咖哩烤肉和印度餐廳

营业中

休息中

午餐套餐，羊肉咖喱，好濃香，冇乜油，中辣但不太辣，上枱覺得好細碗，點知都食淨少少，用嚟點烤餅足夠，但飯就未知，羊肉有羊味，4~5小舊，3個小薯仔。烤餅熱辣辣，好軟熟，有質地，有厚度，好容易黏到咖喱上烤餅，加咗芝士($16)， 有拉絲效果，芝士味唔濃，但整體好味道，好夠飽。味濃但冇手尾，我用手食，手指同口同胃都冇咖喱味留低，仲有罐可樂，夠凍。爽！不過餐廳冇人，得我一個，我見今日好凉爽，所以坐底食，有印度音樂播放，簡單英文溝通無問题，有機會再去，試埋印度飯＆奶茶😋

熟食市場入面開間印度餐廳唔算好多，尤其呢個場，算係比較隱世喇。喺熟食市場食印度嘢，點都要踏出第一步去試下，返嚟嘅感覺係好值嘅，而且今後仲會成日encore𠻹！食過幾次印度料理，學識咗「唔食set lunch嗰啲咖喱是常識吧？」【 Chicken Tikka Masala 】4.5★癲覆咗一向對Masala嘅印象，平時食開嘅係偏紅色帶啲酸味茄味。但呢度竟然走黃薑風格出場，係第一次見。Chicken Tikka 係真係烤制過先俾你，雖然浸喺咖喱度，仍然食得到tikka風味。撇除選擇喜好，就咁睇CP值呢款算係最抵食，因為起碼啲雞肉要做多層工夫。【 Butter Chicken 】4.0★牛油雞：相信係最入門大眾化最易入口嘅一款，標準橙黃色係其icon。第一次冇頭緒食乜揀呢款就冇死喇。【 Saag Chicken 】3.5★蔬菜雞：呢間註明只係Saag，即係菜（唔知同Saagwala有冇分別），但冇講明係Palek全菠菜，味道中規中矩，有可能淨用菠菜會較好味，呢款就望落靚仔開胃，都唔差啦！【 Chana Masala 】4.0★鷹嘴豆：我懷疑本地人唔多捧鷹咀豆場，但我食咖喱一定會食返次。賣相＆

這家印度餐廳, 十多年前我喺北角返工時已經常光顧佢地位於炮台山電氣道市政大廈街市嘅總店 Clay Pot, 當時唔少報章雜誌都有介紹, 除了美味嘅食物外, 佢哋親切嘅招待亦令我難忘, 價位及招呼都極親民, 而佢地位於葵涌和宜合道嘅分店跟總店亦係同樣風格, 亦係開喺熟食中心裡面, 隔咗咁多年, 上到去都仲記得我 ❤️今日午市叫了一份中辣嘅牛油雞咖喱, Garlic Naan, 同埋一杯 Sweet Lassi。牛油雞肉身嫩滑唔鞋身, 而且俾嘅份量亦係超多, 極之抵食, Garlic Naan 上到枱熱辣辣, 而我覺得佢比附近幾間本身已很出色嘅巴基斯坦餐廳嘅 Naan 厚身, 夾埋牛油雞個咖喱來食正到痺呀！今日隔離枱有幾位客人點了 Tandoori Chicken, 經過我枱時香噴噴好吸引, 所以下次再來, 同朋友食嘅話一定會叫佢哋嘅燒烤食品 😄 其實佢地午市都有提供一般嘅 lunch set 咖喱跟飯或 Naan, 不過通常這類咖喱都會相對普通及, 而飯亦不是使用長身米, 對於食有要求, 橫掂嚟食就食好啲, 所以我會選擇番 main menu 嘅菜式 🤤美滿嘅一個午餐, 飽而不滯 👍🏻

今次食評真係要同大家介紹一家珍藏咗好多驚喜嘅印度餐廳，成個晚餐食到我心花怒放🌸！首先，咖喱蜆，啱啱好嘅辣度，夠kick又唔會辣到飲哂整壺水。啖啖蜆肉彈牙得嚟味道香濃，我仲要專登用番脆卜卜嘅炸咖喱角去沾嗮咖架嘅汁，嘩，簡直係perfect match！再講吓個咖喱羊肉條，肉質鬆化唔柴，咖喱味濃郁但又唔會蓋過羊肉本身鮮味。烤羊膝真係畀我驚喜，外皮啖啖香脆，入口即溶，啲肉汁隨住咀嚼不斷溢出，款款滋味層層遞進。嗌咗碗咖喱牛舌同印度烤雞，兩樣都係超出預期。牛舌咬落去嘅口感細滑得黎，嚼勁充足；烤雞嘅香料醃得入味，每一啄都係享受。而且呢家店嘅咖喱尤魚，啱啱好嘅熟度，魚肉雪白滑溜，吸滿咖喱精華，每一咬都喊出「正！」。加埋面前嗰碟咖喱雜菜，啲蔬菜爽口新鮮，啲咖喱味同蔬菜完美結合，真係菜式中嘅小清新。喺這間餐廳，每一味咖喱都有自己獨特嘅風格，不過總之共通點就係：夠味，夠香，夠正！下次一定要再嚟試吓更多特色印度美食，真係食得過癮，好推介俾喜歡印度菜嘅食友！👍🍴🔥

今晚是Christmas 前星期五，Thank God is Friday, 來聚聚會吃吃美食🥂🌲🥳，約了朋友在公司附近吃好味印度咖哩。點了印度啤酒，咖哩羊、咖哩octopus🐙、咖喱牛舌、咖哩虾、Tandoori Chicken, Cheese 🧀 Nan、咖哩雜菜、Vegetable Samos、羊肉炒飯。五名大漢合共承惠971元、今天的消費已是十分平宜抵食，啤酒都喝了5支、大家吃吃喝喝，得大滿足。吃咖哩這裡是不二之選👍👍👍💯😋😋

初初接觸呢間餐廳係因為朋友過黎然後我地嗌Foodpanda 啦第一次真係比佢個芝士薄餅驚豔到好好味阿～～令我突然愛上印度菜之前仲成日係石籬試下唔同印度餐廳因為老實講石籬都有3～4間最後係評定為呢間係最好吃的了餐廳係位於大排檔位有時係父子檔 有時係夫妻檔啦佢地都係屬於慢工出細貨類型不過美食係要等下 我明白～好味到癲了既芝士薄餅芝士係拉到絲薄餅鬆軟好～L～正～必點！瑪沙拉燴雞佢個燴雞係烤左先一齊煮唔係求其就咁放落去就係了用黎點薄餅一流羊肉炒飯又係咖哩味勁濃郁再帶一點羊既香味好食到癲了必點！巨型嘅咖哩角入面有啲咖哩薯仔蓉哩個反而咖哩味唔夠濃郁可以再濃多少少基本上我係石籬想食印度菜都一定會食呢間了我啲朋友話仲好味過出面既添十分值得一試

好中意去啲小店食野，去完睇戲之後，見好耐冇喺熟食市場度食嘢，就入咗去，去到兜咗一圈，見到有間印度咖喱好似好正，就試吓佢！環境方便唔好太期望，就係一般街坊熟食店～有種舊式落樓下食嘢嘅感覺！亦都幾有印度風味～坐低聞到一陣陣咖喱味散發出嚟男朋友好鍾意食咖喱角，但係因為我食唔到辣，當咖喱角嚟到時，真係好香！我忍唔住試咗一啖咦！有驚喜！我竟然食到呢個咖喱角，平時喺重慶大廈食嗰隻小小辣但我都食唔到，但呢個我竟然食到，太開心啦終於有得食成曬個咖喱角！！待應哥哥仲俾咗啲醬我地點，成個感覺好Flash！！見到隔離枱食烤餅好正，我哋都嗌左一個嚟試，咖喱同烤餅嗰種香味，真係太吸引啦！普通淨係咁樣食烤餅已經好好咬再點埋咖喱雞嘅汁，味道簡直一流！見到佢有杯印度奶茶好似幾特別，嗌杯試下。香味聞落去好似港式奶茶，但係飲落去好唔同，佢嗰種印度花茶嘅花香好正，唔覺意好快就飲晒成杯，仲想嗌多杯飲嘅感覺！整體嚟講，佢嘅印度咖喱真係好高質，味道質素一流，每樣食物都俾五星（好少樣樣食物都比曬5星👍🏻）好似我咁食唔到辣嘅朋友都可以品嚐到印度咖喱嘅美食，簡直一個字形容！正！會再返嚟！！！P.S 由於味道比較重口味，食完記得飲多啲水

2021年3月16日友人吹雞聚餐，我提議去吃印度咖哩，於是4人就相约去揾老闆找好吃的咖哩。今次無預先要求吃什麼，得4人限聚，那就隨便叫些平時沒多吃的。點了samosa, 很好，又點了tandoori chicken, 也不錯，但友人今次點了羊肉和雞肉串燒，這兩味以為是串燒上，沒想到是鐵板燒上，也沒所謂，可惜肉質偏硬，口感及味道不及tandoori chicken。吃完後立即同老闆反映，他也只有唯唯諾諾。今晚這兩味菜有點失望，希望下次會改善

The restaurant was clean and neat. Luckly there was no queue and I was invited to sit in a nice place. The staff took promptly my order and the food arrived quickly. I tried with friends almost all the menu: lamb, samosa, chicken, beef, curries, lamb, rices and everything was very delicious. In addition, the price was more than affordable and the quantity was quite generous. If you are interested in trying Indian food in a family restaurant and eat very nice food at a reasonable price, this is t

十一月頭约了三五知己又吃咖哩大餐，今次預早同老闆說要吃烤羊腿，今次亦無令人失望，這麼大的羊腿不容易吃得到，五名男仕也能吃飽，真的不簡單。各人今次也是很滿意，下次亦要想一些好吃的叫老闆做给我們吃。

八點幾唔想出街又有啲肚餓，朋友建議嗌外賣。我哋嗌咗chicken butter curry+cheese naan+veg samosas(4 pieces).等咗半個鐘就送到，送到嚟仲熱辣辣，呢個份量兩個女仔食啱啱好！所有嘢都好好味，我特別鍾意個Cheese Naan，因為啲芝士多到爆出嚟呀！

近排嚟咗呢頭同娘親晚飯，上次試咗泰菜，今次就試吓印度菜啦，都驚娘親接受唔到架，點知佢話呢間啲咖喱好食喎 🤭🤭睇餐牌叫咗個 samosa，咖哩雞同咖哩羊，仲有個薄餅。Samosa 好好食，比銅鑼灣印度會的更香口，印度咖哩對於我嚟講隻隻都差唔多 🤣🤣🤣 但同老闆娘傾開再對吓佢牆上啲相，原來啲相嘅中文翻譯係唔啱嘅，佢哋又唔識睇，所以去幫襯的話要溝通清楚，除非你好似我咁圖文不符都無所謂，最緊要好味道 🤣🤣個羊好淋身好入味，我哋最後 encore 多個薄餅送咖哩汁。我叫咗個 mango lassi，但芒果味唔夠香，差咗小小 😜整體係 ok 架，隔幾星期可以再同娘親食多次。

上星期朋友约了我去佐敦很出名的Curry Leaf, 一行五人操上去，諗住食評無乜太多負評，應該稳陣，可惜，食物質素我吾敢講話吾好，但只是中規中矩，畢竟食呢样野比較個人。第二曰，走過去揾老板，叫返我最喜愛的Tandoori chicken, mutton, 果然味道返哂嚟，正到無朋友，起碼我自己啱囗昧。餐館食肆，説到底都是食物的味道及質素，那管你多美麗豪華的裝修，都不是重點。順带一提，要讃下老板，Samosa做到D皮咁嘅色，要用新鮮的油炸才有這效果，外面吃的，大家比較一下，不容易做出來。

今日下午經過和宜合道熟食中心，再度光臨呢間餐廳。點左一份印度燒春雞同埋一杯芒果奶昔。芒果奶昔由新鮮嘅芒果榨出嚟，價錢比一般嘅印度或巴基斯坦餐廳用芒果果汁溝出嚟嘅貴，但係好明顯可以分得出新鮮芒果同芒果果汁嘅分別，$31絕對值得一試。另外，印度燒春雞繼續保持應有嘅水準，雞肉唔會太過乾身，保持肉質嘅嫩滑，鐵板上嘅燒春雞保持熱辣辣，加上綠色嘅特色薄荷醬，令到燒春雞嘅滋味加倍提升。呢間印度餐廳雖然價錢偏貴，但係水準絕對一流，價錢同品質都係一致，絕對值得大家去嘗試。

咖哩🥘羊肉🐏（唔辣） $66d 咖哩汁👨🏾‍🍳調得好好食😘羊肉🐑份量好多🎈 羊肉唔係爛容容個d 而係霖得黎💞 有口感💯d 咖哩汁偏多 可以足夠送曬飯🍚同烤餅🥠其實有晚市嘅set📋 不過無羊🐑 先要分開叫😢如果唔係 會跟埋飯 或烤餅👻🎃依家飯同烤餅都係分開叫 👀都係$15👳🏾‍♂️ •烤餅🧞‍♂️🧞‍♀️ $15烤餅真心好食 🤤🤑佢地唔求其會特登煮熱佢先比人💋👄配埋咖哩汁 真係巨出色🥺超級推介🤣大家去試下咖哩加烤餅🤙🏽價錢都可接受🙆🏼‍♀️🙆🏼‍♂️ 又唔貴 必試😻