味吉拉麵館 (已結業)

自從「味吉」進駐將軍澳之後，女友時不時都叫我與她去吃拉麵，還記得數星期前才剛跟她試過那將軍澳的「味吉」分店，感覺還好!今晚女友話突然好想好想吃拉麵，於我而言，即係叫我同佢去吃「味吉」啦......反正不想吃飯，又想不到有什麼其他好吃的，於是便一口答應女友要求了。 很多時真的不得不服女友，去同一間餐廳，她老是order上一次她吃過覺得好味的東西，不太會試其他menu上的東西。今次她又同樣地點了一杯白桃梳打($18)，淺粉紅色的，桃味很濃，飲到"茸"狀的細小桃肉，口味清新。 香辣珍寶雞翼: 這個烤雞全翼不僅presentation的方式夠獨特，而且味道亦很好。雞翼外皮烤至金黃，咬落雞皮微脆，沾有黑白芝麻及味帶微辣的醬汁，肉質嫩滑，很juicy，燒得剛好。不過，個人稍嫌醬汁味道有點濃，沾太多會過鹹...... 女友例牌點的博多豬軟骨拉麵，因為女友愛其豬骨湯底之濃，以及對她來說是主角的溫泉蛋。湯底帶點膠質，加上配料的芝麻、紫菜、荀片、昆布、豬軟骨兩件及半隻溫泉蛋，味道的確濃郁。豬

是夜元宵佳節 賞月之前在Mikichi晚飯打開menu有很多吸引的拉麵款式 向來喜歡豬骨湯底的我 點了博多豬骨湯豬軟骨拉麵加粟米 朋友則點了函館鹽味叉燒拉麵 小食則有餃子和照燒雞翼博多豬骨湯豬軟骨拉麵加粟米: 湯底很濃郁 加入彈牙的麵條一併送入口中 好味! 可惜豬軟骨不夠淋滑 粟米也不香不甜函館鹽味叉燒拉麵: 我沒有試 朋友覺得湯底太淡餃子: 正常味道 很難會弄得不好照燒雞翼: 雞皮加上照燒汁好味 但肉的味道似滷水的 試過就算喜歡豬骨濃湯的朋友可以一試哦!!

The restaurant is situated along the others at Jusco, this one offers quite spacious seating inside, and modern Japanese interior.Ordered the udon and buckwheat noodles to try, the udon is thinner than the usual Japanese ones, the beef and sauce was nothing extraordinary, same with the buckwheat noodles, the soup base reeked of oil.The tempura was even worse, it was overly greasy and sickly.The minced garlic in the jar was foul, I think it had gone off too.The only good point I found was the bow

呢間我已經係經常食拉麵店的確香港係不及日本去過日本食個d真係香港搵唔番味千個d真係兩回事囉實際味千個湯都係用熱水開出黎 麵又係交黎既 我覺得港式拉麵店實際分別唔會好大都無咩穩唔穩定架啦 講真 你係屋企都煮得到架平時都係食下午茶豬骨湯麵算ok 仲會跟兩隻餃子同野飲至於麵質嘛 都係個句 我覺得大部份都係咁上下架啦你無可能要求佢麵係同日本食個d一樣 真係差好遠 你食過就明 我都係係日本食過拉麵之後先開始食拉麵 蟹籽沙律都幾好食 不過就有d細兜 一人份量算係咁熱天仲會入座比杯凍烏龍茶 凍天當然就變熱了

香港很多拉麵店，但合格的少之又少，你常去日本便明白，在日本隨便找一間拉麵店都比香港所謂最好的好很多。日本友人們都說可能是水的問題。第一次去味吉拉麵館，沒點拉麵反而點了『冷蕎麥麵配牛肋骨』，非常港式的搭配，大概因為很多香港人覺得正宗蕎麥麵太清淡吧。麵汁是蕎麥麵的靈魂，味道一般有待改進。牛肋骨很可口。反而最impressed是他們很正宗地送上滾過蕎麥麵的水給你加在吃完的麵汁來喝，這種傳統在日本每一間蕎麥麵店都提供，他們相信滾過蕎麥麵的水有助消化。但在一間拉麵店看到這種傳統感覺是有點怪怪的。第二次去，是因這區實在太少選擇，另一原因是覺得味吉的服務員態度不錯。今次點了9號『博多豬骨湯豬拉麵配豬軟骨和叉燒』另加粟米。湯算濃不太鹹，豬軟骨和叉燒好好味，粟米＄5大大碗分開上，建議加桌上的生蒜和少許七味，豬骨湯會更好味。總體有70分以上！介紹給同事們都讚好。之後大家便經常光顧。什麼味千便是非常港式又難食，不明一直有很多人願意光顧。相比之下，作為連鎖式拉麵店，個人覺得味吉拉麵館絕對合格。

Pokka集團旗下的味吉，以日本拉麵博物館之名打正旗號登隆香港，據稱將日本最優質的麵食，如拉麵、蕎麥麵及烏冬，再配合日本五大主流湯底，如博多豬骨湯、札幌麵豉湯、東京極上醬油、函館鹽味及別府地獄辛辣湯，始志要將「正宗」兩字帶給香港食客。誠然，由沙田的第一分店至藍田的第二分店，再到現在的將軍澳第三分店，似乎還未能完全打動到各食客的心，在Openrice亦看到各人對味吉的評價只是好壞參半，究竟原因何在呢?還記得在大約大半年前去過沙田的味吉之後，已再無打算專誠山長水遠去登門造訪吃一碗拉麵，因為對我而言，該店地點實在不太就腳。不過，自從女友得知味吉在將軍澳廣場開了分店後，便一值跟我嚷著要去吃拉麵，於是乎是晚一於一償女友心願，跟她到此店開餐晚上約九時到達，店內還是滿坐，挺熱鬧的!店內維持一貫味吉的裝修格局，開放式廚房及bar枱，店中央擺放著一大張長枱，枱上方吊著類似木頭的兀突裝飾，還以竹子裝飾分隔開最內端的座位。環境方面則以啡色為主，再加上暗淡柔和的燈光，氣氛不錯。 是晚被安排坐到竹子後端的二人座，看了看menu，女友點了博多豬骨湯底的豬軟骨叉燒拉麵，而我就因為上一次已試過

門口大大個的扣牌, 標榜是首間日本拉麵博物館, 看餐牌別府, 東京, 博多, 札幌, 函館的也有, 每樣也清晰地分門別類, 豬骨, 鹽味, 醬油等一下子也花多眼亂, 定一定神就要個味濃的麵豉豬軟骨麵豉湯拉麵($43) - 扎幌代表, 麵豉湯底除了味噌香外, 還帶有陣陣蒜味, 再加入牛油後味非常濃厚, 軟骨扣得入味軟腍, 雖只得一件, 但也令人回味不已, 麵條比常吃到的較粗, 不是爽滑的那種, 但卻帶起另一種的煙韌口感, 吃下整碗, 心裡有著一種滿足感

未食前在門口都有D幻想, 見佢喺吉之島開, 又要等位咁巴閉, 諗住一試無妨, 點之就出事喇!一入去室內環境唔錯, 夠光猛, 冷氣夠. 但人手小...... 坐低咗睇下餐牌先, 發現好似好多選擇, 但係睇清楚原來咁多板拉麵嘅主菜都一樣, 只喺湯底唔同. 小食都係得幾款. 不過選擇多少就無所謂, 最緊要好味. 我哋2個人叫左3 樣嘢.1. 叉燒豬骨湯拉麵 $42: 叉燒得一片只得2mm厚... 豬骨湯底唔夠濃, 好淡好簿. 咁嘅價錢好唔底囉!2. 豬軟骨地獄拉麵 $38: 賣相一般, 唔吸引, 湯底超似即食麵湯包.麻麻地~ _~3. 日式餃子$28: 皮薄, 食完就似食咗一陣風落肚咁, 同埋煎得太乾冇肉汁.Sorry~唔會再去!

原本諗住食隔離間牛肉火鍋, 點知下午茶時間冇供應, 於是轉戰呢間裝修不錯的拉麵店.睇見門口塑膠 sample 同埋 menu 對唔同地方拉麵既介紹, 諗住實係好 pro 啦, 識咁多野, 識講唔同湯底係點樣咩材料煮, D 麵又會曲直粗幼不同黎配合, 點知就中招.首先下午茶勁小家, 個個餐既拉麵都寫明只係單塊叉燒, 要加肉就逐塊幾蚊雞同你計. 日本最基本既拉麵都最少有兩三塊啦.又唔係特別平, 見香港人鐘意豬骨湯就特登比起其他湯底貴 $6.咁都算, 最失望就係 D 野食來到果時. 賣相一流, 味道九流.醬油湯底淡茂茂, 完全冇日本醬油湯底果種落足料的清香, 好似求其生抽開水的感覺.麵就一陣鹼水味, 唔係話有鹼水味唔得, 而係根本果 D 麵同一般香港茶餐廳既日式拉麵根本係同一款. 如果佢 D 麵真係日本空運過黎, 就一定係個買手有問題, 否則就是慳皮用本地/大陸貨.塊日本叉燒如佢檯面個資料牌 D 資料所講, 真係冇 "燒". 但係佢 D 資料話係會調味會醃會炆, 佢果塊係咩味都冇, 連豬味都冇.豬骨湯麵亦都唔好得去邊, 好似開水溝稀咁, 一 D 都唔濃郁. 只係直身麵沒鹼水味.餃子就求其煎,

味吉拉麵館屬Pokka Cafe旗下食肆，以拉麵博物館自居。拉麵是一種以湯底作為分類的料理，而這裡基本的湯底也真的齊全，不過廣而不精的機會也很大。等了不知多久終於輪到我了，剛好是吧台可以看到師傅的手勢。特意選極上醬油湯底來試吃，因醬油最清淡最能試出真味，再者日本人的口味其實比港人重，港人未必受得來。外加一隻溏心蛋看看時間火候掌握好不好。看到師傅的手勢我有點不安，實在很慵懶的感覺，明明看飲食節目師傅都忙的很，店內的人可是不斷進出不可能很閒吧。等了有點久終於來了，店員細心的說紫菜很大塊最好撕碎，要吃脆就直接吃不然就浸湯，我就先撕一半直接吃，結果就是我嚐到生平吃得最痛苦的紫菜，其外脆內軟的層次令我咬不開，辛苦地吞下後餘下的丟進湯裡去罷了。而溏心蛋也接近不溏心了，蛋黃幾乎都凝固了，而且裡面還是冷的，這樣的蛋還要收十元…再試一下湯底，還可以，色澤清澈味道鮮甜又不會太濃，不會喝後感到口乾。至於拉麵是捲曲像即食麵的拉麵，看介紹指日本不同地區的拉麵有其不同，沒親自去過就不加評論。這捲曲的拉麵吃起來倒也像即食麵，不過就比較硬身和有咬勁，吃起來有點鹼水味則不太好。叉燒就頗佳，肥瘦相間均勻而且有肉香，可惜散

店鋪位於吉之島內﹐逛逛街後覺得肚餓便在這裡吃晚飯。 在等吃其間已慢慢研究過他們餐牌﹐各拉麵所用的食材大致差不多﹐不同的就只是湯底。是晚被安排坐在吧檯﹐因而能見到各師傅忙碌地工作。食物點了明太子、叉燒、扣肉豬骨拉麵及麵鼓叉燒拉麵 (特大)。叉燒、扣肉豬骨拉麵(明太子) -$68 – 因想試叉燒﹐又想試扣肉﹐所以點了這款。叉燒肥瘦適中﹐肉質很淋﹐只有少許薄薄的肥肉打圈夾在瘦肉內﹐但扣肉肉質有點鞋口。麵質爽口彈牙﹐這豬骨湯底較麵鼓湯底還鹹一點﹐但尚可接受。雖然麵碗很大個﹐但其實份量不多。麵鼓叉燒拉麵 (特大) - $56 – 叉燒同樣地肥瘦適中﹐肉質淋身。 湯底只有淡淡的麵鼓味道﹐不太濃身﹐味道還較豬骨湯底淡。 在餐牌上(特大)兩字只是料加多﹐不是麵的份量加大。 總括來說拉麵的選擇只是在湯底 ﹐(醬油，豬骨，麵豉，鹽味﹐辛辣)。事實上很多拉麵店都有這好幾款湯底供顧客選擇﹐這店只是加上日本不同地區的名字配在各湯底上﹐(東京﹐博多﹐札幌﹐函館﹐別府)﹐給顧客一個心理因素來這裡能品嘗日本不同地區的拉麵。因這店10﹕30關門的關係﹐他們會在9﹕30時停止派飛及安排顧客入座。因本人坐在吧檯﹐留意到其中

兩個人，要左：叉燒豬骨湯拉麵 麵係用幼直既、硬不等如有彈性，豬骨湯一般、欠鮮甜，叉燒瘦無特別，整體味道像麵還麵、湯還湯、配料還配料。坐在吧台前睇到做麵過程，，相當馬夫，煮麵到上碗連水都無過清。好奇怪，廚房主管企起後面睇住整個做麵過程都覺得無問題，有幾高既要求、有幾好既出品，吃此麵可知一二。基本的做不好，其它菜亦不想一提未去到差，但唔係好食。連鎖式既味道，如果只有它和味千選擇，我會選擇味千，水準較穩定，唔會有驚喜、亦唔會失望。本想評為OK，但此店自稱為拉麵博物館，看來看比吃好。

知道她剛剛開張了不久..所以LUNCH去試了今次叫了"極上醬油拉麵 $38 + 唐心蛋一隻 $10" 同 "照燒牛舌 $25"極上醬油拉麵 - 湯味道不錯...不會太濃....麵質都幾爽口..份量都足夠唐心蛋一隻 - 如果$10一隻唐心蛋黎講....就覺得MAMA地啦...一般照燒牛舌 - 幾好食...份量都幾多整體 : 可以再回頭既拉麵店!!!!

個同事榮升做高級人士的第二個月的第一天!!!!唔知幾多年一潤…請食飯!!唔係好記得我哋6個人叫咗嘜!!!因為來來去去都係义燒、扣肉、豬軟骨….係個高級人士自己叫咗個安格斯牛肉拉麵(佢話牛肉好淋)只係湯底各有不同…東京極上醬油、豬軟骨、味噌、地獄….跟着多加咗 煎餃子&牛舌個牛舌的確唔錯都好夠淋 & 野味!!我自己食個地獄义燒拉麵(最辣嗰級)今次覺得鹹咗D & 無嘜辣味!!!其實上星期至同個friend囄食過Lunch叫咗個地獄豬軟骨拉麵(都係最辣嗰級)係有辣味但唔鹹喎!!!不過义燒好味過豬軟骨!!個friend食味噌扣肉拉麵牛油一粒…可令個湯滑一點 & 香口一點可能有D職業病….見到D大碗湯時(D料只係得一半滿)總係覺得D侍應日日响度練力!!

中午3人專程到來吃麵，分別要了以上3款麵，湯底各不同，味道稍鹹，好不好吃，今次真的很難評價，只有OK。湯麵份量比相片少，男士可能不夠飽。欣賞的倒是那杯茶，是餐廳調配的烏龍綠茶，味香濃，喝了幾口麵湯之後，一定要飲番杯來洗腸。