影片
港铁西湾河站 B 出口, 步行约8分钟
继续阅读
电话号码
27556363
付款方式
以上资料只供参考，请与餐厅确认详情
君悅海鮮酒家筲箕灣耀興道55號興東商場2樓201號舖今日的早餐係飲早茶，一盅2件，我食左一籠羊城臘腸卷和一客南乳蒸豬手。臘腸卷在冬天最好味，南乳蒸豬手好惹味，有咬囗，好好味的早茶。
继续阅读
屋邨酒樓，方便就腳，價錢實惠，質素呢就⋯⋯係咁喇。呢間酒樓，茶客多係長者，連侍應都多係長者😂總之一切都唔好急，慢慢黎，飲茶呀嘛⋯⋯叉鵝瀨，叉燒純肉半點肥膏都無，大家明咩料啦，仲有啲鹹😅鮑汁雞腳，好入味，好淋，啲花生好大粒，都好淋，不過唔爛，啱晒啲老人家食。腸粉麻麻地，啲粉唔靓，好爛，唔煙韌，蝦係有嘅，仲唔係細粒。燒賣上嘅蟹子會甩色🥲金錢肚啲蘿蔔唔靓，老，有渣。總之無乜要求，味道又唔會太差，但求方便可以食下嘅，同埋位置尚算闊落，唔太擁擠，價錢又唔貴，仲想點😂
继续阅读
難得在領展商場消費後抽到優惠券，揸車去筲箕灣某一屋邨酒樓試下，一到達門口，只見幾圍枱有客，當堂有點想離開感覺，既然嚟到，膽粗粗坐低叫咗一個套餐龍蝦伊麵加半隻燒雞，南乳粗齋煲。食物質素方面，燒雞不算肥，皮脆，食得出係燒了不太耐，幾好。至於龍蝦，不太理想，肉質比較梅，味道比較淡，南乳粗齋煲一般，最後贈送紅豆沙及壽包，反而呢兩樣最好食。另外值得一提，經理服務態度最好，值得讚賞，見我食龍蝦有殼，好快就幫我換碟。
继续阅读
價錢係平, 食物質量一般! 地毯污濁有味!! 問題係員工質素差, 平均兩次就會有一次走單, 漏單或錯單!!樓面只會服務熟客, 對生客視若無睹! 無人開茶.員工態度差勁, 做錯事唔承認.呢間酒樓唔執唔轉手的話, 應該都唔會再來!
继续阅读
記得舊年差不多初夏，傍晚會去興東邨商場宜家家居提貨，一早已經預訂了呢一間屋邨酒樓，一心想要食片皮鴨😋後來因為要去康怡花園 Aron 百貨公司睇家電，所以取消預約，然後去咗康怡廣場一間幾有名氣食片皮鴨嘅酒家「金公館」開餐加食片皮鴨，點知又貴又中伏，所以一直都想再去呢間興東邨補返一次片皮鴨餐，今晚收工又要再去宜家家居提貨，但係今日喺公司食過下午茶飽飽地，所以無訂到位，諗住去到至算😔同女朋友提完貨之後，喺興東商場行吓街街，經過呢一間酒樓門口心大心細，我哋兩個都唔肚餓😔卒之入去就係想完成片皮鴨心願🙏🏻我哋叫咗一份片皮鴨兩食，第二食係薑蔥爆鴨，然後再加個冬瓜盅，我諗住應該會食剩要打包走，點知呢一間屋邨酒樓個片皮鴨好好味，又脆又香，粉皮皮薄不油膩，真係可以補返上年中伏片皮鴨條數，薑蔥爆鴨好惹味好好食，鴨肉淋又夠香，仲要好多鴨大大舊肉，只係加20蚊好抵食👍🏻最後冬瓜盅就正正常常，都幾足料，並並通通未見突出。餐後感:我哋如果想食到好嘢唔好只看裝修、門面、名氣同幾多食評好評，食評可以假做，裝修門面都係用錢來堆砌，名氣亦是宣傳技倆，食嘢，味道先係最重要👍🏻
继续阅读