影片
开饭介绍
餐厅主打日式料理，包括寿司、丼饭、便当等，食材新鲜、丰富，深受食客欢迎。
继续阅读
营业时间
今日营业
11:30 - 15:15
18:00 - 23:15
星期一至五
11:30 - 14:45
18:00 - 23:15
星期六至日
11:30 - 15:15
18:00 - 23:15
公众假期
11:30 - 15:15
18:00 - 23:15
公众假期前夕
11:30 - 14:45
18:00 - 23:15
以上资料只供参考，请与餐厅确认详情
相关文章
平時去沙田都係去市廣場食飯多，今次想去遠啲嘅地方食飯，所以去咗河畔花園個邊搵嘢食，呢邊原來都幾多嘢食選擇，少啲連鎖餐廳。呢間日本餐廳唔係好大間，但啲嘢食唔錯，要推介吓！燒日本廣島蠔，$98有4隻，有蒜蓉同芝士味，我哋叫咗各2隻。啲蠔都幾大隻，燒完仲有保留咗啲汁，蒜蓉個隻有好多炸過嘅蒜蓉，芝士食嘅時候有少少拉絲，2個味道都好食！4色魚生丼A，$132，4色有三文魚、甜蝦、拖羅蓉、三文魚籽！刺身都新鮮，三文魚有厚切。牛油果軟殼蟹卷，軟殼蟹夠脆，三文魚籽都卜卜脆！
继续阅读
今日一家三口去食晚餐！魚生飯，牛肩飯，咖喱雞扒飯全部都係$100下，味道份量都very good！！魚生大件，牛肩肉好咬口，雞扒大塊，燒得好靚！而且員工服務態度好好，雖然真係勁多客勁多外賣，但員工對堂食嘅客人都好好回應，好有禮貌！一定會再黎幫襯！
继续阅读
Lunch如果想食日本嘢，河畔和氣係不二之選。有好多款式可以揀 ，熱食凍食任君選擇。熱食可以揀定食、烏冬or拉麵。凍食又有魚生丼、刺身冷麵。兩樣都想就揀壽司烏冬套餐。唔夠可以加錢叫小食 :糖心蛋 、炸蝦卷、天婦羅 、炸雞、壽司。總之你諗到嘅其實都有得食。最後飲品方面，凍飲係唔使加錢㗎！！！同埋可以用信用卡埋單，冇話你要消費滿幾多先可以用。啱哂我呢啲無cash人仕👍今次食蕃茄燒雞扒烏冬。蕃茄湯極濃、雞扒燒嘅，仲要燒得好乾身。P.S.塊嗚門卷真係好難食，一定要走。
继续阅读
今日想快快地食完就走，因為要趕下場，經過咗沙田河畔花園，就去咗和氣食堂買外賣走👍🏻（呢度相對易泊車😙）和氣壽司定食配炸雞同埋木魚湯烏冬配飲品（$135）三文魚子，芒果花之戀，帆立貝，三文魚壽司特別甜，大，厚，同新鮮，推介！炸雞，皮夠薄脆，有肉汁，不油膩。木魚湯烏冬，好一般。跟餐，沒太大期望。另加三文魚壽司，炸蝦卷（$18）三文魚壽司肥美新鮮，炸蝦卷新鮮炸起，熱辣辣，有誠意。值得再回頭再試其他菜式！*no discount offered by the resto 🙏🏻
继续阅读
來到沙田圍呢到探親戚，親戚推薦呢間大件夾抵食嘅和氣食堂，呢到主打用親民嘅價錢就食到各種各樣嘅日式料理，好似壽司、便當、丼飯等等，午市定食仲要特別抵食添～網燒牛扒定食💰HK$92除咗網燒牛扒之外，有埋日式炸雞，好豐富！牛扒生熟程度剛剛好，牛肉味香濃，而且佈滿甜甜燒肉汁，用來撈飯真係相當唔錯～雜錦刺身定食💰HK$118呢個定食更加豐盛，有雜錦刺身、軟殼蟹卷、日式炸雞、木魚湯烏冬！刺身味道鮮甜，軟殼蟹卷超大舊，入面嘅軟殼蟹仲係脆脆的，木魚湯底清甜，烏冬口感彈牙！咁多野食，真係大滿足啊～總括來講，呢度嘅午市定食超級抵，價錢親民，仲要食到咁多野食，又包埋野飲！下次經開沙田圍可以再戰呢間餐廳～
继续阅读