咖吔

营业中

休息中

今次去左屯門巿搵食，去左食新加玻菜。餐廳裝修靚同新淨，衛生乾淨，座位坐得舒服。🥰餐牌好多選擇，小食、主食、甜品咩都有海南雞配肉骨茶。海南雞好食，點埋啲醬仲好食。成個餐份量大，食完海南雞飯已經好飽，不過都個肉骨茶好正，用料豐富，有好多條肉同配料，令到個好濃味，好好飲，連啲肉都好好食，好淋身無雪味👍🏼👍🏼咖哩麵好鐘意個湯底，好濃味同甜甜地，好岩女士食，配料都好多，有蝦、燒鴨、魷魚、豆腐卜、豆角，全部都好食，特別鐘意啲，燒鴨，無蘇味，有鴨香，麵質爽口，加上係粗麵既關係，麵條沾上大量湯汁，好食😋

Kaya我平時通常揀下午茶時段，抵食又好坐。不過今日放工已過左下午茶時間，所以決定試吓一啲下午茶無的輕食。點了（以下價錢需加一）🐱香芒大蝦米紙卷$68色彩繽紛的碟配以色彩繽紛的米紙卷實在吸睛。煙靭的米紙包住多種材料：青瓜絲、甘荀絲、紫椰菜絲非常爽口，加上蝦的海鮮味和芒果的酸甜味，味道清新，口感豐富。最特別是碟底的芒果醬，非常香甜可口。🐱參峇醬燒豬頸肉$85份量挺多，豬頸肉燒得外脆內軟，口感軟嫩，而且不油膩。配香辣的參峇醬很惹味。🐱星洲香辣炒飯$118這個其實我下午茶常點！炒飯大大碟仲有兩條串燒，飽肚之選。炒飯炒得乾身，而且材料足：有鴨絲、蝦、香蔥等。水準也很穩定。

間中都會黎咖吔食野，貪佢地方大幾好坐，如果坐到窗邊卡位就更理想。是日同朋友黎食下午茶，坐下傾下偈，人唔多正正分到張卡位坐，lucky呀。星洲香辣炒飯炒飯上面有兩串串燒，串燒燒得香口肉嫩，醃得入味，如果有個沙嗲醬就更正。飯炒得乾身香口唔油膩，配料有蝦、鴨肉、魷魚、豆角等口感豐富，加上微微辣很惹味，份量超大，根本唔似下午茶新加坡喇沙摻摻朋友叫左喇沙，賣相唔錯，一上枱已經聞到啲湯嘅香味。配料有蝦、魚蛋、魚條、豆卜、通菜等，麵條揀左摻摻，鍾意有油麵同米粉兩樣口感。個湯底已經正，仲可以加青檸汁同辣醬，加完又係另一種味道，太正了朋友飲晒全碗呢。鹹蛋黃魚皮見下午茶無乜小食叫，拎左個正餐牌睇下，一見到有鹹蛋黃野朋友對眼即刻放光，我倆都係鹹蛋黃控，梗係要叫啦。呢個魚皮大大碟，啲鹹蛋黃醬多都流落黎，勁香口呀，魚皮又香又脆食到停唔到口。鹹蛋黃雞翼另外仲有款鹹蛋黃雞翼，又係要叫埋黎試下啦。雞翼上的鹹蛋黃醬都不少，雞翼煎得香，加上鹹蛋黃更惹味，又係好正。海鹽雪糕椰汁珍多冰最後大力推薦呢杯特飲，椰汁冰本身已經好香滑，班蘭條有口感，加左海鹽雪糕鹹鹹地更有層次，就咁食個雪糕同溶左先飲都咁正，有佢唔使叫甜品了。野好食，

裝修幾東南亞渡假feel，坐窗口卡位有少少陽光係幾舒服，見到輕鐵運行，加上下午茶價格實惠，難怪都幾多人幫襯!! 🔘新加坡喇沙摻摻媽媽最愛，湯底椰汁味濃郁，少少辣，幾多餸，有蝦仁、蛋、魚蛋、魚片切絲、豆腐卜、芽菜同通菜，豆卜吸咗湯食好正，下午茶價錢係好抵食!! 🔘檳城蝦麵賣相同喇沙好似，一樣係米粉加油麵，但個湯底清甜啲冇咩辣味，有好多櫻花蝦增加鮮味，啲餸都有少少唔同例如有豬肉片但就冇咗魚蛋，如果唔鍾意湯底咁濃郁，揀呢個啱晒!! 🔘班蘭咖央多士牛油半溶狀態，而且班蘭醬一啲都唔吝嗇，好食!! 🔘燒豬頸肉份量幾多，外皮燒到焦脆，仲好有心機切咗啲花紋，豬頸肉唔算太肥膩，配搭參峇醬更加惹味!! 🔘椰青夏天飲原個椰青，好清甜解渴，飲完仲可以用匙羹刮d椰青肉出嚟食!! 🔘海鹽雪糕椰汁珍多冰海鹽雪糕幾好食，飲落鹹鹹甜甜嘅感覺，椰汁珍多冰唔算太甜，但呢個卡路里都應該多過椰青好多🤭🤭!!

Kava 咖吔東巴牛肉，除咗牛肉10分林，調味非常濃，大量濃濃牛肉汁！非常值得推薦嘅係斑蘭由米飯坐落於Vcity 附近，看著窗外的輕鐵緩緩地駛過，雙重享受，都幾relax ！半熟蛋配咖吔多士 ($46)Soft Boiled Egg with Kaya Toast咖吔有獨特嘅甜味，配上牛油食別有一番風味，旁邊仲有兩粒溫泉蛋，整體幾好食又唔會Heavy！佢有得揀唔配半熟蛋，價錢就更加抵食。喇沙 Singapore Laksa雞肉份量唔少，雞皮滑溜好似水晶咁，雞腿肉嫩滑，但雞胸就相對較失色，旁邊有三款醬汁，始終黑醬油最好食，又甜又濃郁。同油飯，份量夠晒滿足。喇沙味道帶辣，香口又惹味。油飯口感唔錯，但如果濃味啲會更好食。餐廳資料：咖吔 - 屯門•屯門店- 屯門錦薈坊K-Point三樓301-306號鋪其他分店：•將軍澳店 -將軍澳重華路8號東港城第一層112A號舖•北角店- 北角渣華道123號北角匯二期地下G0g號舖#Kaya #咖吔 #新加坡菜 #kfood #剩沙 #蝦麵 #海南雞＃肉骨茶＃串燒#馬來拉茶 ＃大蝦青木瓜沙律#Singaporefood #北角美食#屯門美食#將軍澳美食＃東

好鍾意呢間新加坡餐廳服務好，坐得舒服食物好正宗，唔會太咸，價錢比好多新加坡餐廳抵今次去係下午茶時間叫咗新加坡喇沙米線$62好大碗有通菜、魚片、魚條、魚蛋、洋蔥、蝦、豆卜米線好滑，好飽肚喇沙好香椰醬味，下午茶都幾大碗我聽到隔籬枱話怕喇沙會辣，我就覺得一啲都唔辣。屋企人就叫咗老街咖喱麵$62屋企人話呢個辣過喇沙，勁好食，不過食得辣先好叫😁入面有豆角、魷魚🦑、蝦、肉絲、豆卜好快就送到，廚房好快手野飲屋企人叫咗跟餐凍白咖啡我就叫咗個美祿哥斯拉 跟餐加$12我好鍾意呀 好香濃 上面仲有啲美祿波波 好得意再叫左個串燒拼盤（雞&蝦）$68跟餐叫多個椰青濕濕口+$22正

咖吔 (屯門)屯門屯隆街1號錦薈坊3樓301-306號舖疫情冇得周圍，去想食咖吔多，就一定要去咖吔，咁先夠晒正宗。斑蘭咖吔多士$28牛油🧈滑流流，融化好滋味🫠咖吔甜絲絲，最岩愛好甜食者，多士鬆脆，口感豐富。新加坡鹹蛋黃雞翼$68必食‼️‼️鹹蛋黃味濃香，雞翼外脆內嫩，食到停唔到口。串燒拼盤（雞肉大蝦🍤）$88三串大蝦三串雞肉，炭燒夠香，啖啖肉，正到飛起。炒椰菜苗 $78馬拉盞口味，別具東南亞風味，菜苗鮮甜，足料大碟，清吓腸胃都啱嘅。

想念星馬了在星馬必食一定走唔甩係叻沙同埋咖央多士，我又點會錯過呢新加坡喇沙摻摻 $62見到佢賣相係幾出色，而且都幾足料，但係食落去味道唔會話好似平時嗰啲垃圾咁嘅味，味道都算清淡地道老鼠粉 $62未食過老鼠粉嘅我就覺得應該要試吓，佢唔算油膩比較乾身，上面仲有啲魚仔同埋花生，加埋一齊食都夾到馬來蔥油餅配咖喱 $52最愛薄餅嘅我點樣唔食，咖喱加薄餅永遠都係夾嘅組合咖央多士 $28一份兩件，所以叫咗兩份滿滿嘅牛油同埋咖央，都係點解我次次去新加坡或者馬來西亞餐廳一定要食嘅嘢熱桔仔話梅水估唔到佢幾好飲，潤喉嚨一流熱白咖啡店員推介走糖，估唔到走糖之後都唔會苦海鹽雪糕椰汁珍多冰 +12好精神，因為有我最愛嘅海鹽雪糕，配落椰汁到，大愛椰青+$22椰青又係東南亞地方必飲嘅嘢，夏天飲爽佢嘅環境同埋服務都幾唔錯，事關我有個好唔細心嘅朋友，佢件衫三番四次就來比啲食物揩到，然後店員勁心思細密同佢講咗幾次👍🏻👍🏻

同屋企人係市中心行完街街🙂順便係市中心搵間餐廳《咖吔》開左好耐都未食過😂香芒大蝦米紙卷$68青瓜絲｜蘿蔔絲｜椰菜絲｜大蝦條夏天當然要食啲輕盈的小菜香甜的芒果同口感十足的鮮蝦 仲有清爽既配菜加上少許酸甜既芒果汁 令人食慾大增新加坡喇沙米線$82豆卜｜魚蛋｜魚片｜大蝦｜芽菜|雞蛋落埋加幾滴青檸 同埋魚仔蝦醬充滿咸香每間馬來西亞店舖的喇沙都有小小差異今次呢一碗香辣惹味 椰奶味都較其他店舖的重都好啱我胃口 呢個價錢唔算平 （阿媽鍾意就好了）不過有好多新鮮嘅材料 都好ok既馬來街頭脆魚$145油炸黃花魚 外脆內嫩滑 只吃魚塊沒有用什麼作為調味 都食得出魚嘅鮮味 不過係要同拌菜一起享用蘿蔔絲同青瓜絲用沙律汁酸辣又醒胃同炸魚塊不同口感但好fresh斑蘭咖哋多士 $28多士烘得好燶 吃起來很香脆牛油都超厚 咖央醬適中Size 一般 有叫到主食的話 就過下口癮😂📌 咖哋屯門屯隆街1號錦薈坊3樓301-306號舖

放假約左爸媽食飯，呢間餐廳下午茶時段非常抵食，套餐跟飲品。卡位坐得舒服，員工都有禮貌的。新加坡喇沙米線：媽媽最愛，湯底風味十足又香椰奶味，辣度適中，真係好似新加坡食嘅味道。配料有蝦、魚蛋、通菜等等，溏心蛋都好靚。海南雞飯：老豆話啲雞皮好爽，我見佢成碟清晒都應該係好食。香辣炒飯：有鑊氣嘅一個炒飯，炒得好靚粒粒分明，材料有蝦、鴨肉、豆角，仲有兩串燒得好靚嘅串燒，勁大碟夠兩個女仔食。斑蘭咖央多士：好推介呢款多士，咖央醬唔太甜，配埋溶溶地牛油一絕。最後打包多一份番去食，個外賣袋好靚。凍桔仔話梅水：超好飲呀，酸酸甜甜咁，仲有柚子清香。海鹽雪糕椰汁珍多冰：好大球海鹽雪糕，滿足到暈。椰汁味可以再濃啲。冰凍椰青：夠晒冰凍，清甜好飲，椰肉都好軟好容易刮晒出來食，$22加配好抵食。

已經係第二次食咖吔下午茶，今次試左其他未試過既，餐廳依舊都係滿坐。地道老鼠粉有好多惹味配料但相對比較咸檳城蝦麵流心蛋加埋湯汁好好味，湯都好飲。老街咖哩麵有魷魚鬚同蝦，豆卜吸曬咖哩汁，爽。街頭雞絲湯粉呢個就比較普通，湯有啲淡。烤馬來蔥餅配咖哩咖哩都夠辣，配埋蔥餅岩岩好。

海南雞飯拼喇沙米線 $108一次過可以食晒店家兩款招牌菜式！海南雞，肉質軟嫩，有雞味，油飯亦好香！喇沙，好香椰奶又唔嗆。 米線彈牙，大蝦肉質唔梅，芽菜同豆卜嗦滿晒湯汁！香芒大蝦米紙卷 $68米紙卷，煙煙韌韌，足料！食落爽口！ 熟蝦大隻。內餡的芒果粒大粒，完全估唔到同碟上的芒果汁都係會咁甜！一啲都唔酸！！🥭沙嗲雞串 $68有4串，雞肉除了沙嗲味，本身已陣陣香茅味，蘸埋味道偏甜而不嗆辣的參巴醬，惹味！海鹽雪糕椰汁珍多冰 $42椰汁味好濃，海鹽雲呢拿雪糕幾香奶味_______________咖吔 (屯門)屯門屯隆街1號錦薈坊3樓301-306號舖_______________

已是咖吔下午茶常客，皆因為這裡cp值高。週末及假期照常供應 （下午3時才開始），座位舒適，窗邊一列卡位，可望到街景。店員服務貼心。除海南雞飯外，這裡的巴東牛肉配椰漿飯也是我經常點的一款下午茶餐。翠綠色的斑蘭椰漿飯，絲絲椰香，帶出南洋風味。巴東牛肉無論用料及醬汁都很出色，上面洒上炸過的乾蔥頭。，還有伴碟的江仔魚、花生、青瓜、蕃茄，伴飯一流。餐飲方面，凍桔仔話梅水是夏日不二之選。 加一後$62，5.1假期滿意的一餐。

自從家附近開了這家新加坡菜，試過一次念念不忘。今天又來了吃個下午茶（對我來說5:30吃下午茶，可以省下一個晚餐，一般下午茶時段也比較便宜）🥢海南雞飯我個人很喜歡吃海南雞飯，因為沒有骨頭，配上油飯香香的。雞肉份量足夠，雞肉滑嫩不柴。🥢串燒拼盤看圖片很吸引，可惜下單時候店員表示魷魚賣光了，換成三支蝦三支雞串燒，當然有點小失望但問題不太的。因為雞肉串非常好吃！不過香茅口味偏濃，也許不一定人人喜歡。🥢燒牛柳柚子沙律經常來吃喇沙，今天換個清爽的口味，點了沙律。每次點燒牛肉一類的菜，對於正在矯正牙齒的我，會怕怕，因為萬一肉絲卡住了我該怎麼辦⋯⋯但！這個燒牛柳熟度剛好，雖然肉質軟糯，卻不至於失去牛肉口感。柚子沙拉酸甜酸甜，十分開胃！🥢美祿哥斯拉一般看過的是美祿恐龍，上面放上美祿粉末，但今次上面放的是美祿波波球，很特別也好喝。特別喜歡這家餐店每桌分開一定距離，和朋友聊聊天也不錯。店員經常在附近留意我們的需要，但也不至於有被監視的感覺，親切友善。

睇戲前同朋友食左個靚下午茶，呢間下午茶大件抵食，同午餐份量應該一樣，但價錢就平左一截。新加坡喇沙米線必食啦呢樣😋本人唔喜歡摻摻，都係中意滑溜溜嘅米線多啲。湯底好濃郁好好味，明知飲湯好肥都一啖接一啖，加小小青檸汁酸酸辣辣咁更加惹味。米線冇過稔👍🏻海南雞飯朋友食，睇樣覺得幾靚仔🌝試左一舊覺得幾嫩滑，雞胸位都唔會太乾。油飯軟硬適中，有啲薑味又幾特別。咖央多士又係必食的，咖央醬同牛油剛剛好，一人一件食完唔夠喉😂椰青勁清甜，跟餐加$22就有一個大椰青。