君臨宴會廳

营业中

休息中

是晚一行12人，來到君臨宴會廳，來一場聚舊飯局 。是晚共有11道菜，以下是我覺得不錯的菜式：其中我最愛「富貴黑松露蛋白黃帝蝦球」，黑松露與蝦出奇地夾，更能突顯蝦的味道，炒蛋滑捋捋，很想要多碟，好好味。醬皇翡翠瑚桂花蚌，珊瑚蚌比預期中帶點辣，也咸了點，而桂花蚌爽脆好味，不錯！准杞北奇螺頭燉鱷魚湯，螺切了薄片，味道鮮甜入味，看「湯渣」就知用料十足！龍躉用了兩味，這碟較清，厚切魚塊，無骨方便好咬口，茄子切得薄薄好刀工！至於干逼龍躉頭腩，這個比之前更濃味，魚塊偏咸，而枝竹也很入味，送飯應該一流XD由於之前已吃了許多，開始飽飽了，荷葉飯一隻一隻上，清清的荷葉香，小小飯剛好！鑑香煎韭菜盒，皮薄多汁，在圍菜中較少見到。 

本身公司聯歡晚宴都唔係揀呢一間, 但老細諗住今年搞搞新意, 試下呢間野...每圍3680蚊唔緊要, 但點知服務差到, 食物又唔係好得去邊...首先講食物...燒味唔靚, 可以原諒,但係一個"黃金香酥大明蝦",其實只係蝦多士...真係俾佢吹漲...明明係乾炒伊麵,點解碟底D水, 好似湯麵咁仲有臘味糯米飯, 乾到好似隔左夜咁...紅豆沙d湯圓, 硬到成粒石咁樣, 不如索性改名叫做"紅寶石"啦.不過, 好在條大海斑夠好食, 總算係食著豆.之後講服務啦...明明係晚宴, 應該慢慢上菜, 一路食一路傾,點知佢地上菜的速度, 仲快過上茶記.我不如去茶餐廳搞聯歡晚宴啦...我認真考慮過, 應唔應該幫佢地在晚宴上的上菜速度, 申請上健力士世界紀錄.好客氣咁叫佢地可唔可以上菜上慢d, 佢地當耳邊風.連我同事都忍唔住大鬧: 依家好趕咩 係咁問d送"仲有冇人要"同"駛唔駛拎走"其實呢...以事論事啦...如果係平時飲茶的話, 呢度唔錯o既,但今次晚宴的食物及服務質素...以上都講哂啦...希望佢地會改進啦!

星期日，一家人到君臨飲茶，侍應服務一般。蝦餃--皮薄，蝦肉算爽口。山竹牛肉--一個字"差"。豉汁鳳爪--好入味。炸兩--油炸鬼"冧"，腸粉皮凍左小小。燒賣--燒賣面埔上蝦肉，好味。酸菜牛坑腩米線一窩+魚湯浸腐竹時菜($78)--牛腩夠冧酸辣米線好好味，魚湯浸腐竹時菜:魚湯加腐竹，好夾，清甜好味。生炒牛肉飯--夠味，飯炒得好乾身。芒果布甸+蕃薯糖水--特價甜品($4.8)，蕃薯糖水太甜，好多蕃薯。芒果布甸一般。埋單:$348

但價錢都係 今日補完習9點就同男朋友去打邊爐 諗住9點後平好多啦 可能叫得太多所以好貴 貴過任食果d好多肥牛好新鮮 好靚 牛香未夠 但肥美度很好 蝦鮮甜爽口又平 18蚊鯇魚拼鱔片肉質好鞋又無魚味 肥鵝腸肥得黎比較粉蟹籽丸唔會流出黎生根好難食好大陣油味炸魚皮好香好脆好好食!! 牛同蝦都夠新鮮 比上次食好得多 但仲係要改善

尋晚舊同事食飯，去左泓景臺商場既君臨海鮮酒家食飯，點知食到一肚氣。食物其實就無咩特別，唔可以話好好食，不過不失。最唔掂既其實係佢既服務，簡直係九流。我地叫左全包宴，都係例牌第一道係乳豬，不過隻乳豬肥到其實一d肉都無，只係得皮同肥膏...好多人都無夾而剩返好多，伙計阿 姐係咁問有冇人要，咁我地咪話好肥唔要啦，點知阿姐好似借左聾耳陳隻耳咁，係咁分曬俾人，結果有個同事頂唔住要喝止佢…之後有發菜瑤柱生菜，不過瑤柱就好咸。其他的菜好似炸子雞，蒸魚都正路，不過最後既炆伊麵就又細又無色水，同阿姐講佢竟然話炆係咁架啦....今次最唔滿意其實係佢地服務既態度，我聽早黎既同事講返佢地打左幾圈麻將都無人黎加茶﹐同伙計講佢地竟然答無水，真係咁都得?!另外我地眾同事最睇唔過眼既就係d伙計好似以熟賣熟，係咁入黎我地間房問我地 訂枱個位舊同事(曾經係熟客)問佢要利是?!! 仲要已經係過曬十五喎! 尾聲時個位訂枱既同事飲多左酒，個部長(?)又入黎借頭借路又想問佢要利是! 同埋我地望到佢係咁猴住個同事褲袋袋住既一疊利是添!!!仲有一樣想講就係呢間野衛生好麻麻，玻璃杯有野黐係上面，d show plate 仲要係油油地同

星期六無咩好做，就同屋企人去左飲啖茶，食個包。雞球大包間老字號雖然摺左，但係聽老友講呢間酒樓都有雞球大包食，味道唔差，叫我去試下咁話。咁岩我果日開車返工既時候又聽到收音機講呢間酒樓有一個招牌菜叫唔知咩咩骨，之前食評又唔差，咁我就去試下啦。詳情唔講太多啦，都係落單，食野，埋單。只可以講，佢果個奇脆拔絲骨真係整得幾好食。仲要係即刻整既，唔係係咪因為飲茶時段叫小菜所以即整呢!食品方面就講詳細少少啦，個拔絲骨聽個名就似"食神"入面果個拔絲寫既字咁，外皮係有層糖膠，因為薄薄一層，咬落會感到好脆，但係裡面既肉係軟既豬肉，簡直有冰火既感覺，哈哈。但係雞球大包就冇食啦，姐姐仔話唔係成日有，所以下次都係撞彩囉。其他點心不過不失，但講到點心數量，有兩張雙面既點心紙既點心款可以點，仲想點??整體，食品中上，推介奇脆拔絲骨賣相中上，上菜個碟度，條邊唔會有好多汁，算整齊服務有上調空間，評間間酒樓都係咁上下，係咪所有酒樓既樓面都係好似面黑黑咁樣既呢??要同佢講下笑至有表情回覆。裝修可以接受。唔係好豪華果種，但係感覺舒服既。備註: (新發現)睇過餐牌，夜晚除左有小菜，仲有得打邊爐架

上次做冬吃不到這間君臨，唔忿氣，今次跟同事再來飲茶。果然，若不是做節的話，呢度並不是咁多客人的，大把位任揀。韭菜豬紅是老總的至愛，可惜這碟出品很不濟，吃落是凍的，在下面的就好少少。但豬紅不香，韭菜有渣，已經可以形容。要了叉燒腸粉，又是不夠熱，腸粉皮厚得很，當然唔會滑，叉燒也很一般；另點一籠包，有三款，分別是叉燒飽、雞飽仔和流沙飽。我沒有吃，但看得出流沙飽是沒有流心，據報叉燒飽都唔好食。一籠蒸點，四隻，兩隻蝦餃兩件粉果。我吃了一隻蝦餃，是絕對的皮厚，勁黏筷子，蝦肉不爽，又是皮肉分離，是最好的反面教材。腊味蒸飯，並不是用糯米飯，只是白飯，還有些生米，明顯是下水不均勻所致。腊肉沒有肥瘦相間，瘦的部份硬得咬不開；潤腸亦算不上甘香，是腊腸比較好一點。唔記得點左腊味蒸飯，又走去劃一個腊腸卷。這裡的腊腸卷其實是鴛鴦，即一條是腊腸，另一是潤腸。承包了潤腸的那條，大致可接受，起碼是熱的，皮軟熟，潤腸雖不甘香，也不會太難吃。這類酒樓，試過便算，不用返兜了。

果日拆禮物日同屋企一大班人去左呢間君臨食晚飯，我都係第一次去咋，個場都好大下喎，d裝修算好正常，有少少簡單既裝飾囉。呢間君臨都係因為我聽左收音機講話佢地既招牌菜係拔絲骨，仲要係食神xx戰既作品喎，當然要試下佢啦，咁其他野又叫左扒豆苗，成家咁多人梗係叫一隻燒鵝啦，仲蒸左條大魚，仲有白灼蝦。睇返餐牌至見到個名菜係叫奇脆拔絲骨，又試下有幾奇趣先。佢個樣有少少似咕嚕肉架喎，但係冇咁深色。放入口佢唔會好熱，但係咬入去肉果度係熱架，仲有d肉汁響口入面浪浪下架，我估係因為佢先炸好，外面再有凍冰冰既糖衣包住，所以個口感係咁奇趣囉。好啦，到扒豆苗啦，不過不失啦，其實都好難炒得難食既，不過份量好足囉，唔知係咪我對d部長有禮貌呢，哈哈。到重頭戲啦，係隻燒鵝呀，呢個係最遲上菜架，部長話唔係整定架，所以會耐少少，不過佢上菜既時候又真係見到隻鵝係出晒煙個喎，食落好脆架d皮，我爸爸都話，原來唔止深井有現燒鵝食，君臨都有咁話，哈哈。條魚因為我唔食魚既，所以我唔知，不過屋企人都話唔差。總結成餐飯係正既，下次我都會黎呢度試埋其他好野Sorry，因為果日冇帶相機，所以冇映到相，但係我係專登上黎留個好comment俾佢架。

食過幾次飯同飲茶, 都覺得ok, 打過邊爐都唔錯, 但係一次就定生死!!!佢地自稱出名係燒鵝, 我食晚飯的時候都食過幾次, 都好好食, 有一次就買半隻燒鵝外賣點知返到屋企發現係燒鴨, 收咗$128-因為已經係夜晚, 所以無落去理論第2日就落去酒樓, 個經理第一句就話無可能...燒鴨同燒鵝的size 都唔同, 而且頭上面都無髻, 一定唔係燒鵝...個經理居然話：隻燒鵝個size 細d我地無辦法, 態度仲要好差.我知道無實物拎住同佢講係無得講, 但係如果唔係比錯我, 我又點會專登第2日去同佢地講番? 好得閒咩!!! 咁唔老實, 我以後都唔會再幫襯呢間酒樓!!! 過去隔離的裕x人家, 環境服務食物質素都好好多!!!

由於我同牙妹遲到既關係..所以唔知叫左幾多樣我地一家7個人去食..食左$194..未夠$200唔俾簽卡次次我地去e間..佢d態度已經唔係好好..但係為左就bb..所以次次都會簡d近近地既炸魷魚so...炸得好香脆..不過唔夠咸蘿蔔糕...好散..好油..一入口已經一口油炸雲吞...配埋個汁都唔錯咸水角...都ok牙..不過d料小左d ja個腐皮卷..好好味..吸曬d汁..蝦餃...唔及潮篇既好我地叫左一桌都係野...但係食完都冇人汁..咪好好禮貌咁叫個人黎幫我收收d野囉...點知佢唔好態度之餘..仲要扮聽唔到囉..搞到我叫左2次整體黎講...服務態度差..食物水準一般

係荔枝角返工, 平時飲茶多數去富臨, 主要係因為近.今日一行10人去左君臨飲茶, 原來發現係昇悅居商場裡面加建左一條路可以直達泓景台, 比之前近好多.同事一早book好住, 十個人坐係角位, 酒樓樓底比較高, 所以無富臨咁嘈, 但冷氣唔係好夠, 雖然未之於熱, 但唔夠涼.食物方法, 相信唔係即叫即蒸, 但食物熱度都可以接受, 而且味道幾好, 款式亦多. 蠔油炆雞腳, 炸雲吞, 七彩帶子腸粉水準唔錯. 價錢相信會比富臨平少少(因為呀頭比錢, 所以唔知幾錢), 相信以後再食既機會都好大.

03-05-08 Sat Dinner跟親友預早慶祝母親節, 以為可以便宜一點但酒家也預早提供母親節套餐, 可謂相當'識做'點了'春暉宴'a) 五福臨門大拼盆b) 籠仔杞子蒸海蝦c) 翡翠花姿珊瑚d) 香芒海鮮卷e) 楊州一品翅f) 金錢扣花膠筒g) 清蒸海杉斑 (如杉斑轉星斑只須加$300)h) 君臨脆燒雞i) 鮮蝦荷葉飯j) 千歲蟠桃一打k) 精美凍糕點店內包茶芥及酸菜(另收加一服務費)敬送汽水啤酒共六罐/健康飲品兩渣 十二位用$2680另點了兩支藍妹$23 x 2 = $46加一, total $299913 人Average = $230a) 五福臨門大拼盆乳豬+燒鴨+海蜇+雞+叉燒乳豬脆皮, 其餘的都做得幾好b) 籠仔杞子蒸海蝦蝦比較細小, 肉不算彈牙, 感覺不是太新鮮c) 翡翠花姿珊瑚西蘭花花姿片珊瑚蚌很爽口, 是一種新鮮的味道d) 香芒海鮮卷外面炸得金黃香脆, 內裡是暖中帶涼的芒果, 海鮮和沙律醬, 一點也不覺得油膩e) 楊州一品翅雖然明知是假翅, 都不要緊了. 不過如果濃一點會好一些f) 金錢扣花膠筒很大塊的菇和花膠, 但花膠感覺上膠質不太夠. g) 清蒸海杉斑海杉斑肉

公司常在這裡攪大食生日會, 這裡的香橙蜜味炸雞翼非常惹味及香口..而次選是煎釀茄子,獻汁亦非常好味, 逢去必食, 無得頂,簡直無法低播, 唸起都想食, 哈哈

Comfortable and spacious environment,delicious dim sumafternoon tea - price reasonablespecial cold dessert