品坊 (已結業)

最近試左Novotel 的晚餐自助餐。食物種類都幾多選擇，有即開生蠔、三文魚、石蟹、澳洲牛柳、鱈場蟹腳、石蟹、大頭蝦等多款冰鎮海鮮。還有壽司刺身，即場烹調澳洲牛柳及紐西蘭羊排，薑蔥炒蟹鉗、清蒸海上鮮、葡式燒乳豬等各國熱食美饌。 甜品有Haagen-Daz雪糕、特濃橙酒朱古力蛋糕等多款精緻甜點。整體味道都不錯，勝在性價比高。

先聲明，此食評僅針對『最愛三文魚』生蠔海鮮自助晚餐，並不包括該酒店/餐廳的其他餐飲服務見佢優惠做到4月幾我覺得有必要打出黎畀大家知首先我對Novotel印象唔差既, 有時旅行都會住佢咁見佢做6折特價好吸引, 咁啱同女友週年紀念又想食buffet, 就一於去試吓啦見佢折完二百幾三百蚊, 個心都打定個底唔好咁大期望嫁喇 (我平日去, $450 x 0.6 x1.1 = $297/ppl)因為我打佢個電話係冇人聽既, 所以要經佢個網book就好奇怪 要我用credit落$200訂先Book左19:00pm 遲左少少到 但係都冇講咩 門口個短髮waitress畀人感覺好快好醒跟住帶我同女友埋位 個位明顯係幾張檯拍埋做長檯既 夾硬分開做三張二人檯 檯同檯之間既距離.....真係肥少少都過唔到座位係靚既, 不過睇得出有歲月既痕跡好喇出去拎碟拎野食喇 哇! 我嚇左一跳! D碟又黑又盛咁污糟既? 哦... 原來係瓦碟 因為歲月既痕跡 所以有D灰黑色既紋(好似餐廳裝奶茶咖啡D瓦杯咁), 但係隻隻都係咁都仲唔換新碟真係好唔開胃同一般buffet一樣分沙律、冷盤/刺身、生蠔、熟食、海鮮、飲品呢幾個區我只可以

由於係網上見到自助餐有6折早鳥優惠，7日前已經一早打電話預約留位，原價要500左右一位，6折後約300，即刻無咁肉痛。去之前已經睇咗不少評論，心裡大概對菜式選擇有個底，應該唔會好豐富。同朋友都預咗主攻三文魚同生蠔。不過去到先知太低估選擇少嘅程度，基本上一眼睇哂個格局。自助餐大致分為以下幾個位：魚生壽司、海鮮、熟食、沙律、即開生蠔同甜品。三文魚一開始好快比人拎哂，不過食到中段基本上唔使排隊。另有其他刺身同煙三文魚，但個人覺得唔同款三文魚其實唔係好食到差別之處。刺身入口尚可以，不過感覺新鮮程度有待改進。有迷你刺身丼，幾好食。壽司無咩特別，餡料較普通。海鮮長期都多人排隊，有長腳蟹、大蝦、蜆個類，但選擇都係不多。值得讚嘅係有提供唔少剪刀比食客，方便剪蟹腳。長腳蟹味道頗鮮甜，難怪咁多人拎完又拎。而大蝦味道較一般。生蠔係即場開比你，由於只有一個師傅處理，長期都有條隊。當晚一共食咗兩款生蠔：法國蠔、愛爾蘭蠔。法國蠔細隻少少，海水味無咁重。愛爾蘭蠔肉質厚身少少，海水味會重啲。呢兩款即使唔加任何醬料或檸檬汁，都唔會太腥，怕腥嘅朋友可以一試。沙律有幾款選擇，我試咗兩款。一款係雞肉沙律，另一款係青豆雞胸沙律

見到推廣三文魚🍣自助餐！價錢方面：270幾元就食到個晚餐自助餐喎⋯⋯咁就試下囉！點知中哂伏.....食物方面：自助餐黎講，選擇好少！冇咩好食、仲要排哂隊拎生蠔，生蠔又勁細粒...每人限2粒仔！以三文魚做主題，但唔見得有太多既三文魚食物！環境方面：餐廳環境大，但食客好多，待應人手唔夠，我一行四人，堆左成枱碟，執枱都要執3轉！長腳蟹睇你好唔好彩，有霉冇味，好彩嘅都食到好味既，叫左個車仔麵食，一樣冇味

睇fb賣廣告以為唔錯。咁就錯哂啦。串燒乾爭爭。生蠔又咸又細。食到8點9個轉冇哂。我問個服務員。佢話應該唔會再有生蠔。即係限量供應啦咁。長腳蟹啲肉完全係好似比人抽真空咁乾爭爭。啲蜆仔擺出黎有啲仲未開口既。熟食又小款。中式老火湯應該係合掌瓜湯啦。因為無論係任何方位去不。都只會不到啲合掌瓜。haagen dazs雪糕真係有既。問題係你不唔不到？雪到硬一硬。見底都冇人換。人頭計350一個人真係唔值囉。我寧願去食放題好過。

先繞場一周看看究竟有什麼好西，近門口有甜品和harden daz的雪糕，中間有咖啡機，內部有沙律，海鮮、刺身壽司和一些熟食，蠔就不太見到其存在。第一印象還是可以的。我先食了沙律枱一帶的食物，三文魚沙律感覺非常腥，出事！圈物有點暖，但可以接受。水牛芝士入囗即融，但係無味！再食壽司和剌身區的食品，食物選擇不算太多，看不到有其他酒店自助餐常見的八爪魚和吞拿魚，三文魚刺身直接放在枱上讓食客夾，這種處理個人認為不好，感覺已經放了一段時間，加上壽司暖的經驗，這味不夠膽亂吃；至於壽司則有幾款，可能是客人太多，更換不及的關係，賣相真不討好，但我還是試了壽司，味道普通。中華沙律則有點乾。然後開始食熟食，最深刻是跟廚師拿了牛肉一試，牛肉味道較淡，但不靭，是可以的；不過，肉身是偏凍的，相信是在燈光下放了比較長的時光。另外，蜆有沙的，理應處理得更好。最後再食甜品，甜品選擇都多，可能是新年的關係，他們連朱古力金幣都放了出來， 除此之外還看到有熊仔軟糖的蹤影，雖然有趣，不過我相信大家來吃自助餐但不是想吃這些東西。其他甜品的賣相不輸其他的酒店，食了幾款蛋糕味道也不錯。不過都有一款出事，Mousse我感覺味道像藥水，

數年前嘗試過一次，吃後馬上有"便意"。今天……再度挑戰一次。環境依舊，食物款式也是差不多。刺身可以自己夾，補充也算快。熱食有雞，豬手，牛，2-3款菜。湯有中西2款。沙律，海鮮……等生蠔有2款產地。雖然只有一位師父，但他很努力不停地開和清洗每一隻生蠔真的值得比讚！另一位師父又要一人……負責切牛肉，煎三文魚串，煮麵也是面帶笑容收碟也算快可以保持舒適的桌面進食。……………………………………………………………………缺點：蟹肉不太新鮮……肉質有小小 霉。 雪糕櫃好易撞到手和頭， 雪糕 匙羹只有一隻， 盛載 匙羹的水沒有定期更換。到仲有15mins才完的時候……店內已經開始關燈。 沒有餐紙巾或濕紙巾提供。

<抵食自助餐 有haagen daz食😍>呢間自 novotel 1 樓既品坊 環境唔大 但舒服 . Lunch原來有個好抵食既 lunch buffet我都係甘啱先知 😂 餐廳 有唔同既野食 . 158 蚊一位加一 食物質素十分唔錯 真係好抵 😍不過實在太多野食 有 d我都食唔到 我就分享下我食過嗰 d 💪🏻 🍴首先前菜 其實佢有好多種類既沙律菜 生菜 🌿粟米 紅菜頭 鴨胸沙律 蓮藕 雜菇 豆腐 鯖魚 螺片 秋葵 等等 呢 d甘既前菜類 新鮮最緊要 甘我食完係完全 ok十分新鮮 😍 正 而我自己好鍾意食菇 同 粟米 d菇 好爽口 大舊 粟米好鮮甜 🌽 好味🍴而 novotel 最出名係 d海鮮好味。 甘佢既 lunch都多海鮮 海蝦 🦐青口 蜆 海蝦都算大隻 熟左再雪凍❄ 甘佢既蝦肉都幾鮮甜 仲有 d蝦膏 個膏味都幾濃 海蜆 幾鮮甜以細蜆黎講幾厚肉 😍 青口 就幾真咬口 有 d海水既咸味 唔錯 而佢都有 hk人最愛既三文魚 🐟 都幾厚肉新鮮 仲有蟹柳同希靈魚 其實解凍時間好就好味 😂 而佢既蕎麥冷麵 都幾爽口 火腿切得幾薄幾夠咸香 🐷 唔錯🍴雖然 novo

首先我唔係食家 我食嘢從來都唔寫食評 我要求都唔高 平有平食貴有貴食 但差到相都唔想影 仲好想俾人知 唔好嘥錢 開頭諗住三百幾蚊 放工食飯 要求唔高 試吓1 由訂位起講 只能官網訂 打電話去confirm無人聽要留言2 安排入座冇效率 8.15開場 八點到排隊 8:30先入到去 仲有好多人未入3 入到去首先梗係食生蠔 排長龍每次只限攞兩隻 唔緊要 但 一個師傅 Keep住到限時夠鐘 不停排長龍 攞第二次之後 排都唔想再排4 食刺身 選擇唔多 三文魚主題 但三文魚刺身竟然差過平價放題 仲要啲人好似好耐冇食飯 夾到排後面嗰啲人都冇得攞 要尾聲先冇乜人囉5 食蟹腳 竟然有變色的 唔太新鮮 就算冇變色 偶然間都會食到有變味 不新鮮 6 熟食竟然比人頭一轉 瘋狂搶完 基本上都冇嘢放出嚟7 食甜品 好啦咩都冇嘢食 食下甜品啦 俾第一轉攞完之後 都差唔多尾聲 冇第二轉 有啲碟乜都冇 從來冇諗過補給8 度飲嘢 果汁像水一樣無味 超級淡9 九點半開始直接擺張單係你枱頭 冇服務 冇嘢食 仲要加一10 攞食物嘅碟 又舊又變色 仲要偶然間有一隻未洗乾淨 第二轉開始攞 仲要滴緊水 好嘔心11 基本上食嘢冇人收碟

蟹腳 蝦 瀨尿蝦 大部分都霉嘅第一次食蟹腳係咁霉 10隻有七隻啲肉係散嘅 三隻係直頭霉嘅熟食選擇少 刺身切好哂一盤比人夾生蠔又細隻又咸 好難食個牛扒唔錯 有即磨咖啡 選擇多但整體黎講好差 唔會再食團購$240 +1 （8個人約$500）唔抵八點零鐘已經無服務生收碟人手不足 兩部咖啡機有一部由八點開始無奶 都無人理 直至收工都係無奶嘅廁所得兩格 好唔方便最後仲要有格比人整污糟左 得一格 幾個人排一個廁所唔會再食 好失望 東涌果間諾富特又係 又少選擇 食物又唔新鮮以後都唔會光顧諾富特啲自助餐

我食2月25號 8:15pm果round8點45分 已經成個蠔檔冇人，因為到嗰一刻我都未食過生蠔，之前好多人排隊我諗住等後期少人d先去排。走去問其中一個職員問佢會唔會再有生蠔，佢話會，而家洗緊，結果我等到九點半都仲未見到有人。直到埋單一刻我就同佢講我1隻蠔都未食過就無晒生，跟住佢答廚房我地控制唔到。其他食物1出黎d人好似勁肚餓咁掃晒…例如刺身…蟹腳…目測及聽聲係香港人黎，可能咁岩遇到呢批人好肚餓掛😂😂😂😂食完今次唔會食下1次了，今次係透過facebook知道有6折promo所以試下既。價錢:$330 （6折+10%）

同朋友到佐敦諾富特酒店吃自助晚餐, 間酒店係西貢街尾, 唔顯眼, , 個場有七八乘客, 食品選擇幾多, 即開生蠔長腳蟹及幾款三文魚, 2款即叫即開生蠔, 法國同愛爾蘭,但太細隻, 無乜口感, 煙燻三文魚好味, 咖喱飯也好味, 甜品都唔錯, 芝士蛋糕同蛋撻好味, 服務較差, 換碟好慢, 網上訂連加一只係$297, 都算抵, 可以推介

同朋友用團購試吓呢間酒店嘅自助餐，每位$240再加$60嘅行政費，就食到平日嘅自助晚餐。呢個價錢真係唔可以期望太多。生蠔係愛爾蘭同埋法國，不過超級細隻....酒店做緊三文魚主題，所以有好多款唔同煮法嘅三文魚，就連煙熏三文魚都有幾款。鍾意食三文魚嘅應該會好開心。不過熱盤就做得麻麻，款式少，而且好多都已經俾人攞晒但係成半個鐘都無人refill。得一個姐姐負責切牛肉，煮麵，做串燒忙到踢晒腳。甜品就不過不失，有六款Häagen-Dazs嘅雪糕。總括而言，一分錢一分貨，呢個價錢唔可以有太高期望，不過作為一個普通嘅晚餐都係可以嘅。

其實上次聖誕已經想黎食，不過豬隊友唔知上網訂先最抵食，再之後就無位子了。所以今次生日見到繼續有promotion, 自己上網訂位子好了😅上網訂有六折，星期一至四都無分時段，食足三粒鐘，所以訂好位子帶一家大細去慶生🎂其實都有少少驚，因為價錢甘平，好怕無乜野食，又唔好食，又怕唔衛生，話哂慶生，怕大家食得唔盡興🙈當日準時六點半到達，即場行個圈望下有乜食先🤤海鮮都唔少款，蝦有海蝦同虎蝦，幾大隻，爽口。青口都鮮甜，不過不失。龍蝦仔好細隻，懶得拎，拆完都唔慌多肉食。蟹腳超正，不停encore , 食左四五碟，仲要有專業拆蟹員，食得好滿足😝😝啲螺仔就唔掂，食左兩隻都好似有陣漂白水定清潔劑味甘🤢食完頭輪，終於少啲人排生蠔。當晚有兩款蠔，一款係愛爾蘭，另一款唔記得左🙈 每人限拎兩隻，好彩唔會好多人排，師父又唔停手甘開，所以都唔會等好耐。生蠔唔算大隻，不過幾肥幾飽滿👍🏻👍🏻 食左成打好滿意😌😌熟食個人黎講麻麻地，加上無乜特別，所以直接skip左甜品就普通左啲，不過都叫幾多款，味道都ok雪糕係大師級，有六種味，不過就無人服侍要自己黎。野飲有咖啡機或者果汁(四款) 蘋果汁唔錯，檸茶要自己另外加糖水，但我唔為意

之前屋企人生日，咁岩見到HKTVmall 有啲coupon買，就買左，都真係慳左唔少唔算話好多野食，但係尼個價錢都係算唔錯，食左勁多長腳蟹，特別欣賞個甜品，多野揀之餘都埋都唔算好甜，幾高質