品味冰室 (已結業)

今日心血來潮想食個下午茶，諗起品味冰室食過嘅神級西多士，即刻外賣返一個嚟食吓先。等咗一陣就送到嚟，果然無令我失望。一打開個西多士，啲香味衝晒出嚟。塊西多好厚，入邊啲花生醬又多。西多外表炸到金黃色，外脆內軟，口感一流。由於係即炸嘅關係，加在表面嘅牛油已經溶晒，被西多吸收晒。加上蜜糖，又甜又香脆，真係太正啦，神級真係無形容錯。無食一排，水準都重係保持得咁好，真係要比個叻佢👍🏻身邊啲同事聞到，都係咁問我邊到買，佢哋都即刻叫咗幾份西多士外賣😂

好耐冇上嚟食依間冰室啦，感覺到轉左幾首老闆點咗個咖喱雞扒飯，50$60幾抵食嘅尖沙咀來講而家質素越嚟越下降感覺唔係好足料快餐來講算係咁，不過都仲係勁多人食囉，尖沙咀來講真係平

友人帶我們到尖沙咀這間隱秘樓上冰室，他自己在樓下也不確定有否找錯。門外已有不少人等候，原來外賣的。等了一會才進入，店舖不大，光猛，坐位不寬，用味道搭救，哈！餐牌上沒寫出送例湯，原來點午餐便會免費送上，沒感到有味精👍，但不包括常餐。「豬扒拼滷蛋肉燥飯」$54豬扒大件，有咬口但不韌，加上足夠不過鹹的肉燥汁與原隻雞蛋，賣相與味道已勝過不少冰室。「吉列魚柳拼滷蛋肉燥飯」$54魚柳好像比豬扒的更大件，炸得香脆，肉軟滑，也不算油膩，抵吃吧！（常餐A）$48 「香茅豬扒公仔麵」相同處理方法，所以豬扒的口感跟上面相同，只是多了香茅味道。「火腿奄列配蒜蓉多士」 火腿奄列煎得大片，蒜蓉多士夠香，少脆。友人慣常點檸檬茶，說這裡的茶色靚。這裡好像星期日休息的，來前請先致電。

同朋友行街行到攰，點知發現咗依間隱世冰室！我試咗咸菜胡椒豬肚雞湯配絲苗白飯，朋友試咗宮寶雞丁飯！勁有驚喜，估唔到樓上冰室嘅出品竟然可以咁好！味道可媲美大酒樓，性價比高，值得一試！🤤😋

呢個位置其實都轉左好多手，以前一路都係茶餐廳黎，但係尖沙咀返工咁耐都好少上黎食飯。直至轉左做品味冰室之後，就完完全全變左做飯堂👍🏽一黎食物質素奇高，價錢親民，而且老闆娘夠晒親切，係到食飯絕對係多左一份溫馨親切感，難怪上親黎都座無虛席😂🟡 鑊仔牛柳配吉烈帶子飯牛柳處理得好好，唔會一大陣雪味，亦都唔會拿都淋晒，食落仲好濃郁嘅牛味👍🏽 🟡 土魷馬蹄蒸肉餅肉餅唔嚡口，夠晒爽滑，而且肉汁豐富，土魷亦都浸得夠晒淋，係茶餐廳都食到咁高質素嘅肉餅絕對難得聽朋友講呢到仲有個出晒名嘅椒鹽豬扒飯，下次黎一定要試下😋

今日突然好想食西多士，出邊啲茶餐廳，價錢貴，又唔好食。今日發現呢一間茶餐廳，個西多士出奇地好食😍我買了外賣返屋企食，原來餐廳都有做午餐，下次要去試吓先👍🏻返到屋企，急不及待打開個西多士😂一打開個包裝合，啲香味衝晒出嚟，勁吸引。嘩，唔好講少，個西多士厚到，又好香喎，齋睇都已經流晒口水😋西多士餡料非常多，啖啖都有花生醬，真係真材實料👍🏻👍🏻如果大家都想食咁好味嘅西多士，快啲去試吓啦👍🏻

廣東道返工有新飯堂👍🏽👍🏽返工放飯唔夠時間 要搵近近地 又平平地既聚腳地都唔係咁容易廣東道中有棟流尚坊 收埋唔少cafe 茶仔呢排試左長期捧場就係呢間呢個鋪位已經換左幾次手 今次個呢手最出色👍🏽炒野有鑊氣 唔係揸流攤本人最推介係 椒鹽豬扒飯 好食嘅椒鹽豬扒飯唔係周圍都有特別係唔知炒出嚟係乾身還是濕身個隻呢度就做到乾身 夠味得來又唔會特別咸老闆娘非常識做 服務有禮 例湯亦有心思 每日轉款 亦唔會係出面茶仔既味精水👍🏽

日日係廣東道搵食，終於搵到間食堂。舖面唔太起眼，但人情味十足，老闆娘又夠親切，有屋企食飯嘅感覺。- 椒鹽豬扒飯鑊氣十足，唔會得個咸字，食完又唔會好口渴，絕對係呢度嘅必食之選- 鰻魚雞扒飯友人嗌左個鰻魚雞扒飯，正正常常，雞扒冇雪味。整體黎講係一間誠意十足嘅冰室，係附近返工嘅話一係會日日黎呢個飯堂。