品記麵食

营业中

休息中

網上評語靠不住！叫了一碗蕃茄濃湯豬潤銀針粉及油渣麵，豬潤銀針粉算不過不失，豬潤是新鮮的，有些少酒香而沒有太多薑味，這是我喜歡的，雖然是新鮮豬潤但卻並不算很爽滑，煮的時間略為久了一些吧，所謂蕃茄濃湯並不濃，蕃茄味薄弱沒層次，主要應該就是湯頭並不是什麼好貨色！豬油渣麵就是伏，上枱時迎面而來就是冬菜及香菇味，但湯頭極普通基乎就是咸味之外其他欠奉，上海麵本身乏善可陳，些少豬油渣非常爽脆但不香口，坦白講半價都不值，跟大角咀那家相差不止一個天地！

ʀᴇsᴛᴀᴜʀᴀɴᴛ ʀᴇᴠɪᴇᴡ品記麵食餐廳位於剛入西貢市範圍的位置位於一間住宅的樓下是西貢居民街坊熱店設有室內及室外位置選擇提供不少茶餐廳的食品但當中有不少懷舊的選擇例如銀針粉、油渣麵等但當中我每次到訪必點的係店鋪的老薑湯底🔸老火老薑湯鮮豬潤麵 $42店舖將薑打成蓉再混入湯底內每啖湯入口都非常「重薑」飲完都會成身好熱😂ᴘs : 建議冬天光顧或選擇室內冷氣位😝豬潤份量多亦無筋入口爽並不會鞋小店生存不易閒談間得知店舖疫情過後生意更難品記麵食 (sᴀɪ ᴋᴜɴɢ)📍sʜᴏᴘ ᴅ, ɢ/ғ, ɴᴏ. 183 ᴘᴏ ᴛᴜɴɢ ʀᴏᴀᴅ, sᴀɪ ᴋᴜɴɢ

品記麵食2年前由大圍搬到西貢，今次已經是第十次到訪。再次走進這家小吃店，感受到無比的親切感。 在這家小館裡，我重遇那些令人愉悅的美味驚喜。首先，那份生炸豬扒鮮茄濃湯銀針粉 配煎蛋，豬扒外酥內嫩，搭配濃郁的鮮茄湯和煎蛋，層次豐富，令人回味。 生炸脆皮雞中翼帶有脆皮的口感和特製醬汁，是道小巧卻美味的小吃。 爆脆油渣麵，那一口咬下去，麵條Q彈，油渣酥脆，是一碗道地的美味麵食。最後，凍檸茶依然保持水準，檸檬新鮮，冰涼中帶有清香，讓人心情為之一爽。  p.s. 天氣好的話建議坐室外，涼風陣陣，十分寫意。

讚1 大圍食過 講環境係西貢好好多 冷氣都勁一截先2 豬膶通好足料 湯底夠薑味 豬膶唔會過鞋 啲筋位都去得好仔細3 炸豬扒鬆軟好味噃彈1 奶茶堅冷飲2 上菜有少少慢3 通粉好腍身呢 食唔落

估唔到西貢都有好食既脆豬油渣wor為食貓從朋友口中得知，品記麵食係大圍有分店之外，原來西貢都有😊但因為佢既位置比較遠離市中心，所以一般人都未必知道佢既存在推介美食爆脆豬油渣 (5/5)為食貓叫左個外賣爆脆油渣麵，佢d豬油渣真係好好食，炸得好鬆炸，有d入口即溶既感覺，完全唔會硬而個上海麵都唔錯，個汁十分濃，不過就有少少咸，同埋份量有d少為食貓重叫左個生炸豬扒(3/5)，佢炸得都ok，好夠脆，炸粉唔多，不過就無咩味道，唔試都可以另外，如果佢有套餐包埋野飲會好d，單叫一杯要成20黎講，西貢出面其他茶餐廳既lunch set有埋野飲會抵好多

我自己住大圍，以前响大圍已經成日食，宜家食到去西貢，搬咗之後地方大咗，坐得舒服咗。星期六日去就預咗要等，如果平日就可以坐耐少少唔怕耐住人。食物方面，我個人鍾意食蕃茄湯底豬扒腸仔麵，唔係佢哋最出名嘅野，只係個人喜好，麵軟硬適中，豬扒香脆。另外，糖心蛋同油沙多都係我必食👍👍👍題外話，我鍾意佢哋有性格有態度，一星期放兩日，又唔會由朝做到晚，揾錢唔一定揾盡，咁樣做比較可以保持水準，休息係為咗行更遠嘅路。

其實做人又好，做事又好，食野又好老土講句，有冇心睇到食到知道從大圍，到走到西貢你睇佢堅持如一，做好厚切膶啤水，煲薑湯到浸熟豬膶食過就知，福字麵絕配，臨上之前加薑絲上點解我呢個中佬最欣賞人地對自己手門，工藝執著

今日帶我隻寶貝仔入西貢行吓行行下肚餓，我就求其搵間茶餐廳（既可以俾我同小狗同桌，亦唔多人唔洗搵位）我要與我隻寶貝仔一同享受😎下午茶哩間茶餐廳有室內室外，室內有冷氣，室外都有簾遮住唔會曬到，為了與寶貝仔一齊坐，當然要坐室外啦！意外地見到下午茶有油渣麵，又有狗仔粉，勁開心😃好耐冇食喇👏🏻菜蒲得我揀唔辣好食！老實講，真係唔係求其，食得出有心整油渣麵個湯底同狗仔粉一樣，但哩碗嘅菜蒲我揀左辣的仲正！推介！！！乾身左啲，味道唔錯糖心蛋都真係要講講，佢係鴨蛋嚟架，好好味同我家老闆一人一碗都唔夠皮叫多份花生醬厚多士味道唔洗多講，穩陣到穩陣多士就要講一講，兩個字：鬆化結論：下次來西貢必定會再嚟食

老薑湯豬潤粗麵–「品記麵食」已.搬.遷去👉西貢了😲.以前鋪頭真的頗細, 很多人的時候, 坐得比較擠迫, 而且等位時間很久, 希望新鋪頭環境大了,期待下次去品嚐會坐得舒服😋。🍜生炸豬扒老薑米粉 $39豬扒用薄粉生炸，夠味亦夠嫰，米粉吸收老薑湯, 更顯薑味。🍜老薑湯豬潤粗麵(上海粗麵) $39喜歡它湯底超級多薑蓉, 薑味十足, 辣口感覺非常爽(我本身很喜歡薑味)哈哈~ 而它的豬潤煮是厚切, 吃過很多次, 豬潤都是煮得剛剛好, 不會過熟太老, 口感爽彈, 沒有多餘味精, 感覺是原味道(厚切豬潤在家很難煮得好吃) 🍞咖央多士 $20多士是用煎的方式，麵包不太厚，配上椰香砂糖和牛油的咖央醬🥤凍奶茶 $18像港式茶餐廳的凍奶茶~(P.S相片是在舊鋪拍攝)🇭🇰品記麵食📍西貢普通道183號地下D號舖Shop D, G/F, 183 Po Tung Road, Sai Kung

如題，慕名來一探豬潤麵。我對豬潤麵有個迷思，但市面上出名的 都有D 名過其實( 個人意見)。我知道處理豬潤係要好多工序，做少一樣，都會令成件事失敗，所以更加想搵一家好食的豬潤面。店舖位置唔算難搵，係滿記過2間鋪就係。入到去就叫左 豬潤面同豬油渣。一來到，見到豬潤又厚又大件，就知道唔係亂來，因為咁樣的豬潤先好食，而且佢對自己處理應該有信心。如果唔係，寧願薄切(排隊名店)，處理又易，又無咁易有異味。豬潤因為厚切，有口感又爽亦有潤的味道，無令我失望。講食物味道係 對得住 食物亦對得住個價錢。 但其他加料，即 豬油渣就令我有少少失望，因為烤得有點過龍，太乾，就算落左湯度，都救唔返。但總結，如果下次又想食豬潤，我都會返來。

脆爆豬油渣麵Price：$35📌呢間啲豬油渣係自家整，真係好脆爆，食落去真係脆卜卜🤩豬油渣用咗半肥瘦去炸，食嘅感覺無咁膩🥰就算比啲湯浸住，食到最後都唔會腍哂，仲保持到脆口😋😋個感覺好似打邊爐食炸魚皮咁，亦都食到豬油香😍麵質好彈牙，菜脯可以叫辣/唔辣，叫咗香辣味，唔算好辣，會更加惹味👍🏻鮮豬潤拼鮮牛肉福字麵(老火老薑湯底)Price：$43📌湯底薑味好出，帶小小辣，又有啲鮮甜味👍🏻豬潤非常新鮮，食嘅時候完全無沙同仲好爽口彈牙，仲要好大舊，一碗都有4舊🤤🤤鮮牛肉肉質好嫩，記住食豬潤嗰陣加埋個湯底一齊食，真係好出色😚

在西貢的一間小店，終於今天有幸一試，慕名去到叫左招牌豬潤麵，網上非常推介，試了薑味非常濃烈，好正！👍小食叫了炸豬扒，炸雞翼及糖心蛋，全部都有水準！下次會再去，會試豬油渣麵！一間非常用心製作的小店，值得推介給各位！唯一就是大家必須要注意開店時間及放假時間，以免白走一趟！

西貢墟新開張營業的港式小麵店「品記麵食」選址其實不算非常難找，只是在接近「躉場」的街道「油麻莆街」旁邊的小型平房樓下而已。但是由於「品記麵食」餐牌提供的食品，真的名副其實地緊貼食店店名，真的沒有製作和提供任何飯類食品給食客，加上餐廳很早就提早休息，想在晚餐時間光顧「品記麵食」近乎不可能。所以我最後放棄嘗試在晚上光顧「品記麵食」，改為在星期六下午乘坐專綫小巴出「九龍」食晚飯之前，嘗試徒步前往「油麻莆」光顧「品記麵食」，享用「品記麵食」的下午茶粉麵食品。「品記麵食」餐廳的前身其實是一間高級法國菜餐廳，所以「品記麵食」店舖的實際樓面面積一點也不小，加上還有戶外地方可以擺放檯櫈，所以食客不需要擔心沒有座位，或者要陌生食客搭檯。至於「品記麵食」店舖裡面有看店店員數目，我目測觀察之後發現「品記麵食」樓面全程都只有大約兩名店員工作，至於有沒有其他人在廚房工作，我就不太清楚了解。我詢問「品記麵食」店裡面的女店員之後，發現「品記麵食」實際上就連飲品，也只有女店員製造的手調港式茶餐廳飲品，而且飲品都是收原價，沒有套餐價錢優惠，結果我沒有選擇享用飲品。至於食品方面，我看完「品記麵食」餐牌之後，決定享用「鮮牛

今日試左過豬潤姜湯福字麵.真係好味絕佩.必試. 反而個鮮茄牛通就一般.牛肉可以,通粉有口感.但茄湯就不太突出,偏淡. 如果杯凍飲份量大小小就perfect.下次会再嚟

今朝一早同屋企人去左行山 行到又熱又攰又肚餓🥵我即刻搖旗落山去覓食啦😏最近聽聞西貢開左一間麵店😚當聽到有豬油渣麵食😍大家都即刻舉腳贊成話要去試下😉餐廳環境舒適 店內燈光明亮 座位寬敞 仲有OUT DOOR位置揀添🥳我甘怕熱 為左涼冷氣緊係揀左坐室內啦🤣可能已經過左LUNCH時間 所以不用等位 直接可以入座😙一坐低我即刻點左一碗豬油渣麵和家鄉銀針粉🤩麵食湯底都是自家製的🤤好期待啊 。爆脆油渣麵 （HK$35）熱辣辣既豬油渣麵終於送到我面前 賣相不錯 用料豐富 包含（爆脆豬油渣 彈牙上海粗麵 冬菇絲 冬菜 豬骨蝦米湯底 ）我加配左蒜香菜圃🤤首先試下啖湯頭 味道鮮甜 飲出有微微的蝦乾味😏絕對吾似味精湯😅麵質口感 煙韌彈牙😉我最期待既豬油渣 竟然係令我減分☹️炸得好硬身 仲有陣油益味 d油似翻用左好多次咁😰。家鄉銀針粉 （HK $35)家鄉銀針粉即係（狗仔粉）用料豐富 包含（爽滑銀針粉 冬菇絲 冬菜 鮮肉碎 大地魚鬆 豬骨蝦米湯底）我加配左香辣菜圃😋上餐速度快 👍到餐後我即刻夾起舊辣菜圃試下先🤔個人認為偏辣 有d搶喉😲整個湯底都比辣菜圃的辣味遮蓋了 我連大地魚鬆的味道也吃不出來😑如果食開bb辣既