影片
电话号码
61191083
营业时间
今日营业
11:00 - 21:00
星期一至日
11:00 - 21:00
以上资料只供参考，请与餐厅确认详情
影片
相片
【🍴日式蛋汁卡邦尼意粉✨】
+329
+38
食家推介
雖然呢間日式洋食屋主打係蟹肉蟹膏意粉不過我10次去9次都係食卡邦尼佢唔係正宗傳統意式淨係落蛋汁個款 🍳反而係好日式 有忌廉有好多洋蔥蒜同黑胡椒個隻 食落就係有種好家常既感覺但自己又總係煮唔到相似既味道🤔-小店所有意粉都係手工意粉雖然麵條唔係al dente既煙靭口感偏硬但掛汁 我幾鍾意❣️-每個餐都會跟沙律 餐湯 同飲品 性價比好高 另外推介手工漢堡扒 牛肉味超濃每次都煎得好香好juicy 💦 希望香港人多啲支持有心做既小店啦🫶🏻-未食就記得影 // #相機有得食先⚡️
继续阅读
主打手工意粉漢堡包，包沙律餐湯餐飲。仲有温馨提示快啲食意粉索汁❤️❤️餐廳內充滿日本風情海報同埋音樂，店員企喺外面不斷宣傳，用最原始嘅方式，就係講，睇見都辛苦😢😢店員仲會詳細介紹各樣美食推介，是日餐湯。幫我攞咗個籃擺袋。可以用百達通比錢。今次大約6點3入內，諗到員工先前咁有誠意落力介紹餐廳食物，但入到去都只係得自己一個坐喺角落頭，我即時就諗：「點解一間餐廳嘅員工一路企喺門口一路同行經嘅人宣傳，講到口乾都冇一個途人入嚟試吓，心入面覺得如果因為咁樣間餐廳執笠會好可惜！」之後，店員就介紹咗餐牌上面嘅食物，講吓會用咩汁烹煮，又講吓會有咩款式例如：意粉同漢堡包，另外店員仲介紹咗牆上面有圖畫顯示嘅小食，但係我宛拒咗。最後，我點咗一份D餐，北海道蟹肉特濃蟹膏意粉，連埋是日蘑菇湯，似係黑醋汁嘅沙律，同埋一杯手工冷泡培茶。沙律嘅味道偏酸，幾開胃，果時我喺炎熱嘅室外行到冇乜胃口，但係去到晚飯時間，決定要嚟試一吓我當日想食嘅意粉。食完沙律後，我感覺自己有番啲胃口，蘑菇湯嘅味道偏淡，亦唔會聞到香濃嘅味，幾清新。意粉上面鋪咗一堆蟹肉，食落係濃濃嘅忌廉味，令人上癮，食完一啖再一啖。最後，培茶嘅作用恰到好處，為我豐盛嘅一餐畫下圓滿句號。
继续阅读
近排天氣咁熱，小編會去游下夜水消暑。今日游完就喺附近見到一間主打手工意粉嘅日式西餐廳。入面唔算好大，小店格局，裝修幾有特色，貼咗唔少日本舊動畫／電影廣告，令整體有種昭和／懷舊嘅vibe。入到去，店員好熱情同我哋介紹菜式，揀咗下面呢兩款：➡️ 前菜：細沙律、蘑菇湯意粉都包咗前菜，沙律係油醋汁生菜、粟米，味道正常，不過可以晾乾啲水先，太多水會溝淡咗個味。蘑菇湯好真材實料，飲到粒粒蘑菇。菇味都突出，但佢本身調味偏淡，會飲到少少蘑菇嘅青味。➡️ 北海道蟹肉特濃蟹膏意粉 $108店家推薦係招牌意粉，所以必試。一嚟到聞就到意粉充滿蟹味，不過有少少腥。😅成個意粉以忌廉做Base，好creamy，另外有蟹子、蟹膏同蟹肉，會有唔同口感。不過食落蟹膏味唔算突出，感覺蟹膏只係點綴，似食緊一個忌廉意粉，小編覺得就普普通通。至於招牌手工意粉，係蛋麵嗰種，只有一款選擇，闊度似liguine 至 Trenette ，厚度唔錯，都算煙韌。味道：6.4/10➡️ 吉列流心芝士和牛漢堡扒蕃茄意粉 $118佢嘅tomato sauce 其實唔錯，係用真蕃茄慢慢收乾煮出嚟嘅汁，冇明顯茄膏茄汁味，偏清甜，但同時有蒜香同香草味。至於吉列流心芝士和牛漢堡扒，選用美國SRF極黑和牛嘅免治肉整成。吉列外皮都算脆，但深色咗啲，可能油／火候問題？入面嘅肉比較鬆散，唔似漢堡扒可以維持形狀，可能太真材實料？肉味算還好，中間包住嘅芝士，味道鹹香，可以拉絲，亦可以吊到牛肉味出嚟。味道：6.6/10➡️ 唐揚炸雞 ＋$25外皮都偏深色，但幾香脆，入面肉質肥肥哋，幾香口，但唔夠嫩滑。味道：6.5/10➡️手工冷萃玄米茶、焙茶 （各＋$3）兩款茶都飲到茶味茶香，但就唔係好突出或者特別香嗰種。但加三蚊，又夠冰凍，都冇乜投訴。味道：6.4/10環境：6.8/10服務：7.2/10抵食：6.7/10咲和洋食屋 (元朗)元朗裕榮徑11號好旺洋樓地下16號舖#香港必食 #香港美食 #食評 #香港食評 #香港生活 #小紅書 #hkig #hkfood #hkfoodie #hkeat #yuenlong #yuenlongfood #元朗 #元朗美食 #日本 #japan #日式 #意粉 #pasta #手工意粉 #handmadepasta #西式 #西餐 #和風 #和洋 #茶 #咖啡 #coffee #tea
继续阅读
又到中午放飯時間做孤獨的美食家，行下元朗睇下有咩食，見到呢間位於舊B仔附近既日式洋食屋，門面好有昭和風日式食堂既感覺，但門口睇餐牌就主打西式食物，有意粉同漢堡之類既，就一於試試。入去坐底睇餐牌，坐位唔多大約5,6張枱，牆身貼左好多舊動畫同日本舊式海報，玩懷舊feel，店內都播住d較為舊既日文歌，當我睇餐牌既時候一位估計係老闆娘既店員就向我推介佢地既食物特色，套餐可以點配等等，之後入黎既食客都一樣有逐一推介，相當熱情。餐湯，沙律是日餐湯係蘑菇湯，味道不算太濃，但都飲到粒粒菇碎，沙律就只有生菜同d粟米粒，加上d黑醋汁酸酸地。北海道蟹肉特濃蟹膏意粉睇餐牌時本身都想揀呢個，老闆娘更話係佢地既主打，咁就更加要試，意粉係手工意粉，略為扁d同硬身少少，配料有蟹肉蟹膏同蟹籽，蟹肉份量都唔少，蟹膏就少d點綴下，蟹籽量都ok，每一啖都食到蟹肉同蟹籽，口感豐富，忌廉汁都幾濃厚。南瓜薯餅跟餐加配18蚊，南瓜蓉好厚實都幾甜，新炸起好香口。焙茶跟餐有飲品，熱焙茶不用加錢試下，茶味都幾濃。整體黎講食物都唔錯，大部份食物都手工製，幾有心思，望過其他食客有揀漢堡包既份量都唔細，下次有機會再試下。
继续阅读
之前都有去食過,今次帶埋👩🏻一齊去食,小店所有食物都係即叫即整食物都有熱辣辣🔥店員都好nice,值得去食啊❣️🔺吉列流心芝士漢堡扒蕃茄手工意粉 $108一睇到menu已經比芝士漢堡扒完全吸引咗🤭漢堡扒炸得好脆,炸皮都唔會好厚,中間芝士可以拉絲的🧀牛味唔算好濃,好食!!意粉係手工意粉,口感微煙靭🍝番茄汁就正常啦~🔺手工和牛漢堡扒蕃茄濃湯意粉 $88呢個漢堡扒冇炸過,個人覺得係更好食🫶🏻牛肉味好重,煎得好香🐄番茄湯好好飲係濃湯🍅但意粉真係要配湯否則會冇咩味~🔺唐揚炸雞(3件) $25上次都有食過嘅炸雞今次再encore😆炸雞大大塊,充滿肉汁又嫩又冇雪味🍗要叫!!!🤤好味度 : 8/10🔙回頭率 : 9/10
继续阅读