影片
营业时间
今日营业
11:00 - 21:45
星期一至日
11:00 - 21:45
公众假期
11:00 - 21:45
公众假期前夕
11:00 - 21:45
以上资料只供参考，请与餐厅确认详情
完全同menu圖片中的賣相兩回事。上到餐台先發覺唔對路，感覺好多客人都係被門口出面的餐牌的相片引咗入餐廳，尤其見到好多外國人指完餐牌後就行咗入去食。碗黑塌菜滷肉飯嘅白飯份量真係勁多，女仔應該好難食得曬，但喺落單時又冇少飯依個選項，可能要同侍應講先有得少飯。上到嚟先見到個賣相點解同menu咁唔同？！肥肉幾乎縮水變曬瘦肉，菜碎一pat嘢，唯獨是隻糖心蛋睇落仲唔錯。成個出品好似被人食咗兩啖咁，菜同肉喺飯面鋪得好求其😑，甚至菜肉同飯的比例不均勻，食到仲剩返三分二嘅白飯時，要靠朋友碗湯麵啲湯去送飯了。。。碗番茄湯肥牛麵也一樣同menu相片好大出入，肥牛加埋，總共得兩塊半左右加半條青菜喺麵底。番茄湯完全冇番茄嘅酸味，不過都濃郁，但係有少少好微嘅罐頭湯味。另外套餐的牛肉串味道就好正常。見到隔離好多人點套餐脆皮雞/燒鴨，睇落仲okay。
继续阅读
行開銅鑼灣鬧市，查一查和府撈麵原來係江浙菜主打養生湯底：當歸豬骨、酸辣湯底、蕃茄湯底同埋健康麵類：澳洲麥芯麵、蕎麥粗糧麵、衣藻低脂麵心思思想試下黑塌菜~♡♡黑塌菜滷肉拌飯+紫菜湯好多滷肉，雖然唔算太冧不過個飯好夠熱，珍珠米好有咬口整體黎講，呢個價錢算合格啦
继续阅读
去時代廣場成日都見到呢間嘢，門面幾靚，今日終於同老公去試咗，我哋叫咗兩個套餐，跟兩杯飲品，一杯陳皮檸檬茶，一杯凍奶茶， 飲品唔凍，冇味又好淡，問佢有冇冰居然冇，好彩而家冬天， 如果夏天比杯唔凍嘅檸檬茶同凍奶茶，我諗我哋會即刻走唔食啦， 講返兩個麵，我個酸辣牛肉麵普普通通，冇乜特別，牛肉略鞋，老公叫個當歸豬骨湯拉麵，居然係冇餸嘅，淨係得麵😵， 另外餃子同燒雞都普普通通，今次經驗結論係～唔會再幫襯😪
继续阅读
Apologies for the photo - should have taken one prior to eating.Hefu noodles is a big brand in China and has recently made its way to Hong Kong, like many other brands looking for international expansion.The value is decent. Lots of noodles in each bowl. The soup is nice and thick - akin to a Ramen soup base. Soup is served at a hot temperature which is always a bonus. As with any Chinese brand the ordering interface is via the phone/app and payment can be done also on the phone using Alipay CN/HK, Visa etc. Definitely a good spot for a quick meal, especially for a solo meal.
继续阅读
成日經過時代廣場都會見到對面開咗呢間新嘅餐廳，和府撈麵。佢地點好就腳，呢一日朋友話想試吓，所以我哋就一齊去咗食。佢係手機落單嘅餐廳，我揀左當歸豬骨湯梅肉麵。飲品係要另外點。見佢一杯烏龍茶都要$16，我就冇嗌到啦。朋友試咗，覺得就唔係好值。😀講返個麵，湯底係由當歸味偏鹹，麵質呢就有啲似拉麵嗰種，都係有少少粗，唔煙靭嘅，但係又未至於好粉。上面有兩塊好薄嘅豬肉，唔肥，不過真係太薄🤣 整體你碗麵係食唔飽人嘅🧐呢碗麵賣$58 ，如果好食嘅話佢算係好平，可惜質素真係唔係好得，我哋兩個都表示失望🥲 同埋慶幸冇揀貴嘅餐🤭
继续阅读