品臻 (裝修中)

住咗喺附近咁耐 成日都見到呢間舖位成日轉 今次開咗間新嘅 終於有時間去試 🤤試咗佢杯黑糖小芋圓鮮奶 啲小芋圓幾好食好煙韌 👍🏻都算係我食過咁多嘅芋圓入面前幾好食 黑糖味濃 叫咗少甜覺得啱啱好🤩 最衰鮮奶冇得加大 唔係好夠喉🫠 等緊杯嘢飲嘅時候 見到啱啱整好嘅綠茶 真係真材實料 唔係好似其他舖頭咁用茶粉沖嘢飲👍🏻價錢合理 同出面其他比較出名嘅奶茶舖差唔多 👍🏻👍🏻值得一試😍想試埋佢其他嘢飲 見到有其他人攞住杯荔枝汁好靚 好吸引🤩 得閒有時間嘅時候再試埋👍🏻🤤

本身係外賣平台發現有新嘢但見到評價好差所以諗住都係唔好買，後尾經過就諗住應該同之前嗰間差唔多，(之前同一個舖頭嗰間都係台式飲品）所以諗住試吓比一次機會，點知就中伏⋯⋯ 叫咗細杯奶茶少甜少冰，但杯茶完全冇茶味（都預咗唔係真材實料），冇奶味冇任何味道，淡到好似上手飲過剩返一啖再奶水再加水嗰啲洗碗水感覺。🤢 本身唔係重口味人士平時食嘢好清淡都頂唔順…… 而且價錢都唔平，呢個價錢其實已經可以喺出面中高價嘅台式飲品店買到一杯用真正茶葉沖嘅高品質飲品⋯⋯ 用奶粉茶粉沖嘅手搖飲品其實都有佢基本要求都有cheap嘢standard 。平時難食嘅嘢都希望盡量唔浪費可以食嘅就食，但今次呢杯完全入唔到口，最後直接倒咗……