名都 (已結業)

馬鞍山區一向不乏酒樓，不過由於居民都好多，所以週末想飲餐茶都唔係咁容易搵到位。We Go Mall 開左之後就多左一個選擇-「名都」。金鐘都有一間同集團酒樓。呢間名都走中價路線，加上地點唔係話太方便，因此唔會話好多人排隊。近排週末中午約一點去飲茶，唔使等位，不過都坐九成滿（間野唔係好大間）。週末係推點心車，幾有特色。記憶中叫左蝦餃、春旦燒賣、鮑汁鳳爪、菠蘿叉燒包、仙竹卷、煎堆、腸粉。個人覺得樣樣都有水準。埋單每人約$80，唔算貴。以後屋企附近又多一個選擇。