響茶 (定安大廈)

营业中

休息中

炎炎夏日，中午時份真係好需要一杯凍飲。落車返屋企時行經響茶，所以就入去買一杯奶茶。平時會飲芋泥波波，但剛食完午餐，唔想飲咁甜。所以就揀左 香芋珍珠奶綠，再配芝士奶蓋，用少少咸的奶蓋味沖淡奶綠的甜味。佢地重可以儲印仔，十送一杯。

會定期惠顧的珍奶店店內環境尚算清潔乾唔，職員態度亦有禮，頭髮和衣服整潔，飲品款式會定期更新，今次又有幾款水果當造，可供選擇啊。一般來說，個人比較喜歡芝士奶蓋加無糖茶底🥰今次是芝士奶蓋走冰無糖烏龍茶$28芝士奶蓋非常香濃，口感厚重但幼滑，甜中帶一點咸，茶底亦不俗，烏龍茶甘醇，喝後不油不膩，尚算清新，會繼續光顧！

第一次幫襯呢間，買咗杯黑糖瀑布珍珠鮮奶，一飲第一啖已經吞落去甜到想嘔，一開始嗌黑糖嘅時候已經同店員講話要少甜佢跟住同我講話甜度係固定冇得改，做出品嘅時候真係要自己試過先知呢啲甜度係真係冇人飲得落口👎🏾失敗！我平時都飲得超甜到頂唔順，返到屋企已經溝咗成盒奶落去都係仲好甜，究竟佢落咗幾多糖？希望可以改良下！$30咁嘅價錢唔應該咁嘅出品！如果咁嘅口感試過一次根本唔會有第二次幫襯！真心想你哋可以做得更好👍🏻👍🏻

點嘅75%少甜 飲起身成口都係糖漿超甜似曬做糖耐果D吞都吞唔落，靜係飲咗啖就返轉頭同店員講聲整錯甜度，果位仁兄自己整錯仲對客翻曬白眼，好似我地專登搞佢咁，做服務行業就端正個態度喇，最後好勉強先整左杯新嘅。唔係第一次飲你地呢間，今次個店員嘅白眼真係令人好失望 無下次

🧋斑蘭奶蓋四季春茶 $26芝士奶蓋就見得多 斑蘭奶蓋就真係第一次見👀 一入口感覺同平時既差唔多 厚實得黎帶點鹹香😋 但過多陣就會湧出淡淡既斑蘭味 配上清香既四季春茶底😇哩個組合十分新鮮而且味道唔錯 建議大家都可以試下😗👍🏻推薦指數 3.5/5🍠紫薯芋泥鮮奶波波 $39一開始上下搖左幾下就飲 結果入面勁唔均😱紫薯蓉同芋泥既份量好足👍🏻哩杯唔記得嗌少甜 再加上第一下未完全撈勻所以第一啖飲個下比成啖都係紫薯蓉既甜度嚇親😂撈勻番就好啲😛 不過略嫌佢既芋泥同紫薯蓉唔夠綿密 攪左超級耐先勻啲波波都幾有咬口 唔錯😆👍🏻推介指數3/5

一杯幾好睇但係普通既嘢飲～～～今次路過呢家響茶，見到都幾多人排隊，咁啱又有d口渴搵唔到茶飲店，就試下呢家啦～💟 紫薯芋泥牛奶波波 $39 （6/10）呢杯唔好睇少，真係幾足料㗎～入面紫色嗰d都係紫薯同芋泥，冇人造色素～而且牛奶味都好濃，飲得出係4.3明治奶🤣🤣攪埋同紫薯飲真係好正，不過我叫左20%甜都仲係有d膩，好處就係飲完幾夠飽～但係佢d波波真係太軟啦><完全冇嗰陣咬感，食落好唔過癮，呢點扣分。

第一次試用網上外賣平台叫，因為見評分幾高叫咗兩杯期間限定嘅四季春茶賣相好靚包裝好好得黎，奶蓋同飲品味道真係好唔錯。😊住土瓜灣嘅話呢間以後絕對係首選，外賣速度都好快🤣100分都有99分希望可以保持水準。

打OpenRice未讚過一間店，呢間不得不讚呢度嘅芝士奶蓋，食到芝士味（起碼60%），奶味（40%）嘅比例，滿足。跟住杯野茶味唔濃，唔知係咪冷泡，如果係就更高汁！店員有禮，但提提最好唔好喺客人面前摸口罩😷，另外環境乾淨。呢度嘅野芝士奶蓋好過一d垃圾台式野（呀木，不如你唔好叫呀木個間餐廳嘅芝尸米奶蓋？芝士含量10%都唔知有冇，杯野又唔夠凍？係呀，我係要走冰，但走冰唔代表唔可以凍？駛唔駛我整杯俾你地飲？）

土瓜灣終於有好飲嘅良心黃店態度幾好又有小小funny飲品性價比都真係算高又唔算太貴 賣相都唔錯不過希望會有多啲款式嘅水果茶總括嚟講 都有85分左右希望會越嚟越進步！