味道

营业中

休息中

今次想介紹一間位於上環小巷的東南亞菜小店，因到每天中午就排哂長龍，有次好奇之下就跟住一齊排隊等入座，食物質素同性價比都算幾高，所以今次朋友過黎上環搵我食飯，就揀左呢間小店。🍢🔥👬👫👭🍽️✨ 越式香茅蔥油豬扒煎蛋飯($70)，香茅豬扒大大塊，佔了半個碟的位置，豬扒切成一塊塊，骨放在底，肉放在上面，豬扒啖啖肉、塊塊鬆化，炸至金黃色，恰到好處，豬扒配蔥油多了一份香蔥滑溜的味道。我會用旁邊小小的蔥油撈上太陽蛋飯，真是美味又回味。🐷🍳🍛✨ 炸雞脾配泰式冬陰功河粉($84)，見到不同枱的食客都拎住炸雞脾食確實滋味，雞脾大大隻，新鮮炸起、外皮炸得脆口，雞肉嫩滑，蒜香味道濃郁。冬陰功河粉的湯底調製得很濃稠，唔算好辣，冬陰功的酸、香茅味突出，好開胃，內裡還有豆卜、魚片、芫茜、紫洋蔥和河粉，食完朋友都話幾暖胃和份量很多，幾有滿足感。🐥🍗🥘✨ 炭燒豬肉串，豬肉串的表面塗上了蜜糖，帶有甜甜的味道，豬肉串的肉質鬆軟，肉汁豐富，旁邊的秘制沙爹醬加入了粗粒的花生和花生醬，令串燒的味道更香口，絕配的搭配。🐷🍢🥜✨ 飲品方面，這店飲品單點也很平價，連平時泰式特飲青檸檬梳打和泰式奶茶都是一律$12，平得來都是有一定質素，非

之前同事帶過我去食呢間，記得當時晏晝去都要排隊10分鐘😱 今次我就醒定夜晚先去，估唔到仍然全場爆滿，仲要等位經過男友精密分析，呢度嘅餐大概70到80蚊落樓，就算飲泰式奶茶都係加$12，而且每人都會叫最出名嘅炸雞髀！！目測每枱都有，可見受歡迎程度上次試咗炸雞髀係生炸，上枱真係勁大隻熱辣辣。飲住食完先再食冬陰功麵。另外香茅蔥油豬扒煎蛋飯又係抵抵之選，完全中哂男友既愛好 😆 循例每人加杯特飲，超級滿足—————-𝙒𝙚 𝙤𝙧𝙙𝙚𝙧𝙚𝙙:炸雞肶配泰式冬陰功河粉 $84越式香茅蒽油豬扒煎蛋飯 $70泰式炭燒豬肉串 (6串） $95+12 泰式奶茶+12 青檸檬梳打—————————————————𖠿𖥣 味道 (上環)〒 上環畢街15號地舖—————————————————⠀⠀⠀⠀⠀⠀⠀⠀⠀#hkfood #hkfoodporn #hkfoodblogger #hkfoodpic #hkfoodies #yum #hkfoodstagram #foodie #foodporn #foodphotography #foodgasm #foodstagram___🥇Follow @eathkgirls

之前睇youtube見人介紹上環呢間小店，無論午市定晚市都好多人光顧，又話炸髀大大隻、性價比高等等好評，即刻吸引左我嘅興趣😆。難得要去港島做野，收左工登特坐幾個站嚟潮聖一下。星期四晚上6點嚟到，當時客人唔多。不過差唔多7點，每枱都坐哂人，門口仲有人等位。如果唔介意坐得迫夾D，搭枱嘅應該可以直入。炸雞髀配冬陰功河粉 $84由於呢度炸髀出名，加上自己同友人都中意食啖啖肉嘅雞髀，所以每人叫左一隻😏。友人隻炸髀SIZE正常，佢話算唔錯。至於冬陰功湯就太酸、唔辣、甜味唔夠，得個酸字，河粉偏碎，麻麻地。炸雞髀配日式咖哩撈鳥冬 $84我自己果隻雞髀比友人果隻更細隻，再同包紙巾比較，好明顯只係1.5包紙巾嘅SIZE….好失望，根本就唔係大隻…🙄除左SIZE之外，雞髀炸到有少少苦，而且醃到好鹹!!! 😫日式咖哩有D甘筍同薯仔，但一D都唔日式，唔甜之餘，仲要好鹹!!😑基本上髀同咖哩都唔OK，唯一優點係雞髀即炸出嚟，熱辣辣。總體食物唔啱我口味，調味過鹹，全餐最好係杯咖啡😂餐廳無加一，支持電子支付方式。

秋風起涼涼哋⋯⋯老婆話要買臘味！買臘味，梗係去上環啦⋯⋯知道呢間餐廳長期爆滿！特意就去醫肚先！避開繁忙嘅時間！泰式炭燒豬肉串豬肉串肥瘦均勻！炭燒之後脂肪嘅香氣散發出嚟！肉汁豐盈！自家製的花生沙嗲醬，非常出色！泰式香茅蔥油豬扒煎蛋飯豬扒肉質相當鬆化⋯⋯軟嫩多汁！滲出淡淡的香茅香氣！非常惹味！加埋大量嘅蔥花和蔥油！枱面備有特製甜豉油😋想落幾多就幾多👍⋯⋯加埋一個非常靚仔嘅太陽煎蛋🍳⋯⋯😋😋炸雞髀配泰式冬陰功湯河雞髀🍗超巨型！香脆嘅外皮包住多汁嘅雞髀肉，非常美味！要加分！👍⋯⋯冬陰功湯酸辣豐富！河粉吸收晒濃郁嘅湯頭！最後連湯都飲晒！青檸梳打又清新又解膩⋯⋯泰式奶茶茶味非常香濃！有獨特嘅香味！

朋友見味道近我做嘢嘅地方約我嚟試下，果然有驚喜豬肉串燒肉質軟腍，唔會燒到乾晒，沙嗲醬花生味勁香濃，甜甜地好開胃炸雞髀冬陰公湯湯，雞髀皮脆肉嫩鎖到肉汁，冬陰公湯調味好好，辣度剛好，河粉又唔會太淋豬扒飯，配甜豉油勁好食，大大份啖啖肉，飯粒粒分明，加埋蔥油同蛋汁食得好滋味泰式奶茶勁香，青檸梳打清甜解渴當晚都幾旺，坐滿晒人，不過唔會過好逼，環境光猛乾淨，都坐得舒服，啲姐姐好殷勤，餐牌嘅選擇又唔少，味道好份量足，CP值高

食物味道不錯可惜態度趕客！11:15 分入坐，侍應告知暫時未有嘢食要等20 分鐘，我於是叫杯凍檸茶一邊飲一邊等，其間一直有客入，有5枱一齊等緊。我問侍應可否落住單先？侍應態度麻麻回應‘ 唔得！’ 我話咁多人等緊，仲有人外面要order 外賣，一齊要落單咪好亂，我旁邊一枱客就話咁點知邊個嚟先？ 侍應再回應：’係要等我無辦法㗎喎！‘我： 如果要解決問題一定有辦法！水吧加入回應： 你咁樣搞到我哋好亂，外賣又要入單，堂食又入單，等下啦小姐！其實客人唔會知你內部運作，水吧仲好似怪返D客人搞亂入單次序！如果真係會亂唔繁要，唔需要怪客人，其實好簡單一兩句’ 要客人等真係唔好意思，一陣間我地會盡快落單唔好意思要各位等多陣，或者叫唔叫住嘢飲先？……. 咁講一定無人不滿啦！個侍應真係唔識同客溝通，佢只係帶出，唔關我事，所有係公司決定！佢越講令人越火滾！

上環啲餐廳係哂啲巷仔入面，每次經過都會有唔同既驚喜今次就入左一間多國菜試下，餐廳座位唔算多，但唔會坐到好迫既感覺見到其他食客都係食泰國菜多我地就跟風叫左幾樣泰菜．泰式炭燒豬肉串個沙嗲係成個串燒既靈魂，花生味出咸甜分明，而且個豬肉一啲都唔柴，少少炭火燒成嘅燶邊，好有驚喜~．越式香茅蔥油豬扒煎蛋飯蔥油非常香，而且配合甜鼓油好惹味，豬扒好有驚喜超級大塊抵食，非常容易切開，口感軟淋但肥瘦適中，加上太陽蛋嘅加持，成件事好滿足，怪唔之得差不多每枱都有人order哩個飯~．炸雞肶配泰式冬陰功金邊粉又係一個每枱客都必叫號菜式，炸雞肶係另上保留住雞肶嘅香脆油香，比一般生炸雞肶無咁咸，個人覺得幾好；加上個冬陰公湯好足料，個湯底輕輕一撈都會見到店家嘅用心，真係好似去咗泰國小店嘅感覺再加上我地叫左桔仔水同泰式奶茶都還原到當地味道，真係唔錯呀~

黎到上環小巷仔 今次我就品嚐了越式香茅蔥油豬扒煎蛋飯，真是一次味蕾的享受！豬扒外焦內嫩，香茅的香氣與蔥油的鮮味完美結合，而那隻半生熟的蛋，更是為整碗飯增添了絲滑的口感，輕輕一撈，蛋黃與米飯混合，絕對是吃飯的最佳伴侶。之後接下來是泰式炭燒豬肉串，配上特製的沙嗲醬，簡直令人垂涎欲滴。豬肉串 表皮微焦，肉質鮮嫩，沙嗲醬的香甜和微辣讓人一試成主顧！炸雞髀的表現同樣出色，外皮酥脆，肉質鮮嫩多汁，搭配泰式冬陰功河粉，味道更是入味。河粉吸收了冬陰功的香料精華，酸辣的口感讓整個餐點更具層次感！最緊要係配料充足好豐富成個河粉最後，飲品方面我選擇了泰式奶茶，甜度適中，香濃可口；還有青檸梳打，清新爽口，是完美的解膩選擇。

置身於畢街嘅一條小巷之中，味道可以話係上環區一間大名鼎鼎嘅排隊小店🥳單單靠炸雞髀已經累積咗唔少捧場客！生炸雞髀 配 冬陰功湯河粉嚟得呢度，一定唔少得要試佢哋嘅炸髀👻上枱熱辣辣香噴噴除咗基本外脆內嫩😍重點係雞髀裡面仲係非常Juicy，肉質嫩滑之餘，調味本身亦做得好出色😋炸髀跟一碗泰式冬陰功湯河粉，入口酸酸辣辣，還原東南亞嘅在地味道🤣越式香茅蔥油豬扒煎蛋飯就咁睇賣相，已經明顯睇到同其他店舖嘅分野😎豬扒大大塊，預先剪好晒方便大家share食😁煎蛋好靚仔，食慾大增！至於蔥油就幫成碟飯加晒分，惹味程度滿分😈炭燒豬肉串豬肉燒得焦香脆口，肉質香滑😋簡簡單單嘅串燒，食得出選材嘅上乘🤪青檸梳打+泰式奶茶兩杯傳統特色飲品，一杯清爽，一杯香甜！

餐廳人氣滿滿 晚市需排一陣隊先食到😳食物味道幾出色 特別喜歡炸雞脾💓-✨越式香茅蔥油豬扒煎蛋飯 香茅豬扒肉質都幾嫩 外微脆內嫩 份量好足 食極都仲有😳個飯撈完蔥油、蛋汁同甜豉油好正 好開胃😆✨炸雞脾配泰式冬陰功河粉 冬陰功湯底好出色 酸酸辣辣 好夠味 亦都好足料 內有菇、粟米仔、豆卜及魚片頭等 而炸雞脾好大隻！炸得脆身 炸粉吾會厚 肉質好嫩 仲有鎖住左肉汁 每一啖都好Juicy🥰✨炭燒豬肉串有4串 肉質嫩多汁 帶點炭燒香 食落甜甜地 自家製沙嗲醬仲有粒粒花生粒🥰✨泰式奶茶奶茶甜度適中 飲落好順滑同奶香味重-✨青檸梳打飲落無咩甜味 感覺幾清新解渴

味道 Yum Yum 😋係一間隱世巷仔美食✨️ 好多人都為咗巨型炸雞髀而去🤭而我當日夜晚去🌙都仲見到有一條長長人龍。店舖吾大，但翻桌率好高👍🏻所以都吾係排咗好耐‼️🍑泰式炭燒豬肉串🍖佢有分為四串4️⃣同六串6️⃣每一串都非常熱辣辣🥵 一上枱已經可以感受到熱氣逼破🔥放落口炭燒味道好香✨️豬肉幾有咬口，沙爹醬亦都好好食成個配搭唔錯👍🏻🍑韓式雜菜香茅豬扒拌飯🥘裡面有芽菜，菠菜，紅蘿蔔絲🥕香菇🍄仲有一隻煎蛋🥚配料比得好充足，份量都幾大。而香茅豬扒大推🐽炸得熱辣辣，好酥脆✨️豬扒咬落去吾會好硬，帶有少少油脂幾好味👍🏻🍑炸雞髀配雞絲湯米粉🍗炸雞髀係人氣之選🏆基本上每一台都會見到有人叫🍗炸雞髀外皮炸得非常脆✨️雞髀肉非常多汁🥰食落去真係幾唔錯。而平時大部分人係會跟要冬陰功湯底🌶但我怕太辣就轉咗做雞絲湯底🥣飲落去好舒服

今天同朋友去上環親友屋企打麻雀，到食晚飯時就係附近搵吓嘢食，我朋友喜歡食泰式料理，親友就介紹附近有間好抵食嘅泰式餐廳，這間餐廳叫味道，位於上環畢街15號舖，港鐵上環站A2出口，行幾分鐘就到，非常方便。這間餐廳雖然在橫街但係街頭已經見到，尤其是個餐廳招牌都很顯眼，餐廳空間都不細，裝修得很簡約整潔，店員有禮貌，服務態度好，來這裏食都不錯。餐牌上主打係泰式粉麵飯、小食和特色泰式飲品，亦有特惠的套餐包埋飲品，價錢真係好抵，我們叫咗兩個特惠套餐和一個小食。首先來個小食嘅泰式炭燒豬肉串，份量都唔少，炭燒豬肉有4串，豬肉夾咗小量肥肉，用泰式醬汁調味後，就串在竹籤上用炭火燒烤，外皮燒得香脆，豬肉嘅肉質嫩滑，香口多汁，配搭埋沙嗲醬真係好味好食。而飲品嘅泰式凍奶茶好有泰國特色，用泰國茶同香料混合而成，香料味濃，夾埋牛奶冰冰，好有濃郁的奶茶味道，好味好飲，而青檸檬梳打嘅酸味和梳打水就好配合，令口感好清新，亦好適合同食物一齊食。套餐嘅炸雞肶配泰式冬陰功河粉真係要必食，隻雞肶大大隻，即叫即炸即食，雞皮炸得好香脆，咬落口脆卜卜好入味，而雞嘅肉質好嫩滑，咬落口好多汁，再配搭冬陰功嘅河粉，正宗泰國風味，味道酸酸辣辣，

今天到這家東南亞餐廳溫馨提示：中午需要排隊豬扒泰式冬陰功河粉豬扒之前應該先炸過，切件，才放湯，所以亦有微微煎香，帶有香茅味道，肉質 juicy冬陰功河粉味道好地道，送到枱面時看到很豐富，大量芫荽，湯底濃郁，非常開胃，粉麵沾上了湯底，好好味豬扒香葱伴麵豬扒沒有令你失望，炸過的豬扒，表面好吸引，口感唔錯，伴上蔥油，令豬扒更香口，非常好味。蔥油加上店家的甜豉油，混在一起，鹹鹹甜甜，非常好下飯。另外豬扒煎蛋飯，同樣地出色，煎蛋的脆片非常吸引，所以特別叫多兩隻煎蛋（$7/隻）泰式奶茶：一貫的泰式風味，好飲其他的港式奶茶咖啡亦都唔錯

好耐之前已經聽朋友推薦而想嚟，今日就作為同朋友上環中環一日遊嘅尾聲畫個完美嘅句號。因為依間聽講長期排長龍，所以我地都早咗去，好好彩唔洗等位直接入，但都已經差唔多滿啦。餐牌選項都好多，當然要試大家都好推薦嘅炸雞脾配泰式冬陰公河粉(另外仲有粉絲/米粉/金邊粉可以揀)，另一個餐就係越式香茅蔥油豬扒煎蛋飯，再加咗炭燒沙嗲豬肉串。本身包一杯餐飲，加錢轉咗特飲，食泰國野最中意就係飲泰式奶茶，另一杯就係青檸檬梳打。個樽好靚好特別!本來泰奶本身比起港式奶茶濃味啲，而依度濃味之餘又唔會太甜太膩，恰到好處。熱焫焫又香噴噴嘅嘢食都好快送到。炸脾大大隻啖啖肉，拎上手果陣仲有小小燙手。外皮食落同外表一樣都脆卜卜，好香口。雞脾本身有醃過，炸完之後肉質仲保持嫩滑好juicy，加埋香料好惹味，邊食果陣啲油仲邊滴緊落嚟。冬陰公湯夠辣，配埋好吸湯嘅河粉超完美!豬扒飯要配埋枱面嘅醬油食，撈埋蔥油同蛋黃超邪惡但真係好好食。豬扒都煎到勁香口好惹味。而串燒都好出色，烤到恰到好處，表面香脆內裡嫩滑，加埋沙嗲醬係一絕。每樣嘢都超好食，唔怪之得聽人講成日都大排長龍。食過一次已經愛上依間店嘅炸脾。

✨上環人氣小店✨忙裏偷閑，星期六到上環食bookmark左好耐既小店。星期六既上環多一點寧靜，因為早去，唔洗排隊直入。💜炸生髀配冬蔭公河$84 🌕🌕🌕🌕/5第一次見呢個配搭，好新鮮，所以一直想試。雞髀炸到勁脆啦，大隻多肉食，切落去雞汁流晒出嚟，好juicy，雞髀沾冬䕃公湯食，又另一個風味。冬蔭公湯酸酸辣辣極開胃，啱晒夏天咁熱冇咩胃口食。🍴整體食評✅炸髀唔錯✅冬蔭公湯底惹味✅配搭新鮮✅多種選擇❌價錢可以再平d