品越越式料理 (雅蘭中心) (已結業)

好多人都話去親越南菜嘅食店，一定要試吓生牛肉湯河好唔好食，因為如果呢碗咁簡單既河粉都唔好食，咁就唔洗試佢其他野食lu.....今日同個朋友去左呢間食店，佢之前去過一次話呢間食店好舒服，唔太多人，又有位，又可以坐得耐，傾計又舒服。果時19:45去到都係唔多人，仲有窗邊位二人枱可以俾你坐👍🏻👍🏻傾計真係一流，幾舒服之後我叫左碗生牛肉河粉，我到牛肉熟左先影，未熟生既時候紅卜卜好核突，唔想影，見佢變曬色就影一張，因為掛住傾計，隔左一陣先食，心諗「食啦，放左咁耐先食，牛肉會唔會變硬呢？」咦～又唔會喎，仲好林，好好味，河粉又夠滑！好食👍🏻同埋碗河都好大碗，好多，食唔曬👍🏻👍🏻朋友叫左碟馬拉盞炒通菜，平時唔食通菜既我，試左一條，覺得好好食喎👍🏻👍🏻👍🏻寫就話辣，但我又食唔到辣喎👍🏻👍🏻服務都好好，我同朋友食完一路坐喺度傾計，整係飲水，waiter會不停幫我地加水，服務真係好👍🏻旺角好少地方食野完唔趕你走😂呢間係一個好地方邊食野邊傾計😊呢間可一可再👍🏻👍🏻👍🏻👍🏻👍🏻

上次大約兩個多月前 是下午茶, 但 前天是晚餐，也是叫了兩個同一樣餐: 1) 法式蕃茄龍蝦湯底 雪魚片越南麵 ，及 2) 香茅煎豬扒~ 價錢上次下午茶是 共$160 跟 兩杯飲品；而今次 晚餐 沒有飲品 共收 差不多 $200 但質素差很遠, 份量少很多 。可惜, 今次湯底似溝了水, 連小女孩都感到, 完全没有龍蝦味 蕃茄味也不濃，雪魚明顯少了很多, 麵又非常少，雪魚已沒有上次的彈牙質感。至於豬扒餐 ~豬扒只有一小塊 ，大半碟仍是不好吃的粉絲餅。半小時已吃完食物，但仍然肚餓。 看看餐牌,再沒有什麼適合叫, 也再不敢叫因為價錢也不平，結果去了附近食肆再吃。

很喜歡來這裡朋友聚會，因為無限時，可以慢慢食同時又可以詳談生活事；又很喜歡餐廳有不少套餐可選擇，對於我這些有選擇困難症的人來說是非常好的安排。地點方便，空間寬敞，服務細心！

香港嘅越南餐廳唔算好多選擇，平時都係去開越棧，今日竟然俾我係旺角發現到一間好好食嘅越南餐廳，就係 “品越”。Lunch time同同事去食，12點左右去到，唔算好多人，環境寧靜好舒服。坐低即刻叫碗PHO食先!!河內生牛肉湯河($61) ，牛肉分量都算多，一啲都唔吝嗇。而且個湯非常之濃味，不過有少少偏咸，味道淡返小小就會好啲!!另外飲品既選擇比較少，多返啲選擇就好了!! 而服務員嘅態度好好。都值得再去食!!

午膳來到旺角地鐵站旁的品越之前都食過品越了 價錢親民之餘食物質素亦很高極品牛小排湯檬  $108牛肉,檬粉,配料是分開上檯的店員會在你面前把牛肉一層層鋪滿在檬粉上之後加上超熱的牛湯(牛湯主要成份由牛肉,牛根,白蘿蔔等材料煲成,所以湯底的牛味好濃郁,又不會過咸)加了熱湯後的牛肉漸漸變成深色,此時可加上配料(金不奐,香蔥和洋蔥)等一等,牛小排湯檬便完成了牛小排一上檯已經見到很新鮮,肉和脂肪的分佈很均勻,入口鮮味,很滑,而且牛味香濃,牛肉不會太肥又不會太瘦$108的牛肉湯檬牛的質素很高,絕對對得起這個價錢食完完全覺得很值得之後點了一份串燒豬頸肉  $38串燒豬頸肉 肉的份量很多豬頸肉用了多種香料腌製而成,入口很香,食落肉質很滑容易咬開,配上特製的沙嗲醬特別配合甜品方面點了香芒黑糯米  $42這裡的黑糯米甜品不會像方間的很甜 有時有些甜到吃幾啖已經吃不到下去芒果帶一點點酸味 配上少少甜的黑糯米可以多吃幾啖也不會覺膩而且賣相精美 一定要點來試試最後,飲品點了紅棗桂圓茶   $28紅棗桂圓茶上檯時仍熱到出晒煙紅棗經切片了,但桂圓仍是原粒上檯,而且份量很多飲完成杯紅棗桂圓茶,記得要食埋桂圓,咁先算圓

成日食隔籬的火鍋，終於試到呢間越南菜推介串燒拼盤 好惹味，肉唔乾身，醬汁唔會太重花生味，感覺唔會太漏香芒牛油果素菜米紙卷 材料好新鮮，米紙唔硬 口感好 (試過食到硬硬地既米紙) 幾啱我口味 濱海伴香茅燒牛肉，第一次食濱海，比較少見，味道幾好只係咖哩牛油味較重，很易膩整體感覺味道幾好，環境不錯，見到場中間有幾張大理石枱，好適合女仔gathering。有機會會再試

經朋友介紹 嚟咗呢間品越越式料理環境有特色 座位舒服經理好細心 騰空個位俾我擺BB車牛油果奶昔沙冰 $35 好正👅👅👅👅👅👅沙冰打得好smooth，甜度適中，拍得住深水埗好出名果間香芒軟殼蟹米紙卷 $78賣相好靚😍軟殼蟹係即炸嘅!! 必食👍串燒拼盤 $ 118一次過試曬 豬頸肉, 雞肉, 牛肉，熟度燒得剛剛好，唔會un份量不小 好滿足，配沙嗲醬好好味品越燒乳豬 $188外皮燒得香脆，肉質依然嫩滑 肥而不膩👍👍越式炒金邊粉 $ 98 超水準味道調得啱啱好，金邊粉夠Q彈，唔會一夾就斷有別於一般店舖食到的味道總括嚟講 食物質素都好好 份量亦夠多 下次一定會再嚟😛 利申 非打手 真心覺得好食先介紹

今日同屋企人去食越南菜。第一次去呢間餐廳，想像中同芽莊應該差不多味道，但食完就覺得呢間（我只食過呢間分店）嘅食物同服務水準都較芽莊好。我地試左：1.越式乳豬 - 呢個賣相一流，但食落就正正常常，冇咩太大驚喜。2.辣椒膏炒青口 - 好惹味，青口完全沒有腥味，不過都幾辣，唔食辣人士要注意。3.濱海串燒牛肉 - 呢個大推！我地一共order左兩次，個牛肉好嫩又入味同濱海個味道好夾，真心好食！另外服務好好，菜都上得好快，值得再去。

同同事慶祝升職，心情相當興奮。最近想試一試越南菜，所以決定去咗呢一間。餐廳既食物選擇都幾多，一睇到menu都嚇左一跳，因為有好多平時未試過嘅越南菜，搞到忍唔住手叫到成枱都係餸。首先最令我印象深刻一定係牛油雞翼，佢係我食過最香牛油味同埋皮薄嘅雞翼，咬開入面幼嫩嘅雞肉同香脆外皮融合埋一齊，味道一定岩香港人口味!另外就係咖喱軟殼蟹鍋，佢炸到非常香脆，再配合埋咖哩汁真係一個冇得輸嘅組合!千祈要記得食佢個蒜蓉飽，點完咖哩食真係10000000分!我地都有叫到香芒軟殼蟹米紙卷，層米紙煙煙unun，軟殼蟹脆卜卜，芒果軟林林~好正啊~~最後，食到幾飽都要食埋呢個法式焦糖燉蛋先叫圓滿。即叫即燒既焦糖糖衣夠香脆，燉蛋又濃又滑，入口超creamy，食落亦好實在! 另外我地仲叫咗香芒黑糯米，咬落去黑糯米黏度剛好，芒果新鮮夠甜，勁力推介喔~值得一提既係侍應服務態度十分好，見到我地碟上裝滿哂骨頭同殼都立刻過嚟幫手換新碟，又對我地有禮貌，成餐飯都叫食得幾開心架!

上個禮拜同朋友聚餐，有人提出想食越南菜，就揀左旺角呢個方便啲既位置本來唔特別鐘意越菜，但呢個都唔錯大蝦柚子沙律啲蝦燒過好香，又爽口。夾埋柚子食好清新濱海伴雞肉好奇濱海係咩所以就叫左黎試，原來係煎米粉咁既，夾埋雞肉食都幾得意青檸梳打越南菜唔少得緊係要青檸梳打，食完炸野飲返杯梳打就舒服晒啦呢個環境都幾大幾舒服，幾岩一班朋友聚會店員都成日幫我地換碟，唔怕食到成隻碟污糟晒～整體黎講唔錯，下次都會想再幫襯！

與一群好朋友吵吵鬧鬧到這家裝修又靚又靜的餐廳，是其中一個朋友介紹這兒，話唔會趕人走。服務態度好，留意到我們經常飲水，所以頻頻幫我們加水。仲話俾我們優惠半價叫飲料，我們最後都無叫到，飲水就夠了。叫左好多野，燒春雞即點火似睇表演，雞肉好嫩滑。但羊腩煲味道重，可能因為我本身唔食羊。之後又送椰汁糕和千層糕，椰汁糕幾好食，千層糕硬左D。我們想人人試一款，厚面皮請職員換一件，最後無換到，直接送多一件俾我地。仲俾我地$1雞，幾飽都要打包走。最後才是重點，送左乳酪雪糕泡芙，好食都飛起。即叫即製，拿過來時我們「哇」。因為又足料又靚，唔甜唔硬，外脆內軟，加埋乳酪雪糕，太正。我們話要寫3次「明仔好野」，「明仔好野」「明仔好野」「明仔好野」。如果呢款甜品單叫都肯，因為太好食啦。

今天生日午餐選了旺角雅蘭中心品越越式料理，食物質素很好，餐後我們請店員送上預先安排之蛋糕，店員還陪我們一齊唱生日歌及送上餐廳奉送之生日甜品，從沒試過於午餐時段食set lunch會有如此喜出望外之服務。

屋企人話想食越南野，就揀咗哩間試。閒日7點幾去唔使等位。揀咗梳化位坐，幾闊落，張枱都大，坐得幾舒服。香芒軟殻蟹米紙卷入面有芒果、軟殼蟹、青瓜，食落酸酸哋好開胃串燒拼盤正路串燒，牛肉幾好食，好淋唔韌。越南春卷超好食，上枱熱辣辣，掛住食都爭啲唔記得影相。蝦醬炒飯有扎肉有蝦，屋企人話蝦醬味唔夠，但我覺得ok。蒜蓉芥蘭屋企人鍾意食好淋嘅菜，特登叫佢煮淋啲而佢哋真係有照做。好欣賞佢哋。焗扇貝扇貝都算大粒，同埋有好多洋葱女侍應好勤力，密密斟水，又幫我哋換碟，可能因為平日唔算好多客，所以招呼都好啲。

第一次黎食呢度食晚餐，食物味道不錯，尤其係會安烤春卷同串燒都不錯，可以再encore！ 另外餐廳環境幾好，坐落不會感覺好迫，食完仲可以同朋友傾下計，又唔會比人催埋單.

Taste Good and Good Service~ I was late because it is not easy to locate them , and Open Rice give wrong direction. The manager said so, and they told Open Rice several times, but Open Rice didn't correct the address. Ordered Fish , fresh , chewy and smooth in texture. Beef is skinny and tasty. Soup base is good , and I guess they have some Lobster and tomatoes.