，$398, 但龍蝦肉只得2- (還要是小的), 麵太'淋' 無味，勝瓜太油，蛋白茶無味似奶冰。而且只開放一少角落，所以幾張枱也很嘈，實在比街坊酒樓更不像樣!

本身琴日喺將軍澳已經想去明苑飲茶，點知落到去勁多人所以改咗食其他嘢。今日去到杏花邨，見到竟然冇乜人，又唔知食乜好，所以就攞飛等位。等左唔夠15分鐘就已經有枱喇！不過呢度啲服務就真係麻麻地，可能人手唔夠，入到去枱都未執，坐低左5分鐘要叫人先至有人行埋你鋪枱開位🤦🏻‍♀️我哋兩個人唔算叫咗好多嘢食，不過佢哋又有漏單，所以食咗幾樣野就走喇。🤦🏻‍♀️🤦🏻‍♀️（其中一樣係我最鍾意食嘅鮑汁鳳爪都冇黎）嚟咗嘅只有下面👇🏻黑狗都OK嘅不過咸咗啲😅炸兩-正常黑松露蝦春卷 - 我哋唔好食黑松露好彩佢冇乜。煎韭菜餃桃膠杏仁茶 - 👍🏻

喺團購望到有好嘢食，就諗住試吓。點知係要受氣，有個經理瘦瘦地一聽到係團購就黑口黑面比説話我地聽。好失望。但都要講句公道說話，啲嘢食係幾好食🙁。。。。。。。。。

每到中午都會煩惱今日食咩,始終返工來來去去都係食個幾間餐廳,同事話不如坐車出去搵食,可以有D新鮮感嘛!我們出到來杏花新城行左幾個圈,決定去飲茶!!這裡之前幾個月曾經翻新,現在的設計比以前雅典及明亮,但內裡加添左一些特色裝橫,變得無以前咁寬敞,不過位同位之間都唔算好迫,每張黃色和綠色椅的外型或質料都比以前坐得更舒適!點菜紙一樣圖文並茂,點心和粉麵種類有好多,簡下簡下我們選擇了10幾款點心,實在太眼闊肚窄,邊可能食得咁多,最後刪減一半,點左4款點心,1個炒米粉!<星洲鮮蝦炒米粉> 米粉炒得均勻又夠鑊氣,入口乾爽,一點油膩的感覺都無,微辣的咖喱令人好開胃,米粉配大大粒蝦球,再放上蛋絲和灑上芝麻,非常好味!<原隻鮮蝦滑腸粉> 腸粉是每次必點的菜色,嫩滑的腸粉做得好煙韌,又唔易斷!鮮蝦和翠玉瓜包在腸粉內,再配上甜豉油,真的不錯!<鮮蝦菜苗水晶餃> 脹卜卜的水晶餃皮薄餡多!!半透明的粉皮放滿了好多菜苗同一粒粒嘅小蝦,口感彈牙又爽口!<嫲嫲村味辣餃子> 一粒粒飽滿的餃子包着豐富的餡料,餃子有少少辣,但加埋紅油和蔥一齊食好惹味!<

偶爾都會駕車去杏花邨食嘢，喜歡那裏泊車容易有位，而且商場有頗多不同種類的食肆。今天就選擇了去2樓名苑酒家飲茶。自從它裝修之後未去過，記得以前午市很多人，經常要等一段時間才能入座，奇怪今天星期六竟然不滿座，入去就有位。裝修之後覺得座位比較舒服，而且餐具幾精緻。糯米釀雞翼即炸即食，外層香口內層軟糯，唔錯！叉燒包剛蒸起熱辣辣，包皮鬆軟，但叉燒餡偏鹹。炸兩皮薄，但唔夠熱，油炸鬼亦唔夠香脆。銀牙肉絲香煎麵賣相OK，盛載用的碟很精緻，麵夠香脆，味道適中，但略嫌獻汁不夠。桃膠杏仁茶，好味不太甜，但比較細碗，而且只是微暖不夠熱！蕾莎湯圓就非常難食，皮厚，質感奇怪，劣評！基本上食物水準一般，但服務水準卻強差人意。因為我們還叫了山竹牛肉遲遲未到，想叫侍應跟進,但同了兩個不同的待應講都沒有人理睬，又不見他們有去跟進，眼見他們經常把點心 送錯枱，又有其他客人投訴漏單，等了很久依然沒有結果，於是索性結帪取消牛肉唔食，待應依然沒有太大的反應，足足等了十幾分鐘才結到帳離開，真的有啲離譜！難怪而家唔駛等就立刻有位啦！

杏花新城的名苑酒樓裝修後已來過兩次，今天與家人再來吃午飯，午市一向較多食客，等了差不多半小時才可入座。裝修後這裡比以往多了2-4人餐枱，眼看員工都非常忙碌，但比起早前已較有效率。椒鹽魷魚酥水準不錯，火喉剛好，香脆有彈牙。原籠古法馬拉糕有懷舊感覺，幼滑軟熟。紫米銀羅腸粉，腸粉皮軟滑，內裏一層脆皮包著蘿蔔絲，很有層次感。芝麻豆沙煎堆仔保持水準，大家都喜歡吃。大汗手工蔥油餅，內𥚃香蔥真放了不少，但較為油膩。銀芽肉絲香煎麵，幼麵煎得十分香脆，喜歡吃脆脆麵的必選，如可放多些肉絲更佳。

還沒裝修前已經光顧過 但都因為不是熟客而被忽略而且不幫襯買月餅劵或者年糕劵就會即刻唔理你平時就唔理你一到新年就懶係熟咁因為好耐冇去以為裝修後會更好結果首先排隊等飲茶時居然等了一小時先被安排入座有時都理解忙安排唔到真係冇辦法 但等左一時小入到去先發現原來人不多之外還留了所有大枱給7人以上的客人 仲要係冇訂座的情況底下其實明明可以彈性處理但卻要為了留起所有大枱而令外面的客人呆等食物沒有什麼特別 服務更不用說 曾經已經體會過就不評價明白有忙會不能夠照顧到每位客人 但我比錢黎食野仲要睇人面色都唔知為咩

去杏花邨探訪朋友, 先約去酒樓飲茶。 朋友說此酒樓剛裝修完不久, 不如去試試。 黑金流沙奶黃包 : 外觀好美, 但内𥚃流沙奶黃就少了點, 味道一般。小嬌白玉棉花雞 : 份量不少, 魚肚大大塊且厚身, 雞肉一般, 底層還有兩件准山條。 以這個價錢來說, 算是物有所值。原籠古法馬拉榚 : 綿密而算濕潤, 不太甜, 做得不錯。拾味椒鹽魷魚鬚 : 魷魚鬚炸得香脆, 加上椒鹽, 更加香口窩燒鮑魚雞粒飯 : 飯內有不少細小的鮑魚粒。 但飯過於濕潤, 如能亁身一點更好。拔絲珍珠帶磨菇卷 : 外皮炸得非常鬆脆, 只是內裏是菇類大切片, 含芝士成份在內, 做到拉絲效果, 但味道有點不太配合。註: 結賬有點混亂和出錯, 兼且需時等候。 此點有待改善。

裝修後第一次光顧，點心紙只有一頁，點心類只有兩欄，但別要以為貴精不貴多：1）水晶鎮江餚肉 - 上枱只有肴肉一碟，帶麻油味；向侍應姐姐要醋，佢問：要邊啲醋？我話要食小籠包嗰啲醋。冇幾耐+無奈 佢俾咗碟喼汁我地... 鎮江係咩意思呢？2）芝麻荳沙煎堆仔 - 荳沙饀唔知點解變咗棗蓉餡 ... 3）貴妃雞瀨粉 - 碟雞亦有麻油味；湯瀨粉太清淡，問侍應姐姐要胡椒粉同辣椒油，佢攞咗碟辣椒油黎，同我地講：胡椒粉要問廚房，我淨係得辣椒油... 胡椒粉最終冇人攞俾我地，要客人自己入廚房攞？4）燒賣 - 又有麻油？！5）牛肉球 - 侍應放低二話不說，幫我地淋上喼汁，但在座我地有人唔鍾意喼汁的。埋單 - 3個人共8樣嘢$364，包括其中一項外賣盒$1，但我地從冇要過外賣盒 ...總括：裝修再好，食物加服務如此不濟，我唔會再黎！！

放到落口邊，好在女朋友見到嚇到呆左佢又好野，收左碟野，若無其事無話有咩補救行動Ps太緊張無影低相，奉勸大家去食的話要小心一點，睇清楚先放落口Ps2 見過鬼怕黑唔會再去

炎炎夏日，皇太后也堅持每天行走萬步，難怪年紀不少的她仍健步如飛。今天天氣實在太熱，於是我提議逛逛室內商場。想起港島東杏花新城人流較少，就决定到這裡的名苑酒樓先嘆茶後逛商場。時間正值午市，酒樓已差不多滿座，幸好剛有一張4人枱可安排。皇太后像小朋友一樣喜歡煎炸食物，於是要了她最喜歡吃的點心，有鮮蝦長春卷、香煎臘味蘿蔔糕、黑毛豬粽、豉味蒸排骨和海鹽生焗脆秋葵。首先要提提生焗脆秋葵，每次來都會點這個，因秋葵焗得乾身脆口，值得一讚。皆因喜歡，剛奉上來便即食了數條，才醒起還未相機先食。豉味蒸排骨算份量不少，排骨入味。鮮蝦長春卷其實也很脆口，但我們還是喜歡短一些的，因過長用筷子難以handle，要用手才能品嚐。其餘的都是熱辣辣奉上，不過不失。可能因人手短缺問題，我們等了超過十五分鐘才能結賬。

本身冇諗過寫食評、真係忍唔住要寫、自次食大閘蟹、大閘蟹肉係藍色、覺得好恐怖、經理竟然話冇問題、之後一段日子都冇再過嚟、今日好想飲茶、冇乜選擇之際就過咗嚟、叫咗個鵪春蛋燒賣、鵪春蛋同燒賣分開跌出嚟、味道仲非常一般！我咁鍾意食鵪春蛋燒賣我都唔會再叫囉！呢個咁嘅砂薑豬手、又硬又唔好食！完全冇人食難食到爆！夾硬食咗幾隻！no good !個流沙包一般, 完全係比個相呃左！搵笨！係只有個蘿蔔糕一樣野覺得好食吃了沒有拍春卷可以吧！鮑汁鳯爪可以不過唔夠淋！服務態度今日好似阿賓叫狗！叫極都冇人理！唔講我以為呢度啲人係有聽覺問題⋯⋯杏花邨嘅朋友飲茶都唔好泥喇！莫講話張凳、枱布都係污糟嘅！