咖喱至尊

营业中

休息中

咖喱牛腩併魚塊大辣 super hot curry beef with fish filet，牛腩炆得入味又腍，好鬼好食 ﹗魚塊粉較多而口感偏鞋，都係雞牛最好味 ﹗下次試埋海鮮先得。二人套餐一送一小菜兩飯包凍飲都係 HKD99 ﹗勁抵食，又好味，晚晚爆場。 金銀蛋浸菠菜 preserved egg salted egg with spinach soap，咸蛋黃切到一條條好得意，金銀蛋大路質數，可以啦。菠菜夠爽嫩，清湯底美味，各樣都恰到好處。以前我食唔到菠菜陣草青味，係近年先開始食菠菜架乍，細個覺得陣味好難食的啊 ﹗依家就幾鍾意食。

咖喱雞扒麵，第一次黎食 lunch，亦第一次叫套餐。跟我想像中完全係兩回事，非常失望 ﹗炸雞扒既雞肉好嫩滑，不過外皮略咸。估唔到佢地既麵係白麵線，腍劈劈，差 ﹗淡而無味既咖喱，仿如咖喱溝水，不香不辣，無味既湯底，劣 ﹗絕對唔會再食湯麵 ﹗

睇睇個 menu，發現除咖喱外，原來仲有好多廣東小炒、煲仔菜架喎。我特意早點到場，霸到死角位，咁就唔洗同其他食客迫或者坐路邊喇。店內空間都幾窄，迫迫地都放左四五張圓枱，可容納十多人啦 ﹗坐滿人連行都行唔到囉。今次係第一次試咖喱至尊既中式小菜，希望無事啦。鱆魚蓮藕冬菇瘦肉湯，是日例湯 ﹗我最愛的其中一款中湯，濃郁既鱆魚味，勁喜歡 ﹗以前只有過農曆年阿媽先會煲，所以每次飲都會感到新年氣氛架 ﹗當然無自家製咁多料咁好飲啦。印巴咖喱雞大辣中仲收埋左啲蘿蔔喎，炆得又腍又入味 ﹗正呀 ﹗仲有鮮茄蕃同鮮青瓜，如果辣得滯，可以食黎散散辣味呢，充滿水份，正。 可選大中小辣或唔辣都得架 ﹗我當然要有咁辣食咁辣啦，夠晒刺激呀 ﹗初食大辣時唔覺有什麼，但越食越辣，由胃裡面慢慢熱到全身，之後額頭開始冒汗，感覺好正 ﹗印巴咖喱不太油，夾雜住大量香料既香味同味道，非常豐富 ﹗又香又辣，越食越想食 ﹗淨係個汁已經可以撈兩大碟白飯喇 ﹗非常美味 ﹗雞髀肉嫩滑，未至炆得過腍變乾鞋，好味道 ﹗ 海味什菜粉絲煲，第一次試。草菇、蝦米、鮮魷、西蘭花、娃娃菜、粉絲、西蘭花、芽菜，還可以啦。湯底好甜，飲少少好喇，怕會轉頭會渴死呢。

印象中咖喱至尊係我中學時開業，未經證實既坊間傳聞以前鬼佬老闆因為想回鄉，所以將間舖賣左比班員工們，仲教識佢地點做靚巴基斯坦印式咖喱添，係度可以食到我最愛既印度咖喱架 ﹗我真係唔記得有幾耐無黎，對上一次似乎講緊係中學年代既事喇，證明咖喱至尊幾咁歷史悠久呢 ﹗隱約記得當年食大辣湯麵辣到噴火啊 ﹗印度薄餅，HKD11 得兩塊，感到好貴啊 ﹗但米香非常，烤得嚥嚥靭靭好好食 ﹗唔知佢地係咪用微波爐翻熱呢？咖喱牛腩大辣，阿姐話最辣得大乍喎，咁就大啦 ﹗今日心情唔多好，要食好辣好辣先得 ﹗估唔到係港式快餐店度我可以食到印度咖喱，真係印式咖喱黎架 ﹗好難得 ﹗多種香料味道，覆雜細緻，濃郁、香、辣，正 ﹗好味道 ﹗淨食好有點咸，配粉麵飯同薄餅最好食 ﹗越食越想食 ﹗ 淨係個汁都可以撈幾碗飯喇。 咖喱羊少辣，屋企人唔多食到辣，咁叫個少辣比佢地食啦。依個微辣既羊比起大辣牛腩遜色好多，味道偏淡，羊肉好腍不羶，免強合格啦。

行過大埔, 朋友話想食咖哩, 由朋友帶路來到此店. 一眼望落去同普通既茶餐廳無分別, 而且仲可以講系偏污槽o個種.坐低望望個menu, 都有幾多唔同既咖哩飯,面之類. 唔好講話咩野紅, 綠咖哩, 咩野味咖哩但竟然完全無分泰國, 印度 or 其他地方咖哩. 佢地做既只不過普通到唔普通既茶餐廳咖哩, 需然話呢度真系茶餐廳,不過既然叫自己做咖哩至尊, 點都多少少花款拉. 唯一叫特別少少既, 就系全個menu有一個巴基斯坦雞肉,真系有少少失望, 其餘既都不過叫咖哩 豬排, 牛排 之類.....睇完個menu, 其實我今日想食面, 我同朋友都系度霖, 究竟佢d 咖哩面點樣上呢?? 系咖哩同面分開上, 定系咖哩湯底呢?? 由於我今日真系好想食面, 同埋我同朋友都真系好想見識下佢地d 咖哩,我就叫左一個30 蚊既特價午餐, 咖哩雞肉湯面. 朋友就叫左巴基斯坦雞肉飯. 朋友既飯先黎到, 賣相唔錯, 有兩舊大大既脾肉, d汁望落去都幾濃下, 試左少少朋友個飯d 汁, ...em....em.... 都ok既, 不過咖哩味就真系唔系好濃, 而且一d 都唔辣, 可以講系完全無辣味, 系一個十分之平凡

聽說這裏的咖喱很不錯，特意試試。雖然店內地方有限，但餐牌提供的選擇很多，有快餐、小菜、海鮮，個人單點或一群朋友開懷大吃也可，彈性很大，不錯。與朋友點了咖喱豬扒意粉（下午茶餐）及西炒飯配熱檸茶一同分享。看到店員對食客挺注意的，上菜、收碟挺快速，食客流轉也快。咖喱豬扒意粉為咖喱湯底，吃下辣度適中香口，是出色之作；豬扒煮得稔，不韌；意粉則一般，可能煮得長時間一點，吃下稍稔。西炒飯有微微的蕃茄香，蔬菜配料豐富，蝦仁新鮮，飯亦煮得香軟，很好吃。熱檸茶亦用心製作，用上lipton茶底，有誠意。店內節奏挺快，想吃快而有質素食品，此店為推介之選！

是日點了二人餐($86):包兩個小菜,兩碗飯及兩杯飲品咖哩豬扒: 來到這裡必點咖哩，要了"小辣"，咖哩一貫好味道，豬扒就比以前細件。粟米斑塊: 份量頗多，斑塊炸得香口又無腥味，配上味道不俗的粟米汁，讚!如果不嫌用餐地方擠迫，這裡是開飯的好地方。

Nice day to sit outside.Ordered the curry mutton with iced tea. It took about 10 minutes to arrive.Although there were quite a few bits, the mutton had a lot of bone and some skin. The curry (claimed Pakistani) was a localised version of a mild currry. But it tasted good. With the raw onions, it was quite good. Only wished they put more onions in. The plate of rrice was huge, I wasked the lady to take back half.For the price $50, I could have this anywhere in HK. If you're passing, it's f

難怪咁多好評，食咁多次咖喱應該是最滿意嘅一次，咖喱汁好濃，牛腩亦炆得好，又叫左個西蘭花炒牛肉， 炒到拍得住宿大排擋，但唯一唔得就係飲品馬馬地 ，只可惜無太多小食，但如果有機會一定會再去食。

因為要外母幫忙湊BB的關係. 而且太太亦開始要上班. 所以太太同BB也一併的留宿大埔, 而我就獨個兒回村子裡, 一個人對住四面牆. 送了太太回家, 未吃東西的我也沒有什麼心情回去自己煮食. 乾脆的整份外賣走, 乾手淨腳.開車一兜了兜大埔墟, 發現不到能吸引我停留的食店. 之後再向大埔中心找. 就在大埔廣場的地鋪, 讓我找出了兩家吸引的. 再細心選擇, 亦聽聞此店的咖喱做得非常之出色. 於是, 就搞個咖喱飯打包. 而且, 純屬個人感覺, 咖喱要配上羊肉才能突顯兩者的味道. 所以, 就一份咖喱羊肉飯, 拿回家慢慢嘆.這兒的咖喱, 味濃, 食落的確有少少印度式. 只不過是少了些香料既味道而已. 這明顯的, 就是印度餐廳的 "Curry", 若加了適當的香料, 就會是 "Balti". 所以一吃就知道, 呢一份咖喱, 是與別不同的. 羊肉, 帶點骨感. 用來煮咖喱, 尤其是印式的, 用羊排, 食落帶點骨, 而且煮得又夠腍, 肥肉不多, 總覺得, 這羊排肉, 比起中式的羊腩, 來得更肉滑羶香. 咖喱汁濃, 羊肉碎也夾雜在濃香的汁內, 令到成個咖喱, 可以叫做啖啖汁, 啖啖肉, 啖啖薯仔. 夠哂香

來到大埔吃東西，這次試吃這家咖喱‥‥本身也喜歡吃咖喱的我，但是不能吃太辣，這裡可以選擇辣的程度，很好‥‥我點了咖喱羊配飯‥‥很足料的咖喱羊啊，咖喱也很滑，羊肉不會 so‥‥吃下整份咖喱羊也不覺口渴，這點我要讚好‥‥很多時吃咖喱會很口渴的，需要一邊吃一邊喝，但這回我吃完飯才慢慢飲杯凍檸茶‥‥

平時經過見到好多人等位，今日見佢冇咁多人，決定一試~幾位滿場飛的待應姨姨好忙，想落ORDER？次次都叫你等等先~食物如下︰咖哩牛肉+豬扒+意粉︰餐牌寫可以揀唔辣/小辣/中辣/大辣，不過落單果陣佢冇問我，食GE時候覺得係小辣~ 咖喱好杰身，偏咸，唔係好香濃咋喎... 牛肉OK入味，豬扒都係咸GE... 茶餐廳白烚意粉... 冇乜特別~熱奶茶︰微暖的，一D都唔"熱"，奶味重茶味欠奉...咖哩斑塊飯︰友人的，要了中辣，斑塊好滑，咖哩都係偏咸~凍檸水︰安全~碟頭好大，食落同普通茶餐廳的咖哩飯差唔多，除咗咖哩汁比較杰身之外，味道其實冇乜特別囉...同埋幾咸...想食咖哩...我諗我會去附近的銀咖X...

係大埔踩完單車覓食..今次係第2次食LA下午茶時段，我又唔係好肚餓，叫左TEA SET：咖哩牛腩河($16)男友叫左午餐：咖哩雞飯($30)咖哩牛腩河可能由於係TEA SET關係，份量特別細..牛腩數量得3件咖哩汁撈入湯底食，變得淡了，不夠濃厚唔包飲品，要飲就要加6蚊...最後冇叫到咖哩雞飯值得一讚，大大舊雞，夠入味，咖哩汁又多，足夠送晒成碟飯，雞又入味..正!!大埔中心一帶特多食肆，競爭頗大，但這絕對是值得再來的餐廳!

大埔中心其實都好多間餐廳, 但我咁耐都未試過呢間老店, 因為DADDY唔食得辣, 但今日佢豁出去喇~~ 本來呢個下午茶時間, 我諗住都係食TEA SET, 但係一入到去坐, 咦? 在坐既客人全部都係食緊碟頭飯黎既?? 咁好啦, 今次放棄TEA SET, 就試下佢既午餐喇~~原來可以ORDER唔辣既, 咁DAD都放心D A餐-巴基斯坦咖喱雞飯+凍檸七C餐-馬來沙爹牛肉飯+熱鴛鴦本來想食出名既咖喱牛腩飯, 但DAD話已經叫左沙爹牛就唔好再叫牛, 好啦~~首先黎既係飲品之後咖喱雞飯, 再黎牛肉飯巴基斯坦咖喱雞飯 - 咖喱味濃,2大件雞胸, 唔會"鞋", 其實我會prefer有少少辣味, 不過為左dad既著想, nvm, 下次啦~~馬來沙爹牛肉飯 - 本人覺得咖喱比較好, 平時沙爹汁會有點花生及甜味, 但現在好似缺乏左, 或者馬來既唔同配方~~ 牛肉比較韌, 不過都份量十足兩碟飯既同通點係超多飯, 可能因為顧客大部份係男士, 以我所見, 十位有九位都係, 男士食量比女士好, 呢項都係賣點黎既~~熱鴛鴦 - 咖啡味蓋過奶茶味, 不過唔會苦或澀, 不錯等我下次試下佢個咖喱牛腩麵既下午茶餐先

聽過朋友向我推介這間專吃咖哩的餐廳,忍不住要去試試了餐廳面積不算很大,所以本人認為有點兒擠逼,點了個普通到不行的咖哩雞飯。很快便上了菜,香噴噴色香味俱全,只是對我來說,咖哩有點兒過辣,不過真的十分香口而且價錢也與一般茶餐廳差不多,喜歡吃辣的朋友,不妨一試!!