和牛燒肉一郎 (荃灣廣場)

营业中

休息中

前日同姊妹去荃灣行街，行咗成日街，買咗好多嘢，腳又酸，就打算順便去食埋晚餐先返屋企。啱啱好前面有間放題式嘅日式燒肉，鋪頭出面仲好多人，就好奇行埋去睇吓。姊妹睇咗餐牌之後，話呢間嘢係同事之前介紹佢嘅，話味道唔錯，叫佢一定要試吓。我哋就決定喺度食埋晚餐。我最愛嘅黑毛和牛4款有肉眼、牛肋肉、肩胛肉同埋一口牛。廚師好犀利，每一款牛肉都切得好靚，味道都係一流！燒咗兩分鐘嘅原隻魷魚筒，微微捲起，剪開之後，一啖咬落去，熱辣辣特別香！仲有第一次食嘅炙燒牛外橫膈膜刺身，姊妹食咗讚不絕口啊！呢個蒜蓉牛油海蝦真係又香又甜，仲帶有淡淡嘅牛油味，好送飯！有燒肉味噌醬醃製嘅熟成壺漬牛肋肉，味道濃郁，鍾意食牛肋骨嘅朋友仔一定唔可以錯過！姊妹話呢間日式餐廳嘅嘢食真係好啱佢口味，下次要同同事一齊嚟食！

週末我同BB去咗朋友介紹嘅一間位於荃灣廣場嘅和牛燒肉一郎自助餐。一直聽講呢度嘅和牛燒肉好出色，所以我哋特登揀咗放題Set F嚟試下😋 順便體驗一下邊烤肉變食嘅感覺，我係呢方面真係唔得，好彩有BB幫我 😅💗 極上夏多布里昂真係無得彈，肉質好軟滑，脂肪分布得好均勻，入口完全唔油膩。呢個部位係菲力嘅中心部分，非常稀少。💗黑毛和牛🥩六款包括肉眼、肩胛肉、一口牛、三角腹肉、牛肋肉同牛肋條每款肉質都唔同，但同樣鮮嫩多汁。尤其係牛肋條，脂肪分布得好好，燒起嚟香氣四溢，真係令人食指大動… Yummy!!除咗和牛，仲送左個和有其他海鮮 👇💗原隻鱿魚🦑筒經過燒烤之後，外層微微焦香，內裡依然保持住鱿魚嘅鮮嫩彈牙💗特大帆立贝口感豐富，鮮甜味十足💗特大越南大虎蝦亦係必試之一，燒烤之後蝦肉鮮嫩多汁，帶有濃郁嘅海鮮香味💗青口亦係一樣鮮美，配上少少檸檬汁🍋，味道更加出色👍同BB一齊喺和牛燒肉一郎享受呢頓晚餐放題，真係一個好開心嘅經歷。無論係和牛定係海鮮，每一樣食物都令我哋非常滿足呢度嘅食物質素一流，服務亦都非常好，非常推薦比大家試下👍！！

夜晚唔知食乜好，一定會揀放題食，特別係呢間最接近公司又方便又好食，最緊要係唔洗好貴就可以食到和牛啦！首先一定叫一份海苔溫泉蛋拌飯。有人話嚟食放題你叫飯食咪好快飽，食唔落？但係你錯晒，呢個根本就係開胃菜！真係好好食，miss咗真係好可惜。海苔同蔥花嘅香味撈埋溫泉蛋一齊食，做咗成日嘢覺得努力打工為咗食呢啖飯係抵番晒💪另外有三道唔可以錯過嘅任選食品薄切上等牛舌芯,燒肉醬薄炙牛五花同埋辣味噌醬雞腿肉咁多道菜入面呢幾道係我每次都會點最多，又食唔厭嘅嘢。牛舌同牛五花嘅紋理都好靚，加埋油脂唔會太多，而且店家將肉片切得薄薄一片，醬汁特別入味。可以叫好多碟。食得多都唔會滯。我本身食燒烤嗰陣時唔係好鍾意食雞肉，主要因為我唔識控制時間，成日燒得耐咗，好多次都會燒燶咗。但係辣味雞腿肉係其中一道可以俾我自由發揮，唔使驚燒耐咗會難食，因為用嘅係雞腿肉，同埋辣味都解咗所有嘅滯😋

荃灣廣場入邊嘅和牛燒肉一郎主打高級日本和牛放題任食套餐，整體來講比我想像中好，野食質素都算高，尤其任食來講！我哋兩個人晚餐揀咗E套餐，頭盤方面有M9薄炙牛里脊肉、黑毛和牛6款，呢6款包括咗肉眼、肩胛肉、一口牛、三角腹肉、牛肋肉、牛肋條。呢個套餐更加有海鮮組合，包括新鮮嘅原隻魷魚筒、味醂魚乾、海蝦、青口。除咗牛肉，我哋仲多叫咗一份福岡明太子卷。燒牛肉超級香，聞到已經流口水，而且d肉都係入口即溶，好正！我地不斷燒，都食左好多，好彩餐廳有沙律bar，可以食返d健康嘢，呢到d salad好新鮮，甜品同飲品亦都有好多選擇，仲可以揀有無酒精嘅。甜品我揀左vanilla，係我最愛嘅口味。呢度整體環境氛圍唔錯，同朋友或者屋企人會再來。

朋友強烈推薦和牛燒肉一郎，係牛肉愛好者嘅天堂，雖然價錢高，但品質肯定更高，唔會失望。之前我哋去過其他比較普通嘅燒肉店，而呢間因為有和牛，所以一直想試下，無諗到一試就入坑咗。店內環境寬敞舒適，我覺得通風效果做得唔錯，我應該只聞到好香嘅牛肉香味，而唔係油煙味。🧡-呢度主打放題套餐，可以根據自己嘅消費能力選擇要食嘅套餐自助落單、沙律吧、飲品同甜品任食。第一次食和牛體驗，我哋決定試下佢哋嘅E套餐，頭盤有M9薄炙牛里脊肉，日本黑毛和牛六款六個部位，包括肉眼、肩胛肉、一口牛、三角腹肉、牛肋肉、牛肋條，仲有可以生食嘅生牛大腹肉壽司。一次過可以食到咁多唔同部位嘅和牛肉，真係除咗新鮮之外，牛肉嘅雪花紋理真係好似一幅畫，超級靚。🥓-燒後嘅牛肉，被鎖住嘅汁，入口後唇齒留香，各個部位無論厚實定薄嘅，都有唔同嘅味蕾衝擊。😋第一次嘅體驗，真係無失望，食咗咁多珍貴嘅和牛肉，滿足感100分。-最後仲食咗啲沙律嚟平衡一下，順便假裝掩蓋心裡嘅罪惡感，哈哈

終於嚟到荃灣「和牛燒肉一郎」⭐️彌足珍貴的午後時刻🥰今日下午同老公同屋企人去荃灣「和牛燒肉一郎」食燒肉放題，一早就已經book好咗位！☺️ 見到個menu，佢哋嘅燒肉真係不得了，種類多款式豐富，其中好多值得推薦，包括：2色蔥花牛舌（鹽味）,薄切上等牛舌芯,香草雞腿肉,香草雞頸肉。每一款都有其獨特風味，真係令人驚豔 hehe 👶燒肉一：2色蔥花牛舌（鹽味）💜燒肉首選肯定係2色蔥花牛舌（鹽味），牛舌切得薄薄，燒得啱啱好，加埋鹽味同蔥花，味道一流，每一口都滿是驚喜！💜燒肉二：薄切上等牛舌芯💜接下來就係薄切上等牛舌芯，牛舌芯質感嫩滑，燒到微微焦香，入口即溶，真係一試難忘。配料嘅巧妙搭配，讓你不得不驚嘆和牛燒肉一郎嘅廚藝精湛！💜燒肉三：香草雞腿肉💜再嚟就係香草雞腿肉，雞腿肉嫩滑多汁，配上香草嘅香氣，燒得香噴噴，每一口都係極致享受。

今晚想嚟一場真正嘅日式燒肉盛宴，所以我哋就嚟咗位於荃灣嘅和牛燒肉一郎食晚餐啦！🚀🐂 黑毛和牛4款(肉眼,牛肋肉,肩胛肉,一口牛) ⭐️頭盤有一大份黑毛和牛，真係無得頂。肉眼滑嫩、牛肋肉入口香滑、肩胛肉鮮味十足、一口牛啖啖肉香，每一款黑毛和牛都唔同風味 全部都可以一試🍖 **2色蔥花牛舌（鹽味） ⭐️**首先試下呢個2色蔥花牛舌，真係好好食🤗 兩種蔥花嘅香味配上鹽味嘅牛舌，簡直係絕配，牛舌嫩滑多汁😋🦑 **原隻魷魚筒 ⭐️**接住就嚟個原隻魷魚筒 鮮味夠🤤 外脆內嫩入口彈牙有嚼口，配埋特製嘅醬汁 推介🐟 **多春魚 ⭐️**然後必定要試嘅係多春魚，一燒出嚟已經聞到陣陣香味，每一條都炸得金黃酥脆，內裡嘅魚籽竟然係爆漿嘅 食得超爽🍣 **生牛肉壽司 ⭐️**生牛肉壽司亦都係一大亮點。薄切嘅生牛肉嫩滑，肉味超濃 一口一個，好滿足！😚🍍 **菠蘿 ⭐️**燒肉中途燒菠蘿就最啱解膩燒菠蘿香甜多汁，燒到外面焦香 正總括嚟講，無論食物質素定款式都有驚喜。🤩荃灣有間真係可以滿足燒肉慾，會推薦！👍

老闆今日生日，話全公司員工提早放工，仲請我哋去食餐好嘅，慶祝吓🎉我哋提議去荃灣嘅【和牛燒肉一郎】食放題，老闆聽完覺得提議唔錯，就應承咗！我哋叫咗最吸引嘅19款日本黑毛和牛套餐，每一樣都好好味啊😋頭盤送左一份極稀有嘅極上夏多布里昂擺盤好特別，仲畀咗一份特制醬汁撈埋一齊燒，配埋一齊食味道真係好正！仲有黑毛和牛六款係最經典嘅菜式！每一款牛肉都好新鮮，燒起嚟真係好香啊！黑毛和牛肉眼係最令我驚艷嘅牛肉部位！咬落去可以食到牛肉本身嘅甜味，一碟都唔夠我哋食！黑毛和牛西冷份量好足，油脂分佈均勻，每一啖都食得好滿足！我哋食飽仲同老闆飲咗啲酒。老闆仲好開心，話自己第一次食生日大餐食得咁爽！仲多謝我哋😝

試完荃灣嘅『和牛燒肉一郎』之後，我真心推薦呢間餐廳。新鮮嘅食材，配埋精湛嘅烹調方式，呢 間日式燒肉店提供嘅唔單止係美食，而係一種饗宴!🐂黑毛和牛4款(肉眼,牛肋肉,肩胛肉,一口牛)🐄首先，黑毛和牛四款肉類——肉眼、牛肋肉、肩胛肉，一口牛，都係高質之選。每一款都係肉香四 溢，令人難以抗拒。🥩黑毛和牛牛肉角切(一口牛)🥩最後，黑毛和牛牛肉角切(一口牛)更加係必試之一。呢款牛肉切得啱啱好，肉質嫩滑，入口滿滿嘅 牛味真係令人難以忘懷🥩M9 薄炙牛里脊肉🥩要推薦嘅就係佢哋嘅招牌 - M9 薄炙牛里脊肉。牛肉鮮嫩多汁，每一口都係入口即化，絕對係一種 極致嘅享受。🐟多春魚🐟佢哋嘅多春魚亦係值得一試，外皮烤到焦香，內裡鮮嫩，魚子更係豐富飽滿，一咬開就迸發出嘅美 味，真係令人回味無窮👅薄灸蔥花牛舌(鹽味)👅至於薄灸蔥花牛舌(鹽味)，真係唔得唔試。牛舌嘅香口嫩滑，配上鹽味同蔥花，味道層次感豐富， 係唔少燒肉愛好者嘅最愛。位於荃灣嘅『和牛燒肉一郎』，鍾意日式燒肉放題嘅你，一定要來試試。

今日同家人嚟咗呢間位於荃灣廣場嘅和牛燒肉一郎食晚餐。我哋三個人揀咗近飲品區嘅位。呢度仲有VIP房，如果人多嘅話可以包廂。餐廳環境乾淨舒適，中間有條路軌，專門俾送餐車自動送餐。呢度嘅主角係唔同價位嘅日本和牛放題任食套餐，除咗多款飲品，仲有自助Bar，沙律、汽水、甜品任食！三人決定嚟個任性消費，日本和牛燒肉F套餐。🤗呢個套餐包左極上夏多布里昂，黑毛和牛六款，海鮮就有甲羅燒、特大帆立貝、特大越南大虎蝦各一份。特別吸引嘅黑毛和牛六款都係精選嘅肉眼、肩胛肉、一口牛、三角腹肉、牛肋肉、牛肋條。一個套餐就足夠試到唔同部位，呢個套餐真係超值。極上夏多布里昂本身肉質好軟滑，最重要係脂肪均勻，入口唔油膩。稍為提一提，呢個係好珍貴嘅菲力中心特別部位，極稀少。其他精選肉款都好軟嫩好食，每一口都食得好滿足。跟住點左好多野食，最後嚟埋個雪糕完美句點~🍦

昨晚約咗好耐冇見嘅姐妹去荃灣睇戲，睇完戲之後我哋去咗間【和牛一郎燒肉】享用我哋嘅美味晚餐。餐廳嘅裝潢好精緻，燈光明亮，座位都好寬敞，坐得好舒服。最後，我哋揀咗【S2】配套，100分鐘入面可以品嘗到97道美食，Bar台提供無限量嘅飲品、沙律、甜品，真係物超所值！2色蔥花牛舌（鹽味）牛舌嫩滑多汁，唔會有腥味，食多幾盤都冇問題。蔥嘅清香同牛舌嘅肉搭配埋一齊，令人垂涎三尺。辣味增醬【牛五花】切得薄薄嘅牛五花，用辣味增醬腌制過，提升咗成個牛五花嘅口感，食落去唇齒留香！香草雞頸肉🍗香草嘅腌制配埋呢個鮮嫩嘅雞肉，簡直令人慾罷不能。雞頸肉咬落去鮮嫩多汁，充滿咗成個口腔。宮崎南蠻炸雞卷雞肉炸到金黃酥脆，配埋南蠻醬，每一口都令人回味無窮。快啲嚟體驗呢個令人垂涎欲滴又可以食到飽嘅和牛放題啦！呢度唔止有無限量供應嘅美食，仲有舒適嘅用餐環境同埋服務員貼心嘅服務。帶埋你嘅家人朋友，一齊嚟享受吧！

今日係朋友生日，約咗佢去荃灣行街，打算食buffet慶祝一下。入到餐廳真係令人眼前一亮，呢間餐廳係以列車主題為特色嘅燒肉放題餐廳，座位非常寬敞，好舒服。餐廳中間仲有條軌道，轉門係用嚟自動送餐嘅，對我哋嚟講非常特別。Menu入面有好多食物選擇，最後我哋揀咗F套餐。黑毛和牛六款入面包括咗肉眼、肩胛肉、一口牛、三角腹肉、牛肋肉同埋牛肋條。牛肉嘅質感非常細緻，入口即化；肩胛肉鮮嫩多汁，一口咬落去，濃郁嘅肉汁充滿成個口腔。肉眼嘅部分呢，肥肉分佈均勻，提升咗整體嘅味覺享受，真係令人回味無窮！極上夏多布里昂🥩肉質非常軟滑，脂肪分佈均勻，好食到停唔到口啊！入口唔會太膩，食落去好香滑🐂2色蔥花牛舌（鹽味）呢個係我第一次食牛舌，係我可以接受嘅味道。牛舌嫩滑多汁，有一定嘅嚼勁，兩個字：好食！青蔥配搭牛舌真係絕配！🐂生牛拖羅刺身和牛刺身真係入口即化，嫩而肥美，一份總共有8片，刺身嘅薄切令到口感更加輕盈，唔會有咀嚼嘅負擔。特大越南大虎蝦🦐烤起來嘅蝦肉依然嫩滑多汁，食完真係唇齒留香。餐廳仲設有自助bar，大家可以隨意揀沙律、飲品同甜品等慢慢返到座位享用。推薦大家可以嚟試下！

前幾日，我同朋友約咗去荃灣和牛燒肉一郎，呢間自助餐餐廳係佢介紹嘅，主打日本菜、燒烤、烤肉，環境好舒服。我哋兩個都好鍾意食牛肉，所以點咗set D，入面包含咗四款黑毛和牛：肉眼、牛肋肉、肩胛肉、一口牛。肉眼多汁嫩滑，脂肪均勻；肩胛肉嘅肉質比較緊實，但仲係好嫩滑；一口牛切成細容易咬除咗牛肉，我哋仲攞咗啲海鮮，有原只魷魚筒、青口、鮮蝦。魷魚好新鮮，烤咗之後好鮮甜，冇腥味；青口嘅口感好Q彈，帶有濃郁嘅海鮮鮮味🦐🦑新鮮嘅生牛肉放喺壽司飯上，再沾上wasabi一齊食，真係好味。肉質非常嫩滑，同酸甜嘅壽司飯係絕配。我哋仲特別攞咗石鍋牛肉飯，入面有醃製過嘅牛肉同多種新鮮嘅蔬菜，加上生蛋黃撈埋一齊食，唔止口感豐富，各方面嘅營養都好豐富。其中，黑毛和牛牛里脊係我朋友最鍾意嘅，被視為高級牛肉。就算烤咗，肉質仲係保持多汁，仲好細膩👍🏻朋友介紹嘅呢間餐廳真係唔錯，下次仲可以再嚟。如果你都想試嘅話，呢間餐廳值得一試🤤🤤

好耐冇食燒烤，諗住帶妹妹出街食燒烤。妹妹會考考到唔錯嘅成績返嚟，諗住可以帶佢燒嘢食食獎勵吓佢。荃灣搵到呢間和牛燒肉一郎，有和牛放題食，食材睇落好高級，就決定喺度同妹妹食飯。 呢度任食嘅選擇好多，叫咗放題Set E，呢個真係好抵食！我哋叫咗店員推介嘅鹽味色蔥花牛舌，牛肉醃得好入味，仲帶有蔥花嘅香味，我同妹妹都好鍾意。仲有味醂魚乾好新鮮，仲脆卜卜，好開胃啊！ 兩個生牛肉壽司嘅味道好特別，配埋芥末，味道更加惹味，口感仲有啲刺激。黑毛和牛牛肉角切（一口牛）切得好平均，真係可以一口食晒！仲可以食到牛肉本身嘅香味！ 食放題梗係唔少得黑毛和牛六款，好大一盤，我同妹妹食得好爽！每一款牛肉都好滑好嫩，仲有獨特嘅味道，真係好正！ 我同妹妹兩個人食得好飽！仲叫咗好得意嘅棉花糖做甜品。

因為生酮飲食關係燒肉都係我地外食既一個常見選擇。之前都久唔久會去食和牛燒肉一郎既S2 放題menu，$288/位加一，貪佢唔貴得黎有幾款澳州牛食，而且仲有厚切牛舌。點知六月改menu後昨日再去食S2 course，原來肉類選擇已經無曬澳洲牛美國牛，所謂「特選」既牛肉睇落/食落同平時打邊爐最平果種肥肉完全無分別！另外其他款既「特選牛」亦都偏瘦，變相燒完都好韌又無油香😥加上點餐既時候，以前有得直接選「無醬汁」選項，宜家依經無左。我地亦特意同waiter講左所有單都走醬汁，但每次上碟都仲係有俾醬！基本上要每次下單都揾侍應同廚房再講走醬，放題要咁樣落單法都好無癮！😪結論係和牛燒肉一郎既S1,S2餐已經大不如前，如果唔係食D餐以上既set都可以唔洗再去食！但如果要食到D-F餐既價位，又可以有好多其他餐廳選擇，唔一定要食佢！