影片
港铁太子站 A 出口, 步行约3分钟
继续阅读
开饭介绍
装修甚具传统居酒屋风格，店内有令人亮眼的日本酒墙，放置了多款日本酒。串烧亦不失精致卖相。
继续阅读
营业时间
*星期一至五最後落單時間: 午餐 14:45; 晚餐 22:30 星期六日及公眾假期: 午餐 17:30; 晚餐 17:30
星期一至五
11:30 - 15:00
18:00 - 23:00
星期六至日
11:30 - 23:00
公众假期
11:30 - 23:00
以上资料只供参考，请与餐厅确认详情
難得係太子依個旺區都搵到個咪錶位，咁就當然借機行多一陣，順便就食埋午餐先返屋企。咪錶位附近就搵左一間好似坐得幾舒服嘅店舖食日本嘢，咁小小豬又嘈住話肚餓，咁就入去食啦~坐定定就睇menu時先睇到，原來佢地係規定每一位客人都要order一個set餐，咁以平日小小豬嘅食量係唔可以自己一個人食唔曬成個餐，但我地又已經坐底左，所以都費時走唯有照叫啦！(不過...其實又點解要有依個條例呢？咁即係唔建議小朋友入內進餐？定想我地大人食多啲嘢呢？)我就order左一個壽司烏冬定食，啲魚生都係新鮮嘅，不過個烏冬就真係太少了，兩啖就已經KO晒啦~小小豬嘅牛肉定食，普普通通冇乜特別，個肉汁都比較少~老公嘅冷麵定食，老公話都唔錯，啲麵都算彈牙，不過都係同一問題，佢嘅份量都係比較少啦囉~某程序啲食物都叫可以接受，不過我就最唔鐘意店內嘅服務態度，我地已經唔長氣，快手快腳落單，但問多一句那位女店員嘅態度就好串串地回答，仲要完全冇望住我地嚟講，真係好有問題呀！三個人咁就依左三百幾蚊，我個人真係覺得好唔值，所以依間都係唔會有下次了！
继续阅读
🤎個晚唔係好肚餓 所以同朋友去左太子嘅一間居酒屋食少少野 主要係想傾計🤎-▪️ 牛油果天婦羅蟹卷🧡推薦👍🏻 個軟殼蟹炸得好脆好好味 每件卷入面都有幾大嚿嘅蟹肉 配埋牛油果同蟹籽 口感好豐富😋▪️油甘魚刺身 (4切)油甘魚好新鮮✨👍🏻厚度適中▪️香蔥鮪魚腩軍艦 (2件)🧡香蔥鮪魚腩正常都唔會唔好味🥰 口感軟滑 食落有鮪魚嘅油脂香▪️一本牛舌芯有4件仔 全部都好濃牛味同好爽口彈牙😚一d都唔韌-總括而言：食材新鮮好味👍🏻 環境唔錯☺️ 但價錢稍高
继续阅读
今晚星期五，都明白出街食一定會多人。 8:00 去到等左兩個字就有位，座底咗之後，好似入咗一間茶餐廳😑😭入面好嘈，好混亂，淨係見到兩個員工跑來跑去，又不停大叫。嘢食方面，叫咗個二人套餐，$548 加一，魚生好一般，個炒飯好味嘅。其餘我已經唔記得食過啲乜嘢，上菜勁慢，又食得好大壓力😔之後見出面有人等位，就啦啦聲走人。 其實個套餐都唔係平，但我完全感受唔到我食嘅嘢值。
继续阅读
同朋友係附近上堂，隨便揀左一間日式餐廳黎試下，餐廳空間比較細，位置唔係好多，裝修同一般嘅居酒屋一樣。我同朋友兩個人，最初覺得散叫價錢同叫一個套餐差唔多，所以當日就叫咗套餐B嚟試吓。套餐B最開初嘅時候會上四款魚生刺身，3客壽司同埋麻醬沙律，刺身同壽司都算新鮮，味道都唔錯。食到中間，會上銀雪魚西京燒、味㬝湯，明太子炒飯。然後剛剛炸好嘅天婦羅都會上埋，熱辣辣。最後會有甜品一客，我哋當日嘅甜品就係紅豆年糕。比較令人印象深刻嘅菜式係銀雪魚西京燒，鹹鹹甜甜嘅味道配上炒飯一流。仲有紅豆年糕，年糕兩面係整硬咗嘅，中間就係有口感嘅年糕，配紅豆有少少甜，非常可口。令人失望嘅菜式係明太子炒飯，明太子分量過多，令到炒飯變得非常之鹹，食第一啖嘅時候會覺得好味道，但食多幾啖會因為太鹹然後唔想再食落去。最後一盤炒飯只係食咗一半左右啫。總括而言，呢間居酒屋都有一般日式居酒屋嘅水準，但係套餐來講，價錢偏貴，份量亦唔算多，可能散叫仲會平少少。
继续阅读
串燒及炒飯中規中矩，清酒也算有一些選擇；加賀ノ月 三日月 本釀造，中辛，淡醬油香，餘𩐳米旨超香。優於絕大部分本釀造規格清酒，可能由於不難找，價格又不高，系列雖未至頂級，卻多少被忽略。加賀ノ月 三日月 本釀造 株式会社加越產地 石川県小松市使用米 日本産米精米歩合 65%酵母 --Alc 15.5%日本酒度 --酸度 --冷飲
继续阅读