味川小廚 (已結業)

睇完婆婆之後，諗住返元朗食飯。不過，睇下時間可能唔多夠。所以就呢度食埋飯先返歸。可能天氣真係幾凍，店裡既人都係打邊爐。但係，今次主要都係想食川菜。估唔到家庭式經營都有意外驚喜。涼拌青瓜呢個冷盤都唔錯，因為青瓜既份量頗多。而且個汁好惹味，送飯真係幾好食架。涼拌牛牛都算幾淋，而且好多肉汁。個汁又辣辣地，呢個都幾抵食。但始終都係呀既牛好食。糯米飯呢個好似同川菜無乜關係，純粹只係呀爸想食既。糯米飯做到粒粒煙韌既效果，而且配料都幾多，食落都幾惹味。而附送既生菜都幾新鮮。麻辣米線呢個其實無乜特別，細細碗但又幾好食。碗米線都做出我想要既麻辣，雖然真係無乜突出可言。但值得一讚既係，碗米線既配料真係幾多同幾特別。口水雞去到邊到，都想試下口水雞。而呢度既味道都唔錯，因為雞既份量都頗多。而且好鮮嫩同幾有肉味。而個汁真係夠惹味，因為個汁辣得好過癮。如果用呢隻汁撈飯，效果應該唔錯既。薑蔥廣島蠔珊珊來遲既佢，令我對佢更有期望。而個蠔真係好新鮮，用上薑蔥炒，好夠穫氣同好惹味。而且廣島蠔夠哂肥美，已經令我相當滿足。凍奶茶雖然無期望佢有茶記既水準，但呢杯奶茶都做到茶味香濃既效果。都交足功課啦。呢餐都係七十幾

這個鋪位，轉手既次數多到我都唔識數，有的甚至不到兩個月便玩完。總之，依家存在的，叫味川小廚，大概是開了一個月吧。這所味川小廚，以賣酸辣粉和四川涼菜為主，中午也有碟頭飯供應。我看見酸辣粉可轉公仔麵，幾有趣，即管一試。所謂酸辣公仔麵，其實即是酸辣粉的湯底，換上了公仔麵而已。公仔麵是爽口對辦的，可是酸辣湯底並不辣，只得酸味，都幾難食的。配料方面，蟹柳就不多說，午餐肉吸入了湯底的精華，總算可以。這些地方的凍檸茶，始終及不上茶記。