咪走雞餐廳小廚

营业中

休息中

呢間好地道既茶餐廳，諗到咩飯想食基本上都有架啦，加上餐廳夠大，人流又快，多數唔洗等位，落單快，出菜快，Lunch去食岩哂，食完仲可以慢慢行番公司。呢度既燒味好好食，但最值得推介既一定係"咪走雞"，佢用缽仔黎整架，一來夠哂熱，d汁滾住咁上菜，見到都好想食了，二來個汁真係好好味呀，肚餓既可以配飯，想濕口既就可以配米線，有3個湯底可以揀，就係酸辣、炸醬、雪菜，我今次揀左炸醬，唔食得辣既我食到流哂鼻水，好過癮。

咪諗住去食過早餐，阿女仲細，難免佢會有點扭令，再加上佢發緊燒，係我食面個陣，阿女一掃，成碗面就倒左落地，我當然下半身濕哂啦！仲要d湯係熱架，好在無整到阿女，我都知我唔好意思搞到d 姐姐，又幫即刻拖地，善後..另一邊仲聽到個大家姐好大聲咁講，教訓咁既語氣黎話我：邊有人好似你咁揍仔架，咁死板，係都要坐卡位坐圓台咪好囉，後面仲講左d咩，但我都唔記得，我個下勁嬲，我成身都濕哂，你仲咁樣講野，湘兒咁細個，根本坐邊都都一樣，佢要掃場的話坐邊都有機會倒捨野架，我其實好想大聲話佢，但我忍住，因為事實係我搞到人在先，人地比說話我聽都好正常，所以我唯有忍！之後，我咁倒左正常應該都無得食，唔會再整比我，因為係我自己倒，如果要食咪再比錢，好合理，但個好好人既阿姐就話，唔緊要，我整過比你啦，示意免費，咁我咪話好，心諗，我都係食左兩啖，個下覺得佢真好人，點知，碗野黎到我食左兩啖，佢又行返埋黎同我講，唔好意思呀，我地大家姐話係你自己倒既，唔關佢地事，碗野要比錢！個下我真係勁嬲，我當然知道唔係老馮免費，但係你話免費換比我先要，宜家我食左你又話要收錢，我覺得條數唔岩計囉，就當係個阿姐唔話得事，咁但都唔關我事，我無要求你

因為公司人事調動關係，我被派往大埔工作至本年底，終於有機會來嚐試各款大埔美食了。今天午飯時間，同事話帶我到附近一間人氣茶餐廳，邊行邊聽到他們說「咪走雞呀！」，正摸不着頭腦時，來到餐廳，抬頭一看，原來店名就叫「咪走雞」。門前都有不少人排隊，大約等了七、八分鐘就被安排入座，本來同事推介咪走雞飯，但我怕餸太熱，因為雞是用砵仔盛着，熱騰騰冒着煙，吃得慢會趕不及回公司，所以點了楊州炒飯。起菜頗快，適合我們這些上班族，還有時間慢慢吃，送來時發現有驚喜，原來仲伴有菠蘿咕嚕肉呢！炒飯沒有太多油，飯粒分明，蝦仁火腿餸料很足量，再配以酸酸甜甜的菠蘿和咕嚕肉，吃落更是開胃，連坐在對面的食肉獸同事都對我投以羡慕的眼光，還說下次佢一定要試。

第一次來這間小菜店，之前經過幾次，很多時候都有不少人在外邊排隊，不知是什麼形式。第一次內進，碰巧有卡位，立即看看有什麼特別，據說這一種雞又是著名菜式，結果又點了雞一試。與上次珠江酒家一樣，餐牌竟然可以寫滿四大張紙，但是它有點插圖點綴一下，很多小菜名稱，名字非常特別，而且相片亦都弄得吸引。這款雞，以砵子呈上，除了中間的雞之外，外邊有很多汁液，圍著雞在翻滾，味道有點兒沙薑的香味，放在砵子內，一直在翻滾，感覺非常熱燙。即使有這些沙薑汁，亦都有一碟細細碟的姜蓉，因為沙薑汁不算極之鹹，即使用汁來拌飯，也不會過鹹。可能生面口，而且只點了雞飯，因此，碟子內的又是雞胸，以及少許像背。縱使沙薑味道夠香，沙薑汁亦都足以拌飯，而且夠熱夠燙，但是雞胸還是比較乾，咬下的口感一般。反而令一碟小菜比較出色，就是拍蒜白菜燒腩片。因為如果一碟雞、一碟咕嚕肉，就完全沒有菜可以吃。這碟裏面有不少白菜，大大棵，亦都乾淨，盡吸蒜味。碟子裏面有很多細細粒的蒜，有些還保留大粒形狀，蒜味香濃，口感充實。還有燒腩片，燒腩，即使不是剛剛烤好，豬皮軟林了，拿去煮小菜，亦都味道香濃，不肥不瘦。有一杯飲料，凍檸茶茶味不算濃郁，檸檬味道亦都不算

大埔至愛的茶餐廳，所以地道茶餐廳菜式都很好吃，尤其推介它的咪走雞飯-雞嫩汁美味，撈飯一流。另外點了豆腐火腩飯及三文魚炒飯，豆腐火腩是經典地道的美味，炒飯粒粒分明不油。

除咗招牌雞同魚塊ok, 其餘好差，牛件骨用得太多疏打粉，太淋，完全唔似塊肉，而且啲翠肉瓜有陣魚seng味，但個經理竟然話食唔倒嗰陣seng咪。而啲夥記黑口黑面，唔會再光顧。

今次又係同事推介，黎到大埔既咪走雞，Lunchtime 6個人walkin等左5-10分鐘左右，所有侍應都好忙，等左陣先呼喚到個姐姐落單。我地清一色食咪走雞，有飯有粉，粉貴過飯幾蚊。等左10分鐘左右野食到，茶餐廳黎講都算慢。用砵頭上既雞，上枱時仲卜卜卜卜緊，令成個餐加左好多分！但個飯就差少少，似係隔夜飯，但勝在份量夠。到重點「咪走雞」，同我想像中有啲出入，因為同事話係鹽水雞，但一上台見到個汁都幾杰下。雞肉份量都唔少，成砵只有一件係硬左少少，其他都好嫩滑，但個汁既質地都仍然好古怪，同埋咸左少少。

昨日回港，就入大埔比手信朋友，中午12:00時間，想起以前在大埔返工的日子好多時都會去咪走雞食午飯，以前的咪走雞小店一間，不及現在的大大間茶餐廳地方。一進店女侍應安排了門口卡座，當我放了一袋東西落對面的座位時🛍女侍應已經叫我不要放呀，一陣會有人搭枱的😓最後點了一個叉燒肉燥飯，一上枱熱辣辣的，但一落口，肉燥太喊、主角叉燒全部都瘦柴柴，實在太失望了，真的後悔沒order咪走雞飯，應該會好食過叉燒飯的，還點了杯薏米檸檬🍋，本應是幾好飲，但上到枱是暖的，好像是放了一段時間，可能本人鍾意熱食就一定要夠熱，凍食就一定要夠凍。我還會再去，因為想試下咪走雞有無失了水準啊🥘

今日同朋友拎住好多野，諗住食完飯一齊去搭巴士，當然就要揀一間餐廳近巴士站㗎啦咪走雞就係一個好好嘅選擇啦！雖然我住得好近，我係好少食㗎，原因不明😂咁今日一場黎到，就食咗佢嗰個咪酒雞飯，有辣有唔辣，任君選擇我就要左唔辣嘅，配例湯個湯都幾甜㗎呢個就係咪走雞飯，上枱嗰陣仲滾緊佢啲雞唔係棉花雞嚟嘅，係有咬勁嘅雞到底咪走雞係乜嘢味黎？味道就重沙薑味，送飯都幾開胃佢個醬汁係非常之「杰」身簡單而言，沙薑雞鍋😂😂朋友叫咗一個辣嘅咪走雞，但我就覺得辣味蓋過咗雞嘅味道不過要黎送飯就惹味啲呢到重有常餐叫架，偷食咗舊叉燒，唔錯，不過肥少少更佳

住咗大埔大大話話都多過廿年，見證咗好多店舖嘅轉變以前呢間咪走雞係咖哩至尊隔離，成日都多人到要加枱坐出面，一砵砵熱辣辣嘅咪走雞令人難忘搬咗新舖我都有耐唔耐嚟食，除咗招牌咪走雞，我的最愛其實係甜湯米線所謂嘅甜湯其實係豬潤加上肉碎生滾湯底任何湯加上豬潤後果個清甜真係一試難忘，何況呢道嘅甜湯米線十分足料，豬潤份量多到好似出去食米線兩至三份餸咁多，生滾滾到啱啱夠熟，唔會煮到過老👍🏻大讚可以揀魚旦加雞翼，雲吞加豬扒呢個組合一個人飯堂當之無愧

咪走雞！咪走雞！訓到自然醒嘅朋友請揮手👋🏻放假成日都無早餐食？呢度早餐做到12點！區內真係好少有(以我所知好似無添🤔)，而且款式唔少，總有一款啱你食😄睇睇餐牌咯👀今日，我就叫左B12～沙爹牛肉米配煎雞扒奶油豬😳巧豐富～老公呢個時間例牌話我大食😒😪話咁快，個沙爹牛肉米就到了～餐牌上寫優質米粉果然無錯！佢算係其中一間合脾胃嘅米粉，唔係硬掘掘嗰種、又唔係碎濕濕嗰種，有少少似台灣新竹米🤔說到重點，當然是沙爹牛肉😁呢度d牛肉唔算好淋、沙爹不辣惹味得泥帶少少甜，唔錯唔錯～適合重口味人士🤭食完個米粉，仲有塊好多疑似黑椒汁嘅雞扒，唔好比d汁嚇親⋯食落無嘜味的😅塊雞扒呢～都係一般味道，有d乾身但雞皮唔脆，不過好處係唔會好似有d餐廳咁⋯⋯塊雞扒唔知點會酸🤨個奶油豬細細地份量啱哂😁唔算太硬身，可惜唔夠香口，一般可接受。輪到老公塊咖咉花生醬厚多士喇～以下係佢嘅敘述👱🏻‍♂️🗣：厚多士賣相唔吸引，但麵包皮尚算脆口，烘烤程度合適，但師傅誠意欠佳，花生醬隨便放落中間，咖咉味唔特出，是一個比較普通的選擇。其實今次已經係我地第N次泥食早餐，整體真係唔錯～店鋪夠大，卡位比較多，而且d卡位好闊落，放多個手袋or背包都唔成問題

又係工人放假日子，平日我們一家三口多數會食完午餐至回家但因為我感冒未愈所以只好繼續留在家中。中午肚餓老公外出買外賣今次買了我一直都想吃多咪走雞。招牌咪走雞配飯 ~ 水準依舊雞肉嫩滑有雞味。椰菜吸了雞和和汁的味道也很好吃！菠蘿京都骨 ~ 已經很久未吃過如此好吃有鑊氣的京都骨！汁料很好吃甜酸適中每件骨都有骨的不像外面的用豬扒來做！海味雜菜煲 ~ 有多種蔬菜、鮮腐竹、豆腐、蝦乾、蝦米、粉絲…好吃！

朋友介紹遠徵大埔， 就係為咗一碗飯， 朋友話呢碗沙薑雞飯，真係無敵，冇得輸，作為沙薑嘅愛好者一定要試一試。 叫到沙薑雞，最重要梗係啲沙薑，估唔到舖頭咁認真，沙薑完全用手磨，人手去做， 食落去嘅口感，已經一流， 再配合埋個雞，估唔到個雞都煮得咁嫩滑， 到最後就係個飯 ，個飯分開咁上，如果佢個飯可以有埋缽仔嘅感覺，就真係更加出色，更加吸引， 但係唯一要講，最唔好嘅，估佢唔到食午市，竟然叫凍嘢飲都仲要再加錢，咁就唔夠抵啦，性價比唔算高， 但係個沙薑真係好出色，如果鍾意食沙薑嘅人，一定要來試一試 ，沙薑萬歲。

係美國捱左三個星期垃圾食物，一定要食餐似樣既廣東小菜先得呀 ﹗幸運地有燉湯飲真高興，晚晚都好早就賣晒。響螺燉雞湯，清甜甘香無比，我最愛的螺味非常突出，螺肉富彈性又可口，真材實料好好飲 ﹗就算湯渣瘦肉及雞件都同樣好味。松茸燉湯，興奮地立即連飲幾口，湯汁甜美濃郁帶著清火，真材實料，火喉到加。老火靚湯，一飲就知。以依個價錢，有如此質量，實在超值，好好飲啊 ﹗飲完全身發熱暖笠笠，真暢快。貴妃雞半隻，次次都係咪走雞，想悶死我咩？搞搞新意思。斬得幾靚喎，排得有心思，藝術品一樣呀，雞胸柳仲切花添 ﹗第一目標當然美腿為首選啦，味道正是鹽焗雞，薄薄滑溜雞皮黏著雪白雞肉，肉質結實富彈性。身材夠標準，不肥不膩，食得開心。雞胸肉軟棉腍腍，不鞋亦無起渣，滾上雞油更增甜美，合格喎。馳名粉絲蝦煲，那裡馳名呢？半點也感受不到。首先賣相與照片相距好遠，都唔靚仔既。海蝦肉霉爛又腍劈劈，新鮮度欠佳。粉絲超強蒜蓉味，散筲筲斷晒，又無鮮蝦味道。點做招牌菜？魚香茄子煲，魚香茄子真係百搭，配什麼都非常美味，炆伊麵、炆米粉、撈豉油皇炒麵、撈炒飯、炒河粉、等等，同樣好好食，當然都要視乎師傅手藝喇。雖然明知依道菜油份十分之高，但都要食架

花多眼亂、百花齊放，真係堅多小炒、煲仔菜選擇，而且價錢實惠經濟。貪吃的我當然樣樣都想食啦，雙眼發光。鱆魚豬骨湯，其實飲完真係唔知係咩湯，見湯渣估估下。質素不過不失，味道甜美濃郁，熱騰騰既湯一定好飲。青紅蘿蔔豬骨湯，又會有粟米既？熱騰騰送上，裡面係銻盅而外面用膠盅套著，有好強的保溫作用。先嚐幾口，果真熱到燙嘴，最喜歡這溫度啊，特別好飲。味道清淡，食材味道未見突出，要睇湯渣先知係咩湯呢。無味精落足料，雖然有點淡，最緊要無味精啦，清清地都幾好飲 ﹗花膠燉響螺湯，燉湯夠火喉，落足料清甜美味 ﹗花膠並不是什麼上等貨色，預料之內，幸好膠黏而嫩滑，合格架喎。而且加有杞子、椎山、瘦肉，使到湯汁更加美味添。食神照住先有機會飲得到架乍。嬸嬸提議如果可以先打電話留燉湯架，但我地經常未到最後都未決定去邊度食呢。沙薑雞腳，損腳指為最佳娛樂，消磨時間良伴，未齊人囉 ﹗清爽的沙薑味，咸咸的泛著獨特清香，付在雞腳上損得津津有味，雞味濃濃，雞皮爽脆啊。招牌咪走雞一隻，幾乎每次都係必食既主打菜色 ﹗我除左係牛魔皇外，仲係個不折不扣既雞蟲呢 ﹗味道似足菜膽雞、沙薑雞、鹽焗雞既變奏，直頭係混合體添啦 ﹗肥雞大大隻，物有所值。