周媽媽川菜家宴 (已結業)

據我個朋友講，這裡午市係唔使等位，價錢都唔算好貴，點左以下食物：1.宜賓燃麵：呢個係小辣，幾好食。2.痳辣面：我食唔出有痳辣味，呢個係中辣，但一D都唔辣。3.涼拌菜：黃芽白加辣椒4.紅油炒手：呢個我本身都唔鐘意食，所以無評價，不過好似有d細粒。午市既食物冇咩特別，可能口水雞幾好，但冇得試，賣哂。

公司同事gathering，當日先搵地方，又要求多多﹗要中菜、好味、坐得舒服…諗到食私房菜，上網search左一陣，打左幾間去問，終於\"周媽媽\"話無問題，有位﹗而且見食評都唔差，所以去le間﹗一行13人，8:45pm左右到，最終等到9:30pm先齊人﹗周媽媽好好人，中途都拿了一點點東西給我們吃﹗由於有人不太辣得，所以周媽媽整一碟辣、一碟不辣給我們﹗個人覺得，辣的比不辣的好食得多﹗整體菜式唔錯，特別係個麵(因之前好多食友都讚不絕口)，果然幾好﹗特別一提，周媽媽幾好人，服務不錯，夠warm﹗

23/6(五)去中環做body check,順便同男朋友黎呢到食lunch涼伴菜(黃芽白加小辣椒)-呢個唔辣,但食辣野有d菜食下都幾好宜賓燃麵-有d雪菜撈埋既冷面,d面爽口彈牙,幾特別口水雞-d雞去曬骨,伴以一層用蔥,花生碎,辣椒,蒜蓉整成既醬,呢個最好味紅油抄手x2-一客6小粒雲吞,放湯,伴以辣油,我覺得唔放湯應該好味d冰粉x2-甜甜地,口感好似食豆腐花,中和辣味,食完個口好舒服加1罐可樂,埋單$100,十分抵食平平地可以試下四川菜都唔錯~

呢到直頭做o左我飯堂,成日都心思思去食,雖然lunch time得幾樣野選擇,食來食去都係o個一兩款,但就好似有個情意結咁,成日都去食,我仲帶過我好多朋友去食,佢地都話好食,當然有d就食到滿頭大汗啦!死頂呀嗎....我個人最鐘意係牛肉麵同口水雞,仲有紅油抄手,最尾最緊要食冰粉呀!簡直係享受!不過有時冰粉可能會賣晒,所以最好坐得咁上下就叫周媽媽留定先!可能我同佢熟,唔駛叫佢都實留俾我食,嘻嘻哈哈......多謝晒,周媽媽!

同事"知訂", 某日帶我地上黎食lunch, 三個人order左宜賓燃麵，酸辣粉, 口水雞同紅油抄手, 仲有3碗解辣的冰粉由於位置比較僻, 所以人唔多, 上菜好快, 有個同事嗜辣, 佢個樣完全係未食先興奮口水雞應該是最辣的, 雖然份量不少,也夠麻辣, 但雞不夠滑, 紅油抄手$10有6隻, 很抵, 個皮又薄又滑, 好好食,佢個樣唔似好辣, 但真係俾佢呃到大家都好鍾意酸辣粉, 滑lud lud 咁, 好正, 宜賓燃麵都ok, d 麵有咬口大家一路食一路嗌辣, 好鬼過癮,同場都見到唔少外國人, 唔知佢地係咪咁食得辣呢? 同事依家仲日日嚷著要去多次!!!

Not very cheap. Went there once during lunch. Just very few choices. Even the most traditional and famous dishes are not served.Regarding the taste, since I love eating Sichuan food for over 10 years and would often go to Shenzhen to have Sichuan food. The dishes served by this restaurant is just so so. But relatively speaking, it is still better that a lot others who claim to serve sichuan food. Comparied with 四姐，it is still some distance behind. I miss Q-Mark Sichuan noodle very much (n

月前吃過四姐川菜，麻辣得過癮﹝當然都有很多食友覺得不辣的﹞，是次再接再厲，為數26人的我們，又拉隊來再會這裡的麻辣私房菜。菜色是周媽媽一早擬定好的，當然其中亦有做得出色好吃的，如涼伴粉皮是跟午市時吃到一樣的有水準，同檯食友紛紛說是越吃越麻越辣，始終滑溜溜的粉皮，是麻辣料的最佳拍檔。而這個涼伴粉皮，亦是其中比較出色的前菜。當然在四姐那裡吃到的蕨粉，更好；紅燒肉是個人覺得全晚做得最好吃的一味菜，連皮的五花腩先走油再拿去紅燒，加上辣汁，是美味非常。雖然廋肉部份是韌了一點點，但肥肉部份就變得爽脆甘美，加上豬皮亦有口感，加上芝麻及紅辣椒粒，是令人一件換一件的，吃不停口。如雪怡所說，無論任何肉類，都一定以肥肉最好吃，靚女食友所言，是真有道理的。這個紅燒肉，是絕不能錯過；排骨木瓜湯雖然不是麻辣菜，但中途作為間場食品，幾稱職。無味精亦幾鮮甜，一口渴乾再吃剩下的辣菜；最後的四川燃麵亦保持水準，麵身偏硬，具咬口，加上麻辣料，好吃，雖然差不多是最後來的一味，但都添了兩次。當然亦有食友是持相反意見的，如同檯食友塋就不太喜歡這一味了；其他菜色，坦白講，是還有進步的空間。麻辣炒蝦同是用上了基圍蝦，但四姐就聰明地先

順便講講, 同事之中有正宗四川人, 有次食飯傾計問佢有冇試過呢間, 佢話試過, 覺得好正宗好好味咁話!

平日晚市都有幾檯客，生意算不錯，而且近半是西人。晚市沒有散叫，只有已set定的一個套餐，每位$180 (不用加一):1. 冷盤: 青瓜件。2. 炒栗米粒: 不spicy的。3. 水晶粉: 十分滑，粉上有些類似麵豉的東西4. 豬腩肉: 小辣5. 牛腩: 小辣，牛腩很”淋”6. 口水雞: 第一口吃時不覺什麼，但麻辣味漸漸地出的。7. 炒青菜8. 賓燃麵: 麵，滑而爽，正如其他食評中所提，味道不錯。9. 冰粉: 此糖水很特別，類似Jelly的物體超級滑。整體上味道很不錯，而且有特色。份量亦相當大，很多食物都要打包走。

同幾位在中環的食友午聚，地點選了這間以辣聞名的店子。這裡位於商住大廈5樓，幾隔涉，但意外地人客一點也不少。這裡裝修，有點似四姐川菜，可能大家也做咁上下的菜色吧！我們一行六人，如果沒有訂位，是幾難找到位。這裡的午餐主要以麵及點心類為主，想吃就剔紙仔。我們要了宜賓燃麵、麻辣麵、擔擔麵、牛肉粉及酸辣粉五個麵食，另外叫了涼伴菜、紅油炒手及口水雞工味小吃。有大辣的，有小辣的，亦有不辣的。亦要多謝食友帶來的牛肉鬆及咖哩角，尤以前者灑在各款麵一起吃，是好有風味。宜賓燃麵是這裡的招牌麵，索價四十蚊，已經係最貴的一味。麵份量夠多，灑了冬菜、肉碎，伴以麻辣汁料，麵身香又爽口，真係幾好味道。在吃幾啖以後，麻味及辣味才開始襲來，有水準，值得一試；麻辣麵是麵類中最辣的一味，辣勁十足，吃得雙唇滾燙，味道辣多於麻，亦是同檯食友一致說不錯的一味，也要一試；擔擔麵看樣子已知是不辣的，吃落花生醬味道非常濃郁，如果一個人要吃完一碗，老實說是有點吃不消，一人一口就剛好；牛肉粉及麻辣粉一辣一不辣，俱用上了木薯粉，口感爽滑，是配麻辣不錯，而又健康的一味麵食。牛肉有點臊味，反而麻辣的更合口味；麵食不錯，小吃又如何？涼伴菜是黃芽白加

見到第一位食家的問題"點解冇人講呢間0既?!", 八八卦卦的我就約了幾位中環小姐先生來個午聚.地點在LKF的一幢門面不太新的大廈內, 出電梯後走廊亦有點暗暗的, 但一推開"周媽媽"的門, 內裏的裝潢倒比預期的乾淨整齊, 難得的是座位之間頗寬敞呢~吃過牛油果帶來的小食後, 我們點的麵及小吃亦相繼上場. 最先係有位亞姨送上兩碟涼菜, 說是送給我們吃的, 係用辣椒仔撈椰菜臘肉, 辣辣的, 作個熱身非常適合. 之後係宜賓燃麵(加了雪菜碎, 頗惹味), 牛肉麵, 酸辣粉(粉係用了蕃薯粉, 食落滑滑的, 加埋酸辣, 好好味), 担担麵等. 雖說有分大中小辣, 但食到一半大家的味覺都有點麻了, 但卻又令我越辣越想食~~ ^^小吃紅油炒手細細粒容易食, 但千萬別忘了鋪面的辣椒, 辣味全靠它們呢~而口水雞被紅紅的一層辣椒覆蓋著, 食落又唔係好辣, 只是咸了一點.有說宜賓燃麵係這裏招牌菜應無錯, 味道唔錯之餘, 牆上更有一篇關於這款麵的文章, 可惜太遠我睇唔清d字><"這裏午市沒有飯, 只有六七款麵食供選擇, 我地六個人, 試了好幾款麵加小吃, 平均水準都唔錯, 而且份量亦好夠, 埋單更

跟幾位食友來個中環小姐午膳, 雖然較早前看過食評, 寫小辣的都可能會大辣, 但心癢下仍甘願一試^^地點就位於LKF外街, Insomnia對面, BitPoint樓上(謝KC資料), 上5樓轉左推門入便是了, 不算太難找, 起碼我今次不用打電話問路~一坐下便喝了一口茶, 以為是菊花茶, 原來是一杯苦丁茶, 我孤陋寡聞….這是第一次飲苦丁茶呢~這裡的環境乾淨整齊~沒有一本本的menu, 只有一張張的點菜紙, 由於選擇不多, 所以都好像點齊了~個人而言, 最好吃的是宜賓燃麵(是燃燒的燃, 可不是粗口)及一碟有炒菜及小辣椒的涼菜~ 宜賓燃麵雖然真的好辣, 但是總覺得有一種特別的味道, 到現在也有點回味呢(空肚的時候真的不可以寫食評..)~ 而涼菜又愈食愈辣, 那種辣是慢慢渗出來的~ 久久揮之不散...雖然我是眾食友中唯一不受辣的一個, 但是今次喊辣的也不只我一個呢, 好過癮的一餐~P.S. 多謝牛油果的素酥皮咖哩角及牛肉鬆~

呢度都開0左好幾年, 之前都冇機會親身去食, 只係由0向中環返工0既家姐外賣返屋企. 上星期要去開中環整d野, 終於可以一嘗心願喇~0個日1點左右去到, 都有9成滿座. 午市係自己剔紙仔落order, 選擇不多, 有宜賓燃麵(有d雪菜撈埋0既冷麵, 招牌菜黎架), 牛肉麵, 排骨麵, 担担麵等(平均約$40一客), 又有口水雞($20)同紅油抄手($10)二款小菜, 同唯一一款甜品- 涷粉($5, 大約係咁0既名喇). 食品全部都辣, 又寫明係大, 中, 小定特辣, 不過家姐話好講手神, 有時特辣都唔辣又有時小辣都辣到傻(佢已經食到滑晒錏+係熟客仔), 同埋d麵分量都幾大, 所以我地只係點0左2客紅油抄手, 1客口水雞同1客宜賓燃麵.落完order, 首先上0左送0既涼菜, 係有d辣椒撈埋d類似津白0既菜, 好快就俾我清0左, 之後又再要多碟. 紅油抄手之前已經食過好多次, 1客6粒, 細細粒, 有一大抽散尾, 索晒d紅油, 內餡係豬肉. 佢d抄手係我咁大個女食過咁多雲吞類食品之中最正的, 皮勁滑, 餡甘香(相信有唔少肥肉成份因為碗野係越食越多油), 紅油又麻又辣(之前買外賣生抄手,