君戶鍋貼大王 (港晶中心)

营业中

休息中

自己已經有十年以上冇食過鍋貼大王，港島分店都好似已經結束營業。呢日夜晚去尖東上堂，上堂前有啲肚餓，見呢度有淨水餃，就入左黎食。我坐最近收銀果張檯，落完單之後，就見到一隻米奇老鼠由收銀下面打橫行去對面個櫃位，個心即刻嚇一嚇，但已經落左單，唯一焗住食埋...我冇數住有幾多粒水餃，印象中都有六至八隻，一人份量都係剛剛好。不過奇就奇在，湯底非常熱，粒水餃就係暖，所以估計水餃好似車仔麵檔原本整熟左，有人落柯打就滾兩下上菜...

尖東做完嘢肚餓最佳選擇尖東食嘢都好兩極化 一係好平民 一係貴到癲呢間真係 快靚正最好的選擇 舖頭位置空間很細小 冇辦法啦尖東租咁貴大家都要坐得好直 而且一定會硑枱純粹諗住食飽個肚快啲走 中午食飯時間好多人上海粗炒惹味生煎包肉汁豐富鍋貼好食抄手放上肉鬆非常配嘢食熱辣辣 味道真係好新鮮好好食生煎包個皮好煙韌 有口感 唯一係見到餐廳人手真係唔足夠 見到啲姐姐好勤力 見到佢哋殷勤咁招呼但係點樣都應付唔到咁多台客人見到佢哋真係好辛苦 唔該晒！

今次直程係去港晶中心嗰邊做嘢，諗起食嘢，淨係要又夠方便又夠快，所以響紅磡站出嚟啊行落令人天橋就即刻唔使諗直接買呢間。之前成日都係叫上海粗炒，今次試吓轉酸辣湯麵，不過酸辣湯麵係冇得轉做粗麵嘅，其實依個問題都想問咗好耐，唔知點解而家好多上海餐廳啲湯麵都冇得轉做粗麵，我都想知道。佢嘅酸辣湯麵份量足夠，亦都好夠熱，裏面嘅料都好足，唯一係因為個人口味嘅要求，如果酸味再多啲會更加好味，但係佢呢個味道真係比較接近原本上海酸辣湯麵嘅味道係啱嘅。

仍然係響紅磡站行過去尖東做嘢，仍然希望可以方便啲，唔使怕人多又唔使等太耐，所以響紅磡站出嚟之後行過左行人天橋經過海底隧道口落返去尖東，一落到地面右手邊就已經見到君戶，就係呢樣嘢已經吸引到，好似我呢啲貪方便嘅人，即刻走咗去買咗個上海粗炒，可能時間都算係比較早，所以等嘅時間亦都唔係太耐，好快就已經搞掂攞到手，所以攞上去食嘅時候都仲係好新鮮熱辣，佢哋嘅份量都係維持好足夠。味道方面亦都保持到水準，依味道同性價比嚟計，絕對冇問題。

響尖東附近開工，坐車喺紅磡站行過隧道頂行人天橋一路落去見到左右附近好多嘢食，就見到君戶鍋貼大王，其實呢間嘢已經見過好多次，每次落樓梯經過都有見到佢，但係就次次都話下次一定會食都唔記得咗，起碼佢贏咗一樣嘢就係位置方便同埋有記憶點，所以今次終於記得就走過去買外賣，通常呢類舖頭都係試鍋貼，或者酸辣湯。不過心血來潮諗住試吓上海粗炒，因為好耐冇食過，同埋而家好似淨係上海粗，首先有啲比較粗嘅面，返到去打開嚟睇嘅時候份量真係好多，性價比真係超高，味道亦都吵得啱啱好，唯一嘅係本來叫佢唔辣嘅，結果食落去都係有辣味，估計因為係個鑊本身已經有辣味，但係整體嚟講係好味兼抵食，下次如果經過會試吓其他嘢。

大圍君戶執左之後只能夠過黎尖沙咀食不過尖沙咀價錢會貴過以前大圍大約3分1酸辣湯都$34不過佢d酸辣湯真係一如以往 超正足料 夠酸夠辣 又大碗雲吞麵就得雲吞好食大粒又多餡湯就奶白色 但無乜味 都係靠雪菜吊味其實應該叫淨雲吞😂凍豆漿夏天去君戶係必點超解渴 豆味濃又滑呢度d侍應同以前大圍比就好似唔憂做咁成日唔見人客人入座隔左排唔識主動落單落完單又落錯單😂😂不過呢度係幾好坐地方寬敞 枱同枱之間隔得遠人又唔多 環境係幾舒適

鍋貼外餃離嫩，每一個鍋貼第一啖都會爆汁，煎得岩好，餡料多汁美味。鹹豆漿未試過鹹既豆漿，一下吸引我注意，一探究竟，入面有雜菜粒， 仲有炸兩，飲落去完全唔係豆漿既感覺，好似湯汁，唔會好鹹，可能飲慣豆漿係甜，感覺鹹既麻麻。生煎牛肉包，生煎豬肉包皮厚，入面d餡肉閒一dd！咬一大啖都食唔到餡，我知道唔唔好多，但係冇諗過係咁少！大失望！認真，專做鍋貼就好。

今日去理工大學，所以經過呢一間餐廳喺地下見佢開得咁夜，於是我哋9:00就過嚟呢間餐廳度諗住食個宵夜，今日我同朋友兩個，叫咗一個牛肉生煎包，我覺得出奇地都唔錯因為佢熱辣辣裏面啲牛肉餡都比較多，當然呢個價錢就唔會有牛肉汁流出來，但係佢煎得都幾香，口感唔錯，幾好味，令我嗌咗個煎餃，幾好味，裏面啲餡都好多我哋嗌咗5個$19超級抵.仲好飽肚.令我哋嗌咗碟生菜.老實碟生菜就麻麻哋，因為覺得啲菜好似擺咗好耐，咁不過如果健康就先至會叫，但係唔係咁好食，另外我哋嗌咗個粢飯好出色裏面又多料油炸鬼，都好脆，出面啲糯米，都好軟熟好熱，我覺得呢個價錢嚟講幾唔錯，最尾我哋叫咗個吉列炸豬扒同炸魚餅都幾好味，熱辣辣，我覺得呢餐飯都幾有誠意，因為佢個價錢真係好平好平，如果你話食宵夜嚟講都真係值得推介嘅餐廳😇😇😇

君戶-尖沙咀經常都會經過呢間君戶餐廳，今次就買黎試下。餐廳位於紅磡前往尖東方向的天橋出口，位置很方便，大約等左10分鐘就有得拎。招牌酸辣麵 $39酸辣麵有酸辣湯加湯麵，非常抵食。酸辣味道適中，不會過酸或過辣，酸辣湯都很足料木耳豬肚豬皮絲都很多，大大增加口感。湯麵口質都很彈牙，麵條很掛湯，整體性價比非常高招牌鮮肉鍋貼（5隻）$17叫得鍋貼大王，當然都要叫返幾隻試吓。店員在大鐵煎鍋中㷫住，所以都熱辣辣。鍋貼底部不算非常香脆，但肉餡非常多汁，味道都濃郁，值得一試

今日又想食粥,不過係尖東真係要行好遠先搵到生滾粥,粗粗地去君戶鍋貼大王食住即熟粥先,錦嚟到鍋貼大王梗係食埋招牌鍋貼啦~環境快餐檔格局 好多張小圓台 一張台兩個人加塊膠版食物方面皮蛋瘦肉粥 $26即熟粥同粥舖生滾粥比就梗係有啲距離，不過想清清哋食碗粥都算唔錯生煎鮮肉鍋貼 $17 5隻生煎鮮肉鍋貼就招牌菜黎,必點~鍋貼入面有麻油香味,煎得個底夠脆肉質食落都好香口,請睇肉汁有幾多!君戶鍋貼大王地址 :尖沙咀加連威老道100號港晶中心地下48-50號舖電話號碼:26187668記得比個LIKE同分享 有咩想同我地分享就DM我地啦~#濠愛美食 #hkfood #Hkfoodblog #Food #food blog #香港美食 #香港美食指南 #相機食先 #尖沙咀美食 #午餐 #午市套餐 #性價比 #上班一族恩物  #君戶鍋貼大王 #皮蛋瘦肉粥 #生煎鮮肉鍋貼 #即熟粥 

42元一碗炸豬扒雞翼清湯上海幼麵。1塊炸豬扒+2隻炸雞翼分開上，碗麵裡面仲要有少量椰菜，上菜速度好快，現炸蘇脆。對一個女性的午餐黎講個量有d多。真係放午飯既佳選。

番學嘅早餐係黏飯有驚過食完會胃痛好彩最後冇胃痛🥰.佢個黏飯好大份我食剩左1/4個 之後先食番因為太大了….邊會食得曬呀🤣🤣朝頭早好難食咁大舊飯落肚加竹…😂😂😂裡面有肉鬆 油炸鬼 仲有 榨菜加埋一齊幾香但都係果句 太大份咁大份 飯到中午唔洗點食野😂😂😂可唔可以平少少又細份番少少咁就perfect啦😂😂同埋佢唔會話好油 呢一點我係幾欣賞嘅🥺之前食過有啲黏飯 非常油張保鮮紙係搞到人地掂都唔想掂到😂😂😂呢間ok啦

去睇張敬軒演唱會之前梗係要醫飽個肚啦，近近地就揀咗尖沙咀嘅君戶鍋貼大王啦！今次就嗌咗鍋貼五件同埋炸豬扒配菜飯，加一杯豆漿❤️鍋貼🥟🥟（$17）個底脆脆地，非常嫩口！五件都係$17，真係好抵食炸豬扒配菜飯🍚🐷（$43）豬扒炸漿唔會太厚鬆鬆脆脆，仲要斬埋件添，味道仲要調得啱啱好，菜飯有少少味，鹹鹹地，我覺得幾好食！豆漿（$12）黃豆味濃但係有啲甜，下次可能會叫另外一啲嘢飲🙈總括嚟講，我食飽啦而家去睇演唱會啊！！！❤️❤️

鍋貼很糟糕，皮厚不好吃，又多油，味道不好湯餃以為好少少，但太腍，啲餃皮散晒，湯底又唔得同事食擔擔麵更差，腍到散晒，好似糊仔咁，夾都夾唔起痴飯好少少 但成間舖咁嘅質素 我都唔會再食

呢間鋪頭係尖東噴水池m記斜對面，紅磡站過黎嘅話，一落天橋就係！鋪頭主要食中式鍋物，如果叫咗飯麵類，就可以加$9-16去加配食物。加$16有2隻鍋貼＋豆漿/汽水都幾抵😁鍋貼單叫1隻$3.5，5隻$15豆沙鍋餅($29)熱騰騰，紅豆充裕😍不過格局係茶餐廳咁，全部椅都無得挨，要留意🤝