名誠小廚

营业中

休息中

脆皮燒雞上桌，雞皮如薄紙，咬下時「喀嚓」作響，皮下油脂早已烤盡，肉質卻不柴，反滲出汁水來。此般功夫，非老手不能為。比好多大酒樓都好食，真心必食推介！黑椒牛柳色澤深沉。黑椒辛香撲鼻。醬汁濃稠適中，裹肉而不滯，配白飯最佳。金銀菜勝瓜蒸鮮魷，清鮮可喜。魷魚片如白玉，彈牙爽口；勝瓜翠綠，金銀菜點綴其間，色相已足動人。蒸時火候恰好，瓜菜猶帶脆生，魷魚鮮味盡釋。60幾蚊就可以有小菜、白飯、湯同飲品，真係性價比之選！

皇牌脆皮燒烤雞燒雞表面燒得非常金黃，金光閃閃的雞皮經已令人食慾大增，即使熱到燙手，亦急不及待要將雞肉撕開放進口中，果然雞皮確實非常透薄香脆皮下脂肪不算很多，雞肉方面十分juicy，撕開時肉汁源源不絕地流出來，雞胸都唔乾，整體都十分嫩滑，調味方面香口惹味，不會過鹹。黃金魷魚鮮魷披上薄薄香口脆漿，再蘸有鹹香金沙，鹹蛋黃好綿綿好香，愈食愈停唔到口，鮮魷大大塊好厚肉，每一面都沾滿鹹蛋黃，好多枱都有叫，果然係冇叫錯。蒜子枝竹豆腐班腩煲這道菜的精髓在於龍躉腩的鮮嫩與豆腐的柔滑 煲仔超熱辣辣 超正 煲底有龍躉既天然鮮甜 豆腐吸收了汁的精華入口即化。

小妹今晚去咗位於佐敦有間做街坊生意既小廚餐廳🍴，性價比幾高，而且選擇菜式亦不少，價錢實惠，環境大坐得舒適😌呢度仲有5大款招牌菜式，點都要點黎食吓🤩分別脆皮燒雞、脆皮燒豬手、荷葉大盤蒸雞、麻辣雞煲、烤魚😆就咁聽都覺得好正🙌沙嗲金菇肥牛炆伊麵🍝用咗香濃沙嗲醬，配上鮮味金菇、嫩滑肥牛及Q彈伊麵，風味獨特，且口感豐富，整體調味不錯👍🏻蜜椒薯仔牛柳粒🥔🐂薯仔🥔粒非常大嚿，每嚿都炸至金黃色，外脆內軟，質感脆身😚非常好味😋 牛柳粒採用牛肉片，肉質厚身，牛肉鮮嫩，配搭好惹味😍荷葉大盤蒸滑雞🐔即叫即蒸，雖然蒸雞會釋出好多油份，但呢間餐廳🍴又唔會😝仲加入蟲草及紅棗，非常滋味～每口都吃到雞肉🍗既嫩滑口感～原汁原味，香味十足😙呢款係其中一款餐廳嘅必食招牌菜😎呢間絕對係食簡單家常飯既餐廳🍴，環境看似簡單，但坐得舒服🙈職員服務態度唔錯，且上菜速度快🐤

今次我去咗一間新開嘅餐廳，性價比極高嘅餐廳，晚飯小菜都係60幾蚊起，仲要包埋嘢飲同湯。聽講佢哋嘅燒雞好出名，於是就迫不及待想試下。燒雞上嚟嘅時候，金黃色，表面嘅皮 crispy 得嚟又唔乾，肉質鮮嫩，咬落去有啲香香嘅醬油味，真係好好味！每一口都係享受，配埋啲白飯，簡直係完美。接住嚟就試咗鹽酥魷魚。魷魚炸得金黃酥脆，外面嘅粉衣薄薄地，唔會遮住魷魚本身嘅鮮味。每一口都可以感受到魷魚嘅彈牙，撒上少少鹽同埋胡椒粉，簡直係令人上癮，仲有啲香葱提味，令人一口接一口，完全停唔到。最後我嘅重頭戲就係薑蔥牛仔骨。牛仔骨炆得剛好，肉質軟滑，入味之餘仲保持住原汁原味。薑同葱嘅香氣令整個菜式提升咗一個層次，咁樣配埋啲白飯，真係一流！每一口都感受到肉質嘅鮮甜，真係食到唔想停。整體嚟講，今次嘅餐廳真係唔錯，無論係燒雞、鹽酥魷魚定係薑蔥牛仔骨，每一道菜都令人驚喜，絕對值得再來！如果你鍾意食好味嘅地道菜，記得去試下啦！餐廳：名誠小廚價錢：$ 320分數：9/10#美食 #hkfoodie #hkfood #food #美食推薦 #美食推介 #香港美食 #hkig #名誠小廚 #香港茶餐廳推薦 #佐敦美食 #柯士甸美食

到柯士甸站工作後在附近覓食，看到小店裝修光猛，坐無虛席，60多元起有小菜，飯和飲品，決定一試，很幸運坐到最後一張桌子皇牌脆皮燒烤雞 $85一上桌香氣撲鼻，撕開雞髀時雞油和肉汁湧出，肉質嫩滑，焦脆雞皮有點像乳鴿的味道，香味濃郁，非常出色蕃茄蛋牛肉 $70點了款家常小菜，熱騰騰冒煙，蕃茄新鮮香甜，牛肉和炒蛋軟嫩，好吃名誠小炒王 $80通常是炒韭菜，這裡炒西芹，同樣充滿鑊氣，炸小魚絲，腰果和蝦仁等非常足料，整碟份量十足性價比高又好吃，難怪全場滿座

呢間小炒店位於柯士甸附近渡船角個邊，原來呢邊幾多嘢食嘅餐單餸菜多元化，睇到廚房煮出嚟都幾有鑊氣性價比高，晚餐都係60幾蚊就有🐣 燒雞唔細隻之餘，外皮炸到金黃香脆， 肉質嫩口，點埋泰式辣醬更惹味燒雞，會跟埋扭紋粗薯條😋,咬落去好脆蜜椒薯仔牛柳粒 $80薯仔粒係烤焗款，內軟外脆，食落帶甜甜地嘅蜜糖味牛柳粒食落juicy, 重牛味，冇根👍🏻配有青椒，洋蔥增加色調椒鹽鮮魷 $80鮮魷大大舊， 食落新鮮爽口，椒鹽味完全包裹住鮮魷，咬落啖啖鹹香嘅微辣味飲品🍸🌀熱杏仁霜口感細膩，每淡都飲到香濃杏仁味🌀雜果賓治利賓納酸甜嘅菠蘿粒🍍，加入梳打水，飲落好refresh, 撈勻底層嘅利賓納，有埋黑加侖子味👍🏻

名誠小廚地址 香港佐敦文蔚街25-32號文耀樓地下29號舖味道指數：⭐⭐⭐⭐⭐抵食指數：⭐⭐⭐⭐⭐食物推介：王牌脆皮燒烤雞，蒜子枝竹豆腐火腩煲，蜜椒薯仔牛柳粒這裡的菜單上有幾道讓人垂涎欲滴的招牌菜，價格也相當合理。王牌脆皮燒烤雞 $150/1隻這道脆皮燒烤雞真是餐廳的招牌之一。雞皮烤得金黃酥脆，咬下去時發出悅耳的聲音，肉質鮮嫩多汁，搭配特製的醬汁，更是提升了整體的風味。無論是單獨享用還是配飯，都非常合適。蒜子枝竹豆腐火腩煲 $75這道火腩煲以枝竹豆腐為主料，蒜香味十足，令人食欲大開。火腩的肥瘦相間，口感滑順，與豆腐的嫩滑相得益彰，整體味道濃郁，十分下飯。鍋中的湯汁也非常入味，讓人忍不住想多舀幾碗飯。 蜜椒薯仔牛柳粒 $80蜜椒薯仔牛柳粒的牛肉嫩滑，蜜椒的香甜味與薯仔的口感形成絕佳搭配。這道菜不僅色香味俱全，還帶有一絲微妙的甜味，讓人印象深刻。適合喜歡嘗試不同口味的食客。咸檸七（+ $8 ）& 凍檸樂 （+$8）咸檸七清新爽口，完美地中和了菜品的重口味；而凍檸樂則清涼解渴，特別適合炎熱的天氣。價格也相當便宜，讓人不禁想再點上一杯。

今日嚟到佐敦幾受歡迎嘅小店, 試吓佢哋嘅鑊氣小炒！呢間餐廳真係街坊食堂嚟，晚市$60左右一個小菜，性價比超高！叫咗個「王牌脆皮燒烤雞」。呢個真係必點！雞皮燒到金黃香脆，雞肉又嫩滑多汁，啖啖肉真係好滿足！調味方面都做得好好，送飯一流！跟住就係大盤花菜。雖然個名係花菜，但其實係加豬肉片炒嘅。花菜爽脆，豬肉片夠晒入味，加埋個濃郁嘅醬汁, 好食！份量都好多! 中式牛柳炒得夠晒鑊氣，肉質鮮嫩，唔會韌。醬汁酸酸甜甜，好開胃! 名城小廚嘅小菜真係高質又抵食, 難怪咁多街坊支持。想食平靚正嘅鑊氣小炒，會再黎!

平日晚上看見很多街坊光顧🙈所以行咗入去一試都係叫左兩樣小菜，晚飯小菜$60起 包飯湯飲品份量足夠 食物質素完全對得住價錢，性價比極高!!皇牌脆皮燒烤雞燒得金黃 雞皮好香脆🐥🐥而肉質依舊保持鮮嫩 難怪是招牌菜式！！瑤柱扒西蘭花🥦西蘭花爽脆帶點甜，炒得恰到好處，唔會太熟爛，瑤柱醬汁濃滑，帶微咸同鮮味，啖啖瑤柱絲，食落清新又唔膩最後總結今次人少少試咗唔算多菜式，下次叫多個朋友可以試埋其他小菜。名誠小廚📍佐敦文蔚街25-32號文耀樓地下29號舖

平日晚上看見很多街坊光顧所以都來試試小菜～晚飯小菜$60起 包飯湯飲品即叫即整 很有鑊氣而且價格親民 份量足夠 性價比極高⍢皇牌脆皮燒烤雞 燒得金黃 雞皮好香脆而肉質依舊保持鮮嫩單吃已經可口 亦可蘸上辣醬～椒鹽鮮魷彈牙的鮮魷 外層炸得脆卜卜果然很有鑊氣 同時不覺得油膩！！瑤柱扒椰菜花椰菜花爽脆 炒得剛好瑤柱醬汁濃郁 吃上去啖啖瑤柱絲 很好送飯⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡/5⧐名誠小廚📍佐敦文蔚街25-32號文耀樓地下29號舖

高性價比高嘅街坊茶餐廳，簡單單食餐家常飯 ，但係環境簡單服務唔錯，上菜快。皇牌脆皮燒雞即叫即制，雞皮燒炸得香口金黃脆脆，雞肉嫩滑同時保留肉汁，味道油香，值得一試。京都骨菠蘿同洋蔥炒香，加埋酸甜醬汁煮入豬扒，滋味酸甜肉嫩食落唔油膩，送飯一流。XO醬西蘭花炒鮮尤西蘭花爽脆，鮮尤新鮮爽口，以XO醬蒜炒香份量大碟。香滑奶茶熱奶茶香濃滑口，茶底濃而不澀。性價比高親民街坊茶餐廳，食物質素好同價錢合理的晚飯小菜。

好少去柯士甸站附近食嘢 同朋友話帶我去食抵食小炒 入去坐低睇餐牌 見到晚餐性價比好高 晚飯小菜最平60幾蚊已經包埋飯、湯同飲品 而且小菜種類好多 基本上平時食開噏得出嘅都有 見到餐牌中間有幾款招牌菜式 最後點咗呢個 王牌脆皮燒烤雞真的是必點推薦！燒雞半隻咁上枱 見到外皮烤得好靚 而且皮薄多汁 撕開雞髀見到入邊嘅肉汁已經流晒口水 雞皮沒有太多皮下脂肪 食呢一個燒烤雞一定要食埋雞皮！而且醃了調味剛剛好 即使中間雞胸肉部份都不會柴👍🏻⭕️咕嚕斑腩⭕️蒜蓉油麥菜斑腩好大件啖啖肉 加上了酸甜咕嚕汁後還保留到外皮脆炸口感 很不錯油麥菜好大碟 炒得好有鑊氣

之前聽朋友話呢間個燒雞勁好食，我心諗有冇咁誇張，點知！食完第一啖，真係😱😳！係勁好食！勁好味！堅！個燒雞$80/半隻， $150就有一隻，佢可以分開兩個兜上，我同朋友一人一邊，無斬嘅，用手扯住嚟食特別滋味呀！😁😁原來佢有手套提供，我仲用咗紙巾😅講返個雞先，佢個皮係超級脆卜卜，一切開嘅時候啲雞肉肉汁多到！！！重點係隻雞非常之滑！就連雞胸都好滑！好好味！雞髀亦都非常之香呀！同埋佢晚餐小菜套餐都好抵食囉！$60起跳就有，仲要包個白飯同飲品！

逛佐敦老友話《名廚小城》價錢親民，性價比高餐廳，晚飯小菜$60起（包飯、湯/飲品）晚餐時段坐滿九成街坊食客，餐廳裝修簡單，有街坊熟客自帶海鮮到餐廳加工。我們點左皇牌脆皮烤雞（半隻）：大大隻燒雞皮脆肉嫩多肉汁，金黃色雞皮好香脆好美味💕😍西芹炒鮮魷：鮮魷爽口味鮮甜，西芹嫩綠，大碟抵食配飯&飲品--好立克。豉汁蒸䱽魚：豆豉香濃，魚肉嫩滑，配飯&飲品--好立克。滑蛋牛肉飯：頗多牛肉，牛肉很滑，配飲品--好立克😛

上次機緣巧合之下，到了佐敦八文樓這邊吃晚飯，原來這邊都有一堆小店餐廳。今晚和好友來到文蔚街的「名誠小廚」，食小炒小菜，週五晚上來一場男人的浪漫！蒸雞真的很大一盤，非常足料！甫把荷葉翻開，已聞到陣陣香味。雞件配上紅棗、杞子、蟲草花等同蒸，肉質相當入味，帶著淡淡的荷葉清香感。雞腿、雞翼等部分都是滑溜口感，唯雞胸位置就稍為柴口。每次叫小菜都會點一兩款炸物。鮮魷外層沾粉再炸至金黃香脆，炸漿頗為薄身。裡面包裹着彈牙的魷魚，令口感有層次。而鹹香的鹹蛋黃醬更是加分位，令鮮魷更惹味！熱騰騰的煲仔菜！斑腩魚塊肉質細嫩，不過炸粉層就略厚了一些。炸豆腐外脆內軟，加上枝竹，兩者都十分掛汁。配上鹹鹹香香的蠔油醬汁，佐飯一流！人均百元有找的一餐，有小菜、白飯和飲品，整體來講都幾抵食！