影片
今晚和朋友食晚饭，叫左4人套餐B，set b有个排骨山，排骨山黎到之后员工放了2对手套给我们，但我地有6个人4大2少，得2对手套唔紧要，有对用到穿左窿，朋友问店员攞多对手套替换，店员连埋店长都话要收$1蚊，我觉得都不是问题，因为我地香港人都知呢$1蚊系政府要收，店员讲第3对手套系要俾$1蚊，系政府同公司规定，但餐牌又无写第3对手套要俾$1蚊wo,我都费时同佢地闹，同员工讲不如你收够$4蚊，之前𠮶两对我都豪埋俾你！我想同你贵公司反映，$4蚊同$1蚊我都可以俾你，转餐饮都唔止个几蚊啦！系common sense，不如你连个两对都唔好俾客人啦！乜嘢叫第三对要收一蚊，又话政府规定，我够知政府规定啦，咁不如真系连𠮶两对都唔好俾客人啦！我想话俾你哋公司听， 培训下啲员工识讲说话。餐牌又无列明。系俾得顺唔顺气嘅问题
继续阅读
同男朋友大围踩完单车过黎沙田觅食，一开始系比餐厅嘅门面吸引到，望落环境好干净✨再睇下menu觉得啲嘢食都好啱食，就决定食下😚🍽️用餐人数：2💸有加一服务费▪️新加坡喇沙$88📌推荐‼️个人最抗拒唔到嘅就系有椰奶嘅嘢食，于是就嗌咗呢个新加坡喇沙，咖哩加上椰奶简直系一大享受，食落仲有啲辣辣地好开胃，啲面条系好入味😋重点系‼️呢碗嘢嘅诚意真系好足👍🏻入面嘅材料非常丰富😆入面有鲜虾,溏心蛋,鱼蛋,鱼片,豆芽,豆卜同通菜，可以话紧有一款啱你😚▪️海南鸡饭$88📌推荐‼️觉得呢个海南鸡系非常好，食落口感好嫩滑😋仲要鸡皮唔会好肥腻食落冇咩负担🤪仲有埋冬瓜汤可以解腻，完全系perfect match👍🏻▪️串烧拼盘（鸡肉,大虾,鱿鱼须）$98呢个嘅鸡肉串都几嫩滑同埋易入口，虾同鱿鱼都新鲜几入味😋而佢地嘅酱汁都可以食话系灵魂酱汁，一定要点完再食，令到成个串烧味道更上一层楼😚
继续阅读
呢间系我饭堂，二人套餐性价比好高！今次试$328套餐：4款菜式+2杯饮品。⭐咸蛋黄单骨鸡翼超好食，鸡翼表面沾满咸蛋黄，外面咸香内里juicy!建议一定要试下。⭐蟹肉配炸馒头第一次食，馒头即炸好香脆，点埋蟹肉酱好夹。⭐白胡椒肉骨茶有两大旧肉，不会柴都，好柔软，仲有几旧猪肚，汤底就辣少少但都几好饮！⭐樱花虾柚子沙律整体不错。
继续阅读
高质新加坡菜必试！今日同朋友过嚟沙田行街，入咗嚟食下午茶，仲有下午茶餐，所以我哋就放肆地食咗四个下午茶餐，咁多个下午茶餐都令我哋非常之满意，发觉原来呢间餐厅食物质素好高质！老街咖喱面味道咖喱味非常之浓郁，啱晒重口味嘅人士，香料味非常之惹味，融合咗两种面质口感非常丰富，而且份量非常之大，必点之选！大虾青木瓜沙律木瓜丝粗幼切得啱啱好，调味调得啱啱好，非常之惹味！香辣炒饭大大碟，用料非常之丰富，炒得一啲都唔油腻好干身，又系必点之选！餐厅员工服务非常之好，座位都坐得好舒适好干净，一定会再探店！
继续阅读
今日出咗沙田行街买嘢， 顺便约下朋友食tea.经过见到d呢间餐厅几多人食,就入咗去试吓.D 间下午茶几抵食，2:00 pm开始, 选择都算多， 平均都系约$70 一个餐.海南鸡饭： d 鸡好嫩滑， 唔鞋口， 啖啖肉， 份量多 ， 可以转咗白饭，沾埋海南鸡饭秘制既酱汁一齐食， 好食， 又够饱👍👍大虾青木瓜沙律：大虾新鲜弹牙，沙律酸酸辣辣好开胃，木瓜丝爽口，蕃茄仔香甜多汁，夏天热辣辣，食呢个都唔错， 推介热白咖啡：提神之选， 每日一杯
继续阅读