品穀

营业中

休息中

﹣◇抹茶曲奇◇﹣抹茶香比嚐麥輕，一打開會覺得像是抹茶香的藍罐曲奇~咬落脆得滿鬆化而嚐麥的比較濕同淋，我比較帶脆點這口感~兩者都不會過甜品穀用龍膽抹茶粉來製作就是澀味比較重而苦澀味主要來自面層的抹茶粉而且樣子就會比較差因為會受潮$45/8塊相比嚐麥手作有點貴，口感的話品穀比較好但要吃到抹茶的回甘就會選嚐麥

Big Grain 位於澳洲牛奶公司附近. 舖面裝修為日式簡約風格.身為茶控，被櫥窗的茶味蛋捲吸引住！ 茶味包括：焙茶、抹茶、伯爵茶😍😍. 店主話如果買3件包埋乾冰.2小時內享用. 但今日目標係抹茶牛角包！ 下次再試蛋捲.當日：買左莓玫、抹茶牛角包，抹茶Bagel.抹茶牛角包🥐買完，店員即時幫你唧香濃抹茶Cream. 店主提示需盡快享用.Cream 好香濃抹茶味回甘. 但個包凍好失望. 😔 咬落好乾，好似隔夜麵包. 反而莓玫瑰牛角同抹茶Bagel，我自行回家焗熱（120度-3分鐘）好好食呀！咬開見到密集層酥皮，一啖一啖，食到荔枝. 五莓果醬甜度岩岩好！ 一點也不乾！ 好有驚喜！ 一個係會飽肚喔！ 抹茶Bagel- 採用丸久小山園抹茶粉. QQ 的質感. 😍 配合完麻緒及紅豆好夾！ 真心推薦！

假日來到佐敦行街 想來試試品穀的人氣鬆餅鬆餅有幾個口味 原味 提子乾 蜂蜜焦糖味我揀左後面兩隻味 每隻味各一個鬆餅真係好好味 好香牛油味 但又唔覺油好鬆化 又唔痴牙 甜度岩岩好唯一一個缺點就是貴小小一舊要$16只可以間中食下 當獎勵下自己

🍃宇治訥言比高($23)真係好迷bagel Σ(|||▽||| )不停試不同出品嘅手作bagel，今次品穀出嘅依個組合幾吸引我！又是抹茶紅豆加麻糬嘅不死組合🤤用上小山園嘅龍瞻抹茶粉，配上自家麻糬和納言紅豆。我是室溫吃的，質地沒有超難𡁻，外皮微韌內裡都軟熟，有點像法包🤔不太是 想像中bagel富嚼勁嘅質感，可能這種會比較大眾化一點，貝果體抹茶味帶微甘，不苦澀，雖然不是超抹茶控，但也覺得未夠濃🤭吃著吃著就有點消失了，欣賞內餡紅豆不死甜！沙沙的有點顆粒，吃到天然淡淡紅豆味道(˶‾᷄ ⁻̫ ‾᷅˵)麻糬方面如果厚一點，它的存在感會強烈些！現在有點蒙面吃會吃不到，看著吃又好似吃到的感覺😂整體可以試下，幾適合初初接觸貝果的兔們😛

.杏仁朱古力牛角 ($30)早排呢間麵包舖好出名 sell食得飽人嘅麵包 可惜就係太出名 次次晏少少去就差唔多賣哂所有麵包😭😭今次6點幾諗住睇下有冇麵包剩 竟然！！仲有好多包款可以揀😍😍仲比我試到呢隻期間限定嘅牛角包🥐講下佢個外層 咬落去真係會食到脆脆嘅酥皮！好多時麵包舖嘅酥皮唔夠香脆 唔夠新鮮裡面嘅麵包的確係比平時實一啲 少啲空氣感仲有杏仁碎同朱古力醬做餡料(不過我覺得多啲朱古力醬仲好🙈).30蚊雖然係偏貴 但我覺得周不時支持下小店都無妨 因為我欣賞佢地開呢間麵包舖嘅本意而且我相信佢地嘅製作時間一定比主流麵包舖多(又真係食得出有唔同！) 所以一定支持！💪🏻.華田維也納 ($18)個名改得好high-class 其實佢係奶油包嘅阿華田版🤣為左保幫新鮮 當你比錢嘅時候佢先會攞個包入去唧cream對保持麵包新鮮度嘅嗰份執著👍🏼👍🏼啲cream好濃阿華田味 上面灑上左啲阿華田脆脆 cream個甜度剛好 唔鍾意太甜令麵包變得漏同樣地麵包比平日包舖買到的實一啲 空氣感少啲😋

今次第二次係呢度買面包用作早餐食，今次食白面包。已忘記係什麼名仔，HKD23.00，有5塊白面方包，係重手的，唔似連所店個d咁輕飄飄的，不過食品的味道都係好普通的。

品榖堅持嚴選原料食材既理念主打絕不添加防腐劑和食品添加劑定價較一般既麵包店貴 但絕對係一分錢 一分貨‼️絕對唔係市面上既空氣包～ 食一個就夠飽👍🏻牛角包好多人都介紹過啦🥐 今次就唔多作介紹嚕反而我係第一次試佢地既卷蛋😍🥢 焙茶卷蛋焙茶係經煎焙既茶葉 有微微既焦香味而不苦澀忌廉似乎改良過 忌廉中間有粒粒焙茶粉 令忌廉甜而不膩👍🏻卷蛋既鬆軟濕潤度岩岩好 濕潤得黎夠挺身😍🥢 抹茶卷蛋採用丸久小山園抹茶粉🍵抹茶卷蛋內既忌廉較抹茶牛角濃郁同挺身 同樣係苦澀中帶回甘😍唯一挑剔既係份量比較少👉🏻👈🏻

Finally here for their famous croissants 🥐 the bread tastes so good. We got all the flavors and luckily we also able to get their limited croissant with almond chocolate! All flavors are rich and not artificially tasted. Perhaps it’s the best bakery store so far !

大熱天時食乜都冇胃口，於是走左去佐敦睇下有冇好康，又諗起品穀好耐之前食過個抹茶牛角包，就望下啦🤔我都幾鍾意酥皮同朱古力呢個組合架，不過真心好肥🤦🏻‍♀️所以都係間中比自己放縱下算。今次試個基本朱古力酥。買果緊店員經過有建議試下期間限定chocolate almond crossiant，不過太多口感我又一般，都係觀望下算就咁睇d酥皮一層層真係卷得勁吸引心急人比完錢即食，一咬落去真係有d灰，25$個，凍哂唔香唔脆☹️☹️我...對一個牛角包，呢d要求好普通姐？如果理由係因為唔係新鮮出爐，咁我冇野好講喇。因為唔會再去，完。

我的吃貨朋友知道我鐘意包既程度去到一日三餐都可以食包，就介紹左呢間麵包店比我🤣 店內麵包款色多及創新，仲標榜不加添加劑及漂白成分。松露超級蘑菇($23)一切開麵包未入口已經聞到超香既黑松露味! 麵包軟熟，內餡係香濃既黑松露忌廉芝士同粒粒蘑菇，非常豐富，食完一個已經好飽。Oero 雲石($19)店員話雪櫃拎岀黎十分鐘令忌廉變軟先好食。Oreo忌廉香滑，仲有Oero碎同黑朱古力粒，點會唔好食呢🤣不過麵包雪完比較硬，口感冇咁好😢雜莓Bagel ($24)Bagel 煙韌，好足料舖滿雜莓醬同乾果，但個人認為果醬太酸，同埋bagel質感可以更綿密。店內既牛角包係師傅用左半年去研發，據説酥脆有足廿五層，而且有澎湃既流心餡😯 鐘意食牛角包既朋友要去試下喇！

今天跟男友說好想試一下「品穀」的麵包男友說是不是要排隊的那間？我也不得而知是否要排隊也很抗拒排隊這回事但這間每次經過都很想衝進去也礙於每次2人都已把自己給塞飽了而放棄幸好今次午餐給食評騙了所以還有大量空位😏去到時小店裡只有幾粒人仔可能是過了午飯時間👍🏻對於不用排隊我是非常高興的😅本身是牛角包愛好者的我🥐已感應到🥐在呼喚我🤣也有5種口味啊 其他選擇也蠻多今次選購了抺茶牛角、莓瑰牛角、還有五穀方包？男友揀了蘑菇形狀的包包回公司吃店員也非常細心包裝好唯獨要求抺茶牛角不用放進紙袋因為即將要放進我的口裡啊🤤🤣我要即吃丫對於牛角包有一種執著 - 外脆內軟不油膩最怕那些吃了會滿口油淋淋的感覺而「品穀」卻沒有此情況出現抺茶cream 也做得不錯👍🏻很軟滑並沒有任何苦澀味👏🏻就證明用上優質抺茶男友就這樣看我整個吃掉😂而吃完先醒起要「📸吃先」而莓瑰牛角是我打這篇食評前才吃掉的完全沒有塌掉還脹卜卜而且仍然酥脆當然沒有新鮮出爐時那種口感畢竟都放置了6個小時🤭而內裡是滿滿的莓果蓉 酸酸甜甜很對胃口男友的蘑菇包和方包相信都沒有大問題因為很難整得好吃的牛角包「品穀」也做到了價錢雖然能比美高檔麵包店但質素卻比那些👆🏻

經過佐敦特登行入li間麵包店, 係之前睇過一條video慕名而來, 出品d無添加無謂嘅化學野已經吸引左我, 自己平時整開甜品都深深明白, 整咩都好, 成品嘅味道質感永遠一分錢 一分貨, 見到所有麵包都好實在, 唔係空氣個種. 可惜食左lunch. 但黎得朝聖點可以唔買返啲正野？ 咦, 有細細件scone, 即刻買件earl grey試試 驚喜的 >> 主動offer叮熱, 我捧住熱辣辣嘅earl grey scone, 一路行一路食, 每一啖都充滿伯爵茶香, 而竟然零油膩感, 真材實料之作

偶爾發現見到，香脆的杏仁片滿滿的灑在烘得香香的巴黎圈上，看樣子很吸引，雖然要$40一個，但還是忍不了手買來一試。原來我看到的樣子是未完成的，只有外殼。付款了，店員就會幫你拿到烘培室裡幫你唧cream。原來看來只是一個普通冬甩的size，加cream後變了double size。口感好豐富，外殼帶點脆、杏仁香口，榛子cream很滑，加上原粒榛子，其實好飽。本來打算用來作甜品，結果填飽了大半個胃，差一點晚餐也不用吃。榛子cream很香，吃得出真材實料。不過對我而言，太甜，有點膩。

我由品穀白吐司未開始貼上品嘗期限至今自問都是因為對麵包質素的欣賞一直支持，但有時店長的態度比較倔，希望不是持着高質素麵包原故吧⋯⋯但無論怎樣我仍是繼續支持因我欣賞的是麵包而已。

有一日經過佐敦，記得有間面包店 品穀接受過電視訪問，介紹過佢出品嘅面包係完全沒有添加任何食物添加劑同防腐劑，淨係呢一樣野就已經係一大賣點，一直記係心裡面，今次終於搵到機會去試一試。一入去到就俾牛角酥個櫃吸引住停低落嚟，每一款都整得非常精緻，而口味嘅品種亦都好新穎。芝麻牛角 & 莓瑰牛角芝麻牛角：外貌一間間甘，原來係用左竹炭粉。中間嘅芝麻忌廉係當我買走嘅時候，店員先攞入廚房唧入去嘅，甘先確保唔會影響牛角酥脆嘅口感，店主諗得非常周到，店員仲好貼心提醒我要盡快食，我當然即買即食！牛角包咬落口非常鬆脆，有淡淡嘅牛油味，配埋中間好香嘅芝麻忌廉，非常好食！而且牛油包攞上手一點都唔油膩。莓瑰牛角：外貌已經非常吸精，牛角包塗左玫瑰糖漿同撒滿玫瑰花瓣碎。入面包住嘅自家製嘅五莓果醬。店舖亦非常窩心提供即場加熱服務，不過我買走同老公分甘同味嘅，都係番屋企先焗番熱啦！ 一焗完出嚟成個廚房都超級香，鬆脆不在話下，中間嘅五莓醬同玫瑰花味跟牛角包非常夾，甜度適中，非常好食呀！雖然要29蚊一個牛角包，都幾貴，但係值嘅！ 下次要試埋其他味！