咖啡事多

营业中

休息中

上次去開佐敦都唔記得咗附近呢間Color Brown隔左幾日之後，有一日下午茶時份男朋友忽然提議去一趟。都唔使點唸食咩，必叫豬手麺❤️同埋Honey Ginger Latte! ❤️其餘重有Americano 同煙肉旦多士好香既出前一丁豬手麵，再加埋一包麻油真係畫龍點睛。其實我本身對一整隻豬手完全不感興趣，不過color brown 既豬手片我又ok wor. 煎香左一片片 👍🏻正而杯honey ginger latte 就更加係必叫，好似無其他地方有得飲。呈上既時候好有層次架，Barista 重教我地飲之前mix 埋再飮！男朋友被迫要叫第二樣嘢（唔可以叫一樣喎佢話）佢叫嘅Americano 我就冇興趣喇，另外嗰份煙肉蛋多士，本身係想要牛油果🥑炒旦 ，可惜佢冇牛油果，我主動提出可唔可以改做煙肉，其實收銀嗰個有啲猶疑架，好擔心唔知點收我錢好，反而係個chef/barista佢接受我嘅提議，根本就係一件好簡單嘅事，其實做生意應該靈活變通先得㗎嘛，咁就賣多一份多士啦。係咪醒先😂我真係覺得好有潛質開一間coffee shop，可惜窮得只剩下脂肪😪仲要而家失業添😭其實我見佢請人架，唔知⋯⋯⋯⋯⋯我

隨著心情，有些時候我會喜歡飲手沖單品咖啡。 有些時候我會特別想飲奶啡。今個黃昏帶著疲累嘅腦袋叫了一杯Latte. 單單是一杯咖啡竟值得人類留文達200字...可想言之？首先價錢中庸我想大部份都是三十餘元一杯咖啡，沒評論。服務，我比教主張自助形式。一嚟free style, 坐邊幾時坐都自己決定沒人指點。更況且三十幾蚊，我不寄望甚麼。咖啡，味道Balance. 奶甜有，入口滑溜到最尾段依然滑！所以泡打得好好。同咖啡味各取平衡，對！這就是我想要的奶啡！再說咖啡的溫度精確，入口帶著微溫不盪口也不冷！是一絲不苟可以說一流！

話說Yo每日都要六點起床返工，少了跟Jo飲飲食食嘅日子，特別想念Cafe time。今日機會來了，放半天假、兩人各帶一本書📙、找來一間Cafe🏠，向悠然自得出發。.如果Jo 嘅資料無錯，Colour Brown 曾在西貢的時候，他到訪過一次，飲了一杯中國雲南豆嘅手沖，印象深刻🤣。今日重遇Colour Brown，早已搬遷到佐敦，換上一店國風，優雅得倒像品茶店，難得的，咖啡依舊風味十足🤘🏼。.Ice Mocha 🍫天氣太熱了🥵，Yo不得放棄熱飲嘅權利，改投冰凍朱古力咖啡懷抱。凍飲的Mocha 未及熱的濃醇香醇，但該有的咖啡與朱古力味倒是平衡而討好嘅，可以一試😌。整體：3/5.Hand Drip (China Yunnan)☕️Yo 難得有機會飲靚咖啡，又點會放過，Jo既然之前提過中國雲南豆好飲，所以再來一杯手沖吧。其實Colour Brown自己炒豆，所以Single Origin Coffee嘅選擇特別多，不同口味、口感、深淺都可以搵到。我們選擇的雲南豆，是一款比較薄而甘甜嘅風味，第一口有果酸，但隨即就換來茶香味，餘韻十分長久，足以令人回味忘懷👼🏼。整體：4/5.蘋果批🍎就是一個中規中矩

［不懂咖啡的人說咖啡］一個人走入去一間咖啡店，最喜歡的除了舒服坐的都是滿滿有心思特色的，而那些小心思和小情趣統統在咖啡店裏體現出來。這個黃昏，在看畢朋友打波之後，看來距離返工都仲有一段時間，於是就自己一個人想靜下飲番杯咖啡，咖啡店的作用，是給自己耗時間用的，給自己發下呆早已是生活習慣。在鬧市上我不愛好太多人，難得的耳根清靜，入到鋪頭嘅門面，初初我都覺得唔似係一間咖啡店，反而像是一間喝茶的茶館。滿滿充滿中國古色古香色彩嘅氣氛與藝術，可是店主播的歌曲卻是英文歌曲，很像有點格格不入，而每一件物品都有自己的故事，但這一種矛盾卻像自己。我望著鋪裏面最入邊嗰間咖啡室，原來就是炒豆的地方，真想有機會可以入去學習一下，我望着咖啡師專業的態度（色迷迷的）可惜不是女生.......哈。餐枱上嘅咖啡機，鋪面嘅擺設，雖然對咖啡不太懂的我，喝着每一口咖啡，就是悠哉悠哉就是喜歡這一種簡約，低調咖啡館不只是社交場所亦是藝術與知性集散地讓咖啡那濃郁的後味充斥你的口腔，點燃全身的激情與活力

同一班同事去飲咖啡，落6杯嘢飲，一直只出5杯。一直追問都話知、知、知，到坐咗半粒鐘，其他人都飲晒，埋嚟同你講要收番38，因為無落到單！如果有認真對待客人，會一直敷衍應對嗎？發現做漏嘢，唔係同你道歉，係埋嚟收你錢！我想信大部份人人工半粒鐘唔會只值38！

今次揀左喺佐敦一間咖啡店嘆個下午啡，位置有點偏遠，不過附近都有好多特式食店，都有唔少搵食人流，而餐廳門口大開十分開揚，今次點左Iced caffe mocha，咖啡夠香夠濃唔太甜，另外點左個chocolate muffin，一樣朱古力味夠濃！

又發現另一間有質素的咖啡店，本身好怕苦，好飲的咖啡吾苦仲會有回甘的咖啡香味，本人叫了豆奶latte ，非常好飲，環境也很舒適，因為不在旺區，雖然坐滿但好靜，坐低傾偈好舒服，一點也不覺迫，吾會隔離聽到你講咩，我見還有牛油滑蛋toast, 好吸引下次好想試下

一個悠哉悠哉既早上，嘆一杯有質素既咖啡對於我嚟講係好重要同開心既事，而且又想食得比較健康少少既早餐，最後揀左嚟呢一間cafe試一試（之前只嚟過飲咖啡咋，食未試過佢既野食）。熱杏仁鮮奶奇亞籽麥皮👈🏻完全感受唔到奇亞籽既存在喎，麥皮份量如果多返少少就好喇，因為而家似飲緊熱奶多過食麥皮囉，加左杏仁片，多左脆脆地既口感，幾好。另外個餐仲有炒蛋，多士，佢仲有兜提子乾，我估佢係想人放埋落碗麥皮度食掛？但提子乾本身係好硬既，其實最好早d放埋落麥皮度浸返淋D先食會好D。炒蛋就唔係滑蛋果隻，多士，兩樣都係正常。至於我最著重既咖啡，叫左Latte，味道還好，不過拉花明顯手震，要努力練習多D啦。加油！

Honey經常要在晚上到佐敦開會，所以，我們一個月總有一兩次幫襯Colour Brown。常常｢翻兜｣這咖啡店，原因是這裏的食客不多，都是安安靜靜聊天的人；而且，咖啡師製作很認真，所以我們經常｢翻兜｣這咖啡店。今晚有新款式，所以再寫寫食評分享一下。｢冬陰功青口意粉｣：青口雖然不大隻，但沒有腥味，有肉汁；冬陰功汁是微微的香茅、青檸、椰汁…等泰式味道，又有洋蔥、蕃茄乾…等西式味道；不太鹹也不太濃味道，剛剛好！另一款是蜜糖芥末豬手：芥末味不刺鼻，微微的香甜；豬手也不肥膩，半肥半瘦，外皮｢煙韌｣；多士烘得香脆，配新鮮沙律菜，是很好的配搭。飲品方面，我倆不需要再選擇 --- 在這店，我倆每次都會飲｢蜜糖薑汁鮮奶咖啡 ｣，鎮店之寶，非常好味！

牛肝菌汁蘆筍煙肉扁意粉($78)蜂蜜薑汁泡沫咖啡(跟餐$34)佐敦官涌街嘅一間咖啡店靜靜地坐得幾舒服嘢食同埋咖啡都係普通意粉味道偏鹹 份量真係啱啱好至於咖啡係用機沖 冇乜特別不過用薑汁都幾有創意呢度來同朋友傾計都係一個幾好嘅選擇唔會太嘈又可以坐好耐👍🏻👍🏻

朋友話要黎買咖啡豆 咁就順便去埋佢間餐廳度食個tea 飲下咖啡😄叫左2個 tea set 叫左一個炒蛋多士同埋煙三文魚多士2個set都有配沙律菜同埋叫飲品可以減5蚊 咁我就叫左一杯Mocha 加左Hazelnut 好香咖啡味又唔會苦 好好味😉 個炒蛋多士嘅蛋幾滑 而且蛋味濃 應該是靚雞蛋沙律菜方面 配有柚子汁 酸酸甜甜好清新👍🏻煙三文魚多士 配有少許火箭菜 最喜歡的沙律菜😉另外仲有少許洋蔥 感覺味道好有層次 一啲都唔單調👍🏻

等小狗係對面街剪毛，都唔知去邊好行去尖沙咀又太遠，都係行過對面街，搵個地方坐下比較方便初初以為Colour Brown Coffee只係買咖啡儀器具同咖啡豆，原來仲有Coffee 飲添一個人坐係吧枱望住人沖咖啡，其實都係一個享受感覺假期日子都relax d，同平時返工嘅日子截然不同喺街上行到熱辣辣，已完全冇興趣飲熱飲於是叫咗杯Iced 蜂蜜薑汁咖啡 ，$44 我覺得好抵飲有種薑汁撞奶嘅感覺咖啡味濃沒有被薑汁搶去蜂蜜隨了是代糖 層次上多了點綴黑椒豬手toast配沙律有最愛的芥末味豬手切片冇脆嘅皮所以易d handle，唔會食到天一半地一半份量就唔多 以休閒的下午算中，是正常份量結論：以後又多一個藉口帶隻狗小黎佐敦剪毛，可以在咖啡事多慢慢hea 住等

幾年前Colour Brown位於西貢，之後搬了去佐敦，難得返工位置轉左去九龍區，食lunch時一於去試試😋餐廳都幾近九龍公園⛲️，環境都幾靜，幾適合傾計👍🏻附近都有細餐廳但唔多。最近lunch成日都食中菜，今日想食個煙三文魚菠菜意粉，十分creamy但唔膩，份量都好夠。我另叫一杯熱cappuccino，平時好少叫加奶嘅咖啡因爲怕蓋左咖啡嘅味，呢杯完全無呢會時，咖啡仍然保持咖啡的色香味☕️👍🏻員工都好有禮貌，環境舒服👍🏻價錢OK

嫁」啡, 是為著表達個人對咖啡的情懷、對咖啡的執著、對咖啡的享受。希望為各位咖啡迷, 分享本人對於咖啡的所見所聞。 定價－「三四十蚊一杯咖啡, 咁貴！」很多人有著同一說法。咖啡可以令人提神、享受、消閒、或是生活象徵。試想像過「它從何而來嗎？」現實社價並不存在免費午餐, 從培植咖啡樹開始、結果、收成、包裝、轉口、烘培、沖調, 直到成為一杯咖啡於在你面前, 經過眾多繁複的步驟終於成就了它。每次細味咖啡的同時, 請先了解一下它背後的意義、感受一下那些無名英雄的心思！外表賣相不俗, 拉花層次分明。奶泡既香且滑。值得一讚, 每次光臨, 咖啡師所挑選的Espresso亦大有不同。可見其對於咖啡的心思。

「嫁」啡, 是為著表達個人對咖啡的情懷、對咖啡的執著、對咖啡的享受。希望為各位咖啡迷, 分享本人對於咖啡的所見所聞。Latte Art－早期流行於歐美國家, 把奶泡於Latte或Cuppuccino的表面畫上各種圖案。每年世界各國都會舉辦各具規模的拉花比賽, 例如WBC(世界咖啡奥林匹克), 比賽取決於不只是圖案的比例或精細, 更重要的是創意和速度。試想像一下, 15分鐘內, 沖調3款不同種類的咖啡各4杯, 每款咖啡需畫上相同且分毫不差的圖案, 你做得到嗎？所以每次品嚐咖啡的同時, 不妨欣賞一下這份沖調者背後的努力。拉花難度不算高, 圖案整體亦不太對稱, 大概可能忙的關係吧！味道偏淡, 奶味太突出搶走了咖啡香。