味真越 (已易手) 新餐厅

環境衛生乾淨整潔不錯，但生牛河既牛肉切得唔夠薄，太生食唔到，雞腳也是太單調只食到橋頭味，係我食過最唔好食的，賣相也不好。要讚的是牛腩河個湯好濃味，但牛腩都係食唔到。2/5分

自己平時好少去鴨脷洲，咁岩今次女朋友提議去果邊，咁就順便試左e間越南野😂。E間餐廳好近地鐵站，大約行5mins就到，非常就腳。店面唔算話好大，但裝潢不錯。入到餐廳，望一望餐單，就要左碗香茅豬扒湯河同生牛肉湯河。😆😆😆1. 生牛肉湯河湯底唔算好濃，份量幾大份，牛肉就唔算好多。2. 香茅豬扒湯河豬扒即煎，煎得好香口，豬扒大大舊。湯底好濃，好香，份量都幾大份店鋪值得推介，去鴨脷洲既朋友值得一試👍👍👍

呢間小店係朋友推介的，平時見呢間無乜位，又唔算多人，而附近又有咁多食店，一直都無試呢間。經過朋友推薦，再見到openrice原來咁高分，當然要黎試試啦。有飯餐有粉麵餐同埋小食叫左個香芧豬扒飯$46，都幾靚仔，Ｄ豬扒都幾淋，份量都唔細架。另外呢左呢個牛坑腩湯濛$48，牛坑腩十份淋，好好味，份量一樣唔少架，之前晌另一間食牛坑腩又貴又少份量架，呢碗好滿意。再叫左個小食，炸雞翼$40，有6大隻，炸得幾靚，但唔算好咸，不過不失啦。兩個人埋單$134，晚餐算係抵啦。

味真越，店子小小，郤感到店主用心經營，店面裝修擺設企理，碗筷都印有店名，老闆都好nice。是日點了木瓜沙律，生熟牛肉河，香茅豬扒蒙，炸扎肉，炸蝦餅，炸春卷，香茅雞翼和順化豬肉串，配咸檸七，青檸梳打.....。木瓜沙律，爽口醒胃，酸味味，好fresh。 湯河個湯底都好有越式風味，不錯。炸物都很香口野味，熱辣香噴，配咸檸梳打真爽，可能我個人較好炒野，食品ok但冇咩驚喜，但同行友人好鐘意食香口炸野，話順化豬肉串和炸春卷好正，所以再黎多個round，所以口味嘅野，因人而異。5人前，埋單528元，人均約100元，都算底食，但人多未必好坐，两張二人枱和面壁坐，緊可放一張圓枱給我們5人，可先訂坐。

為食Chloe趁放假去鴨俐洲當自由行，四圍走走食食！見到有一間越式餐廳，店內淨潔坐得舒服，價錢不貴，款色又多！還有我最愛的生牛肉粉，即眼發光光😍😍天氣超熱，先點一杯咸檸七爽一爽先～當然唔少得我最愛的生牛肉湯檬粉啦，十分大碗，牛肉份量亦好多，而肉質又十分滑嫩，連湯底都很甜，好好食叧外，再點了一碗炸豬扒河粉，炸得香口，好食呀！酸辣鳳爪當然不能少啦不過為食Chloe較中意食酸辣鳳爪沙律，而且呢碟亦不夠辣！**文章由香港愛玩生提供**

今曰去到南區探朋友，朋友帶咗我去位於鴨利州大街性價比很高嘅越南菜小店食晚餐佢話佢同屋企人食過，又抵食又好食。我地點在檸檬梳打同鹹檸七，又冰凍又大杯。炎炎夏日飲，真係透心涼另外我地點咗生熟牛肉湯檬粉同牛坑腩湯檬粉生熟牛生湯檬粉（$58）：好大碗，牛肉粉量超多，而且肉質鮮嫩，味道很好，好抵食。如果出面d連鎖越式餐廳食，呢個價錢只得幾片仔牛肉。牛坑腩湯檬粉（$48）：牛坑腩粉量也超多，牛肉很入味，配上香濃牛肉味湯底食，味道很好至於小食方面，我地點咗炸𧎚餅同小食拼盤炸𧎚餅很好食，炸得很香脆可口，配上湯粉一齊食，食到唔停口小食拼盤有雞翼、越式炸春卷、扎肉、豬頸肉，每㨾都很好食，粉量很多越式春卷：餡料有紅羅白絲、黑木耳、粉絲，囗感很豐富，很好味雞翼：很入味，肉質很嫩滑豬頸肉同扎肉：很好食，粉量很多我同我朋友都覺得呢間越式小店，用心經營，性價比很高，呢個價錢食到咁好味嘅越式菜，絕對好食過連鎖式嘅越式餐廳好多呢

地鐵港島南線通車後，入港島南區方便了很多，能避開了經常大塞車的香港仔隧道。今天放假，就遊遊港島南線，遊完海怡站，再在利東站出，在鴨脷洲大街搵食。感覺通車後，鴨脷洲大街變化也不大，食肆都是地下街舖居多，面積不大。在大街近悅海華庭，有間吃越南湯粉小食的小店，於是走進試試。小店環境企理，擺設整整齊齊，座位不多，屬街坊小店，坐得比較焗束。菜式有越南湯粉、撈檬/撈河、小食、沙侓和飲品，食品款式選擇不算多。坐下叫了越式扎肉撈檬($38)、小食香茅雞翼(6隻)($48)、越式炸春卷(4條)($48)和飲品檸檬梳打($22)。越式扎肉撈檬，材料有扎肉、芽菜、蔥粒、椰菜絲、炸蒜、花生和檬粉。扎肉香滑，檬粉爽口，再以酸辣醬汁撈混來吃，開胃好味。香茅雞翼有6隻，都幾大隻，炸得外皮鬆脆，內裡保留肉料，伴以酸甜醬汁，味道可口。越式炸春卷炸得外皮金黃香脆，賣相不錯，上枱時熱氣騰騰，再用伴碟新鮮生菜包裹，放入口中，熱脆春卷加新鮮生菜，口感一流。飲品檸檬梳打消暑解熱，入口清涼。味真越屬街坊小店，整體食物水準不錯，價錢實惠，惟一不足是坐得比較焗束。

自從港鐵南港島線開通後，近排身邊的朋友都多咗去沿線嘅地區覓食！早前見食友去了鴨脷洲趴走，令我這個向來四肢不勤的懶惰鬼，都突然之間心思思，想到區內走訪一趟。反正七一假期，還沒安排好節目，就一於和家人去鴨脷洲逛逛。由於大家都很合作，一早已經起咗身整裝待發，所以首站決定先去「風之塔公園」一遊，之後再去參觀「水月宮古廟」，體會一下漁民的生活和信仰。逛完一個上午，大家都有點累，打算在附近找個落腳點。見這間叫「味真越」嘅舖頭剛開門營業，探頭內望，店面雖然細細，但都幾乾淨企理，反正已很久沒吃越南菜，提議一試。拉開趟門內進，地方只是一派街坊格局，基本上無甚裝潢可言，除了近門口設有一張可以坐四人的圓檯外，其餘的座位都是沿著窄長的走廊和自成一角的轉彎位擺放，不過由於時間尚早，店內還未有其他食客，所以環境都幾寧靜，絕不嘈吵。拿起檯上餐牌，食物選擇不多，項目有小食類、沙律、上湯菜類、湯粉、撈檬、撈河和飲品等。由於這天天氣頗熱，所以決定先點客雞絲沙律 ($38) 做前菜。牙車快賣相平實，雞絲切得很幼細，底層墊了爽口的青木瓜、芽菜同紅蘿蔔絲，而面頭就鋪咗紫洋蔥和花生碎，用料豐富，以檯面的魚露伴吃，醒胃非常。接著是

Had the rare beef pho, the beef here is different to other Vietnamese/Thai restaurants which is rare - cut nicely and not too fat. In my opinion, currently the best pho in Ap Lei Chau/South Horizons and possibly Aberdeen. The friendly lady in the ponytail that cooks also has a lovely smile and it added to the experience Only negative was they didn't have the Vietnamese noodle (金邊粉)

原來鴨脷洲沒有想像中偏僻, 因為地鐵能直達, 非常方便!!! 青檸梳打: 梳打水是正宗泰國製梳打水, 青檸是新鮮的, 所以這是正宗的泰式青檸梳打!!! 青木瓜沙律: 份量超大的!!! 而且價錢非常便宜, 只需HKD28!!! 但味道偏淡, 香料配菜嚴重不足!!! 像在咬草一樣... 生熟牛肉湯金邊粉: 湯底充滿牛肉及牛骨的濃郁香氣, 生牛肉有厚度, 牛味濃厚, 不錯!!! 熟牛肉即是牛腩, 炆得很o林!!! 整碗金邊粉份量也是偏大碗的!!! 一位女生應該吃不消這麼一大豌!!! 上湯蘿蔔: 有渣的, 可能不是季節... 小食拼盤: 雞翼和春卷都炸得很脆, 很香口!!! 卜卜脆的!!! 但是很油膩, 吃後整個嘴巴都是油亮亮的... 扎肉沒有什麼特別, 燒豬頸肉份量是四樣小食中最多的, 不過不失!!!

自從南港島先通車後，多左好多非本土居住的人入黎行下食下野。今日我同爸爸夜晚都坐地鐵入黎利東覓食。出地鐵後況路有好多餐廳，小炒、海鮮、西餐廳都有。最後都係揀左熟悉的越南菜。味真越店舖細細，樓面同廚房加埋只得兩個人，但佢地快手快腳，好快食物就熱辣辣送到我地面前。生牛肉河係我非佛，湯底清甜，牛肉軟腍適中。試左一塊爸爸的豬扒，比牛肉更香口好味，河粉夠滑。雞亦炸得香口，雞肉入味。必食推介之一。

對於地理位置無乜認識而住大埔嘅A姐，佢話鴨脷洲係山旮旯地方（音：山卡啦）指偏僻之地，交通不便嘅山區或郊區。其實，鴨脷洲有好多巴士，依家仲有地鐵直達，都唔係好遠姐，而且又有唔少好味又特色嘅餐廳小店！今日，就等我帶A姐坐南港島線去鴨脷洲啦！地鐵站一出就係全島最旺嘅鴨脷洲大街，好多餐廳都集中喺呢度，左睇右搵，直到經過味真越越南餐廳，不如就食碗撈檬，天氣熱又無胃口真係啱晒。酸辣無骨鳳爪：酸酸辣辣嘅秘制醬汁夠晒開胃，拆骨後嘅鳳爪依然夠晒完整，食落爽口又方便。香茅雞翼：用上香茅醃制嘅雞翼，除咗表層夠晒味，入面嘅雞肉都有好香嘅香茅味！而且隻隻雞翼都脆卜卜，香口但又忍唔住每人食咗3隻。越式炸蝦餅：呢塊蝦餅都幾大塊，切開成八段，即叫即炸，彈牙顙有口感。順化豬肉串：肉串外皮微脆，食落香口肉嫩。生牛肉湯河：醇厚嘅牛肉湯，唔羶又唔油，夠晒清香平實。生牛肉切成長長薄身，望落都知新鮮嫩滑，唔想令牛肉變老，就要盡快將佢浸落熱湯，再即刻放落口喇，濃郁嘅牛肉味好juicy呀！香茅豬扒撈檬：天氣熱食撈檬真係一個唔錯嘅選擇，厚切嘅豬扒煎到金黃焦香，外層少少脆肉嫩，夠晒腍身！而撈檬就好清爽，加埋魚露，真係好開胃呀。凍咸檸七：

對於家住南區的我，當然知道鴨脷洲其實好多好野食，不過礙於地區偏遠隔涉，所以一直都冇咩外人會突登走入黎。自從有地鐵之後，鴨脷洲亦都興旺不少了。今晚我跟男友就來到鴨脷洲大街覓食，如果是坐地鐵的話就可以坐到利東站A1出口行3-4就到，另外有個方法就是由香港仔海傍坐$2.2小輪到鴨脷洲，有風景睇又有海風吹住好舒服呢~ 這間越南小店是在大斜路口，招牌發晒光那間就是了。  小店環境較細，只得單一邊有檯，不過裝修光猛乾淨企理。  Menu非常簡潔，主食基本上得湯粉及撈檬兩種選擇，越式炒飯之類的食物就恕不供應了。 雖然是小店一間，不過筷子上也有heart地印上店名。 酸辣無骨鳳爪 $38 賣相看似平平無奇，不過味道卻非常醒神，皆因它的酸味比辣度更突出。  鳳爪隻隻都肥厚圓潤，無骨鳳爪到處都有得食，不過很多都拆骨拆到溶溶爛爛，而味真越的鳳爪經歷過起骨後依然完整。 順化豬肉串 $48 我跟男友曾經到過越南峴港遊覽，不過由於路程問題我們並沒有到順化看古蹟，看到這道豬肉串打著順化旗號，我們當然要彌補一下小遺憾試試順化的味道。  咬開肉串，外皮微脆，絞碎了的豬肉當中肥膏佔了大部分，食落當然肥美香口，雖然深

鴨脷洲，從來只是遠眺。今天為了豆丁的＜車長之夢＞，首次來到這小島。話說，豆丁得知南香港島線使用無人駕駛列車。最特別就是車頭位置，可以看到前方景觀，所以豆丁想＜扮～車～長＞！！！！！只要站在車頭位置，隔著玻璃窗，真的有如駕駛地鐵的感覺。只是短短十多分鐘的車程，終於到達利東站了！沿著鴨脷洲大街往風車公園的方向走著，順道在附近午餐吧！為了避開漢堡包專門店，於是在轉角位，快快地走入這家越式餐館。這裡真是十分大眾化／街坊的餐廳，簡單裝潢，大都是面壁的坐位。我們一家三口，就到內堂的４人座位，都是面壁的！！！點了二碗河粉，再加几款小食，就是我們的午餐了。　　生牛肉湯河　　　越南餐館，一般有生及熟的牛肉，香茅豬扒，香茅雞翼，札肉之類的湯河檸檬粉。而自己比較喜歡生牛肉湯河，這次也不例外。越南生牛肉，通常是紅多白少，即是肉多脂少，薄薄的牛肉，放在熱湯中浸熟，可以保持軟滑，鮮嫩，還帶有一點肉類應該有的酸味。是牛肉的蛋白質／胺基酸？　　啡色的湯底，內有豆芽，還有必備的九層塔。這九層塔獨特的香味，為這湯底帶來微微的甘味。可是豆丁實在太年輕了，不懂分辨甘和苦，只會說＜呢個湯有苦味呀＞。個人喜歡把幼身河粉跟湯底一同

生牛肉湯粉 $48好食指數: 6/10抵食指數: 6/10湯底濃郁 河粉夠滑湯底夠熱 牛肉上到枱 浸一陣就食得 唔會老配菜分量足夠 有芽菜九層塔等等小食方面 叫咗豬扒同雞翼香茅豬扒 $48香茅雞翼(4隻) $38好食指數: 7/10抵食指數: 7/10兩款小食都係以香茅醃製 非常入味加上即叫即炸 新鮮熱辣 皮脆肉嫩飲品就叫咗青檸梳打青檸梳打 $22好食指數: 7/10抵食指數: 7/10食咗咁多煎炸野最好就係飲番杯凍冰冰嘅青檸梳打解熱氣梳打水用上泰象牌 仲有青檸冰底另上 實夠凍