味角 (已搬遷) 新店位置

去灣仔買野，路過藍屋，見到有一間叫味角既小店，見到餐牌正常價錢，就入去食個快飯，選擇了吉列炸蠔飯，但係轉左湯烏冬（加$8），套餐仲包一杯野飲，我選了羅漢果茶！轉咗烏冬，配菜有一些扁豆，粟米和紫菜，分量多，烏冬軟硬適中爽滑！酥脆炸皮包裹著軟嫩的炸蠔，雖然不算肥美，但有四舊份量都算多，吃完炸蠔再飲佢地自家的羅漢果茶，即刻中和返，羅漢果茶不甜，不錯👍幾滋潤，潤吓喉，啱晒夏天！藍屋是活化和保育的建築群，所以呢度裝修沒有太大的修飾，盡量保持原始！👍

去參觀藍屋，本來想去華陀醫院對面米芝蓮推介餐廳，但係實在太多人啦⋯⋯⋯🫣排隊排到轉彎⋯⋯⋯帶住小朋友根本冇可能佢慢慢等。呢嘅時候俾我哋發現🤩喺藍屋的建築物裏面有一間裝修好文青嘅餐廳，環境舒適，見入面冇乜人就入咗去啦。呢度有午餐套餐，$6-70包一杯大大杯嘅凍飲🥤好抵食。👇🏻👇🏻分享吓我哋食咗乜？🤗生薑燒生肉飯🍛照燒雞扒飯蜂蜜綠茶🍯羅漢果茶紫薯薯餅😋唔知係老闆定係侍應，仲送咗個泡芙甜品俾女女👧🏻芊豆B好開心呀！🎈估唔到幾好食喎！即叫即整，熱辣辣送上！脆脆嘅🍠紫薯薯餅入面仲有栗子🌰㗎！我覺得呢間餐廳唔錯，服務態度又好，👍🏻👍🏻值得有更多客人☺️👫🏻👭🏻👬👫🏻👭🏻👬👫🏻👭🏻👬所以決定同大家分享一下！💖💖💖《味角》地址📍: 灣仔石水渠街74號地舖

今次我地就試下食左個3xx套餐，咁就係連埋main 4道菜，包含前菜，餐湯，主菜，甜品。大家唔需要期待有餐牌睇啦，因為係無架！餐廳做法原來都好得意，晚餐你可以同book講你想要食咩main，例如豬牛羊等，其他前菜主食都係當日廚師幫手去街市睇有咩新鮮時令跟住配搭比你。你可以睇成西餐哦媽卡些。我地今晚兩個人去，選擇左雞，同羊作為主菜，首先上菜既係藍鰭吞拿魚沙律，火炙既吞拿魚，口感嫩滑，並沒有雪味或者血水，外層炙燒完多左層次，呢款沙律加上大量堅果做配搭，吞拿魚下係用牛油果墊底，食落去層次豐滿，吞拿魚味道，配上堅果口感，好似新鮮火炙係你面前，脆卜卜，跟住配上牛油果，令到赤身既口感順滑返。之後就係上蒜蓉法包配上牛肉湯，唔好以為係多士脆口既口感，個包偏向西方法包既口感，內軟，外脆，軟熟既包肉配上蒜油既溫熱，加上個無西芹既牛肉湯，完全係想喊出黎。主菜就係燒法國春雞，同埋蒜鹽澳洲古飼羊架，配上薯蓉雜菜，呢度既春雞整到剛剛好，好似白切雞既口感，外脆內嫩，個時間少一分，成隻雞已經唔熟切唔開，多一分鐘，個雞胸已經會韌，鞋，但呢一隻，時間剛剛好，肉嫩多汁，連食雞胸都好似食雞腿一般嫩滑。羊架個火候剛剛好，嫩口唔

今日去開灣仔石水渠街順便行下香港故事館，呢橦藍色建築物又名藍屋，藍屋早前我已介紹過，今次想介紹係藍屋地下嘅一間餐廳。🥢🥢🥢🥢🥢🥢🍴餐廳小店@delicorner.hk 味角🥢🥢🥢🥢🥢🥢餐廳佈置與香港故事館有關聯性，牆身掛上香港故事館前身街道照片，十分有記念性；而另一邊牆壁放置一些藝術品，坐在餐廳環顧四周感覺十分舒服。食物方面正值午飯時間，餐廳有13款午餐選擇提供，我跟朋友各點了一款，價格相宜，坐在座位可以看到open kitchen內唯一的一位廚師落力地為每位食客即場煮每一個午餐，食得出的廚師嘅心機，跟餐羅漢果清熱降火。◽️◽️◽️◽️◽️◽️◽️◽️◽️#hkmama #hkinfluencer #beautyblogger #kidsblogger #hkfood #hkfoodie #foodie #lifestyle #親子blogger #香港BB #初生嬰兒 #初生BB #baby #NewBornBaby #BabyGirl #嬰兒服飾 #嬰兒 #香港媽媽 #香港好去處 #本地遊 #cafe #夏日搵食推介 #灣仔美食 #灣仔

偶爾來到灣仔工作經過香港故事館居然發現一間與故事館同是藍色的餐廳上面還掛着燈籠這種藍白色的配撘最適合拍照午市選擇有十多款不過好像每天都相同不會轉款照燒雞扒飯$62雞扒普通了一點但整體也不錯生薑燒牛肉飯$62在店外已經聞到牛肉飯的香味配料附了洋蔥和粟米還有雲耳餐飲可選羅漢果茶非常健康隨餐附送餐湯應該是蔬菜湯六十幾蚊不用加一在灣仔真的很抵食牆上掛了不少香港特色地方的相片充滿文化感

之前食過生薑憢牛肉飯，覺得幾好食，所以之後都黎左兩次，想再分享下。吉列炸蠔飯 $62有四隻蠔都ok既，係炸得幾好，好欣賞佢枝豆個味。不過唔知點解今次無左個湯，今日都算早黎，已經賣晒了。值得一提係午飯呢啲繁忙時間都係唔好叫炸野，因為已經算早黎，黎既時候好多吉位，落單之後吉位慢慢都坐滿，好失望係睇住其他遲過我落單既一個一個有得食，但我仲未有得食好似大約等左20分鐘。海鮮炒烏冬 $75由於上次個餐出得好慢，所以今次叫左個每次都聽到好多人叫既炒烏冬，應該出得快啲掛。結果都好快有得食個烏冬底幾滑，幼身少少，都幾好味。有好多隻蝦，兩隻帶子。不過個性價比就唔算太高。整體黎講，因為係古蹟入面都幾特別，都舒服，有少少與世隔絕既感覺，去左另一個平衡空間，入面仲見到當年既地板，都好有特色。不過性價比唔算高。值得一讚係佢既餐飲唔係平時既咖啡或茶，感覺健康啲。下次再去可能會試下個炒麵，因為見到人地食好似唔錯以下係餐牌：

藍屋特色餐廳藍屋都算係古跡，所以係藍屋既餐廳食中午都幾特別。細細個鋪位，位唔多，平日中午都幾多人，好彩我算早黎，仲有位。個餐牌都幾吸引，特別係唔洗再飲咖啡或茶真係成件事都健康晒！我叫左個生薑燒牛肉飯，牛肉幾好，有少少薑味，仲可以自己加燒汁，雲耳有少少酸酸甜甜，成個飯個味好夾，真心唔錯仲有麵豉湯幾好味。野飲叫左蜂蜜綠茶🍵好清甜好健康。$58 有呢個質素真係唔差！不過少少美中不足係因間鋪位比較細，食緊既時候不停有人等位，所以都唔好意思慢慢食。

午市一個人幫襯，灣仔區呢個價錢，坐低食飯唔洗搭枱又有咁嘅質素，店員服務態度又好，仲可以去邊樹揾呢?! 希望佢哋午市套餐簡唔中可以有小小變化，加多啲豚肉類選擇就perfect 嘞！SUPPORT!!!

呢間舖頭可以接受WhatsApp預訂，為咗慳時間，我先叫咗佢哋預備生薑燒牛肉飯。職員態度好好，環境好舒服，好闊落，而且唔使等位。食物5分鐘就到。呢個餐性價比好高，$58，大大碗生薑牛肉飯，個麵豉湯入面好足料啲洋蔥好甜，有蘿蔔海帶，仲送埋一杯羅漢果茶，最緊要係唔甜啱晒我養生！個燒汁好味，調得唔錯，不過略嫌牛肉有啲肥。之後老闆娘都好好人同我講可以幫我處理，話食材一批批，有啲瘦有啲肥，下次會叫埋朋友來！

一個人午饍，其實難找又便宜又少人又抵食，今次特登走來這小區，發現有新點在藍屋，以前係比較貴少少餐廳，現在是食物日式，裝一橫似在越南古舊pho 店。我比較小心防範疫症膽小鬼，要等獨立位才入座，侍應殷勤招待，又幫我轉枱加板，收銀仔仔都好好。點生薑燒牛肉飯$58，有薑香味而無辣味，紫薑少條，肥牛片令飯略油，醬汁另上，但珍珠米都有味，最喜歡有蜂蜜綠茶羅漢果茶選， 不用只得檸檬茶檸檬水.....有些要加工$10。茶俾咗杯暖，其實我要凍，無加冰最好。埋單不收加一