和味館 (已結業)

Today is my friends birthday and she wanted to eat chinese food! So we decided to eat in this new and famous chinese restaurant. Maybe because its near mid autumn festival, many people eating there;) which is goooddWe ordered a bowl of soup and is good for throat as they have pear and fig in it. Then we ordered veggie pot, soy sauce chicken which are very nice~ had a lovely birthday dinner with my friends

而家都盡量避免周圍去，喺附近開餐就算數。新開張嘅和味館就成為咗我哋必然嘅選擇！其實呢間係好似酒樓咁嘅格局，不過我覺得價錢就比酒樓平少少。先要一支消暑啤酒，20幾蚊都幾抵。小食要左滷水炸豆腐，味道唔係好鹹，外皮脆脆地，都幾好食。侍應推介燒味好食，我地點左燒肉！估唔到咁大碟，每一件都脆卜卜！好正！跟住仲要左一碟煎藕餅，不過就覺得蓮藕嘅份量少左啲，唔夠爽口啊～最後要食個蔬菜啦，我哋揀咗花膠海味雜菜煲，清清淡淡，幾健康的！最咪仲有糖水送，甜品控即時開心晒～

去接荔枝角約左朋友食飯, 佢帶我去左間新開既中菜館, 佢話Lunch黎飲過茶, 覺得幾好食, 於是帶我黎一齊食下小菜小菜款式幾多, 又有燒味, 又有海鮮我地揀左3個餸脆皮咕嚕肉, 外層真係好酥脆, 咕嚕肉掛汁之餘又做香脆, 到就算凍左都仲keep 到醬汁酸甜度剛好又開胃, 收汁做得好好燒鵝例牌, 叫佢係因為阿姐推介話今日燒鵝好靚上菜後, 果然真係好靚, 咁啱係脾位, 皮仲脆既, 有少少焦香, 肉質啖啖油香豉椒炒蜆, 份量好多, 應該有一斤有大排檔風味, 夠鑊氣, 醬汁又惹味

機緣巧合比我响Openrice見倒呢間菜館，本来係諗住book来同夫家屋企食中秋節飯嘅，後来夫家决定响屋企食，但因我已被其食評同相吸引所以就决定同自己屋企人来一試。今晚一行5人来到，地方光猛阔落，侍應安排了8人枱，坐得舒服一共點左前菜两款+5個餸前菜係沙薑鷄腳+炸豆腐，唔錯1. 鹽焗奄仔🦀多膏好味；2. 苦瓜燜倉🐟新鮮又鮮味，連媽媽大厨都贊；3. 椒鹽鮮魷🦑唔厚粉，魷魚嫩滑；4. 百里香燒汁🐂肋條；5.黃金茄子、涼瓜－合格。三個白飯＋一支啤酒，埋單$1110, 有咁嘅環境和食物質素確是少見了，值得推介

燒鴨拼叉燒河粉 ($20.8) 燒鴨肉質細嫩，味道醇厚，下午茶時雙拼叉燒都只是$21 一碗，性價比非常高蜜汁叉燒腸 ($21.8) 腸粉滑嫩，叉燒有咬口懷舊魚翅餃 ($17.8)魚翅配鮮蝦餡，想不到點心也可以有高級享受呢煎釀虎皮椒 ($17.8)香港街頭小吃，鯪魚肉煎得佷香，青椒入口少少辣，非常香口臘味蘿蔔糕 ($17.8)配料十足，令蘿蔔糕有更豐富的層次，很有咬口香芒凍布甸 ($17.8)小時候跟家人來茶樓必嚷着要吃芒果布甸，充滿兒時回憶的甜點呢！點心大拼盤 ($48)十分推薦！$48 有八款點心，包括蝦餃皇、潮州粉果、蟹籽燒賣皇、鮮蝦菜苗餃、薑汁糕、馬拉糕、菜苗餃和叉燒包，水準不錯

今晚喺附近探朋友，朋友話呢度附近好多嘢食叫我地自己探索下! 我哋就見到呢間和味館，裝修新淨企理，於是就入咗去食晚飯！呢度有啲似酒樓，小菜嘅款式好多，坐得幾舒服。我哋叫咗一個例湯加兩個小菜，價錢都幾抵。例湯係日月魚煲唐排，味道都唔錯，一大碟湯渣，睇落都幾足料㗎！每人飲咗好幾碗湯！小菜我哋揀咗酸菜魚同埋乳鴿。酸菜魚份量好足，勁大碟！鯇魚腩新鮮嫩滑，味道唔錯，偏酸、唔會好辣，幾啱我哋口味！乳鴿就比較細隻啲， 唔係好多肉食，不過勝在價錢夠平！食完餐飯之後仲有糖水，有得揀紅豆沙或者綠豆沙，真係食到捧住個肚走啊

今晚去咗和味館食晚飯依家酒樓既小炒好有鑊氣，菜單款式又特別，可以食到好多新菜色呢個係餐廳嘅signature冰鎮魷魚圈 $128碟底放滿冰塊，用保鮮紙包好，溶冰都唔會影響食物魷魚圈新鮮超彈牙，仲有好濃既wasabi味，特別得黎又好味百里香燒汁牛肋條 $168 仲唔到係酒樓都食到依個質素，首先賣相已經媲美西餐廳，味道一啲都唔輸蝕，牛肋條炆得非常林，再加上百里香等配料，令整體味道升級咗分量亦都好多!!!豉椒炒蟶子皇 $96蟶子皇唔算太大條，不過勝在新鮮彈牙豉椒炒得非常入味

夜麻麻落大雨，唔知食咩好，就落樓下和味館一試究竟，兩個人三餸一飯，碟碟都幾大碟，兩個人都食到飽飽走人，而且環境幾舒服，有大電視睇，服務又唔差，絕對係好選擇！*冰鎮魷魚圈初初見到個樣覺得無咩特別，點知食落又好有驚喜，口感清新，魷魚鮮甜，前菜既不二之選!*極品薯仔牛柳粒重點推介!!D 薯仔係炸過，脆卜卜，好香好夠味，就咁食有少少咸，不過送飯真係一流*秘製少林骨煲一睇就俾個名吸引左，味道唔錯，幾夠味，易咬開，不過重點係底既洋葱，索哂D汁勁好味，所以最後成煲清哂食完飯仲有綠豆沙送，超足料之餘仲好夠蓉，重點係唔會死甜，可以食到綠豆同海帶既香味．

岀左糧帶媽媽岀街食飯🥳媽媽鍾意食中菜 但成日要求多多😂成日話自己煮得好食啲！今次特登問左朋友介紹先帶媽媽去😎呢間和味館幾闊落 我地今日6點幾就坐低食晚飯所以未有好多枱😆我地先叫左隻小乳鴿share 食！雖然細細隻但炸得外脆內軟！😆好香口！媽媽仲話一陣食唔飽可以order多隻😂然後叫左呢到其中一個招牌菜！剁椒魚頭！一上菜熱辣辣香噴噴🤩哇！呢個辣得好香好惹味！正！再叫左炆豬手！好香話梅味！食得好開胃👍🏻而且好有口感！軟硬適中！配飯食一流！媽媽大讚呢個！最後叫左高湯辣斎麵！呢個清得黎都好正！食得岀冇咩味精味！作為最後一個菜式好正！😆

最近市道唔好，都知道好多餐廳生意難做，盡量夜晚都出街幫襯一下酒樓或者唔同嘅餐廳。依間餐廳都算幾黑仔，開張冇幾耐就發生好多香港嘅問題，但係食物真係幾值得支持一下！而且服務態度亦非常良好！5144 脆皮牛腩配蜜糖芥辣醬$108脆皮牛腩好得意，出面金黃香脆，口感一流，而且裏面的牛腩仍有保留一定水份，配上特色蜜糖芥茉醬口味更提升。5118 椒鹽鮮魷$118 魷魚方面非常大條，而且外皮金黃，口感香脆，裏面的魷魚十分有彈性。魚香茄子煲$88平日在其他地方吃的魚香茄子有可能有偏鹹的感覺，但是這間味道剛剛好，送飯一流。在九龍區的不妨過來試一試吧！

難得黎到長沙灣探麻麻，帶老人家去飲茶慢慢歎。就係屋企附近隨便搵間茶樓，原來是新開無耐的，環境不錯，相當新淨舒適。叫幾樣點心食下。幾欣賞點心係熱辣辣，非常新鮮。 炸雲吞就香脆，唔油膩。 老人家鍾意食傳統的中式點心，牛肉球、粉果等都係合格之選。 個人最鍾意菜苗餃，餡料足，仲有大大隻蝦。 鳳爪醬汁帶微辣，非常惹味。 排骨配上少見的陳村粉，加少少豉油都已經好好味。 中午時間兩個大人都係食左百零蚊，相當抵食。麻麻話平日仲有套餐更加抵食。 真係街坊價。

經過見到原來新開兩個月到，今晚有幸同老公去食晚飯，兩個人不能多選擇，佢想食回窩肉，我想食蒜香骨，實在大多小菜選擇，新裝修環境讓人坐得舒適，而且乾淨企理服務員亦好好服務，不用叫也會自動幫我地換骨碟，可能新開無爆場所有有點寧靜，不過遲些必會多人，因為食到熱辣辣上枱小菜，如果多人亦好適合好多大枱供應的。因為位置好方便我地，下次附近睇完戲多個選擇！ 廳四圍都可睇到電視，啱晒我地平時無時間睇電視嘅人，可以一路食一路嘆。欖菜肉鬆四季豆 $48熱辣辣出晒煙，份量大，食落有鑊氣調味適中，欖菜嘅鹹香好出色，加肉碎同鬆軟四季豆同炒超惹味。蒜香骨 好味指數**** (最高*****) $78超吸金黃香脆但仍保留肉的水份唔會過乾，味道醃得夠味，再用上蒜粒做到唔辣避風塘的做法煮理，非常惹味，如果送酒應該更佳川辣回鍋肉 $68啱晒我老公口味，香辣五花肉炒得爽脆，睇落帶肥但食落一點也不膩，紅綠尖椒顏色亮麗但都幾辣的，不過一齊同食辣又好爽下。燒腩仔 $48選用左五層肉醃得鹹香但可能過左一段時間，唔夠脆皮但還味道可以的。白飯點少得呢 d餸咁好送飯！ 價錢合理街坊價 兩公婆食左3百零蚊也可以接受。影左Menu比大家參考。

女皇爸爸今晚請食飯，設宴長沙灣和味館酒家格局，游水海鮮，但比起集團酒家多咗份親民親，眼見每枱都係做街坊生意。而外父同樓面同事，仲相當好傾，難怪會極力推介。好多酒樓都有自己老闆珍藏酒櫃。今晚四人用餐簡單點左幾道小菜，椒鹽鮮魷，惹味非常，魷魚熟度剛好(因為有時怕食到過熟，會難咬),而且外層脆漿薄得香脆，我好中意。黃金茄子，涼瓜，倆種不同口感嘅食材放喺一度餸，當然增添不少新鮮感，再配搭香口咸蛋黃金沙可惜叫太多炸物，所以有點過膩食唔晒。秘製少林骨煲，被個各吸引左但其實都唔錯，肉骨嫩，調味有啲似蜜汁黑椒骨，倆老最欣賞係鋪滿骨底洋葱，吸收哂少林骨嘅精華。海班魚，相當新鮮，魚肉嫩滑，唯獨師傅落油過於重手，如果唔係，就滿分啦於而個乳豬有少許失望，可能係例牌上枱，師傅為求加熱，將乳豬拖油令肉質收縮，雖然化皮依舊鬆脆，但亦微微帶苦飯後樓面員工，隨即送上免費糖水，生果，而且相當足料，煲得火喉十足外父連西瓜都讚不絕口，唔知意為佢係股東

今日屋企人唔想煮飯，就OpenRice睇吓附近有咩餐廳未試過。見到呢間新開嘅和味館，又係中餐，有價錢相宜，就決定試吓。脆皮燒腩仔係爸爸最鍾意嘅食物，好多時去酒樓食飯都會點。上枱夠熱，皮夠脆，肥瘦算係均勻。呢個胡椒煎魚卜值得推介，全部脹卜卜大大隻，煎得金黃又唔油。陳皮蒸鮑魚都幾抵食， $28一隻，新鮮又厚肉。$168美國筒蠔先炸然後用薑蔥炆焗。個皮好薄仍然有少少脆，調味適中。所以見到啲蠔大隻得誇張，差唔多成隻碗都裝唔晒。蠔亦都相當肥美同新鮮，以$168嘅價錢，有六隻咁大嘅蠔超級抵媽媽嘅鄉下係順德，所以揀咗$168順德煎焗魚頭試吓。可以見到魚頭嘅size好大，平時我冇買開餸唔知市價，但係媽媽話呢個魚頭都值成$100，所以都幾抵，當然魚頭肉嘅份量就唔會好多。魚頭嘅細骨已經煎到脆卜卜，好香口，可以照食最後一人有一碗紅豆或者綠豆沙，為呢一餐畫上完美句號。

放左工同同事黎到佢屋企附近的一間新開食店試試，地方超大，枱與枱間好濶落，加上冷氣足夠，感覺不錯啊！先開壺普洱茶，仲有花生小食，茶幾香，最緊要夠滾。秘制少林骨煲唔知食咩好，店員推介左呢樣，聽個名真係唔係好知係咩黎，上到枱時好香啊，即刻食俗大增。有啲似香蒜蜜糖金沙骨，但仲多左黑椒味，甜甜蜜蜜加上黑椒香，香口惹味，啖啖肉好好味。黃金茄子涼瓜呢味不得了，如果你係鹹蛋黃控必定要點！！超勁的鹹蛋黃啊，入口回味無窮～每一件都係滿滿的鹹蛋黃，涼瓜爽脆不苦澀，茄子軟腍多汁，兩樣不同蔬菜各有特色，但兩樣都超好味，食不停口。生煎蓮藕餅仲點左蓮藕餅，煎得金黃色相當吸引。鹹香的豬肉餅內有脆口的蓮藕粒，簡簡單單又幾好味，附上喼汁點，但個人覺得有沙律醬會更棒，哈哈。白飯都好大碗，熱辣辣的。有糖水送，可選紅豆沙或綠豆沙，兩樣都不太甜，適合現代人口味呢。餐牌，價錢大眾化，抵食！餸菜大大碟，兩個人點三樣有點太多了，超級飽啊，哈哈，好滿足。