影片
港铁大围站 A 出口, 步行约3分钟
继续阅读
电话号码
62832378
营业时间
*如遇公眾假期照常營業，順延至翌日休息。
星期一至二
全日休息
星期三至日
11:00 - 17:00
以上资料只供参考，请与餐厅确认详情
招牌菜
我聽朋友講左好耐，大圍火車站附近有間隱世小店，終於比我搵到，其實舖頭門口，一啲都唔顯眼，稍一不留神就會miss 左！我今日去到冇諗過堂食，因為有一大堆人係門口等位，唯有買拎返屋企食啦！😝其實都有D無耐，我D個外賣足足等左差唔多半個鐘，絕對冇誇張呀⋯⋯好彩我都吾趕時間，如果唔係一定燥底星期一、二千祈吾好諗住去，因為佢哋休息😭D碗懷舊狗仔粉外表雖然平平無奇，但食落D狗仔粉好有咬口，D菜甫好正，又好香大地魚湯味，吾怪得之甘多人幫襯拉，果然名不虛傳香茹同肉碎、蝦米都有，一碗望落去豪不起眼嘅狗仔粉，原來內裏甘多料，抵食，不過如果你不是一個有耐性等待嘅人千祈唔好去，因為真係要等架
继续阅读
今日下午去了大圍村品記，這家食肆和大多的"名店"一樣，很有個性，星期一，二休息，其他日子亦只開1100-1800，店內主打面食及多士。今日點了一個薑湯豬潤銀針粉，一個茄蓉豬扒米粉，一個蒜蓉多，一個咖央多，一個凍奶茶。薑湯豬潤銀針粉，薑味足夠，十足以前屋企飲既豬潤水，豬潤厚切，不過稍稍熟了多少，或者你當買個安心吧！茄蓉豬扒米，茄蓉都幾足，亦夠味，豬扒薄粉生炸，碎上，夠味亦夠嫰，米粉正常。多士呢度係用煎PAN煎既，面包無烘咁乾，面包唔太厚，醬足既。兩隻都好食。奶茶一般。鋪頭頗細，好多時都要等位，星期六，日飲品無優惠，可能店鋪太有個性，店主店員都有點冷酷，唔可以話差，但就太酷。
继续阅读
幫襯左品記好幾年 每一次去都要等位架!今次都唔例外🙊 品記雖然環境細但枱與枱之間都圍左板隔開 所以可以食得放心當然首選係外賣(如果住附近!)呢度既老薑湯出名 不過蕃茄控既我每次去都係食茄湯/狗仔粉😋今次就嗌左💁🏽♀️蕃茄鮮牛肉通粉($35)蕃茄雞中翼銀針粉 ($35)湯底偏稀身無咩茸 但有好多茄肉 用新鮮蕃茄煮既湯底係唔同d💕配通粉/銀針粉都好夾!鮮牛肉有大約7片 有醃過味 略嫌唔夠滑!雞翼就炸得好香脆 又幾入味👍🏽另外仲叫左每次都必叫既💁🏽♀️溏心鮮鴨蛋 ($14)由$11食到$14都堅持要食✊🏽因為我仲未搵到第二間餐廳有溏心鴨蛋食🤭 (有都未必做到咁好!)蛋味份外濃郁之餘 流心既蛋黃同嫩嫩既蛋白都好入味 帶有酒香😌凍奶茶 ($19）茶底香濃 但略嫌甜左d!要食到好野都唔易架因為品記唔係成日開🤣 要試既話記住要睇岩日子同時間!
继续阅读
一向都有幫襯佢，油渣麵同狗仔粉不俗，每次都會叫食食下發現碗粉內藏毛髮！同職員講（事後先知佢係負責人），佢竟然粒聲唔出就咁倒左佢就算！見佢完全唔處理，好聲好氣同佢追究，佢竟然破口大罵講哂粗口，反話我「點知係咪你條毛！」老實講，有時製造食物唔小心跌左條毛其實有機會，但估唔到做生意嘅會唔處理，仲要反咬個客屈佢！我回佢：如果懷疑可能係個客嘅，其實都可以第一時間平心靜氣講，而唔係粒聲唔出倒左佢，sorry又冇句！仲要喪鬧狂講粗口！而且又唔係第一次幫襯，會唔會屈佢呀！佢同另人年紀大啲嘅女人講左一連串難聽嘅說話，例如「唔好意思囉！」；話我係乞衣；又話碗野冇影相野又倒左，有本事就告我囉！一上openrice睇，原來佢唔係第一次黑面鬧客！咁橫不講理嘅食店都係第一次遇到幾好食都假（況且又未去到話非常好食），枉叫自己品記，一啲品都冇！千錯萬錯，一定唔係佢自己錯絕對唔會再幫襯！ 建議想食嘅人要三思油渣麵同狗仔粉不俗有傳統風味但份量偏少（份量比較合適食量少的人）菜圃很辣（好辣的人應該很喜歡）
继续阅读
今日差唔多兩點去到以為會冇乜人，點知都要等幾張枱。奈何朋友又好想食豬膶麵，突登搵到入尼又冇理由唔等，最後等左十幾二十分鐘就有得入喇舖面真係超細，餐牌選擇唔多但出名嘅好似都唔少，揀左老薑湯豬膶拼餐肉米粉、蕃茄茸湯生炸豬扒拼煎蛋銀針粉（好少有！）同一份花生醬奶油煎厚切麵包。薑湯好夠辣，見到有好多切到好細嘅薑茸，豬膶煮得啱啱好唔會熟得滯，確係幾出色。茄湯都濃味足料，炸豬扒反而覺得一般，有少少乾得滯，反而見到隔離叫炸雞翼睇落好juicy 幾吸引。煎多士不過不失，係好食過普通用焗爐整，冇咁乾同熱氣（感覺上 😂）
继续阅读