和田便當

营业中

休息中

帶小公主去九龍塘上面試班，小公主上堂我同老公四周圍行下睇下有咩食，見到一部便當自動售賣機，都幾特別喎！又見好多人排隊買飯添，我同老公都好好奇，所以試下。買左2盒試，一拎上手係熱辣辣家😍😍。 ..柚子胡椒照燒雞扒一打開蓋，首先樣子都唔錯喎！唔會打哂風甘。雖然冇茶記甘大份，但份量都ok家，雞扒都幾大塊，雞都滑，醃得入味冇雪味。飯質地唔錯，唔係乾身果隻。鹽蔥燒三文魚三文魚唔係細細塊，仲有2塊，而且唔鞋肉都滑。配菜都幾多，有獅子狗、玉子燒、牛蒡，番茄仔添。每日都唔同款，都幾多選擇，又可以上網order添。

今日出外工作，快到午餐時間，去搵朋友午餐，未有頭緒吃什麼，就到朋友公司附近搵食，原來現在有這種便當🍱，好方法。逢星期一至五，每日有5款食物供應，食物種類多，豬🐖、牛🐂、雞🐓、魚🐟，每日更有至少一款素食，直接用八達通付款，無需長時間排隊，節奏好多時間。今日同朋友試韓式炒牛肉，牛肉嫩滑，配搭多款蔬菜、辣醬同炒，惹味又多種口感；柚子胡椒照燒雞扒，雞扒大塊，肉質嫩滑，照燒汁有淡淡柚子味，幾醒胃，都夠飽，唔錯。食物夠熱，原來便當賣相都可以精緻，味道都唔錯，旁邊仲有汽水機，夠貼心！

在疫情嚴重的時期，人人都不想堂食，寧願外賣回家或公司吃飯，所以外賣便當都是一個好選擇，而且味道都很像日本的火車便當，我覺得質素差不多。以前在日本坐火車就會買一個，感覺是日本最性比價高的食物，真是好懷念，好想出國逛一逛。鹽蔥燒三文魚我很喜歡吃三文魚，但聽了袁教授的一席話，決定減少吃生三文魚，改為「熟食」。估不到在便當都可以吃到粉嫩嫩的魚肉，而且烹調入味，肉質嫩而帶有蔥香，配菜有甜烤蕃薯角、醃菜、蕃茄仔和玉子等，是很正宗的日式便當🍱！除了價錢有點貴，食物質素高，所以性價比是中等。

工作忙到連過隔離街買餐飯都 行唔開， 和田便當絕對是窮人恩物。 講緊嘅係九龍塘創新中心的便當機， 每一日都有姐姐由工場送來溫熱的便當， 而且只需要喺apps嗰度過錢揀飯都ok， 每一日都有唔同嘅飯菜選擇， 甚至更有全素可以揀。 今日就揀咗照燒比目魚便當， 與及香草醬野菜蘑菇 扁意粉。 而且喺呢段時間購買便當仲可以送埋日本直送嘅汽水飲品， 價錢又50蚊起非常之抵。照燒比目魚扒便當所有米飯都係用日本出產的米， 煙韌有口感。 比目魚扒雪雪白白煎得香口， 而且隨便當仲有好多 三色椒與及前菜， 無論係番薯定係玉子獅子狗， 一整個色彩斑斕，食都食得開心啲， 而且營養與飽足感都非常均衡。香草醬 野菜蘑菇扁意粉扁意粉送到嚟唔會淋晒， 仲係煙韌有口感。 而且仲有好多蘑菇三色椒等等， 即使全素都係好好食。 最重要係面頭一大隻 大蘑菇， 有口感而且十分 juicy, 便當都真係可以整得好好食。

今日去到又一城附近做野,搞掂完手頭上既野lunch得返1個鐘既時間都無就要去第2個地方趕開會咁啱就見到呢部便當自動販賣機,當諗住睇下有咩選擇既時間發現原來都係淨返2個選擇,就快手同助手一人一個試下.照燒日本七彩豆腐扒配雜菌野菜,打開便當個賣相相當吸引,中間有一大塊豆腐扒質感好軟綿又帶濃厚豆腐香之餘內裏充滿粒粒蔬菜又香口,味道一d都唔會好單調無味.旁邊既彩椒同雜菌都炒得好香口,配菜仲有玉子燒,帶有少少鹹芝麻香既豆卜,牛蒡紅蘿蔔絲等等夠晒豐富又健康.香草醬野菜遍意粉,中間放左塊大啡菇多汁又夠厚.扁意粉充滿青醬夠惹味,青醬之間仲帶有少少雜菌做配料令青醬多左重菌香味.意粉就算放左係便當機都唔會好腍,咬落仲有略有彈性.

接送小朋友番學放學偶爾也會出街吃或買外賣，今次訂了便當同小朋友一起食！我們早一日於網上訂購，在四個選擇中點了燒蒜蓉味噌雞扒及蒲燒鰻魚，翌日到販賣機取便可，非常方便！便當於販賣機中以63C恆溫保存，不用翻熱！一打開已聞到香噴噴！便當用上日本珍珠米，原條鰻魚加秘製鰻魚汁淋上面，非常香濃美味，我也喜歡入面的配菜，有冬菇、蕃薯等等。另一款燒蒜蓉味噌雞扒香嫰好味，配菜有獅子狗、甜豆、蛋卷、醃蘿蔔、牛蒡絲，拌飯十分好味！小朋友也讚好味！

今天工作來到九龍塘的創新中心，同事有事不能陪伴食lunch，留下我獨自一人，見到創新中心內有部售賣飯盒的機，原來是「和田便當」，每天都有5款飯選擇，我選了《鹽燒三文魚飯》$56，包飲品一罐，今天就簡單食個飯盒做午餐吧！一問之下，發覺這個飯盒原來一點也不簡單，100％ 採用日本米，每天都有一款素菜飯盒，適合素食人士，飯盒內的餸菜非常新鮮，我這個飯盒除了三文魚外，還有獅子狗、番薯、車厘茄、蛋和青豆，很豐富呢！三文魚有兩大塊，上面鋪了些蔥油，食落完全沒有魚腥味，非常好吃。飯粒上面也灑了些芝麻和醬油，令原本已經好吃的飯粒更添色彩。想不到簡單的一個飯盒竟做得如此精緻好吃，實在令人驚喜， 怪不得在這附近工作的人，都喜歡訂這個「和田便當」。

今日lunch time 來到九龍塘又一城，見到在又一城旁邊的創新中心有便當自助機，款式都幾多，價錢合理，大約在＄50至60多元之內，而且外型新穎吸引，方便快捷，又多人有排隊按機買飯，決定一於午餐就按一個便當🍱吧！選的是鹽蔥燒三文魚飯，價錢$66一個，熱滕滕的便當飯盒，有埋筷子供應，便當盒厚實，而且好細心地有手抽位，可以方便拿取。味道意想不到的好味，三文魚無骨且肉質嫩滑，燒得香口，仲有要讚是便當有少少配菜，甜薯非常香甜，好正呀，估唔到吃著便當都有幸福的感覺。

今日俾老闆老點咗我同另一位同事去咗創新中心聽個whole day seminar，流落異鄉嘅我哋原本打算過隔離又一城食lunch，點知係呢個時候落大雨，我哋又冇帶遮，唯有睇吓呢個荒島有咩嘢食可以充飢。行行吓就見到有呢個日式便當販賣機，可能新出嘅關係，仲有個服務大使喺度教客人點用部機，所以我哋又過去睇吓。依家推廣仲有88折。總共有5款便當可供選擇，而且每日款式都唔同。我就揀咗「尊」便當，即係柚子西京燒石斑。飯量足夠，除了大大件石斑肉，仲有好多唔同嘅配菜，有三色椒、玉子燒、牛蒡、獅子狗卷等，好味得嚟夠哂健康！同事揀咗「極」便當，即係豚肉生薑燒。呢個便當都有好多豚肉，而配菜就換上小紫薯，加埋好香嘅生薑味醬汁，真係可以清哂成個飯盒！仲包埋咖啡一罐 ☕️ 同埋我最欣賞呢個便當嘅，就係佢係用紙製飯盒，食具就係一對木筷子，唔會影響地球環境，呢點我真係十分欣賞，一定會再支持！

生姜燒豚肉$56，我好鐘意日式便當，因為佢嘅顏色豐富，款式多，注重營養，最緊要仲係好食，呢個便當有多片豬肉+熟洋蔥+芝麻鋪滿飯面，飯都係用珍珠米，配菜有好好味嘅小蕃薯仔、蕃茄仔、豆、醃蘿蔔、蛋。保溫做得好好，一拎上手仲係熱架，連盒面都靚。燒蒜蓉味噌雞扒$50，雞扒夠嫩又夠味，比起茶記港式雞扒飯佢汁同飯都唔會非常多，健康啲👍🏻👍🏻👍🏻和田便當就係九龍塘站出口附近，行一兩分鐘就到，非常便利，九龍塘餐廳好多都不便宜，想和風嘢又唔想洗太多錢又唔係超大食嘅人可以試試呢間🙂