味千拉麵 (ac5) (已結業)

因為疫情既關係,好多餐廳只能外賣!我由細食到大既味千拉麵無得堂食有點傷心!今次第一次外賣..給我很好既體驗同感覺我哋外賣左一份吉列豬扒拉麵($75),鹽燒雞翼($46)水果茶($20)湯同麵分開放,用錫紙袋袋,好保溫!即使番到屋企隔左成三個字都還好熱!睇落都幾乾淨...衛生...好有日本便當feel !豬扒大大件,但唔算好油..感覺幾好雞翼大大隻,啖啖肉, yummy 水果茶可以化解油,但我地食既野都唔算好油..不過天氣熱 好解渴

味千真係由細食到大～疫情嚴重都係買返屋企食穩陣～原來外賣有新包裝 ，裡面有個發熱包，加水即熱，10分鐘就可以喺食到新鮮熱辣拉麵新包裝唔洗擔心倒瀉湯個湯分開響錫紙袋～其實買完用左十五分鍾返屋企仲保到溫個拉麵我最鍾認食就係個芝士獅子狗🤩仲有蟹棒、叉燒、炸蝦🍤～～另外仲點左個蒜片牛柳粒～～返到屋企食牛樓粒都仲係咁juicyD蒜片用黎送兩碗飯就一流Close up仲有大量粟米🌽仲有點左個水果茶～濃得黎唔會太甜

抵食下午茶，今日岩見到味千拉麵，有下午茶，但真好多人幫襯，唯有嗌外賣，但28蚊味千拉麵 真心抵食，嗌外賣都好好咁有分湯，麵條都有D影響，有少許硬，但湯都正常，叉燒都有三塊，最驚喜做到蛋有流心，加埋有可樂，完美下午茶

好細個既時間食過呢間野, 咁耐冇試, 近排就想試下佢過左咁多年都未執係味有進步到.今次叫左豬軟骨拉麵, 湯底比起舊陣時確實係冇咁精味feel, 但豬軟骨就有D硬, 口感唔係咁好, 因為肉好tender但個軟骨好hard.體整上係冇之前咁差, 環境方面都好左, 裝修好左. 價錢方面因為近年high inflation, 佢又唔係加價加得好勁, 感覺上就冇細個咁唔抵食.想懷舊既朋友可以試下

好耐未食過味千拉麵....今日經過就入去食....原來都有啲午餐選擇不過款式好似差唔多。我叫咗呢個普通拉麵食落去都冇乜特別呢個粟米沙律就好似貴咗少少...而且比較腍咗少少....我食咗咁多嘢埋單都係一百元....雖然冇乜特別驚喜不過尚算抵食

2，3個月前同屋企人試香港仔呢間味千嘅dinner set,覺得唔差，起碼唔難食先！今日自己一個悶悶地去食tea set 一入去要同個侍應對望幾眼先可以坐底見個炒飯再有炸餃子幾吸引就order 咗等咗10分鐘，炒飯到。。。。。就覺得中伏睇落正正常常，但一入口油淋淋食咗幾啖就算我再食餃子，正常餃子應該唔會難食得去邊，仲要炸ga wor!點知。。。。一入口係冧！送果杯蘋果蜜似水，淡而無味一個字，伏！其實連鎖應該有保證，但真係好伏

很久沒有到這裏食嘢喇！趁今晚適逢同老公路過，就揀呢間啦！點知就中招眼見有數張卡位已空，便隨便就坐啦，女侍應已即時拒絕，指示我地要坐 2 人位。本來都無所謂，但老公身形屬XXL, 於是要求女侍應可否比張卡位我地呢？其他人都係 2 位都可以坐。女侍應好cool 咁話，依家比你，一陣有人都要孖枱……跟住行咗去！我老公只好找另一位女侍應，好彩都肯應承！揀完嘢食，都唔使等好耐就有嘢食上枱喇！佢地將食物上枱都別樹一格，將碗碟零空 '放' 喺枱度，原來 d 碗碟要咁厚，一定有佢原因！至於食物，不算難食，但一定稱不上好味雞翼很咸！未食完已經有人話埋數，問有無嘢加？答完無，1分鐘後已有賬單喺你枱面！眼見還有幾枱客，雖然未食完，都好醒目咁即刻比錢！點知，未到30 秒，已有待應收起你的碗筷連食緊嗰碗，都有一隻手揸住個碗邊！唔使咁掛！！差 d 落閘放狗其實我地跟本一d都未過佢地個關門時間咁嘅服務態度真係難得

數下手指，差唔多十年無食過味千拉麵，仲記得個時無咩日本拉麵店既時候，味千拉麵都算係拉麵中既名牌，細個都幾中意食架，不過依家一街都係正宗拉麵店，就已經好少再食。今次試地獄拉麵，見佢無問我要咩辣，加上自己以為味千都唔會太辣，所以就好放心咁食，點知入口比想像中辣好多，係好刺激個種辣，條脷好似著火咁。我平時都有食開辣，但呢隻辣無咩層次，就只係得個辣字，唔知係咪落左好多辣粉調較而成。不過辣辣下，其實都食左大半碗。舍豬肉好厚實，入口都幾香肉味，亦都唔會好油膩。之後加多個吉列炸蝦，粉好厚，隻蝦又細又無味，早知唔叫。

放暑假，帶小朋友去海洋公園，明知入面食嘢唔方便，先去味千食個午餐先，等咗一陣就有位，睇餐牌原來轉咗新午餐，即時試吓新嘢，落完單等嘢食，員工送上大口仔填色紙俾小朋友，可以一邊油顏色一邊等好快有食物到，即時嚇親，個太肉飯勁豐富，4大件鹵肉配鹵蛋，仲有黃蘿白及青瓜等配菜，鹵肉好入味，加埋啲汁，非常惹味，另一個汁燒牛扒飯，須然係薄牛扒，但都算幾厚，配克椒汁唔太辣，牛扒亦唔會太硬，算係有水準，食飽埋單即時向海洋公園出發，總算過咗開心一天

今日來到(香港仔味千)原本被安排在比較暖既地方坐，但細心既女服務員竟然在我要求換位前，幫我們換位。而且真心覺得比較其他地區更有禮貌。食物也很有水準。我們很開心。

總是遺忙了要為香港仔的「味千」打一篇食評，可能是因為太常吃吧。這次真的是的起心肝為它寫這篇食評。「味千拉麵」算是間較港式的日本拉麵店，因為口味甚麼的，都是迎合港人。喜歡拉麵的肥膏，也喜歡「味千拉麵」。至從有了本格豚組拉麵後，他就更加愛上「味千拉麵」了，因為這個本格豚組拉麵的湯底，是好濃郁的湯底，而且味道鮮甜。我們都是點二人套餐，有兩個主食再加兩樣小食 HKD 163.00本格豚組拉麵湯底是標榜用了豚骨及雞湯混合熬製而成，的確相比起以前，這湯底更甜！但面頭的那層油就略嫌油了點。叉燒是薄身的，味道就一般，沒有甚麼驚喜。有小塊豬軟骨，我個人覺得味千的豬軟骨做得不錯。入味，肥瘦適中，有軟骨，而且不會膩，好味。溏心蛋也不錯，味道OK，也有流心。日式手造餃子(6件)很喜歡味千的餃子，因為餡料的蔬菜比例OK，肉的調味也OK。而且每次上檯都是熱辣辣，出煙的。配上附上的餃子汁，酸酸的，跟餃子很搭。套餐包飲品，但要加HKD 3.00 才可轉飲果汁。菠蘿汁好飲，夠甜又大杯。橙汁正路。整體都OK，最好味是餃子，我們每人要六件才可解饞 。

味千拉麵，本店在熊本縣熊本市(亦有說是由中國味千控股公司經營的，亦曾經在網路上看到2005年中國大陸反日事件中，味千拉麵在門口貼了告示，「味千拉麵，100%港資，同族同胞，一樣愛國」字樣，在該段時間沒有受到示威者破壞。難道說和日本的味千沒有關係嗎？但明明店名的字型和味千妹妹的logo也和日本店一模一樣，還是算了，反正不要緊吧。日本食評網評分為3.29(竟高分過最近來港開店的黒琥本店？)，據所知，在香港最耐歷史的拉麵店是橫綱(1987年至今)，味千，Domon札幌，別府也是1996年來港開店至今。味千的基本款式試過了，這次就試限定的「雞髀拉麵」。很欣賞他懂得用正字「髀」，而不是一般茶餐廳用的「肶」或「脾」。說到雞髀拉麵，身邊的朋友們會覺得奇怪，怎麼拉麵的配料會用上雞髀？其實在日本，使用雞髀做配料的拉麵店確實存在，就在東京的秋葉原駅的不遠處，有一間叫「鶏王」的拉麵店，就是以雞白湯及雞髀作主打的拉麵店(如圖)，評值還不錯呢。這次所點的拉麵，雞髀是和拉麵分開上的，不像日本和拉麵放在一起，由於是炸的，所以分開上也正常吧。試一口湯--雖說是雞湯+豚骨湯，但明顯味道是偏向雞湯味，是清淡的雞湯味，而且

下午於味千用膳，先嚐日式豆腐，面上有木耳帶來搖曳動感，外層薄脆，內層豆腐溫熱滑口，唔錯噃！日式秘製炸雞是贈送小食，雞件已去骨，方便食用。炸雞口感則略為乾鞋，只屬一般。日式手造餃子餃皮夠薄，菜肉比例平均，香中帶爽，OK。主食豬軟骨拉麵，湯底頗香甜，豬軟骨份量不少，算腍身並富肉香。拉麵幼身，食味合預期。另一主食蕃茄湯肥牛拉麵，湯底比相片賣相清淡，茄香稍嫌不夠強。肥牛肉質韌身，無乜味，不甚出色。

家人到附近香港仔吃午餐，想起很久沒有光顧過味千拉麵，最近都是吃此店預裝包好的產品，便決定再試一試叫了蕃茄湯肥牛烏冬（轉烏冬加$5）家人則order了九州拉麵和招牌味千拉麵麵外表看下還不錯，碗的size很大，看下女孩應該會覺得飽。不過湯表面就浮著超明顯的油層...說真的，我見到都不想吃。蕃茄湯很明顯是味精蕃茄，連茄蓉都沒有，肥牛大概有六片，還有粟米粒和很多芽菜，烏冬煮得太soft九州拉麵和味千拉麵各有兩片叉燒，半只蛋和雲耳絲等，叉燒厚度還可以，可是真的很小片，連掌心的size也沒有，湯底是豬骨湯底，可是聽家人說能吃到的只有味精味...其實一直都知味千拉麵重味精，只是沒想過到現在還沒改進，一定不會再試

好耐無食過味千既豚肉拉麵喇！香港仔間味千好既地方係唔算多人，環境幾靜，可以同朋友傾下計。豚肉拉麵都做得唔錯啊！唔會好難咬，份量亦都岩岩好。湯更加唔洗講喇！正呀！