影片
以上资料只供参考，请与餐厅确认详情
老爸胃唔舒服，所以午餐去粥鋪外賣番屋企食。豬膶粥火喉啱啱好，魚腩粥唔腥、粥食完冇口乾口渴，炒麵夠味，除咗炸兩口感淋咗D，整體來講算唔錯。價錢又唔係貴有機會的話再幫襯。
继续阅读
放假落街諗住食碗粥，屋企附近一間叫君記粥麵，聽講嗰啲生滾粥唔錯，所以諗住試吓。但一坐低發覺太大油煙味，因為佢喺門口炸油炸鬼，D油煙味吹返哂入間餐廳度，結果都係買外賣食算。叫咗豬心粉腸生滾粥同炒河粉，加埋$42，而家食早餐真係貴。返到屋企打開個粥，浠杰程度都OK，唔錯，生滾粥都有落薑蔥癖腥，做得幾好。反而炒河粉就一般，因為有D河粉炒得唔均勻，都上唔到豉油，比較淡，普普通通啦。但如果叫我坐低係餐廳食就唔會啦，因為接受唔到佢啲油煙味🙈
继续阅读
一日之計在於晨，早餐真係好緊要，今日好想食炒兩，就試左依間隱世小店。炒兩一黎到，就見到腸粉皮好薄，入面既油炸鬼都好脆咁，當然要食過先知啦🧐。咁醬係枱面可以自己落，之後芝麻都係。落好醬就即刻試下食啦，唔錢，油炸鬼真係好脆，加埋個皮夠薄，唔會好厚好難食🤤。食炸兩最怕個口食完個陣好油，所以我就叫左杯熱奶茶中和下。杯奶茶唔會太多奶，都夠濃夠滑，唔錯！🥳環境方面都算乾淨，只係成個舖都有一陣好勁既炸野味，食完出黎成個人都係依陣味😖，可能下次買外賣會好啲。
继续阅读
想吃中式早餐，一定會想到這一間君記粥店，原本他在前一個街口，現在搬來了這個新舖位，地方大了亦10分整潔，今次叫了皮蛋瘦肉粥、油炸鬼、炒麵。皮蛋瘦肉粥10分熱，配料10分足，粥底亦很綿，油炸鬼配上粥10分推介。炒麵配上不同的醬汁再配上大量芝麻超正！買單唔使$40抵食！
继续阅读