味之樂

营业中

休息中

葵涌廣場好多掃街嘢食，人山人海，諗起好耐冇食橙色嘅街頭小食，就買咗一串生腸一串墨魚，加咗啲甜醬同芥辣，就行埋一邊食。點知咬一啖生腸，完全冇味，再咬一啖墨魚都係冇味，完全係俾水浸得太耐，令到佢本身冇晒味，好難食，十分失望，唔會再幫襯，下次都係出旺角幫襯返肥姐～

每一次去葵涌廣場都一定要來幫襯的牛雜!😍牛雜做到乾淨最重要，始終食落肚既，衞生做得好，食客夠放心，而我每一次來，都一定會點大碗(HKD 36)既牛雜。蘿蔔好淋好入味，而且大大碗，一個人當一餐足夠你飽肚。姐姐好有禮貌，而且好細心，會make sure碗周圍冇汁，會幫你抹一抹先俾你。本人唔算係重口味，個人選擇唔加任何醬汁都已經好夠味道。😋如果鐘意食陳皮魚蛋，都係一個好選擇。誠意推介俾大家，已經食過十幾次。💖

去到要咗一串生腸一串雞腎仲有兩串豬脷拎走 少 收我$41 點知碗嘢拎到返屋企只有豬脷 生腸同雞腎完全冇😅一直之前都有食呢間嘢都冇出現咁嘅狀況 我亦都清楚表明我要啲咩但依然都係比少

➸雞腎🐔八爪魚🐙 ($12@1)佢個八爪魚幾出色👍🏻👍🏻對比龍仔小食，最爽口係佢🥳🥳老闆仲好好幫我哋拆晒出嚟，方便我哋食❤️雞腎反而有少少粉🤏🏻比較遜色 .我哋仲嗌咗自家秘製醬撈公仔麵Erm…. 都係叫返印尼撈算喇🥲.評分♡👅味道：7.5/10👀回頭率：9/10🤙🏻性價比：9/10

26-5-2023 (Fri)佛誕假期,晏晝同老公由茶果嶺返嚟,決定去”(九鳥)戟”食佢哋自家製嘅雪糕,我哋嚟到搵到喇,當想買9CAKE旋風時,店員話雪糕機壞咗,咁我哋暫時唔買住,行返去”幫趁我和你無所事事”買杯嘢飲先,點知老公途經呢間,見有生腸食又買.佢用$9.00買一串食.我聽到老闆好貼心問我老公要唔要個碟墊住食.好快就有,凍生腸爽口,甜醬同芹末份量又啱人啱好,唔錯嘅.評分係:味道 : 4    環境: 3     服務:5    衛生: 5   抵食: 3      SMILE

睇YT 介紹葵涌廣場有間食牛雜勁好食，咁就帶埋🤴🏻一齊試吓係唔係先！😊😊～～～大碗牛🐮雜～～～（$36）碗嘅大小係正常size，但牛🐮雜量比得都幾多，我哋即時食冇冚蓋，但牛🐮雜都高過個碗邊😁😁，內裏有不少牛🐮內臟，包括牛🐮肺、牛🐮腸、牛🐮腩、牛🐮肚等等😀😀，🤴🏻話呢今次係滷水味嘅牛🐮雜，同喺澳門食到出名嘅咖喱牛🐮雜味道雖然唔同，但各有特色😃😃，呢度嘅會再鹹少少😁😁，另外蘿蔔好入味，但我就非常、非常、非常建議一定要加芥辣，佢嘅芥辣唔止濃味，而且更加突顯牛🐮嘅鮮味，所以一定要加☺️☺️

雖然依家葵涌廣場開咗好多唔同嘅特色小食店，而我就係鍾情於牛雜！每一次去葵涌廣場點都要嗌一碗牛雜先至滿足😳之前食開3樓嘅，但係發現在2樓呢一間係黃店仲要係好食啲就轉左啦🤣一碗牛雜有滿滿的料，我最注重就係白蘿蔔，一定要夠林同埋入味先至合格，呢一碗完全做到我的要求！

葵涌廣場有好多小食店都有魚蛋食，但係呢間鋪賣嘅係陳皮魚蛋。$10有7粒，價格合理。而最值得關注嘅係，老細有一個秘制沙嗲醬，要同佢講先會落。沙嗲醬帶微辣，仲食到佢加咗蒜蓉，令味道更有層次。

買加大碗牛雜$51+1（外賣），結果得半碗多啲啲！😡😡😡預先同佢講唔要咁多牛蒡，但結果佢都係咁剪啲牛蒡落去！😤見佢最尾剪咗好多舊蘿蔔，跟住倒落個碗度，但係都只得半碗多啲啲，我同佢講「得咁少？！」佢就酌量「象徵式地」剪多一嚿…，係，剪多一嚿！可能佢認為嗰一嚿可以填滿個碗剩返嗰四成嘅空間！用加大碗嘅價錢，原來係買咗額外嘅空氣！同埋原本已經多仲要再加多啲嘅墊底蘿蔔！😡😡😡味道嚟講係OK，但咁樣呃秤法，以後唔會再幫襯！

【抵食燒賣！數量多 唯口感欠奉】推薦程度：●●◐○○抵食程度：●●●●◐———🍢 燒賣 (8粒)｜$10好多燒賣望上去好大粒但一掀開蒸蓋就馬上縮水，發粉好勁，呢款冇咩點縮，亦唔算細粒，size上可接受。欣賞佢係杯裝，唔會滴到件衫都係，可惜係得辣椒油而冇辣椒醬！燒賣成舊好實在，一入口食到粉團感偏重，回彈力偏低，好有咀嚼感唔會爛蓉蓉，但毫無魚肉味，只係配咗甜豉油令整體好食啲。勝在夠平，填下肚OK的，CP值唔太差！

《味之樂》講起牛雜，就會諗起葵廣呢間成日有人龍嘅牛雜店🐮老闆好好人，成日會同啲客人吹水，又會好熱情咁介紹下每件牛雜係乜器官🤣👍🏻店舖間中會有「牛軟骨」送幾舊俾買牛雜嘅客人試吓✨老闆話數量好少，除咗喺呢度真係喺其他舖頭未見過！！口感有啲似好大嚿嘅雞軟骨，幾特別～Ps係我心目中葵廣必食list之一🥹👍🏻-<五香牛雜>回頭率：🐮🐮🐮🐮🐮/5幸福感：🐮🐮🐮🐮/5飽肚感：🐮🐮/5性價比：🐮🐮🐮🐮/5不專業評分：9/10👉🏻簡而精咁形容：好林好入味好林好入味好林好入味好林好入味好林好入味💯-💗葵芳葵富路7號葵涌廣場2樓C11A號舖 💗

好食 就算不夠米芝蓮店好食 但比較便宜選擇也很不錯！ 我點了八爪魚 雞腎 生腸如果想在葵廣食light一d 我就會食lee間店如果八爪魚可以再大d就好了星期日下午也挺多人去

有一次經過小店隔住口罩都聞到好香嘅撈麵味🤤真係勁吸引❤️‍🔥而老闆人都好nice☺️見到熟客會同佢地傾下計😺🔸芝士撈麵+芝士腸🧀$16+$6每一條麵都掛住芝士😚但芝士味就唔係好重👐🏻但個人覺得足夠😆份量都好多,食完會飽肚😉但唔會好膩😬 而芝士腸唔係金妹牌😶🔸之後有一次叫咗雙腸芝士撈麵👐🏻而雙腸係廚師腸🙌🏻

早幾日難得去到葵芳,於是比我見到呢一間日本嘅餐廳望落去好似都幾吸引，所以就走咗出去試吓啦！今次我就叫咗一個雜錦海鮮團骨湯燒烏冬，咁大碗嘅活動都只係$68 ，呢度嘅賣相非常之精緻，重點嘅係呢度嘅豚骨湯真係好清甜，而且一啲都唔會好油膩，海鮮嘅味，同埋份量都十足

味之樂🔍牛雜大碗$35, 豬潤2串$20🍢賣牛雜撈麵港式滷水野既小店老細好好人 推薦過我食豬潤之後一試愛上凍食厚切豬潤軟滑無渣 冇內臟腥臭味 加埋芥辣甜醬🤪 每次都至少叫一串(4至5小舊)牛雜如常滷到入曬味 附送蘿白冇渣滷到透曬 唔會岀面軟入面實心 仲有最愛既大腸都充滿滷味 冇牙都食到🤩秘制醬撈麵都好好食架 一個大麵底加埋老板秘制惹味醬汁 仲有得揀2款配料 先$23 如果剩係想食一款試下可以試左呢個先 包食完捧住滿足既肚仔