味皇茶餐廳 (已結業)

前排有個好朋友介紹去咗呢一間餐廳食嘢😋望到喺OpenRice有人話呢一間餐廳係抵食之選，就去咗錫下自己個胃！真係值得介紹個人認為豬扒飯必叫之選，輕咬就散開，好juicy，非常惹味，絕對要嗌呢一個。

不久前，「不計成本」去試那「無得輸」的义燒，認同確實不輸人，卻令我反思那服務一眾尋常百姓的小店，錙銖必較，在飛升成本和 (必須) 貼地售價之間的狹小夾縫裡，用本領和心思贏得人心，客似雲來。我想到的是「豬扒」(我意思是，真係搵把刀鋸嚟食嗰啲)，大概都是巴西急凍之類的貨色，質素通常都不怎麼樣、吃完就忘，卻有躲在街頭巷尾的低調高手，做得那麼出色？我並不是無的放矢地空談，而是言之有物。這次我決定不藏私、公開「證據」，把心中的秘「物」告訴您。各位大可親身前往，以舌頭做證；或者，指證鄙人的言過其實。這個餐，價錢的確不貴，或者來回的交通成本會超過它！茶記大多有扒類早餐，或者冠以「歐陸早餐」之類的高檔標籤，以便取價更高。(其實Continental Breakfast不是食扒的⋯) 一塊扒 (牛扒往往要加錢)、煎蛋香腸火腿餐肉煙肉片頭 you name it，選一或二，加塊麵包或多士，餐飲作結。市價三十尾四十頭走唔甩，填飽一早的轆轆飢腸，然後返工搏殺，吃了甚麼？沒印象。這屋苑小店的早餐，還有廿幾蚊一客這支歌仔唱，扒類的也不過三十一大洋。半信半疑的初次嘗試，那煎豬扒便叫我為之驚艷！件頭不吝嗇已不在話下，

已經盡量避免食樓下茶餐廳，已經中過冇數次伏，但係媽媽仍然依然故我，因為佢本身係一個好世故嘅人，成日鍾意同啲師9街坊打交道，上上下下前前後後成個屋苑商場啲人冇人不識，又係恃住識得人多着數自然多嘅心態，我真係同佢南轅北轍！究竟我係咪佢生架🤪omg 本身換好晒衫諗住出去食啲自己想食嘅嘢，點知佢又一個唔該買餸嘅同時幫我買咗樓下嘅早餐仲要好大聲咁話俾我聽佢專登買俾我食😰😰簡單嘅蛋牛治烘底熱奶茶。雖然都係平時會食既，但係又唔知點解餐廳一貫求其嘅作風又出現。第一，我最唔明白點解要用發泡膠盒。其實一個紙袋已經解決咗三文治嘅問題啦！其實紙袋嘅成本唔會平過發泡膠咩？根本佢就係想收多我哋外賣盒一蚊，又唔環保我真係好討厭外賣用發泡膠盒。🤬第二，三文治嘅熱力令到發泡膠盒都有少少溶咗🥶燶邊。大佬就算係燶邊，我都係想個三文治而唔係發泡膠盒囉！第三，更加唔明白點解三文治入面會有少少發霉嘅樣（見圖）救命🆘食咗會唔會死㗎？雖然個奶茶都總算正常。同埋佢單價一杯奶茶嘅價錢（好似係$14-$15）係無疑比出面更難食既茶餐廳平。

收銀服務員非常之不禮貌經常在入門口頭四張枱跟一些老年女士在聊天閑談，而且不停散放負面是非，莫視自己應有責任，沒有理會客戶到櫃檯支付賬單，睇到當睇唔到……非常之惡劣態度跟客人對話，這樣的員工，影響公司餐廳形象。

其實都講咗唔止一次，我盡量都唔會幫襯樓下，一間就超級污糟啲枱枱櫈櫈爛晒都唔會換，另一間（即係呢間）做來做去都冇心做。係老人家嘅情意結，朝朝都要落去打下躉，再加上老人家行動唔方便，就腳更加成為佢哋師奶嘅聚腳地。避得過都寧願自己出去遠啲食，但係日日走咗出去唔理佢都唔係辦法，日日問我食唔食早餐佢買埋比我，次次say no真係有啲過意唔去，一次半次都總要食。今日又食返我嘅例牌魚柳餐，講咗唔使要沙律醬一萬次，每一次都仍然當耳邊風，其實買到熟晒都應該知啦，有咁難理解咩？另外係佢嘅魚柳越嚟越細塊，我鍾意食嘅原因係愛佢用上同麥當當同款四方形果種，雖然都明知係雪藏，但比起出邊成塊魚形炸到好硬嗰啲，我又反而麻麻！魚柳越嚟越細塊，價錢就越嚟越貴☹️啲侍應全部師奶做咗10幾年都錯漏百出，似熟賣熟新年嗰陣問你攞利是🧧就叻

有段時間被派到附近工作，屋邨商場冇乜選擇，係我既昔日飯堂，今日又重遊舊地， 又嚟幫襯。茶餐廳嚟講座位都算舒適，主力做街坊生意，佢既食物價錢唔貴，味道中規中矩，每個套餐都包了湯同飲品，性價比超高， 特別係個咕嚕肉好好食。

其實呢間鋪最大問題唔係野食係侍應嘅態度明明係屋村鋪頭對d街坊禮貌小小唔得嘅？野食唔係難食但每個禮拜更新一次嘅餐牌就係將星期一調去星期四咁同埋野食質素係下降寧願食隔離果果間好過小菜又多 而且keep到水準

WFH 太耐，始終避唔到有幾日要幫襯樓下，始終唔可以日日「冷」出街㗎嘛😅已經盡量避免堂食，一來避免感染啦，二來餐廳環境麻麻，買返屋企慢慢嘆好啲，雖然係有啲唔環保♻️！😔咁多年來其實侍應姐姐嘅服務態度都始終仍然有好大進步㗎其實做來做去都係呢啲ABCD餐，仍然有好多漏單錯單嘅情況😕。食物質素冇乜特別改進，應該唔好有特別期望，到有陣時好少少你就會覺得好欣慰🤪好似今日咁，又係食我既favourite, 件餐肉厚左一倍喎😱，又冇錯單，杯奶茶又夠熱！知足常樂😅

食物尚算可以。但服務態度真的很差。服務員現場掛住傾偈。好多人做野。但全部都唔係做嘢。成日落咗單。電話響過不停都不接。走了的抬冇人執。地下全部是垃圾，全部侍應都唔知喺度做緊乜。可能冇人管理。我是這裏多年的街坊，但這麼多年都毫無改善過。食物是可以的，環境是舒適的，推薦拉麵餐，拉麵麵質比出邊好，你可以選豬骨湯或地獄湯底，可以選擇雞扒、豬扒、叉燒、煙鴨胸、鷄串、或豬軟骨，絕對唔會俾其他日本餐廳差。真心希望可以改善服務態度。

早幾日去完覆診，一齊嚟到呢間位於曉麗苑嘅茶餐廳食午飯。.我試咗佢哋嘅香濃咖喱吉列豬扒，冇諗過有咁好食。.佢哋嘅咖喱辣得來有層次，仲有炸過嘅薯仔，感覺特別有心思。.以佢哋嘅吉列豬扒亦都十分之大塊，表面香脆可口，內裏亦都充滿肉汁。

一次一次批評呢間餐廳，不論係服務態度或者食物質素，再加上早排新聞話有間分店竟然見到示威者行入去避難都唔幫手仲即刻趕番佢哋出去，真係嬲到震，如無必要都唔想幫襯佢哋，但係仍然一次又一次都冇辦法唔幫襯佢。Why???因為媽媽行動唔方便囉！又因為我咁大個人連出街嘅自由都冇仲要俾說話我聽😪😭最近嘅餐廳得兩間，二揀一之中就唯有揀呢一間。雖然可能行遠少少秀茂坪商場都有其他選擇，不過又唔想行上去，而原則上都係食嗰啲嘢，質素又唔會好好多，價錢又唔會平啲，所以 ⋯又一次一次批評魚柳早餐份量太少唔抵食，但係我依然一次一次食呢個早餐，因為無其他野好想食囉！睇返今日份早餐算係正常返少少架啦，起碼塊魚柳都有手掌咁大塊，加塊餐肉同一隻蛋。一杯熱飲都賣$18啦，呢個餐$31其實都算係咁。其實諗返出面西式嘅all day breakfast 成舊水仲唔抵食啦. (所以我出去甚少order all day 🍳囉)媽媽就依舊要佢食開嘅牛肉米線餐，飽肚又抵食都係$29我係勁唔鍾意落去下邊食，雖然住左咁多年媽媽同啲姐姐打好晒關係，但係就係咁樣太多奉旨左嘅嘢我根本都唔鍾意，而且環境又惡劣又污糟，其實外賣咁多唔環保嘅嘢又要加錢我係

自從有味皇魚蛋粉餐廳進駐了商場，這裡成了我家的廚房星期六日的午餐一定在這裡吃，晚餐幾十元有湯有飯有茶有餸，平過自己煮啦，樓下有二間餐廳，我只愛這一家，去完旅遊回來第一時間要吃一碟乾炒牛河才有滿足的感覺，菠蘿油麵包🥯加一杯熱鴛鴦$14元應該是全港九最平了吧

最近食嘅都係一啲街坊餐廳，但質素唔可以睇小👍🏻。即使附近食肆開完又執，執完又開，曉麗苑嘅味皇依然屹立不倒😆。大多數食客都會揀小菜，但我一定會食呢個蘑菇番茄濃湯麵🍅。湯底濃郁，味道天然。配料肉食葷食應有盡有🥬🥓，但我最推介鮮菌。一聽到鮮菌肯定以為係鮮冬菇，其實係冬菇切片後生曬而成嘅，所以一入口就食到乾冬菇特有嘅濃郁鮮味🤤🤤。成個combination都好開胃🤩！💲39 連多士、飲品。

在店內客人未滿的情況下；一個炒飯要等一個鐘！今日在曉麗苑叫咸魚雞粒炒飯；店員重複確認左order2次，都係落錯單（石塘咀炒飯）；然後等左35分鐘居然出左個揚州炒飯出來！要求換返時店員明明答應即起，但都要再等超過20分鐘！一個炒飯要等一小時，非常離譜！

今日媽媽屋企就黎要裝修，忙住大執屋，所以佢都唔得閒煮晚餐了。所以我地揀左外賣味皇返屋企食，希望拿拿聲食完就快d繼續執野。但原來呢個決定係無錯，因為7點鐘已經好多人排隊等入座,諗住外賣會快d 啦，點知都等左成半個鐘。我地2個人食,不過只係叫左一個餐，就係椒鹽肉排飯，個餐有湯有野飲，個份量真係足夠2個人食。肉排既數量真係比想像中多配有薯角，椒鹽味唔算好重，但都有味既，不過就油左小小。野飲叫左紅豆冰 ，椰汁既份量比紅豆多，如果紅豆既比例再多返會更好。