和食居

营业中

休息中

晚上同朋友喺灣仔搵食，自己想食下日本野，周圍都幾貴，忽然諗起呢條巷有間平民野日本野，於是同朋友一齊黎試。食物1- 牛肉拉麵如果鍾意食港式拉麵的朋友就啱晒！呢間完全可以勾起我小時喺日式百貨公司food court食拉麵嘅回憶，湯底果種好假嘅豬骨味真係一模一樣！牛肉竟然係另上，我都幾欣賞呢碗麵。2- 豬扒井飯真係好大份量，有豬又有炸蝦，又有港式檸茶，男人都未必識得晒！可惜朋友話，塊豬扒食落有苦味！環境夜晚客人唔多，似做街坊生意多，大家講野都係細聲，最多只係聽到電視台劇集的聲音。服務同香港好多店員一樣，呢度店員都係時刻忙住玩電話咁款。聽到另一檯人落單，但店員好似唔識聽又唔識講廣東話咁...

黎到灣仔附近食飯呢間日式餐廳環境雖小不過菜單選擇都幾多而且加少少錢就可以有埋炸蝦同中華沙律連埋嘢飲😚飯嘅份量都好多蛋都好滑，甜甜地豬扒都算厚身唔會好薄-炸蝦冇雪藏味，點埋沙律醬幾好👍🏻中華沙律如果可以多少少就好啦🤣灣仔餐廳黎講真係又抵又好味👍🏻

去完會展整完野，行返出黎搵野食，見到呢間舖頭Menu幾平入邊都有幾台食客，於是一於入去試吓🥢叉燒拉麵但係好奇怪點解個叉燒係燻蹄味，塊叉燒就好似食緊一塊熱嘅燻蹄，蛋係全熟嘅，然後個拉麵淋淋地好似以前讀書lunch出去食嘅味道🥢滑蛋豬扒飯好有喺屋企自己整嘅風味，不過塊豬扒有醃得幾好味，不過炸得一般般，然後個飯唔係珍珠米，係平時喺屋企食阿媽煲飯嗰隻，個滑蛋整得好靚，但係冇味，佢拎上左一個汁俾我，雖然我唔知攞嚟做乜不過我拎咗嚟撈飯😂又幾好食總括嚟講，呢個價錢仲要擺杯嘢飲嘅晚餐，算係咁，係抵食嘅

我於7/2（二）約中午12:15左右到達餐廳，當時餐廳客人不多，我叫了一個午餐：日式煙鴨胸拉麵（$63），及紫薯餅（$14/ 2塊）日式煙鴨胸拉麵：有4-5塊煙鴨胸，但煙鴨胸較煙靭，拉麵好多，亦有溏心蛋，粟米及紫菜，完全抵食夾大件。紫薯餅：比想像中細，紫薯味不是很濃，但口感不錯👌🏻埋單不用加一，以灣仔的食肆來說，價格不貴，食物ok，性價比好高。PS更見到有菲律賓姐姐來幫襯🤣🤣可想而知，餐廳CP值高。

價錢親民的日本菜，主要提供滑蛋飯、咖哩飯等，人均$60連飲料，是打工仔月底的選擇之一。只要不點拉麵 (湯底不行)，性價比屬合理水準，還有滿滿的飽腹感。🔺 滑蛋吉列豬扒飯套餐 ($69)套餐除了滑蛋豬扒飯和飲料 (原價$60)，還有2隻吉列炸蝦，和一碟小小的中華沙律，份量十分充足。吉列豬扒不厚但肥肉不多，入口鬆化，炸粉不厚也不油膩。$9兩隻炸蝦肯定不是虎蝦或大蝦，起碼吃得出是剛炸好的，屬一般炸物水準，伴飯一流。回頭率：🌕🌕🌕🌕🌑🔺 日式餃子 ($22)跟炸蝦一樣，4隻炸菜肉餃子也是剛炸好的，外皮不厚也不油膩，但實在無法為味蕾帶來衝擊。回頭率：🌕🌕🌕🌑🌑和食居跟鄰店嘗越Pho vi是屬於同一個老闆的，食客可以點鄰店的菜。假如跟朋友一起約飯，自己想吃豬扒飯，對方想吃喇沙湯粉的話，和食居、嘗越是個不錯的解決方案。

📍和食居 - 灣仔話說今日lunch要執埋啲手尾遲左出去食🥺1點之後好難搵位，我原本都打定輸數要外賣返去對住啲文件食飯啦！點知行行下俾我發現哩間拉麵店竟然唔駛等位，睇落個menu都ok岩我口味，所以就入去試下啦！牛肉拉麵餐 $88估唔到牛肉同拉麵係分開上嘅🤔單獨食牛肉有濃郁嘅牛汁😋牛肉嘅味道唔錯，拉麵就基本發揮！但係我覺得牛肉應該送飯會惹味過拉麵😋炸蝦、炸雞翼、炸餃子、炸薯餅 都係基本炸物發揮，不過不失啦～蜂蜜生薑茶 (附送熱特飲)本想叫蜂蜜柚子茶，但係店員聽錯+落單落左蜂蜜生薑茶😅蜂蜜生薑茶個底真係有薑絲😆蜂蜜唔算好多，所以飲完有種行氣活血嘅薑味😂但係...同個拉麵完全唔夾🤪T-able指數：2.5/5

今日心思思想食日本野，但因為糧尾嘅關係，我地就選擇左呢間出名平價嘅灣仔日式食店「和食居」，一去到門口以為好多人排隊，原來果啲都係等外賣嘅人，我地唔使等就可以入座了~今次係我第二次嚟食，入面依然係咁多人，小小嘅空間一眼睇哂，侍應們都忙於招呼客人，場面喧鬧，好有港式茶記嘅風貌，我諗如果有日本人嚟到呢間鋪頭，見證到呢種香港食肆常見嘅場面，一定會覺得好驚訝(甚至驚嚇)。食物方面，我今次嗌左一碟日式咖哩雞扒飯，份量非常豐富！豐富到我食唔哂！而且賣相精美，吸引力好強~價錢嚟講，$59咖哩飯包野飲(熱飲)真係抵到爛，喺今時今日嘅灣仔商業區嚟講算係好平架啦！所以呢間餐廳長期都座無虛席，日日都好旺場！

講起灣仔真係大把嘢食，平價高價嘅都有，食物選擇又多，我慶幸自己唔係住喺灣仔區，如果唔係一定重多幾公斤，成為一個大肥婆。今日去完太原街睇玩具，周邊餐廳度度都要排隊。大熱天時真係咪搞，企多一陣都暈喇！所以就轉陣，呢條街仔其實都幾多餐廳，唔想食茶記，就揀咗呢間日本定食。骨仔細細，一眼睇晒大約有10張枱。餐牌都係得兩頁，一面係拉麵另一面係丼飯及便當盒仲有一個下午茶，多咗四件炸物及一杯特飲都仲有啲小食嘅我叫咗個細個成日喺八佰伴食嘅滑蛋豬扒飯。想當年八佰伴嘅美食廣場，大大碗，夠一家四口食嘅拉麵🍜同滑蛋豬扒飯就係我常叫！雞蛋唔夠多，所以要有豉油撈飯。豬扒唔係炸得咁有火喉，唔太脆。可以講，冇炸得咁勁就冇咁熱氣嘅！男朋友食鰻魚飯$75一個鰻魚飯唔知算唔算貴啦，不過肯定好食過吉野家嘅！個鰻魚都算中厚身，不過不失喇。不過如果可以多啲鰻魚豉油呢，撈下飯就更加好啦。

放飯時間~見到餐廳門口排哂隊咁，仲以為要等好耐，點知原來外面等候嘅人都係等緊外賣，堂食嘅話就可以直接入去了！餐牌雙面列印，有拉麵有日式便當有丼飯，應有盡有，佢個價錢比起一般日本餐廳平得多，大部份午餐都只係$60-$80，仲要包埋野飲，喺今時今日嘅商業區嚟講算幾抵食架啦~筆者嗌左一碗日式吉列豬扒拉麵，麵同豬扒係分開上，賣相幾吸引~ 味道方面，拉麵質感普通，但豬扒幾脆口，份量亦都相當多，喺食飯嘅同時留意到店內宣傳緊大胃王挑戰活動，話只要參加者喺半個鐘之內食哂成碗(for4-5人食用)嘅極大拉麵，果餐就係免費的了！睇起嚟都幾吸引，但相信要本身胃口好大嘅人先有資格參加，如果唔係就真係賠了「腸胃」又折「銀」！環境方面，店內空間較為狹窄，唔好Expect坐得舒服、闊落，格局似普通茶記，但店內牆身貼滿唔同日式畫像，整體嚟講都OK~ 

今天跟同事於公司附近這間日式小店吃午餐。這間好耐之前也吃過，大約有大半年了，漲價也不少。店內一如既往的細，位置有點窄，不過現在的冷氣輸出力好強，有點凍的感覺。日式照燒雞扒拉麵 - $66雞扒另上，不會被湯汁浸軟。雞扒份量也算多，上面有些紫菜碎，肉質都算嫩滑，醃得好入味，不用再沾日式照燒汁。拉麵的豬骨湯底味道偏淡，鹼水較為重。拉麵的份量也算適中，有昆布、粟米粒和一片鳴門卷。熱華田(跟餐)味道也偏淡，不夠濃味。凍飲的話要加$3。

見到外賣apps自取有6折，當然枱高左原本價錢啦！折左用埋apps優惠卷始終都平過現場落order ! 第一次光顧，講真之前係完全沒有留意呢個位置既食店，試咗今次，下次一定會去堂食👍🏻想試埋其他食物，見到餐牌都算多選擇點左2款食物及1個小食日式咖哩吉列豬扒飯- 豬扒鬆脆😋咖哩汁夠濃夠味跟麵豉湯- 出奇地足料好飲👍🏻日式蒲燒鰻魚飯- 好食嘅，不過就少飯左日式餃子🥟- 冇乜特別，都係叫貨回來，放落去炸熟

今晚屋企冇煮飯又唔想出街食放工等巴士嘅時候用OpenRice外賣自取Apps落定單落車之前行幾步路就拎得方便快捷日式吉列豬扒飯 $50 (味噌湯 +$2)- 豬扒好鬆化- 炸得好香口，好脆- 又唔會太油- 拎到返屋企放咗一陣都冇腍，仍然好脆日式汁燒牛肉拼雞扒便當 $63- 便當超抵食- 有餃子- 有沙律，今次俾嘅日式芝麻醬唔夠- 有兩舊雞扒，有少少乾身- 好多塊牛肉，燒汁有少少鹹，但送飯就啱啱好日式吉列豬扒拉麵 $59 (味噌湯 +$2)- 豬扒好鬆化- 炸得好香口，好脆- 又唔會太油- 拎到返屋企放咗一陣都冇腍，仍然好脆- 湯分開上呢個做得好好，但係啲湯唔夠熱，返到屋企啲麵浸唔腍- 拉麵係港式拉麵- 正正常常，不過不失

大食妹趁住開心星期五同朋友晏晝去食日本嘢慳家嘅大食妹, 搵咗呢間比較平價嘅和食居<日式照燒雞扒便當>大食妹嗌左份日式照燒雞扒便當呢個便當有超多配料除咗照燒雞扒同白飯外, 仲有沙律、中華沙律、炸蝦、餃子同半隻糖心蛋, 啱晒大食妹呢啲鍾意小食嘅朋友照燒雞扒有少少過肥, 照燒汁都唔係好多米飯分量幾多, 但冇乜飯香但小食真係好出色炸蝦同餃子都係脆卜卜嫁沙律都幾新鮮中華沙律同糖心蛋就係standard野<日式蒲燒鰻魚便當>朋友就嗌咗份日式蒲燒鰻魚便當主要係照燒雞扒變左蒲燒鰻魚和食居嘅蒲燒鰻魚比較瘦, 油脂唔夠外, 味道都比較一般

Christmas and we realized it was next to impossible to find any where to eat as every where there were huge lines of people! Out of sheer desperation, we found this place that served Japanese. Menu is in English and Chinese. They serve a variety of localized Japanese. Lunch time they offer sets that include adrink.Boyfriend had the gyudon with egg ($44). The beef was tender and a lot of sauce was offered. They also provide a squeeze bottle of more sauce if you need more. Portion was generous as

早前在灣仔開工覓食，每日午飯時經過譚臣道，有幾間食市都有人等位，和食居係其中之一，此店係居酒屋，無壽司刺身，晚市主打炸物串燒及酒，午市賣套餐為主，某日下午外勤提早午飯，12點就去到和食居順利入座。餐牌有炸豬扒，雞扒，猪軟骨，燒鰻魚，肥牛，餃子……等等，配飯或拉麫包飲品套餐，我要炸豬扒拉麫$59，同事要豬軟骨拉麫$60，再追加煎餃一碟4隻$20，豬骨湯底不濃不油不咸，麫質一般水平，同事食的豬軟骨入味肉淋滑骨鬆脆，我件炸豬扒乾身香脆無多餘油份，厨房炸物掌握得很好……讚！餃子只是一股水準。同場見燒鰻魚同雞扒都好受歡迎，下次一定要試，每日下午2點後，下午茶時段多款套餐減$10，12時半起開始滿座，繁忙時間卡位要搭枱，灣仔區午市可算係抵食好味！