和味餐室 (已結業)

我算係老顧客，一家大細原本都好鍾意食和味，外賣都會叫和味。但因為真係忍無可忍D呀姐語氣態度先出聲！🤬🤬🤬嘢食又唔係特別好味，D燒味又少，除非叫肶既部位，如果唔係就得兩三舊燒味，成盒都係白飯，汁都冇乜😑其他嘢食又麻麻地，早餐又淡茂茂，午餐菜又少，晚餐蒸D魚求求其其熟過頭😑😑😑我略過講幾樣嘢食，我係老顧客唔止食過咁少嘢食既，係有幾樣嘢好味既，不過再咁樣落去好味既都會變差，成日唔跟足！會唔會真係忙過頭所有嘢都唔洗跟足呀？好多人咩食咩？再咁樣落去真係會趕曬D熟客走囉😂新顧客唔知頭唔知路會中招😂只不過係一般茶餐廳既嘢，無論堂食定叫外賣都好，個個服務態度差到爆燈，D語氣呀，哇，唔情唔願咁，唔好做啦，繼續咁樣落去趕客！唉，不過唔想再因為貪方便而受氣啦，以後都唔會再幫襯！😡😡😡

這間茶記原本是廣東燒味, 去年裝修後變成現在的"和味", 同樣以燒味為主軸, 同以前廣東燒味比較價格上漲了15-20%, 當然新店望上去似乎執"正"咗D同光猛咗, 這天來下午茶醫肚, 叫了個燒鴨湯瀨$35, 碗粉正常燒味鋪SIZE, 個湯属甜口嗰隻, 瀨粉彈牙, 燒鴨係鴨胸同尾背, 胸肉少少嚡但仍然算是有鴨味, 另一個乾炒牛河$42就等咗差不多15分鐘才做到出來, 色深唔算咸, 牛肉大大片惜無任何味道同駝鳥肉無大分別, 芽菜份量少之餘重要係唔知同邊處入嘅芽菜條條又短又瘦, 好難先搵到一條更加唔使講有咩咬口啦! 服務就都係深水埗加旺角式, 即係叫客入內坐, 坐低後再有多客人入來就叫你搬枱呀嗰種以店搵錢優先, 客人只係應該遷就的! 如果套用特朗普競選名句ur shop first!!!就係呢種服務態度嘞! 雖然現實係咁但佢生意依然咁旺場, 實在沒得講, 大家即既然咁like 多d來捧場吧!

是日下午打算到深水埗買童軍繩教女童軍繩結，所以約了在該區住的好友午餐~~~餐湯不錯，厲害係好合晒我的心意（因為我唔喜歡食中湯的湯渣）我和好友相同地點了蒜汁雞扒火腿飯，雞扒尚算ok，但肉未係最軟熟，好在都夠汁撈飯食個凍檸樂超多冰，但我怕飲唔晒，所以我直接將檸檬唧汁入可樂罐拎走，好過額外俾一蚊拎個紙杯裝咁唔環保~~~呢度埋單可以用八達通找數，意想不到呢間咁細規模的茶餐廳員工要指紋打卡返工，感覺係誇張咗

呢間野前身係臭名遠播既廣東燒味，一入去坐低見到d侍應阿姐心知不妙，全部都係廣東燒味舊班底，個個黑口黑面，撥極手都冇人理，撥左一陣，有個仔行埋黎，成個大佬甘：“得啦唔洗撥啦，見到你啦。叫左個燒肉飯，一咬，嘩d皮硬到呢，完。講下餐廳環境：話晒新開張，新裝修，係夠光猛既，但係全間餐廳得一半係坐得人，因為有一半對住門口，雖然門口有道趟門，但係長期有個阿姐企喺度又開又山，門口d廢氣係甘捲入黎，冇野既，米當食大排檔囉

茶餐廳格局、門口寫住燒味專家，門口新裝修，行到入去都幾大間，差不多有20張枱，座位寬躺舒適，仲有兩部大電視，試吓佢啲燒味又幾專家，叫咗兩個例牌晚餐，招牌叉燒飯及燒鵝切雞飯，奉送例湯及飲品一柸（凍飲加＄3），晚餐大約50幾蚊一個，招牌叉燒都唔錯，食叉燒必須半肥瘦叉燒才好吃，叉燒味道可以、油雞燒鵝正正常常，門口堪稱自己是燒味專家，就誇大咗啲。送嗰個例湯，超級味精，只係飲咗一啖，收工。奶茶朋友投訴唔夠茶味，只飲到奶味，我杯凍檸茶都係唔夠茶味。

環境裝修好靚！燈光很充足地方很乾淨。食物味道正👍員工招呼很有禮貌，招呼周到。燒味質素有水準，很多選擇！大熱天時冷氣夠凍。西多士很好味唔會太甜。芝士磨菇釀雞翼很有特色。一定會回來再試。😋乾炒牛河有鑊氣，大大碟👍奶茶很有茶味但又唔會蓋過奶味，好滑！叉燒半肥瘦好正。果然係即燒燒味。食完埋單一啲都唔貴，價錢適中！住隔離街嘅我仲可以嗌外賣直接送去我屋企！😋深水埗終於有一間有質素的茶餐廳了！意外驚喜😎

非常之大雨，但是還是外出吃午餐，因為每天都花這麼多時間在辦公室，難道不會悶嗎，你不悶，我看你也看到悶。來到的時候人不算太多，獨自坐了一個四人座，之後竟然須再有三個人搭枱。一時，非常之多人，餐廳接近座無虛席。本人點一個常餐，有沙嗲牛肉麵，拼炒蛋火腿及多士。沙嗲牛肉麵先來，麵條還有點兒煙韌彈牙，浸了湯一會兒當然會比較林，但是總括來說，麵條不差。牛肉有四五片，不算非常之老，當然有用鬆肉粉醃過，味道還好也不太差，將麵條配合沙嗲醬來吃味道還好吧。炒蛋，雖然有少少流質，但是另一部份卻顯得太熟，味道僅屬一般；多士兩大塊，牛油不太多，不太肥膩，但是沒有烤得香脆，普普通通。人衰行路打倒褪，家中已經有很多小蟑螂，來茶餐廳吃東西的時候茶走竟然也有小蚊子不慎掉了到茶走之中，圖片為本人殺死蚊子的真相。奶茶味不太濃，有待改善。餐廳新開，光猛亮堂，但是食客轉來轉去。因為有時兩個客人坐了四人座，店員將食客調來調去之後有沒有改單，於是凍檸茶不知道應該給誰人；亦有看見凍檸茶沒有長羹，反而有兩條飲管之趣事。