和拉麵

营业中

休息中

身處大埔，又想便宜，又想吃拉麵，就一定要來到和拉麵，因為他午市有個套餐十分便宜。80元就可以有一個拉麵，加餃子或者章魚小丸子，再包一枝汽水，而我則叫了忌廉，來到是玻璃樽裝，再配上店舖的裝潢，十分之日本風，而且店舖有播黑色唱片的機，播著日本歌曲。上了拉麵，一個拉麵包了半個蛋，蛋黃流心，十分岀色。而餃子入面十分濕潤，不會吃下去好乾。叉燒有一邊有明顯是給火燒過，吃下去不會太油膩，可惜是得兩塊，令我想吃更多！而另外叫了芝心玉子，上面有木魚，下面則有生菜隔油，吃下去甜甜地，中間則有少量芝士，甜度適中。如果嫌湯底不夠濃郁，可以加七味粉和芝麻在拉麵之中，而在我們臨走的時候，員工會很熱情地說了一句日文，令到我們受寵若驚。

早幾日心血來潮行左入大埔墟d巷仔度想搵下有咩新野食，點知畀我見到和拉麵，出於好奇我就入左去食喇。拉麵既選擇唔係好多，但睇得出佢地好細緻，連麵質同湯底既濃淡都有得揀，認真抵讚！今次我就試左個辛辣湯底，佢仲分埋大、中、小辣，唔係太食得辣但係想食辣過下癮既朋友就唔洗怕辣親啦！個麵軟硬適中，好有咬口，同埋塊叉燒肥瘦均勻，好淋而且好入味，加埋其他配料好似木耳同筍咁一齊食，成個拉麵整體真係唔錯。同埋我另外叫多左個玉子燒食，都好有驚喜，舊玉子燒配埋芝士同木魚碎一齊上，鹹鹹地既木魚碎幫玉子燒吊一吊味，加埋芝士都冇話好漏，個人泥講好推介！

行完12蚊店之後經過運頭街，見到呢間拉面嘅職員喺度大力宣傳佢哋拉面豬骨湯底餚足十幾個鐘，雖然當時有點微雨天氣又涼返，但聽到就覺得好暖胃窩心，好有衝動去食碗拉面。見到圖中有三款拉面，我就點咗豚骨原味拉面，同埋唔駛再追加都已經有半隻糖心蛋同木耳絲，而且仲可以多蔥添。賣相似日本街頭式嘅拉面，好傳銃嘅感覺，先慢慢試下個湯底，豬骨味好出，好滑，糖心蛋保持一貫流心，蛋白亦都入味，豚肉明顯有略為燒過，食落更香口滿足。枱上有泡銀牙，可隨自己喜歡無限追加，呢個味道小辣，唔酸，我自己都加咗好多。另外柯打咗小食芥辣八爪魚，估唔到份量都幾多，平時食壽司都必點呢款爽口味濃嘅軍艦，呢一刻只係想加碗日本米飯來搭配。總括而言，性價比中高，小食平均又只係三十零蚊，值得一試再試。

今日就入左大埔拍拖。上Openrice見到呢間和拉麵有唔少好評，咁就把心一橫決定左去呢間食晚餐。 去到發現都幾多人食。另外，舖頭雖然細，但裝修不錯，成個感覺同格局似足日本既拉麵店。 入翻正題，野食方面，我同佢就叫左2碗拉麵同1個小食。佢叫左個味噌拉麵。佢都幾滿意個麵同個湯。而我就叫左個豚骨原味拉麵。味噌湯個味就會比原味重d，而配菜就差不多。 話曬都叫食晚餐，所以都叫多左個小食等我地食飽d。個餃子$28有4個，都幾好食，所以都係值得推薦。 食左咁多野，雖然d野飲少少貴但我地都忍唔住叫左個忌廉飲。黎到原來係枝裝，咁都覺得冇咁貴。 價錢方面都幾抵食，$200都唔洗就夠2個人食個又好食又飽既晚餐！

身為本區人的小編在店鋪初開的時候，偶爾見到拉麵師傅親自在街上介紹店鋪，已打算給他一個機會。雖然本人還是最熱愛沾麵，難得今天放假，便做了他今天的第一個客人。一進去播着抒情的日本歌，沒有那種很激昂的急速感，很適合閒日中午的感覺。稍微失望的是老闆取捨了要沙發座椅，以及較大的工作空間，沒有設置吧枱，未能欣賞每位拉麵師傅的準備過程 。麵店有三款拉麵供選擇。小編點了傳統的博多原味豚骨拉麵，香滑湯底，蒜，大盛蔥，硬身麵條，外加半隻溏心蛋。本來較為喜愛濃湯，不過個人覺得加$8 太多了，便點了香滑。湯底：不算濃郁，看起來和喝起來都算稍稀的。不過也有淡淡的豚骨味，不會太膩。3.5/5麵條：傳統幼身麵條，選了硬身是明智的。有咬勁，每條分明，沒有黏在一齊的感覺。 4.5/5肉：師傅選了五花腩，清晰見到五層。起初害怕會很油膩，吃下去卻沒有很油的感覺。肉質尚可，不算嫩也不算好實。（當然如果一點肥都不喜歡的朋友就不適合了） 4/5溏心蛋：有流心的效果，不過個人覺得稍微熟了一點。溫度微涼，不錯。不過味道和看起來的顏色一樣，較淡。喜歡吃到醬油味道的朋友要失望了。 3.5/5紫菜：很香，也是脆身的。 5/5蔥：沒有青味。

收工返到屋企唔知食乜好，就落街四圍睇吓。行行吓聽到餐廳門口有個店員話，佢哋嘅豬骨湯底煮左10幾個鐘，正宗博多口味拉麵，未試過就入去試吓。拉麵選擇唔多只有三款，我自己鍾意食辣就叫咗香滑既辛辣拉麵。先試湯底，幾香濃，但唔油亦唔過咸。辣度對我來說是bb級，惹味不刺激，唔錯。糖心蛋入味加流心，有水凖！叉燒用咗腩位，肥瘦相間加燶邊，賣相吸引。入囗肉質嫩滑，脂香十足，齒頰留香！拉麵係直身細麵，彈牙而且掛湯力都ok。枱面另有芽菜泡菜，香辣惹味。想輕鬆一下就叫咗杯生啤，係香港少見既suntory premium melt,另外叫咗個和風雞軟骨送酒。啤酒甘味重，同香脆既雞軟骨好夾。無心插柳之下發現依間水準不錯既拉麵，下次會帶屋企人再黎。

又一個OT嘅晚上，拖住疲倦嘅身軀返到大埔，突然好想食啲熱辣辣嘅嘢落肚，拉麵正中我下懷！喺小巷入面呢間和拉麵之前都食過一兩次，舖仔細細最啱我呢啲一個人食嘢毒L😂小食餐牌嘅選擇都幾多，而拉麵餐單就相對的簡單直接，有三款口味，愛吃辣嘅點辛辣；愛濃味的點味噌；愛清淡的點豚骨原味，而口淡淡的我則點咗味噌味刺激一下味蕾。熱辣辣嘅拉麵一嚟到就緊係要飲咗啖湯底先，果然無讓我失望，好香嘅味噌味但濃淡適中，入口唔會太咸。然後就緊係先食溏心食，免得變太熟！一咬開蛋汁即刻"標"晒出嚟！正呀🤤 配料都非常豐富，我個人食法係用湯匙先盛一啖湯，再加入拉麵同每樣嘅配料，口感同滋味都十足！另外一提，店內服務員的態度都唔錯，會不時幫客人加水而且不時保持住笑容。滿足嘅一餐總算為辛勞嘅一日添加一點小確辛☺

今日跟男友嚟大埔覓食，地頭蟲嘅佢帶我嚟咗呢間佢成日食開嘅拉麵店。四四方方嘅小舖卻坐滿曬人，我同男友各點了味增同豬豚味拉麵同加咗啲小食開心share！我地無嗌到飲品，因為我幾鐘意飲佢店內嘅檸檬水😂清新得黎又唔酸，最啱食完嘢清清喉嚨！最先到嘅一口炸芝士男友特別推介，味道堅係相當驚喜😋外皮超級的香脆可口，一咬開就流出濃濃嘅芝士，而且即使擺咗一陣後再食口感依然，芝士都係滑灟灟的~~😍雞軟骨配搭sauce亦係超match的！醬汁似係沙律醬再溝咗啲蛋白醬，食落少少酸開胃又可口，作為餐前小食相當唔錯！拉麵我比較偏好味增味，味道夠之餘但唔會太咸，重點係湯底無好重嘅油膩感👍🏻叉燒雖然唔算好厚身但見到係特地煮熟後燒過的~食落香口好多而且口感幾煙靭，唔錯！溏心蛋亦係超好食！一咬過就滿滿嘅蛋汁流出嚟！！😍原來大埔都有唔少隱藏美食，下次要再捉男友同我去食好西先得！

一路都聽人講大埔好多好野食😋有朋友就話大埔有條巷仔有間拉麵好食！極推薦我去食 和拉麵呢到有三款拉麵賣 我今日就叫左辛辣拉麵午餐仲會送一個小食同飲品 女仔黎講份量真係好多🤤碗麵好快就送到黎我面前入面有木耳 筍 溏心蛋 蔥 紫菜同叉燒配料黎講我最欣賞個溏心蛋 味道岩岩好 又夠流心 好彩d蛋黃汁冇漏哂出黎😗麵係比較幼身既拉麵 🍜 本身有好香既蛋香味 軟硬度適中叉燒係肥瘦適中既叉燒 見到佢分左3層 食落去唔會好鞋 而且叉燒有用火槍燒 成舊叉燒即刻變到好香午餐會送餃子或者小丸子 我就揀左小丸子小丸子即燒 非常熱！ 但佢係外脆內軟咁 入面仲有小章魚 成個感覺好豐富 😋總括嚟講呢間拉麵係非常之抵食 而且店員嘅服務態度好好一路聽住日文歌咁一路食拉麵好似置身在喺日本咁🤤😋😍

​ 又係我呢個拉麵狂喇。 今日響大埔墟閒逛時發現有條巷仔， 咁好奇心驅使下我就行左過去睇。 見到街尾有麵食，都幾多人食，緊係諗都唔諗就入去食啦。 忠於原味既我叫左個$75既豚骨原味拉麵。食落都幾好味。 湯我就揀左香滑，一開始都諗，香滑咪者係普通， 點知黎到飲落又真係香滑wo。 個叉燒都值得一讚，食落有燒過既味道，好香口。原來係師傅即燒，難怪咁好食！ 另外有樣特別就係，等緊野食既時候， 店員細心遞左個話係師傅親自炒既辣芽菜， 都有試下，又幾惹味又開胃，伴拉麵都一流。 另外，大食既我仲叫左個餃子食。一碟4件食埋真係岩岩好夠飽。 總數食左$75+$28 剛好$100左右 都算抵食～ 和拉麵 地址 大埔運頭街20-26號廣安大廈地下J號舖

今日同男友入大埔行，見之前都試過一嗚，所以就試下同一條巷仔既另一間拉麵舖。我同佢就各自叫左2碗拉麵。佢叫左個味噌拉麵，而我就叫左個豚骨原味拉麵。2碗最大分別係味噌個味會比較重，而配菜就冇乜分別。湯我地都揀左香滑，因為另一個選項要加錢。黎到我就首先試一啖，飲落又真係覺得香滑，都幾得意。另外，我就覺得個叉燒幾香口，但男友就嫌d太薄。不過，我覺得隻蛋都幾好食，生熟度岩岩好！另外，呢間拉麵特別既地方係，佢有個辣芽菜小食，係員工遞上，唔洗錢的，味道幾惹味。總括，我同男友覺得呢間拉麵店不過不失啦！

今天拉麵癮起，與友人相約於和拉麵。平心而論，大埔有頗多拉麵的選擇，但大部份都不合口味，故亦沒有抱太大期望。然而，和拉麵的確讓我感到驚喜。首先必須要表揚一下店員的服務態度，總是笑面迎人，讓人有友善的感覺。結帳時，店員跟贈送蜜蜂糖。在香港，尤其為餐飲業，此服務態度實屬難得。而味道的確不錯。拉麵方面，可按個人喜好選擇不同口味，如蔥、蒜等。我們點了辛辣拉麵，如果不太能吃辣的朋友要留意，即使小辛亦頗辣。雖然我們已選擇軟的麵質，但亦略嫌硬。但糖心蛋和湯底絕對為拉麵加分！另外亦推薦餃子！在大埔，無論是服務或味道，和拉麵絕對是高質素之選！

又是想吃拉麵的日子。。。經過我和朋友四年經常在香港和日本吃拉麵的日常，我們對拉麵色、香、味、性價比，越來越有要求。如題目所說，就是因為這店的一碗拉麵，平時甚少寫作的我，為它寫了我第一份食評和拉麵是我們拉麵排行榜的頭三名推薦之一，對我而言它更是我現在的第一名它的濃湯底真的很濃，它不是少加點水的那種濃，而是在同一粘稠度上，它特有的豚骨香味和質感，果然是熬了十多個小時又無添加的豚骨湯，令從來怕味精湯底的我差點就把全碗湯喝完這拉麵的另一特點就是它用火槍燒出來的豚肉。一口下去，火燒豬肉的香味就充斥住我的味蕾，再咬多幾口，肉的質感和脂肪的配合進一步提升了它的層次感。這時，再喝濃厚的豚骨湯，簡直就是完美的配合 這店的拉麵師傅和侍應都非常友好，會給你真實的意見。最後意外的是，竟然連拉麵店都會送小甜品，雖然只是小小的蜜蜂糖對我來說，它是一碗可以令我非常滿足的拉麵，所以想推薦給那些喜歡拉麵的朋友，希望不要錯過大埔的美好

凍冰冰嘅天氣，最適宜食一碗暖胃嘅湯麵，我哋就去到大埔墟一間地舖叫做 和拉麵 食晚餐。餐廳裝修以木為主，而且位置好舒適，有沙發位置，亦都有四人枱位置。拉麵紙比客人圈出自己碗拉麵嘅喜好，包括麵質嘅軟硬度，仲可以要多蔥。我同我朋友同時叫咗碗豚骨原味拉麵，等左唔夠5分鐘已經有得食，碗麵好暖笠笠，而且好香嘅豚肉味道，飲一啖湯好清甜。小食我就叫咗章魚小丸子，一盒有四粒，仲有好多木魚絲係上面，食落去外皮香脆，入面有好多粒魷魚粒，非常足料啊。最後埋單都只係＄200，每人平均消費＄100就可以食到咁豐富嘅晚餐，非常抵食呀。

平時經過大埔墟有一間拉麵店，開左大約幾個月，今次經過就去試吓招牌菜-拉麵。首先我哋喺門口睇吓餐牌，原來都幾多小食款式選擇，仲有我最鍾意嘅炸魚餅。香煎魚餅煎得好香，遠處已經聞到魚餅嘅香味，食落去外脆內軟，而且煎魚餅好大塊，再點小小泰式辣醬，更加滋味。拉麵好大碗，賣相非常吸引，入面除咗有紫菜、蔥粒、荀同埋木耳條之外，仲有好大嘅豚肉，而且拉麵好入味，麵質煙煙靭靭，好有口感。每一張枱都有一個壺仔裝住啲自家製麻辣芽菜，放少少入拉麵一齊食，除咗有麻辣嘅味道之外，芽菜非常爽口入味，我哋好快就食晒了。總括而言，喺大埔墟嘅拉麵店算係數一數二高質素，下次一定會再encore，試吓其他款式嘅拉麵。