和匠日式燒肉店

营业中

休息中

想搵間不限時有水準的燒肉店，同老友飲下酒食下，吹下水。睇完食評，再被不限時吸引到，即管一試。小店在後街不起眼的地方，坐位不多，星期五的晚上，好幾枱年輕人慶祝生日，非常愉快的晚餐，食物質素高，價錢等值，三個人點左飛鄲牛，美國牛，厚切牛舌，還有雞脾肉，豬腩肉片，燒雞翼，魚翅干，2支清酒，1大1細。$3000埋單，預料之內。Gigi唔知係咪老板（太子女？）禮貌解釋介紹態度👍🏼令人回味的一餐，應該好快會再去😋

每次去佐敦食燒肉，都一定會去呢間（和匠）燒肉店，因為裝修日本風格座位寬躺舒服食物唔使講好有水準🌟職員仲好細心會講解每一樣食物👍一開頭健康之選（日本安委野豆腐沙律）日本豆腐唔同啲又甜又滑 加埋雜菜非常之新鮮健康👍芥辣八爪魚粒：八爪魚非常之新鮮彈牙芥辣，仲可以開開胃美國Prime牛小排：唔使講就咁見到啲牛小排雪花非常之靚牛排每件都好適中，食落去仲非常之重牛味非常之有質素⭐️汁燒牛肪肉：呢個我都好鍾意雖然牛肉細細片，但係雪花紋又靚加埋啲秘製燒汁食落去非常之好味，唔識形容🫢日本國產鹿兒島黑豚：每一件都好厚身好通透食落去口感唔錯，肉質彈牙日本產阿波尾雞翼2PC：呢隻雞翼同平時唔同冇乜脂肪食落去肉質細嫩唔錯👍日本座帆立貝（牛油、蒜下、黑松路醬）：帆立貝大隻新鮮加埋黑松露最好配搭值得一試燒原條茄子：茄子大大條，師傅手勢好好燒到剛剛好肉唔會乾晒食落去仲好新鮮好好味🌟飲品叫咗熱情果特飲非常之清新🍹

日式燒肉有好多新派或連鎖店，但我比較鍾意佐敦嘅和匠，幫襯多年，質素穩定雖然食燒肉係主角，但都食過番茄沙律同磯煮鮑魚開吓胃先：前者蕃茄甜中帶酸，其他菜類份量都好足。而鮑魚就煮到非常腍又入味😋👍通常鍾意叫呢個牛魔再現套餐然後再加其他嘢，因為個套餐好抵食，六百幾蚊有齊美國Prime小牛排，美國Prime牛角切及日本A4和牛肉眼。牛小排油花分布平均而牛味都夠。牛角切每邊燒香等油份釋出燒到脆口食就啱啱好。油分最豐富嘅A4和牛肉眼最後食，由於脂肪豐富，可以燒耐一啲，令油分釋出，食落就冇咁油膩，而入口即溶幾乎唔使咀嚼，超喜愛肉類方面再追加咗日本產阿波尾雞腿肉，由於呢種雞係用放養嘅方式，運動量充足，所以脂肪比例好少，食落去有雞味之餘亦都有煙韌嘅口感，燒完都有肉汁，唔怕太乾又加咗個蝦天婦羅，一個Order有三隻，炸係特別調配，好鬆脆，點完酸汁都唔會腍哂最後加個牛肉手打稻庭烏冬，選擇咗豬骨湯底，貪佢夠濃味。而牛肉嘅份量係多到鋪滿成個碗，兩個人分食一碗啱啱好，食完超滿足😋😋

和匠是一間令人念念不忘的日式燒肉店，一來餐廳的職員服務態度很好，又會教客人怎樣燒，二來性價比極高，中位價錢但有高質牛肉的享受。最近工作太忙了，難得今日不用加班就約了朋友來好好享受一下。因為天氣太熱，就點了桃味及熱情果特飲降一降溫，食物方面就除了點一份牛魔再現和豬頸肉外，還點了一些單點小食。 餐廳有三款醬汁配肉，包括柚子醋、燒汁及芝麻醬，本人就覺得柚子醋最好，令牛肉的味道更清爽。·日本安曇野豆腐沙律豆腐的豆味極香濃～配新鮮的蔬菜及芝麻醬，好開胃。·牛魔再現 包括有美國prime 牛小排、美國prime牛角切及日本產A4和牛肉眼。牛小排的脂肪分佈平均又不失牛味，而且厚薄適中，可以燒到外脆內軟的口感，肉汁豐富。以前不太喜歡食牛角切，但跟著職員的指導，先將牛角切的六邊輕輕燒過，再集中燒兩邊，就可以將肉汁完美地鎖上，咬下去就感受到濃濃的肉汁，令我深深愛上牛角切。日本產A4和牛肉眼就不用多說，油花豐潤，厚薄適中，將表面燒得香脆後，口感一流！入口即融，感受那種牛油在口裹慢慢融化的滋味。·黃金燒深海老虎大蝦蝦身非常大隻，調味適宜，濃濃的蝦膏好惹味。•燒原條茄子燒得好juicy，以燒汁、香蔥和櫻花蝦調味

今日去咗佐敦食燒肉，餐廳都紮根佐敦好多年，食物簡單，食材有心思。前菜蕃茄沙律，簡單嘅粟米蕃茄生菜配少少日本嘅酸汁，夠開胃，食肉之前都要食少少菜。點了牛魔再現套餐，有特級美國牛小排，和牛及牛柳粒，上枱見到每種肉嘅雪花都好均勻，紋路清晰！首先食咗個美國牛小排，入口有油香，肉味夠濃。第二種係A4和牛肉眼，一路燒一路見到火光紅紅，油份必晒出嚟，已經非常吸引，唔使燒到全熟表面有焦香，就剛剛好，入口即溶，油肪甘香。最後美國牛角切，慢慢燒熟每個表面，再等一等就可以食得，雖然係角切位置，但係入口都好鬆軟，一啲都唔會韌，而且有我喜歡的肉味，越咀嚼越有味！另外枱面會有些柚子，燒汁 , 胡麻醬，食得太多肉，有時候加點醬汁調下味都不錯！唔夠喉加咗個日本日本阿波尾雞，日本嘅雞肉特別細緻，燒熟之後唔會覺得有躁味。之後嗌咗個大蝦天婦羅，師傅炸嘅時候應該加咗啲天婦羅絲喺面，所以成個蝦入口外皮非常鬆脆，就算點埋酸汁，外皮依然堅挺夠香脆。最後嗌咗個牛肉拉麵，牛肉夠粉嫩，配搬合拉麵湯豬骨湯，又飽肚又好味！

和匠燒肉店係令你回味的燒肉店，所以今次已經唔係第一次食！加上見佢menu轉左，所以試吓好新野😁首先前菜方面叫左日本安曇豆腐沙律，豆腐好滑重豆味，沙律菜新鮮，胡麻醬穩陣好味😆期次叫左芥辣八爪魚粒，芥辣味唔會太濃，而且八爪魚粒波比較大粒，好有咬口！燒肉方面嗌咗每次都必嗌嘅美國prime牛小挑脂肪均勻，油花好靚！好Juice！汁燒牛肋肉都好吸引，醬汁自家製，較甜身，牛肋肉亦好鮮甜👍由於朋友係雞翼迷，所以第一次試吓日本國產阿波尾雞翼，皮身好薄，燒到脆面，而且有好香濃嘅雞肉味，咬落口仲好多汁！鐘意食雞嘅必試👍海鮮方面嗌咗黑松露帆立貝，大大粒，好濃烈嘅牛油同蒜蓉味道👍🤣另外嗌咗燒茄子，平時食川味燒茄子比較多，今次試吓日式有蔥同櫻花蝦甜甜地嘅味道！都係另一種享受！👍

平時中秋佳節要BBQ 今年冇BBQ都要食日式燒肉😁咁啱經過佐敦見到呢間和風裝修日式燒肉店 就入去試下 入面座位寬敞舒適我哋6點幾食未到食飯時間 之後食食下就開始多人 陸續坐滿進店後店員安排座位 貼心介紹餐牌及特色菜前菜牛蒡漬 $38 爽脆口感 解油膩溫室室蕃茄沙律🥗 $ 68新鮮有機菜 蕃茄鮮甜，好啱做開胃前菜鹽燒阿波尾雞翼 $90 來自日本的雞翼 皮會比普通的雞翼皮薄所以燒完雞皮會特別金黄香脆 入面肉質仲係鮮滑唔會過老美國PRIME牛小排 $168 油脂分布很均勻 入口感覺到油脂化開仲有好香牛味 配上燒汁或者原味都非常不錯鹽燒豚腩肉 $84 一層油脂一層肉 燒嘅時候逼曬啲油脂出嚟燒到两邊金黃香脆 入口一啲唔會覺得肥膩 反而好香口配上醬汁味道口感更豐富以上燒物 都由店員親自燒或教導我們如何燒非常之細心👍🏻👍🏻👍🏻櫻花蝦天婦羅迷你丼飯 $48 誠意推薦 有驚喜雖然係迷你丼飯份量十足 香甜珍珠米 上面 鋪滿爆多香脆櫻花蝦两者搭配 口感特別豐富 燒肉不能缺少的凍飲🍹桃味特飲 清凉解渴

同朋友去佐敦呢間和匠日式燒肉店，環境舒適，食物高質素，好適合同朋友聚會🥗溫室蕃茄沙律$68牛蒡漬$38開胃前菜沙律，酸酸甜甜，蔬菜新鮮，牛蒡漬爽脆，咸味剛好，可以幫助食燒肉時解膩😆🐄厚切牛脷$198選用左美國牛舌心，職員服務細心為我地煎，也會講解煎牛技巧，牛脷爽口，爆多汁，口感好彈，好好食🤣👍🏻🐄美國Prime牛小排$168🍳半熟蛋迷你丼飯$48牛小排花紋勻稱，油脂多，牛味濃，沾上柚子汁或燒汁，提升牛的鮮味😋配上半熟蛋丼飯，蛋汁沾上牛小排，好正🤤尖椒天婦羅$28尖椒大條微辣，香脆可口，配上天婦羅汁好夾😍正芒果特飲$28燒肉最夾梳打，呢杯唔會太甜，剛剛好👍🏻👍🏻

溫室蕃茄沙律-很適合的開胃前菜，份量好多。美國prime牛小排-油脂分布很均勻，口感好淋，入口有溶化的感覺，重牛味，店員介紹這是美國最高級的牛肉。汁燒牛肋肉 - 香蔥配上秘製醬汁，好香，牛肉和醬汁都一流，非常推介。豚腩肉 - 由店員親自來燒，兩面燒到金黃香脆，賣相和味道都不錯，配上燒汁後更香。秋葵天婦羅 - 第一次食，感覺很清新。日本帆立貝-配上黑松露、蒜蓉、牛油來燒，一上菜已覺得非常吸引。特大緬甸虎蝦 - 好大隻蝦，兩隻蝦已經放滿整個爐，蝦肉好爽甜。冷蕎麥麵 - 很適合炎夏時食，份量超多。

好朋友說帶我食高質烤肉，訂了位不用等。侍應安排坐角落位置，自成一角傾計不被打擾。感覺環境都是比較清靜，挺適合和朋友聊天聚會。我們先點了日本安曇野豆腐沙律(胡麻醬)，來個清新沙律打開了胃口，之後點了重點的靚牛牛～牛魔再現-和匠推介：有美國Prime牛小排，日本國產A4和牛肉眼，美國Prime牛角切，豚腩肉(鹽燒)，還有來自KK園區的緬甸特大虎蝦(開玩笑)，侍應姐姐很好幫我們燒第一回合，教我們如何燒才能鎖住肉汁，令牛牛肉質和味道更上一層樓，真的烤肉長知識。另外點了牛油炒雜菌，濃濃的牛油味包住熱辣辣的菇菇，非常美味。最後配上一杯冰凍的百香果梳打特飲，和烤肉非常匹配。

和好朋友約會當然要好好珍惜，選擇日式烤肉最好不過，雖然店內主打飛驒牛，但還是選擇了較經濟的美味牛牛套餐，有國產a4和牛肉眼，美國prime牛小排，還有牛角切。最豐厚油脂和甘香必定是a4和牛，兩面都輕輕一燒便可以食，而牛小排就要燒耐少少，肉味較濃和有咬口，角切燒的時間要再耐多少少，因為有六面，要每面都均勻受熱，好考功夫。緬甸大虎蝦，廚師細心將蝦中間切開，燒起來更易熟透。天婦羅大尖椒，只限吃辣的我獨享，非常椒香。最後點了一客牛肉稻庭手打烏冬，勁多牛肉，烏冬煙韌，令晚餐尾聲更添一份滿足。

今次已經係我第四次來，好中意呢到食物質素保持水準，每次嚟店員都好nice介紹menu，又教哂我地點整，每次嚟menu都有新款式溫泉蕃茄沙律🥗好fresh好大碟，食完清新既沙律即刻開哂胃期待美國Prime牛小排🇺🇸Prime牛肉係最頂級美國牛，店員好nice教哂我地點燒，冇浪費咁靚既牛😋牛小排本身比較厚身，燒完依然肉質好嫩滑，燒既時候唔好反太多次肉面保持到肉汁汁燒牛肋肉🥩呢個建議完全唔使點汁，本身個秘製醬汁少少帶甜已經同牛肋肉非常配搭豚腩肉🐷第一次試燒腩肉有軟骨😋店員教我地點樣燒到兩邊金黃色，口感脆口，試咗原味可以試埋點下秘製燒汁多種味道黑松露蒜蓉牛油帆立貝🐚Size特大粒，本身燒帶子已經好香，加埋黑松露、蒜蓉、牛油味道超邪惡，黑松露同埋蒜蓉打成好似薯蓉口感特大緬甸虎蝦🦐淨係兩隻特大虎蝦已經霸哂成個爐😂足足成10寸大既虎蝦，燒到啱啱好依然蝦肉爽口

朋友話佢同事介紹佢去佐敦呢間燒肉就搵我嚟一齊試試地點其實好方便我地坐地鐵出行幾分鐘就到醬汁包括有有子醋 特色燒汁和胡麻醬首先叫了螢光魷魚🦑送酒一流夠晒味道溫室蕃茄沙律好新鮮配柚子醋食落好fresh同埋份量都幾夠炸蝦天婦羅呢個超級推介一d都唔油外層鬆脆裏面蝦又大隻又新鮮同出面嘅炸粉唔同佢個炸漿真係整得好好叫左牛魔再現套餐分別有A4和牛肉眼美國prime牛小排美國prime牛角切A4和牛滿佈油脂好嫩好好食入口即溶配柚子汁較適合侍應好細心教應該點燒美國prime一d都唔輸蝕食落牛味比較重肉質比A4和牛有𡁻口但一啲都唔會un鹽燒豬腩肉當然都要試下豬肉同油脂比例不錯食落唔會覺得油反而好香好食最後燒蘆筍好嫩無渣侍應姐姐教燒蔬菜放爐側邊唔好放中間好彩有佢d tips總括來說服務環境食物都好好真的無介紹錯我地仲拿了九折卡下次再來有優惠👍會再幫襯

今日約了個很久不見的舊同學食飯，揀了佐敦站附近的日式燒肉店，地點方便，而且價錢合理。二個人點了一個二人牛肉拼盤、一份豬腩肉、炒野菜及燒元貝。牛魔再現：牛肉拼盤份量十足，三樣牛都有六件，而且厚切，食完都有點飽。A4日本和牛：油脂分布均勻，佈滿了雪花紋，燒香兩面令油脂滲出，滿口油脂甘香，入口溶化。美國prime牛小排：牛肉部份比油脂多，牛肉味比較濃郁，但依然有油脂香。美國Prime牛角切：燒至六面滲出油脂，牛肉味濃而且無渣。豬腩肉：腩肉燒至兩面金黃，油脂位帶焦香，肉質嫩腍。黑松露蒜茸牛油元貝：元貝大隻，表面舖滿了蒜蓉牛油，燒至醬汁香味滲出，帶子鮮甜嫩腍。炒野菜：食了肉必須要食菜平衡一下，炒菜表面曬上木魚絲，令炒菜更香。青瓜梳打：味道清新又不會太甜。

這間位於佐敦的和匠日式燒肉，主打多款日本和牛、海鮮及多款肉食等，和牛最便宜的二人餐都是六百多元起，價錢比較平民。先點了杯熱情果mocktail，酸酸甜甜可解油膩感。店員先送上前菜牛蒡漬，醃得幾爽口。豆腐沙律沙律淋上芝麻醬，新鮮爽脆，豆腐嫩滑，十分開胃。牛魔再現二人份量的牛肉拼盤，日本國產A4和牛肉眼雪花紋理清晰，牛油脂豐富，入口溶化，充滿油脂甘香。美國prime牛小排牛小排油脂紋雖不及和牛，但勝在肉味濃郁，比較平均。美國Prime牛角切牛角切燒至表面焦香，肉味濃之餘還帶點油脂甘香。黑松露蒜茸牛油元貝元貝舖滿了蒜蓉，入口鮮甜有淡淡松露香。大蝦天婦羅天婦羅炸至金黃香脆，入口不會油淋淋，非常爽脆，粉漿又薄。最後不得不讚一下店員服務殷勤有禮，盡常有耐心地教導我們如何燒肉，服務態度一流。