君日餐廳 (幸福商場)

营业中

休息中

今日嚟咗長沙灣試第二間茶記，位於幸福商場一樓，午市時間過去都幾多人，仲要同人搭枱😣嗌咗個全日套餐係蒜蓉汁焗豬頸肉飯。飯底都唔算炒底🙂‍↕️，只係有啲白飯撈住啲蛋，蒜蓉汁幾惹味，豬頸肉亦都煮得啱啱好👍。整體嚟講算係正常水平，冇特別好食唔好食。跟餐再加$3嗌咗杯凍華田都係不過不失。總括嚟講，價錢食物質素都係中規中矩，份量都係中等，上菜速度算快，適合想要快速用餐的顧客。值得一試但未必會特地專程前往。🤔

幫襯過好多次，原因係價錢唔算貴亦唔算平，價錢水準都係中規中矩，所以無大要求既時候會選擇食佢，不過其實價錢近年加得好快，而食物質素亦越黎越差，份量越黎越少之餘啲野食越黎越咸，但係知道本身對街坊茶餐廳唔可以有大要求，但最終令我忍無可忍就係老闆娘表現越黎越無禮貌，說話態度差都不得了，落左2個餐，之後講2個餐包唔要牛油，一句串埋黎：下次要落單個時講架！其實當時就係落緊單，只係可能佢自己係系統分開入單，最令我嬲就一直以黎同其他員工咁樣落單又無問題，擺明似住自己係老闆娘，想串客而串客而且有時明明有枱，好多時入去門口都無人問幾多位同帶位，但係有時老闆娘心情唔好就會無啦啦玩野，明明有枱都會行埋黎，要求啲客出返去門口等位，佢就行黎行去，俾下其他人打尖，要啲到先既客係門口企一陣先，然後再帶返個客去人地原本想去果個位之前見過有疑似合夥人黎食野，就即刻扮友誼，係咁笑，對客講野都超有禮貌，真係好假，呢啲餐廳，永遠唔會再幫襯，請佢清楚一樣野，客人唔係佢發洩情緒同玩弄既對象

要少甜飲品 岀左杯全甜同職員講 之後個職員話少甜等於全甜問我點解唔叫走甜 你自己飲唔到甜 個職員話會跟進之後等咗好耐都無理我之後搵咗第二個職員，佢攞咗杯檸檬茶話會換俾我之後等咗一排，第三個職員過嚟攞返同一杯嘅檸檬茶 話少甜 望住佢攞返同一杯尼。。。 失望

早幾日同朋友去咗幫襯幸福商場入邊嘅君日餐廳，餐廳喺商場一樓嘅位置，下午茶時段嚟講比想像中更少人，基本上座位任君選擇。小弟叫咗一個肉燥雞扒飯加杯熱菜蜜。個雞扒飯上到嚟之後，試咗一啖肉燥，覺得味道比坊間其他餐廳淡咗好多，同埋好似少咗一份本身應有嘅香味。至於雞扒味道方面不過不失，分量方面幾大塊，至於白飯正正常常冇乜特別嘢。熱菜蜜比想像中濃郁餐廳名稱：君日餐廳餐廳地址：長沙灣幸祥街8號幸福商場一樓108號舖

今日去西九上庭, 發現有間特式茶餐廳, 光猛第一次去各方面都可以,沙嗲牛醬好濃縮牛肉好林, 凍檸茶炒滑蛋岩岩好  好易八 麵條唔錯, 有服務,價錢合理仲有免費泊車, 會再來, 

今午去咗一間位於幸福商場內的君日餐廳食午餐。 今次我點咗梅菜蒸肉餅飯套餐，包括節瓜章魚豬骨湯及餐飲，這梅菜蒸肉餅有口感，味道調得不錯呀，可是，個中湯就唔熱及無味道，或許只可當水飲用，至於飯？也是凍凍的，我不禁要問，是否茶記的例湯及飯就不需要有要求呢？ 最後，餐飲我選擇一杯即磨咖啡，入口都幾好，不過，或許餐廳部咖啡機都係幾好呀！哈哈。

係呢邊上堂，因為唔熟呢頭，諗住簡單搵個位坐低食個午餐。見呢間餐廳門口正正常常，同同學一齊入去食。不過被調配到一張4人枱，但要同人隔塊板，坐得好唔舒服，因為有好多人出出入入，快手食完走算。咁食飯好有壓迫感……疫情無計啦…叫左個蘑菇汁雞扒意粉，不過等左15分鐘未到，搵左經理，經理好搞笑話仲有1分鐘就到，我以為佢講笑啦，點知過左20秒就到👍🏻個汁係雞扒上面，意粉無汁，所以要自己將個意粉搬過去搵啲汁🥲不過佢杯熱可力好好飲👍🏻沖得唔錯！

芝士鮮茄焗豬扒飯＄５１淋面的芝士夠多，焦香撲鼻，茄汁不會太稀太稠，甜酸度適中，而且足料，有芹菜／蕃茄／菇最重要主角豬扒，有肉味，嫩滑不嚡，而且還有點彈性先煎炸後焗，因此豬扒的邊位也有香脆口感，但不油膩厚度適中，係高質豬扒的口感美中不足，豬扒份量較少醬汁沒有平均淋在面，而且後段時間也覺得醬汁太多，以至飯有點兒濕如果醬汁內有埋洋蔥會令配料更香更豐富另外，不知是否茶餐廳通病，焗得也不夠熱，但比上次吃皇后冰室好得，起碼不是冷飯。另外友點了雞煲，夠鑊氣，雞入味，且嫩滑，只是偏鹹。差不多１年多沒吃君日，對上一次吃對其出品絕對失望，但今次的確，令我及友人對她重新評估。

唔使5分鐘就羅到飯,結果返到屋企,全部都係凍既...得杯野飲係熱既姐...打電話投訴居然話外賣係咁架啦,個經理介戲皮笑臉,一D都唔覺得係問題,咁既態度下次唔會再幫襯

臨食晏前腦細先返黎叫叫叫搞到遲左出去食飯，中午放飯時間多人又趕住返去，近近地係附近食個茶記算，哩間餐廳翻新後都黎過一兩次，都覺得比以前好左，因為餐牌改過下，多左好多款，午餐套餐每日有不同既款，最得意係有西式有中式，而中西式都會出孖寶餐，孖寶既意思係其中兩款中式/西式夾埋為一個餐，價錢多幾蚊但可以試到兩個餸，感覺上好似開心啲。今次我見到有個中式好想食，沙薑鹽焗汁鷄脾紅腸飯，碟飯上台時我&我同事同時間都O左個嘴(黑人問號走晒出黎)雞脾一整隻都唔差嫁，但紅腸。。。一塊，我地以為啲飯蓋住左，翻下。。無喎，我地見隔離台叫左同款既上台時都係得一塊紅腸，最後我地自己傾緊哩個疑問時，有個店員行過講左句，岩喇。係得一塊。。。。。。我地都無野好講，只係覺得不如你唔好寫有紅腸，係寫左紅腸係其中一個餸既時侯，我會覺得最少都有兩至三塊，得一塊重要係薄片。。。。下次唔會再叫哩個

今朝路過這間茶餐廳，想試試其輕盈營養早餐，我選擇了很普通的火腿腸仔煎雙蛋連蒜香油多，可是無論賣相及味道都未及一般茶餐廳標準，真是有點可惜，我所指的不及標準是其多士不脆不香，香腸火腿冇味，而雙蛋橫樹堆方。結論是用餐環境好好，但是食物普通就可惜了。我希望他們不要輕看普通的餐，因為很多食家試菜都是選擇白飯及蒸魚等。

今日帶個女去長沙灣踢 nike five,當然要瞓晏啲跟住食個早午餐, 泊好車都成十二點， 就去最近嘅幸福商場食嘢， 商場好似得三間食店， 我上咗一樓門口大同光猛嘅君日餐廳。環境唔錯食物種類都好多 亦都好似好吸引我落單之後唔使十秒就即刻上， 雖然系茶餐廳唔使快到咁 擺明就係不出嚟 賣相都係唔錯㗎， 一放入口 ，難食到一個點， 先講個沙爹牛肉公仔麵， 凍冰冰面淋。 牛肉就係鞋颯颯諗住個蛋包飯有驚喜， 側邊嘅鰻魚係聲嘅， 豬頸肉係硬嘅同乾， 究竟我食過啲咩呢？ 我真係食咗兩啖就放低咗樓面雖然多，但係態度真係好差， 落單要講幾次。

星期日朝早起身十一點左右 想食個早餐 但連鎖餐廳都無哂 咁就試下呢間茶記 見佢啲圖幾靚就要左個鮑片蘑菇腸公仔麵 加奄列牛油多 凍OT加3蚊 總共46 個鮑片得個咸味 以為食緊咸膠咁 係啲麵ok 但麵就少左啲 個多士好啲 多士夠牛油 幾入味 奄列一般咁就收46 性價比差啲 如果30左右就合理得多

實習公司係長沙灣附近，有時夜晚返去會路過幸福商場就會去君日餐廳，尼一個商場既下午茶一般都係去到6點半（除左大家樂）但尼一間君日特別多野簡，所以習慣性既去尼一間我keep住幾次都簡左焗意粉，真係好惹味葡式豬扒焗意粉：好似食緊一個鹹的蛋撻，尼個就ok，不過芝士就好滿足沙爹豬扒焗意粉：尼個超級好味！沙爹濃味，加上焗芝士，我真係停不下來😍我估尼一碟卡路里1000咁上下，平時我都控制得很嚴格，但每次去君日，都會叫尼個！爆卡路里都無計，真係忍唔到囉總之實習期間去左幾次，印象幾好，係比較傳統香港茶餐廳，服務ok囉實習完左啦，唔知下次幾時再去長沙灣啦，不過君日都算係一個回憶吧

在附近上堂，諗住找個清靜點的地方食個快午餐，點知中伏了午餐: 咖啡牛肉飯……薯仔竟然是生的，超爽口收銀阿姐超惡死，是有點誤會，佢竟然番轉頭再話多你幾句。。。反而送外賣的阿伯很有禮貌👍👍