和平飯店 (大本型)

营业中

休息中

行完山過大本型食埋飯先走和平飯店見有位又幾寛落就入去四喜烤麩有熱度，醬汁調得濃香麵筋入晒味，菇筍雲耳質素唔錯韮菜鮮肉蒸餃紥實豬肉韮菜比例好豬肉香韮菜濃，一口一滿足話梅骨嘅排骨走過油，酥脆再加上活梅醬，開胃解膩瑤柱蛋白炒飯 淡而無味 麻麻地壽桃包唔講蓮蓉，包皮又硬又乾，唔好食

和平飯店是大本營剛開張時就營業的餐廳, 主打滬菜的風格在這區算是比較特別, 而且也是黃傑龍先生的敘福樓集團少有的中菜餐廳, 這也算是難得. 黃生對餐飲業的經營方法, 在香港算是Make Sense而貼地, 例如之前常常說夜消費, 這餐廳不是提供餐飲折扣券, 而是在晚上八九時之後將食材大幅減價, 做法能直接為及食客, 看似簡單但實際上不是太多經營者願意這樣做, 結果當然是聚集了人氣和人流.菜式方面不會有太大期望, 就是街坊餐廳的水準. 最有驚喜的是炸豬手, 酥脆之中保持了豬手皮的彈性, 而且夠惹味, 配上啤酒也是相當好的配搭. 醉雞的花雕酒香也不錯, 最重要是不會因為減價而減少份量. 鍋貼和小籠包也是合乎預期的水準, 唯一真的不滿的是炒年糕味道太鹹, 調味落得太重, 但兩個人平均不用$100的消費, 吃一頓侍應服務有禮, 環境乾淨, 而且合乎水準的晚餐, 在現今的香港也不是一件容易的事.

和平飯店📍油塘高超道38號大本型2樓237號舖裝修帶點上海懷舊風味，天花掛滿紅色的燈籠。安排坐在窗口卡座位，一大排落地玻璃，坐得舒服。👑和平名菜🥢雞絲粉皮唔算足料青瓜絲略嫌不夠，但醬汁好味，花生醬味很重，有粗粒粒花生，非常有咬口。🥢不等你小籠包小籠包味道正常，沒有特別之處又唔算係好多料又多汁個種。🥢和平炒飯炒飯得嗰飯心暖暖地，啲配料都未炒熱😣另外我們點選了：🥢 炸銀絲卷🥢 鮮肉鍋貼🥢 生煎包🥢 酸辣湯雲吞值得一題係酸辣湯雲吞，份量都幾多好大碗。夜繽紛(8:00後入座)，以上的都享有折扣，埋單3個人$350#香港 #美食 #上海菜 #夜繽紛 #foodie

今次同朋友去咗油塘大本營 「和平飯本」 食上海菜，而家做緊HSBC 信用卡四人優惠套餐，有前菜、主食、湯、飯、點心同甜品，重點份量好大份，5-6 人食都夠食，個套餐$817 （原價$1166），都好抵食，我哋四大一小都食唔晒，要打包部份食物。無論前菜、主菜都有幾款菜式可以揀，每樣揀四款，招牌小籠包有兩籠，四人餐仲包砂鍋濃湯餛飩雞，真係相當豐富。🔸前菜🔸🥢 梁溪脆鱔呢個脆鱔炸得幾脆口，味道幾好，好食。🥢 花雕醉雞花雕味很香，雞肉幾入味，雞肉滿滿花雕洒香氣。🥢 黑醋涼拌木耳味道正常，黑醋幾香。🥢 蔥麻油海蜇頭片半青瓜🥒爽口海蜇頭配埋清甜青瓜🥒一齊食幾夾😋。🔸主菜🔸🥢 花膠扒翡翠苗翡翠苗新鮮脆口有甜味，花膠扒都可以。🥢 黃金蝦球黃金蝦幾大隻又爽口，滿滿鹹蛋黃，又香又惹味。🥢楊梅骨酸酸甜甜楊梅骨，又入味又好食。🥢 糖醋魚塊糖醋汁調得不錯，魚塊幾滑。🔸點心🔸🥢 不等你小籠包爆汁小籠包，足料又好食😋。🔸湯🔸🥢 砂鍋濃湯餛飩雞雞湯幾濃又香雞湯味同清甜，雞件雖然煲過但都幾滑，餛飩好大粒。🔸飯🔸🥢 富貴瑤柱蛋白炒飯炒得亁身，米飯粒粒分明，忘記影相😄。🔸甜品🔸🥢 高力豆沙甜而不膩，炸得幾香脆又軟綿綿，好食

跟著味蕾去旅行，今次我揀了這家餐廳，食物種類豐富過人，令人心郁郁。首先，試咗個「梁溪脆鱔」，嘩，真係脆到出聲，咬落去嘎吱嘎吱🍤，不過脆歸脆，鱔味就略為遜色。然後又嚟個「雞絲粉皮」，這個簡直就係清爽代表，雞絲滑溜，粉皮入口即化！「花雕醉雞」就算啦，雞肉雖然靚仔，但有啲太醉，花雕味有點蓋過雞味。接住，「和味燻魚」挺入味，但有魚骨要小心，冇炸到咁脆，普普通通。轉個口味食「砂鍋濃湯餛飩雞」，湯底清甜，餛飩雞俱佳。來吓青菜，「濃湯竹笙雜菌浸小白菜」，啖啖菜心，湯都夠味！「花膠扒翡翠苗」賣相一流，翡翠苗脆口得嚟，但花膠部分硬少少，青春不再咁。至於「富貴炒飯」就真係一絕，毫無黏踏之嫌，米粒似舞蹈家咁分明！最後嚟個「不等你小籠包」，一咬一爆汁，肉味夠晌！「黃金蝦球」，賣相閃閃，外脆內軟，雖然吓凍，但鹹蛋黃味做足功夫！吃完跟埋「高力豆沙」，勁！甜而不膩，炸得香脆又軟綿！呢下食完，胃口大開，健談風生💬。整體來講，這家餐廳算係鹹淡適中，可以有驚喜，有時亦會平平無奇，但落口感覺上，總歸是滿足了一頓飯的小期待。會唔會再嚟？我話，值得一試！👍🏼

今日去完油塘就入左和平飯店食下午茶。朋友叫左好多點心，有不等你小籠包(四件)(假日下午）$36肉鬆?油餅(件)(假日下午茶) $47辣湯餛飩(四件)(假日下午茶)$41豬肉小籠包(四件)(假日下午）$36菜鮮肉鍋貼(三件)(假日下午）$34主菜鮮肉蒸餃(三件)(假日下午）$34菜肉包(三件)(假日下午茶)$34 豆沙窩餅(份)(假日下午茶)$38富貴瑤柱蛋白炒飯$82.0(碗)酸辣湯麵$62.0我以為自己食緊點心自助餐，唔係試左好多樣，但總括黎講都ok!不過3大2小竟然收足茶錢，仲要加一，感覺很貴！

一年會過嚟大本型一兩次，每次都會諗起食佢，但今次真係有啲退步🥲 佢嗰窩貼真係做得幾差🥲 平勁厚不juicy，係完全唔想再食另一隻🥲 可以形容到難食🥲 鮮肉鍋貼 $45 / 韭菜鮮肉鍋貼 $45 津白肉絲炒年糕 $82 - okay嘅，但細碟多油排骨擔擔麵 $76 - 擔擔麵okay，但排骨可以形容難食炸銀絲卷 $40 - 煉奶同平時唔同，唔明點解會咁”杰”，銀絲卷入面唔夠絲，一嚿嚿，口感麻麻🥲不過都有嘢讚嘅😆梁溪脆鱔 $96 - 水準之上😆 好食🌝紅油抄手 $50 - 未至於做得好好，但呢嗰性價比好好😌自選拼盤 (虎皮素鵝、雞絲粉皮&花雕醉雞) $148 - 三款讚嘅得醉雞，足料、入味，做得好好❤️整體來講，其實我哋5個人都未食飽，但係望住張紙都諗唔到可以嗌咩😅 希望可以改善下食物質素同種類🥲

講到食淮揚菜，點可能唔食小籠包呢？要判斷一間上海菜餐廳好唔好食，通常我會點小籠包嚟試下。是夜試到和平飯店的小籠包，雖然並非我食過最好味的小籠包，但質素可以入到三甲。不等你小籠包上海菜必食item！熱騰騰的小籠包，食的時候需要小心翼翼地夾起，加埋沾少許浙醋，食得！小籠包入面的湯汁在口中濺出來，豬肉香氣即刻四散，滋味非常。講明先，小籠包的確幾出色，至於其他菜式，質素有時都幾浮動，視乎當日大廚心情，有試過幾好食的，亦有試過平平無奇，無乜感覺，但難食又絕對稱不上的，所以不特別介紹/推介畀大家喇! 鎮江肴肉鮮肉鍋貼紅燒豆腐上海粗炒

嚟到啲商場食飯首先要降低個要求追求落得肚😆呢間嘢環境裝修是可以的職員服務態度OK 食嘢方面喺呢個層次嚟講係合格嘅唔好有好高要求有幾樣嘢做得幾出色嘅呢個係個人喜好個雲吞皮薄尖椒炒腩片都好好係個東坡肉少咗啲味總結另外一間高級版美心快餐

疫情前經常到和平飯店食，雖然食物份量少，主要乾淨舒服，食物水準不差。但疫情後再次去，發現價錢升了，但水準下降，以前d餐具超乾淨係我經常去的原因，但今次再去，發現d餐具污蔑到換几次都有污蔑物痴係度，衞生情況令人擔憂，經過疫情衞生應該加強才對，卻相反愈來愈污蔑，自打招牌，再不改善唔會再去。

-🍽🍴🍽🍴🍽🍚🍚🍚🍚🍚🍴🍽🍴🍽🍴🍽-上網見到佢地個松子鱸魚做緊優惠同埋諗住有coupon未用，所以weekend專誠去咗油塘試一試🧐🥢松子鱸魚 🆖成條魚個size都好細，一分為二左兩條細魚柳，份量少無乜肉食。如果兩個人去剩係諗住叫條魚食就飽的話，基本上係無乜可能😂啲魚肉有啲嚡，炸完之後個外皮已經唔酥脆仲淋左。個甜酸汁就幾開胃不過鹹咗少少😐就咁食唔送飯應該搞唔掂。🥢生煎牛肉餅 🆖其實即係生煎包，不過入邊轉咗做山竹牛肉餡😅個包上枱嗰陣只係暖暖地，外層亦都唔脆，個包皮仲有少少硬，連唐記質素都算唔上。對於山竹牛肉餡我就冇乜好感，$42三個亦都真係接受唔到🤣🤣🥢五香牛展🆗五香牛展算係做得唔錯，滷得入味另帶少少麻油香，牛肉亦唔韌。🌟評價 𝗥𝗮𝘁𝗶𝗻𝗴𝘀🌟食物 𝗙𝗼𝗼𝗱 4/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 7/10服務 𝗦𝗲𝗿𝘃𝗶𝗰𝗲 7/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 5/10整體 𝗢𝘃𝗲𝗿𝗮𝗹𝗹 5.75/10-🍽🍴🍽🍴🍽🍚🍚🍚🍚🍚🍴🍽🍴🍽🍴🍽-🗺 和平飯店 (油塘)油塘高超道38號大本型2樓237號舖🗺 和平飯店 (深水埗)深水埗深旺道28號V Walk 2樓26號舖-#bak

入黎油塘探好耐無見既朋友，地膽朋友介紹黎呢度飲茶食上海嘢朋友無book檯，星期日黎講12:45到已經可以直入免等位叫左韭菜盒子、小籠包、三小碟（燻魚、淆肉、青瓜海蜇頭）、排骨麵、蛋白雞火炒飯樣樣都唔錯，好食印象深刻要數韭菜盒子，皮脆香口、內裡juicy，新鮮熱辣雞火炒飯好大碟抵食，炒飯又夠乾身，可以打包做多餐for兩個人😆😆小籠包不過不失，唔錯三小碟就略嫌海蜇頭唔夠味，淡口少少，其他兩款都好食排骨麵都好大碗，女仔食夠兩個人分

生日朋友請食飯，去到他工作附近的大型商場，商場內有間上海菜餐廳，裝潢很有中國風，座位寛闊，很舒服。楊梅骨，楊梅汁味道清甜，少少酸，排骨啖啖肉，味道及賣相都很好。椰菜花炒腩片，每件腩片煎得很香脆，加入醬汁跟椰菜花一齊炒，有傳統的味道，味道不錯。韮菜盒子，傳統上海小吃，韮菜加入少許肉粒，外皮脆卜卜，內裡韮菜香甜，非常香口好味。傳統的高力豆沙，大大粒，外面軟綿綿，內裡豆沙不算太甜，再加上少許糖粉，味道不錯。

梁溪脆鱔：油炸得太脆及過火，脆口欠鱔味，只可前菜可以！雞絲粉皮：正常水平，雞絲同粉皮份量比例剛好！花雕醉雞：花雕味重，雞部分少肉！和味燻魚：偏甜，小心有魚骨，魚骨未油炸成脆口！砂鍋濃湯餛飩雞：雞湯清，正常雞及餛飩！濃湯竹笙雜菌浸小白菜：正常菜式，小白菜份量都多，湯都濃味！花膠扒翡翠苗：翡翠苗新鮮脆口，但花膠扒份量太少，部分有點硬！富貴炒飯：正常炒飯，米飯粒粒分明，乾身易入口！不等你小籠包：一口熱食爆湯，肉味足！黃金蝦球：大隻蝦，炒滿鹹蛋，起沙食落幾好口感，但大蝦比較凍！糖醋魚塊：正常水準，但魚塊不是即油炸，比較凍！高力豆沙：剛油起趁熱食原來先好食，唔太甜！軟綿綿超好食！四個人的餐，食唔曬！

突然見到Kabu App有張排骨擔擔麵coupon，用餐滿150蚊就可以用🤩，好抵食咁。今次叫小食為主：有素鵝、小籠包、鍋貼。素鵝唔油好酥脆，份量算多。小籠包感覺上比上次嚟好食咗，雖然唔係熱辣辣但係都多湯汁，可接受的。鍋貼係用Kabu app積分換嘅(鍋貼1000積分高力豆沙1200)，外皮比較厚但個底幾脆，有肉汁。主食除咗送嘅排骨擔擔麵之外仲叫咗個上海粗炒。排骨好大推，咬落比想像中脆，但肉質偏向實淨，擔擔麵湯底好香花生味，麵淋咗少少。上海粗炒呢個價錢($82)嚟講分量偏細，不過配料都幾多，調味料都落得幾足。埋單之後行出去見到有$100三盒餸，其中就有上海粗炒，即刻覺得好肉痛。