和食快餐 (曹公坊)

营业中

休息中

🚩荃灣曹公坊🚩今時今日仲有平靚正既餐廳真係越來越少，最近行入左一間普通樣既餐廳食Lunch, 主要食咖哩飯, 拉面同滑蛋飯。仲要D飯基本上30幾蚊都食到, 仲要+$2就有杯飲品🥤，去邊搵🥹🥹🥹🥹🍛咖哩雞扒飯 $36叫左個咖哩食，係日本甜咖哩, 🐥雞扒仲要岩岩煎起熱辣辣，仲要配埋佢個燒汁，佢呢到係隨你喜歡倒幾多就食幾多。個汁真係幾好味, 同個咖哩飯都絕配。加埋杯凍檸茶，成個Lunch都只係$38佢仲有另一間分店架，係荃昌中心個邊，就近地鐵站多dd, 真係不紡都可以試下😋😋😋📍 和食快餐 曹公坊店 (荃灣)🗺️ 荃灣曹公坊27號地下📍 和食快餐 荃昌中心昌寧店 (荃灣)🗺️ 荃灣西樓角路荃昌中心昌寧商場地下23號舖

尋日經過第一次幫襯，點咗個咖哩雞扒飯加多杯凍奶茶。咖哩汁雖然是盒裝日本咖哩(編者亂估)，但雞扒份量也不少，絕對是即叫即炸，不像坊間茶餐廳一樣炸定先，配上凍奶茶先收$38，絕對是打工仔慳錢之選。荃灣返工的朋友可以試下，我食呢間位於香車街街市，絕對唔難搵。另外，在OpenRice 一search下發現，原來昌寧大厦都有分店，絕對適合埋我另一工作點，「和食快餐」您已經是我首選飯堂了！多謝你為打工仔著想，祝生意興隆，繼續保持水準！

這個時代，好難會有平靚正嘅野食，食得飽又唔會收貴你嘅餐廳愈來愈少。呢間餐廳喺荃灣香車街，喺環保五金回收鋪同雜貨鋪之間，「和食快餐」，好似日式料理，應該係港日料理，餐牌貼住喺玻璃，個價錢係$30-$50，第一眼望會以為佢寫錯價錢，望下間餐廳，鋪面比較簡陋但企理，應該係真係呢個價。什菜豬扒飯 Pork chop and mixed veggies with rice($38)成碗熱辣辣遞上，以為豬扒係普通煎豬扒，原來係吉列豬扒，唔硬，OK。雞扒煎蛋飯 Chicken and fried egg with rice($33)雞扒煎得好OK, 煎蛋中間係流心! 汁佢地會另上俾一壺類似照燒汁過你，想要幾多就落幾多。Mr. Jun落好少汁，Mrs. Jun係醬汁怪，要落好多。個汁係偏咸，大家睇住落啦。主菜跟熱凍野飲都係$2咋！提提大家：野飲如果唔好甜嘅人記得叫少甜。Mr. 係好糖之人覺得甜度無問題，Mrs. 杯熱菜蜜甜到漏

雞扒醃凍蕎麥麵啊～佢雖然平咋但係我覺得佢唔馬虎㗎～你睇吓面頭仲有蔥同埋紫菜碎。蕎麥麵都夠凍，我食嘅時候都有放佢綠色嗰舊帶啲芥末既落冷麵汁入，炎炎夏日食涼野開胃。佢雞扒切到好薄禁煎，雞件乾得嚟唔鞋身，面仲淋咗少少糖令到佢變得好脆口。我比4/5分。外賣亦都需要喺門口等一陣嘅啫，而且佢門口都有唔少人排隊咁證明佢哋效率係非常之高。我諗佢叫和食快餐真係冇改錯名，如果你想食一啲平價少少又帶有日式風味嘅，我諗呢間餐廳係不二之選。

疫情之後多左叫外賣返公司食，這間和食快餐絕對是荃灣友的福音OMG咖哩雞飯加蛋加蟹柳加熱檸蜜都只係$42邊度搵呀咖哩唔辣帶甜好好味，仲有洋蔥、蘿蔔、肉碎好足料，一定要試！！雞扒唔肥份量又夠，加蛋都係2蚊炸，加煎蟹柳2條都只係3蚊最正係平時要額外加錢既檸蜜都係同價加2蚊實在太令人感動親民價錢可以食到咁真係好值得推介

滑蛋豬扒飯😋$37咖喱豬扒飯🥳$32冷熱飲品🥤+$2好耐冇入去荃灣啦😎入到去，第一時間就諗起去喱度😂水準依舊，份量又夠😚滑蛋生熟度適中😏咖哩味道亦唔錯😌價錢仍然夠貼地🥳係豬扒炸得硬咗些少🙈和食快餐 (荃灣)荃灣曹公坊27號地下

和食係我係荃灣既首選至愛，個人認為香車街果間好味過昌寧果間，所以今日禮拜六去左香車街食。去到既時候已經有幾個人等緊位，入面Full晒，所以就等左三個字先入到去。Menu痴左係牆，有好多唔同既Dish!我地叫左太卷，Curry豬扒飯，炒野菜，肉菜飯+野飲(湯+檸茶)太卷4件($22): 飯入面包住蟹柳、蛋同腐皮，依三樣熟食好Match，好好食，食完好飽!Curry豬扒飯($32): Curry似係有幾種溝埋一齊煮，幾好，但豬扒有D乾，但飯份量十足。炒野菜($20): 入面有椰菜、蘿蔔、冬菇，用D甜醬油炒，幾好味。肉菜飯($37): 有野菜+豬肉，食落去甜甜地，送飯一流，且份量多!隨飯送既味噌湯: 入面有好多海帶同豆腐同蔥花，麵鼓味濃，好足料，好飲!總結: 成餐飯都係$100多少少，叫左主食+野飲+2個Side dish，好飽好滿足! 而且味道不錯，坐既位無昌寧果間咁逼，如果有時間黎依度食都幾好!

呢一間日本店 喺荃灣分別有兩間分店 由中學識到而家 呢一間鋪頭嘅價錢 可以話係十分之親民 一個飯都係三十幾四十 仲要包埋嘢飲或者麵豉湯 佢嘅日式咖喱飯係食極都唔厭 每次一想食咖喱嘅時候 就一定會食呢一間店 佢嘅咖喱有得揀好多唔同嘅餸 而咖喱牛肉同吉列豬扒 係一定要試！咖喱汁望落去雖然唔係好多 但由於味道好濃郁 所以送晒成碗飯完全冇難度🤤🤤🤤🤤🤤而店入邊有一啲壽司 價錢都10分親民 下午茶更加可以加幾蚊就有一件！由於係係小店 老闆娘好友善 成日主動同我地傾計 有時見到啲熟客 就會自然知道佢哋食啲咩 呢一啲小店嘅人情味真係買少見少！

今晚去咗荃灣果頭，荃灣啲餐廳五花八門，而且間間都多人排隊。最後同朋友行咗去曹公坊搵食。我地揀咗和食。一來見佢好平，二兩見都有啲人排，緊排，應該都好食掛，一於試下。等咗兩三個字左右，有得入去喇，入面好細，但都擺咗十幾張枱。鋪四周痴滿餐牌我就揀咗咖哩雞扒飯，日式炒雜菜，太卷，仲有凍檸茶。等左一陣，咖喱雞扒飯嚟到喇。都幾大碗，咖喱同雞扒各佔一半，鋪滿晒成個碗面。我以為佢會係一塊大雞扒，點知呢佢係將塊雞扒切薄咗三塊，再去煎。咁樣雖然會快啲熟但係就冇咁juicy。由於佢塊雞扒冇醃過，所以煎完之後呢就有啲乾。至於咖喱，係日式咖喱嚟嘅。夠哂味，同埋有少少肉絲起入面，淨係食咖喱都唔會太寡。但我就嫌佢咖喱落咗太多粉，所以先會有啲似一嚿嚿咁樣，但係味道都幾好。炒雜菜呢，有洋蔥，冬菇，椰菜，紅蘿蔔再加上日式照燒汁去炒顏色好豐富。炒出嚟個效果相當好，唔會太甜，亦都唔會太‘傑’。啲菜呢好爽脆，好好食。而太卷呢，好似得我哋一台叫過咁樣，個個都會食加州卷咁樣，可能因為加州卷平啲。太卷有紫菜，珍珠米，腐皮，蟹柳，冬菇，仲有蛋。由於有腐皮所以本身都已經夠味唔使點豉油都得。我會加啲芥辣喺面頭，令到味道豐富啲，同埋過癮啲。

荃灣有間超平民價嘅日式豬扒飯店，由中學食到宜家，由荃豐店開到愉城附近嘅第二間分店，而老闆又真係日本人，所以賣嘅日式飯真係好正宗架！佢呢到最出名就係咖哩豬扒飯，啲豬扒真係吉列豬扒，咬落好鬆脆，配埋個燒汁撈飯真係好好味！一個飯好大碗下，如果嗌飯的話，有個麵豉湯送，飲熱飲就另外加錢。下午茶餐就會抵啲添！值得一提就係佢嘅加洲卷同蟹子沙律都好好味架，兩個人嗌左兩個飯、兩杯凍飲再加4件加洲卷都係$108咋，仲要飽到攬住個肚走添！

民間美食，價廉物美，我中午點了一份滑蛋豬扒飯只是三十七元，但味道比其他賣七十八十元的大品牌店還要好，這裏食到一些跟大品牌沒有的味道就是人情味，老板娘及其他員工都很有禮貌，跟大店的員工為上班而上班的面口完全不同

🤩平民日式料理唔好睇佢好似茶餐廳 其實係賣日本野價錢好平 就係香車街街市隔離.豬扒冷麥麵$34麵份量好多 係冷麵汁到加wasibi 過癮呢吉列豬扒炸得比較炸 但呢個餐絕對係CP皇.鰻魚飯$58呢個係全場最貴🤣但同其他店對比 係好平size都大嘅 冇乜骨 加上燒汁撈飯 一流

次次行過呢個商場都見到好多人系到等緊食餃子屋 其實落一層仲有呢間日本餐廳選擇 最緊要平靚正！🤤同大家介紹下 老闆仲要系日本人 系咪即刻覺得成間店親切左好多🤧.👉🏻豬扒冷麥麵($34)冷麥麵望落去份量唔多 但其實食落去有好多 好似食極都未食完咁😂可以加晒成舊wasabi落去碗冷麥麵醬汁到 攻鼻得嚟又好食🥰.豬扒外層炸到好酥脆 肉質比較實身 食落唔會話太油👍🏻—————————————————和食快餐荃灣西樓角路荃昌中心昌寧商場地下23號舖

一向後知後覺的我，最近在電視臺節目裡面才知道，有九巴巴士路線「56」號的存在。「56」巴士線被某電視臺節目專門介紹，還被電視臺節目稱為全香港「最長」，「最浪漫」的巴士路線，途經屯門前往新界西北。我先乘坐港鐵，從將軍澳坑口來到荃灣西，再乘坐這條「56」號巴士路線，前往新界西北。雖然「56」路線沒有任何中途站可以上廁所，但是有小欖、黃金海岸、掃管笏風景可以欣賞，適合我這種百無聊賴，無所事事的悶人。我在上車前往新界西北「遊車河」之前，先在荃灣西巴士站「如心廣場」附近，找間餐廳食個下午茶，不過一向對午餐，下午茶，晚餐概念都稱不上很清晰，有時甚至迫不得已在下午茶時間才食午飯。所以我刻意在上車之前，先在荃灣西的小社區「曹公坊」裡面，光顧一間有賣日式拉麵烏冬食品，跟港式茶餐廳粉麵飯食品的港式茶餐廳，餐廳的名稱叫做「和食快餐」。雖然「和食快餐」餐牌裡面售賣的日式拉麵食品，沒有強調有什麼正宗日式風格，但是拉麵配搭的食品種類，就可以稱得上是包羅萬有，牛、豬、雞、海鮮甚至蔬菜蔬菜都可以提供。而且「和食快餐」的日式拉麵套餐，可以在三種湯底當中，選擇其中一款湯底作為拉麵的湯底。另一方面，「和食快餐」除了一般日本

今日早左出門口食lunch，check一check發現呢間11點就開左所以就走黎食lu今日好凍所以想食麵，加左一蚊要豬骨湯再加兩蚊要烏冬，然後配菜就要炸豬扒，然後再加多一蚊要沙律醬。咁樣加埋先$34埋單，而家食個lunch重要日本野呢個價錢真係抵到爆。炸豬扒雖然都係瘦肉但係唔會覺得太乾，食落去又熱又脆真係唔錯。staff重會攞d燒汁過黎。d燒汁鹹鹹甜甜咁好好味，雖然配飯好味d但係我都係淋左d上去豬扒度個烏冬相對地就普普通通咁，不過都係個句咁平真係已經完全係可以叫好好架啦XD