君蘭麵包廠

营业中

休息中

呢日去開尖沙咀K11 Art Mall，途經B2/F 見到新開左嘅 "君蘭麵包廠"，因之前係銅鑼灣分店都買過君蘭嘅麵包覺得好食，咁啱有梗係要試吓啦！店舖內有好多新產品推出，有懷舊嘅忌廉筒，爆餡嘅大牛角酥，以及傳統舊式麵包舖嘅曲奇等等，單睇已經好吸引啦！煙肉薯仔筒     $10忌廉筒除左原味外，另外仲有6款口味，包括 : 黑松露雞蛋、菠蘿、開心果、紫薯、煙肉及士多啤梨。今次就揀煙肉味，外脆內軟，餡料滿滿，鹹香煙肉味同薯仔好夾，原來鹹食都一樣咁好味。開心果大牛角酥     $28大牛角酥有5款口味 : 柚子、開心果、黑芝麻、提拉米蘇及法式牛角酥。開心果陣陣香味散發出來，裡面超多料，少少甜，外層酥脆，口感鬆軟，大大個都幾飽肚。雞仔餅      $22懷舊小食嘅雞仔餅，口味特別，入口有南乳同豬肉香，鹹中帶甜，又脆又煙韌，好滋味。自夾鬆脆懷舊曲奇     $20現場設有可以自助夾曲奇同磅重，鍾意幾多就夾幾多，輕鬆自在。曲奇有7款唔同味道，當中我最鍾意朱古力醬曲奇，朱古力味道濃郁，香脆可口，係夏天配搭一杯奶昔一流。金星星撻     $18離遠已經見到星星系列，有好多款口味選擇，造型好靚。原味金星

今日專登黎到K11搵君蘭見到咩都想食，班蘭蛋糕、瑞士卷、蛋撻、曲奇，有菠蘿嘅菠蘿包樣樣都想食。最後，選擇咗買四送一嘅蛋撻同曲奇。蛋撻份量十足，每一個都很重手。而曲奇餅更可以續塊買，真正可以試過至買。回到家而急不及待將蛋撻放入焗爐加熱，未食已經聞到蛋撻嘅香味。黑松露雞蛋千層酥皮撻：第一啖已食到很香嘅黑松露味，原來黑松露鋪在最下面一層，由上到下一口咬落去，好厚嘅蛋，好香嘅黑松露充滿在口裏法式千層布甸酥皮撻（金星星）：味道有點似葡撻，厚厚嘅雞蛋不會過甜，一口咬落去真係十分之滿足。而蛋撻的酥皮不會油淋淋但仍很鬆脆。曲奇今次只買了兩個味道，港式鹹蛋黃肉鬆曲奇和港式花生曲奇。花生曲奇口感有點似合桃酥，質地比較實但仍保留花生嘅香味。鹹蛋黃肉鬆曲奇很鬆化，味道完全符合曲奇嘅名稱，一口食落去已食到鹹蛋黃同肉鬆嘅味道還有竹炭千層酥皮撻（黑星星）還未食。但今天試了這四款食物已令我想急不及待同大家分享我嘅食評。下次一定會再試更多款式P.S 全自費

改良版忌廉筒-君蘭麵包廠懷舊忌廉筒唔係周圍都有，見到君蘭出左，即刻去試下😊佢有5款口味，原味/開心果/紫薯/菠蘿/士多啤梨🍓除咗原味/開心果，其他味都特別🙃唔知好無食😅最後試左，原味/開心果/紫薯/菠蘿，一食落係脆口，感覺比較似蝴蝶酥😅同快樂餅點有d唔同，都有開心果味，而菠蘿同紫薯實在太新穎，感覺唔太match😅如果有朱古力/榛子口味，應該唔錯😗

開心果忌廉筒記得好幾年前喺youtube睇過呢個舊式麵包，一直都好想試！估唔到呢度都有，仲有近期好hit嘅開心果味，係懷舊同新式嘅mix and match😬 忌廉筒好酥脆，內裏嘅開心果忌廉味道濃郁之餘唔會太甜👍🏻真波蘿包 第一次食真係有菠蘿嘅菠蘿包😆估唔到又ok喎，菠蘿包外皮酥脆，菠蘿中酸酸甜甜又多汁，中和咗菠蘿包嘅甜，食落幾fresh芝麻麻糬菠蘿包 芝麻味道濃郁，麻糬好軟身，一咬落去會拉絲😻搭配酥脆嘅菠蘿包外皮令成個口感、層次更豐富tiramisu牛角包 呢個牛角包同之前喺銅鑼灣分店買嘅唔同，size超級大個，原本以為佢只係tiramisu味嘅牛角包，估唔到一咬落去爆曬餡，好似真係將tiramisu塞左入去咁😋

好少可會買到凍晒嘅蛋撻，基本上其他餅店（蛋X王、茶餐廳）買嘅都係熱/暖，第一次見餅店唔係keep住暖賣俾人😑😑 仲要係凍冰冰好似放咗好耐，keep住啲撻暖都唔係咁難啫😣

行經K11就比呢間顏色非常吸引又大間嘅麵包店吸引，佢好有外國麵包店feel但估唔到佢買嘅包點亦都係有傳統，西式同新式麵包，仲有啲特別款式同口味。今次揀咗芝士腸仔包，雞批，斑蘭蛋糕，流心朱古力鬆餅同朱古力牛角包斑蘭蛋糕非常清香，味道濃郁撲鼻；流心朱古力鬆餅酥香加埋朱古力醬，邪惡好食；扁身朱古力牛角包，食落特別香脆；雞批餡料滿滿！佢店內仲有舊式忌廉筒，雜錦曲奇，同巨大版嘅牛角酥，入面充滿香滑忌廉，真係全部都好吸引！

🍞 君蘭麵包廠 - K11藝術館 🍞呢一間位於K11藝術館嘅君蘭麵包廠係一間非常務實嘅麵包店。雖然唔會有過多花巧嘅蛋糕，但係你會發現好多創新同創意嘅美食、麵包、甜點同烘焙產品。✨ 推薦產品：- 懷舊忌廉桶：非常有新意，懷舊同時又帶有創新嘅風味。- 自助夾曲奇：自己動手夾曲奇，非常有趣！- 星星蛋撻：形狀可愛嘅蛋撻，味道香濃。- 班蘭蛋糕：我嘅最愛，香氣四溢，口感柔軟。- 日式芝士蛋糕：濃郁嘅芝士味道，入口即化。- 雞仔餅、老婆餅、曲奇餅**：一包裝方便攜帶，味道美味。🍞 各款麵包：款式繁多，絕對滿足你嘅味蕾！呢一間係九龍區裏面嘅第一分店，質素非常高，絕對值得一試！📍 地址：尖沙咀河內道18號K11購物藝術館B2樓B224號舖🚇 港鐵：尖沙咀/尖東站N4出口#君蘭麵包廠 #K11藝術館 #尖沙咀美食 #班蘭蛋糕 #日式芝士蛋糕 #懷舊忌廉桶 #自助夾曲奇 #雞仔餅 #老婆餅 #曲奇餅 #星星蛋撻 #九龍區美食 #麵包店 #香港美食快啲嚟試下呢間高質素嘅麵包店，絕對唔會令你失望！🍞🥐😊@orchidpadaria

同媽咪喺K11行街經過呢間君蘭麵包廠，見到佢哋麵包多咗好多款，仲有唔同嘅中式糕餅，懷舊小食，同埋曲奇餅⋯佢就比個咸蛋黃老婆餅，同埋光酥餅吸引咗😆2款都好食！冇失望！我自己就對佢嘅曲奇有啲興趣，見到佢有自助夾曲奇餅，就自己夾咗幾塊，再要咗一樽咖啡曲奇餅🍪好有驚喜！曲奇餅嘅質地非常好，有香脆口感之餘亦都非常鬆軟，有驚喜！我哋仲買咗個荔枝蜜桃麵包做早餐，隔咗一晚先食，口感依然好鬆軟👍🏻值得一試啊

店舖的麵包和蛋糕選擇都有很多款，不少款式都是結合了懷舊再加入近年流行的元素，而製作出來，所以不論是造型和賣相都是重新包裝。🌟 懷舊港式忌廉筒（每款忌廉筒都是新鮮製造，店員建議即日食用。）✨ 開心果忌廉筒（$15），這個價錢一嚐開心果產品，絕對是開心價。酥皮做得好有層次，脆脆的口感，釀入了流心濃滑的開心果醬，每一口都令人回味無窮。💚🍦✨ 紫薯忌廉筒（$10），近年的紫薯產品都成為大熱之選，紫薯的味相對開心果和菠蘿無咁甜，紫薯醬較為濃稠、入口綿密，食落有少少似沖繩的名物手信。🍠🍦✨ 菠蘿忌廉筒（$10），這款口味的忌廉加了菠蘿果醬，味道會比較甜少少，食落都幾醒神。🍍🍦✨ 這店的特色曲奇真係好平($20/100g)，曲奇都是每天新鮮出爐，仲可以自助夾，口味自由配。基本口味有5款（港式朱古力醬曲奇、港式花生曲奇、港式士多啤梨果醬曲奇、港式鹹蛋肉鬆曲奇、港式提子乾曲奇），這些港式曲奇口味都會在不少比較傳統的舊式餅店會見到。另外，還有期間限定的萬聖節特別款牛油曲奇和朱古力曲奇，分別是木乃伊和骷髏骨造型，夾幾塊返屋企當零食絕對是過下癮。🍪🥜🍫🧈✨ 黑芝麻大牛角酥（$28），牛角包有4款不同的口味，分

依間人氣麵包舖由1998年開業至今一直好受歡迎👏 尖沙咀分店喺K11，環境好舒適 舖面大，提供嘅產品好多元化，除咗普通嘅麵包款，仲有曲奇、牛角包、蛋糕、布甸、芝士條等等，款款都好高質😍今次揀咗幾款返去同屋企人慢慢食～傳統老婆餅$30菠蘿蛋糕$28芝士卷$26好耐冇食過高質嘅老婆餅，呢間整得好好味😍 推薦菠蘿蛋糕好香甜😋😋 芝士卷味道好濃郁，簡單又好味！芝士火腿芝麻包肉鬆包雞尾包$9佢嘅麵包每件都好大舊！食早餐就啱晒夠晒飽肚

🍞君蘭麵包真係好多選擇，我想買麵包都可以揀咗20分鐘，芝士條都有四款都唔知食咩味好！老公又最鍾意食芝士蛋糕，所以必定要買芝士蛋糕，另外好出名嘅蛋撻老公都未試過，你想買埋俾佢食！唔知黑色好味定原味好味！點知隔離有隻雞蛋，我估鹹鹹地！我都係揀返最傳統原味蛋撻，因為呢個係最好食！🥖紫薯忌廉筒 $10 及原味忌廉筒 $10忌廉布滿晒酥皮脆脆筒入面，每一啖都有忌廉！個筒又非常脆！小食一兩個很不錯！😍好食👅👅👅👅🥧金星星法式布甸千層酥皮撻 $18最鍾意食蛋撻乜嘢種類嘅蛋撻我都會試！呢個酥皮千層，淨係望個樣都超吸引！蛋味好濃，千層酥皮亦都非常脆，牛油嘅香味！份量size亦都好大個！抵食🤣好食👅👅👅👅👅🧈朱古力芝士條 $24香濃嘅芝士加朱古力，芝士凍餅，係會食到芝士生嘅奶油味！朱古力嘅味道亦都好濃！我相信一條係唔夠！下次會買埋藍莓芝士同雲石芝士條試試！！😂好食👅👅👅👅👅🈵🍮提拉米蘇 $22即係平時食到嘅Tiramisu ！呢個甜度啱啱好，唔會過甜，柔軟度亦都好好食，Creamy下便蛋糕亦會剛剛好唔會太濕或太硬！非常錯！睇嚟佢甜品係比較搶手😍好食👅👅👅👅👅🈵🧀日式芝士蛋糕 $32我個人比較鍾意食芝士蛋糕

九龍區第一間君蘭麵包廠分店正式進駐 K11 Art Mall，君蘭提供多款充滿港式風味嘅包點選擇，完全係麵包控嘅天堂 😍 今日去開尖沙咀一定要買嚟食 😋分店限定有六款口味嘅忌廉筒，除咗有原味、🍍、開心果、紫薯、🍓味，仲突破傳統有煙肉薯仔筒，惹味香口。今次揀咗原味同 🍍 忌廉筒，外脆酥皮包住香滑甜美的忌廉和 🍍 醬，餡料滿滿，吉士味唔算太甜，🍍 味酸酸甜甜好開胃，細細件完全零罪惡感 ✌🏻特色之選有巨大版嘅牛角酥 🥐 充滿香滑忌廉，開心果、黑芝麻、柚子及 Tiramisu 四款選擇，個個牛角酥 🥐 都係脤卜卜，食一個都已經好飽肚 🤰🏻⭐️⭐️ 系列造型好吸引，有好多款口味選擇，黑 ⭐️⭐️ 撻酥皮層次分明，咬落非常鬆化有口感，蛋漿餡料好厚又香濃，好 Creamy，高水準 👍🏻布丁燒充滿滑溜奶香，香濃郁而不膩，食哂一杯都唔會覺得有罪惡感 🤟🏻🍍 包除了面包本身鬆軟之外，表皮酥脆，口感好正 😉肉鬆包面鋪滿肉鬆咸香味十足，每一啖都係肉鬆好足料 😚萬聖節曲奇外型好可愛，食落唔算太甜 👻🎃鋪頭內仲有多款精緻港式曲奇可以自助夾，實現零食自由，價錢都好抵食 😎📍 尖沙咀河內道18號K11購物藝術館B2樓B224

去開K11 MALL做facial有少少肚餓，見到有間新開嘅高級麵包舖，睇真啲原來係君蘭，喺呢個商場竟然有買平價傳統嘅港式麵包，試食活動，我揀咗佢嘅忌廉卷，仲有好多種新嘅口味添，價錢超實惠另外我仔就好想試佢嘅芒果麵包，同埋店員有推介嘅星星撻全部都好好食呀..另外見到佢有個好特別嘅彩色牛角包上網search吓先知原來都係好出名爆汁牛角包，原來仲有韓國大熱有一大片脆卜卜嘅牛角包🥐超吸引🤩喺地鐵站D出口一出行1分鐘就到超方便

早前購買了君蘭麵包廠的原味鹽可頌麵包給父母吃，他們非常喜歡，特意再到君蘭麵包廠購買。除了原味鹽可頌麵包外，還選購了其他麵包和甜點。原味鹽可頌打開紙袋，散發麥香，麵包面層灑滿白芝麻，內裡鬆軟，大小剛好。不用翻熱也保留鬆軟口感，父母喜歡它帶點咸味，不用塗牛油或各種醬都好味道。這款麵包令我想起韓國鹽可頌소금빵 ^^芝士卷面層芝士融入麵包內，發出陣陣芝士香味。與原味鹽可頌一樣，一袋有五個。由21/10至27/10 期間，購買第二袋有半價優惠，喜歡吃原味鹽可頌、芝士卷和其他款袋裝包的你，多多留意近期推出的優惠。😊原味忌廉筒及菠蘿味忌廉筒記憶中曾吃過忌廉筒，君蘭麵包廠出品的忌廉筒款色多樣，今次先品嘗原味和菠蘿味，留待下次再品嘗其他口味。😋 細細件非常討人歡喜，外脆酥皮包著香滑甜美的忌廉和菠蘿醬，口感豐富。咖喱雞批外層金黃牛油皮，內裡包著濃稠咖哩醬和雞塊。蘑菇粟米排包多士平時單吃排多士已有甜味，配上咸味的蘑菇、粟米和芝士，咸甜味道混合一起，剛剛好，非常美味。

•金星星撻 $18 (⭐️6.8/10) / 黑星星撻 $18 (⭐️6.8/10) / 黑芝麻麻糬菠蘿包 $20 (⭐️8/10) / 雞尾包 $9 (⭐️6/10) / 菠蘿蛋糕 $28 (⭐️6.5/10)每個賣相都好吸引✨蛋撻們超酥好多層，所以食落好酥脆，個蛋撻芯都好不錯，偏甜的。個人大愛 「芝麻麻薯菠蘿包 」🖤，芝麻味好濃(⁎⁍̴̀﹃ ⁍̴́⁎)♡，配埋麻薯同菠蘿包，口感更豐富，又沒遺和感，好有特色啊✌🏻而最經典嘅雞尾包都幾好食(*•̀ᴗ•́*)و ̑̑📍君蘭麵包廠 ▫️尖沙咀河內道18號K11購物藝術館B2樓B224號舖▫️銅鑼灣東角道26號怡安大廈地下6-8號舖▫️羅湖港鐵羅湖站2樓非入閘區大堂LOW K9號舖▫️羅湖港鐵羅湖站地下入閘區大堂LOW 105號舖