哥哥添飯•妹妹泡茶

营业中

休息中

其實以前堂食過2次已經覺得味道一般 但今日啲野食簡直係垃圾！！今日喺屋企用Keeta 外賣咗一個台灣香腸蔥油蛋飯 、漢堡扒滷肉飯一打開台灣香腸蔥油蛋飯 個份量真係笑而不言 咩而家香港物價原來已經高到咁😂😂$62只能買到一條腸同一個煎蛋 蔥油又得嗰一小撮 味道又唔係好食好鹹 真係離曬大譜然後到個漢堡扒滷肉飯 個漢堡扒好似白焯咁 肉質好柴 睇見都唔開胃 最後見到啲人話佢炸花枝丸好食 又叫咗三粒嚟試下 點知完全無炸嘅感覺 略為失望 但味道都唔錯仲有兩杯飲品 一杯黑糖珍奶 一杯靚靚桃膠烏龍奶茶先唔講佢甜到糖尿病（無得揀甜度冰度） 啲桃膠好似溶到擦子膠碎咁 真心唔知到底啲桃膠邊度「靚靚」已永久blacklist呢間店 希望佢撤出大埔

天氣咁好，踩單車入大埔周圍搵好嘢食。呢間主打台灣菜。天氣熱熱地我叫咗拌麵。佢嘅麻辣鴨血就正常口味。值得推介嘅係蝦卷同埋送嘅兩粒花枝丸，好彈牙，好好食。鹽麴雞啲雞好滑好入味。碗飯已經撈咗醬油，再加隻煎蛋喺上邊，真係冇得輸。望到隔籬枱叫牛舌，已經諗定下次想試埋佢嘅厚切牛舌飯。午餐包一杯凍黑糖珍珠奶茶。踩單車之後熱熱地，飲番杯涼透心嘅珍珠奶茶，好爽。間餐廳裝修好新淨，裝修主掉用白色加橙色，令到環境好光猛清新，坐得舒服。服務員嘅態度好好，我對辣有問題同要求，佢都會好細心為我解答同解決。呢度值得俾個讚👍🏻。

見呢間嘢開咗咁耐都鍾意食台灣野同飲手搖但次次經過見到佢呢個價位又唔捨得食尋晚見外賣app 自取有discount 就試下佢啦1) 香腸仔滷肉飯 (7.5/10) + 鹽燒牛舌2串（4/10) discount完total $59.2腸仔偏鹹，滷肉飯好味！滷肉份量足夠鹽燒牛舌超級超級一般下次可以慳返$20 or 試其他小食2) 花雕醉雞飯（8/10) +仙草奶茶 (5/10) discount 完total $58.4花雕醉雞都幾入味，唔錯仙草奶茶極普通，唔會encoreoverall discount 哂先呢個價錢食呢個質素台灣野食應該有排都唔會encore住始終大埔仲有咁多選擇

今日同老婆去開大埔墟咁啱想食下午茶，就入咗呢間舖之前見到OpenRice d食評唔錯，就入去試吓點知⋯中晒伏⋯⋯ 😵‍💫😵‍💫老婆叫咗個下午茶餐沙嗲牛肉麵 配雞排、午餐肉叫咗杯凍台式烏龍奶茶 勁多奶又冇茶味 碗麵就一般茶餐廳貨色我叫咗個雞扒煎蛋蔥油乾拌麵碗麵一粒蔥都見唔到，完全冇蔥油😨仲要個拌麵係凍嘅😨😨成個麵 = 甜豉油拌冷麵完全說不上係台式料理 😅真係試過一次就夠唔會再食！平時食飯冇影開相今次真係忍唔住要寫食評以免其他人中伏

今次係第二次幫襯，上次食胡椒豬肚湯飯，唔錯又足料，就算星期日嘅午餐選擇都多，所以已經預咗會再有幫襯，今次點咗牛舌飯，飯底由肉燥飯，改為海苔飯，另一碗牛肉麵。牛舌飯：牛舌夠厚，煎得好香又夠腍，海苔飯底都好味，若揀肉燥飯底的話成個餐就會太漏牛肉湯麵：牛筋同牛肉都好腍，湯底好味，係鍾意食嗰種台灣味道餐飲味道正常，要讚嘅居然熱飲都同凍飲一樣咁大杯。而服務方面，可以改善一下，服務員多數後生仔女，冇乜表情同埋笑容，其實反過來，先歡容d，心情會跟著開朗d，客人會被感染，咁成個食肆氣氛就唔同晒。

今日原本約咗朋友上深圳，喺上水食咗個早餐，左等等、右等等，最後收到通知話有人唔舒服，結果要取消行程，有啲人真無責任感唔會早一點通知，白行一程，想一想唔想留在上水等食午飯，自己搭車出翻大埔，在廣福道落車就見到對面有間台灣麵，一於入去試試，價錢都唔平。柯打咗碗招牌牛肉牛筋湯麵，都好足料，有兩件厚切牛腱，幾段牛筋，半隻鹵水溏心蛋，仲有一大束蟲草花加咸酸菜，麵條吸收鹵水湯，牛肉入味，唔會好淋，跟熱飲。咁足料又幾好食又值喎。

本來放假吾想出街諗住試吓新嘢，所以就叫咗呢間台式外賣，見佢下午茶都幾正常，三十幾至四十幾包嘢飲，結果叫咗三個餐等外賣員嚟到冇嘢飲就好奇，而佢張紙都有寫住包餐飲，之後打去查詢佢話送晒所以冇，咁變咗單叫呢啲嘢食份量又少又冇嘢飲完全唔值，唔會再有下次，完全係欺騙顧客，不可一不可再。叫嗰個香梅地爪薯條非常差完全濃晒似番叮，份量又少又淋，之後個雞肉條又細份比平時食果D少兩倍大細，完全對不住價錢，今次真係一個非常差嘅體驗。

呢間餐廳喺大埔超受本地人歡迎㗎，話畀你知，係啲台灣菜嚟㗎！佢個樣靚仔，價錢唔貴又快手，真係值得一試㗎！套餐價錢都算抵。特別推介佢哋嘅牛腱子肉，份量爽啤！一定要試下啦！唔好忘記番麻辣牛腱肉牛筋面，地道辣味超過癮，又鮮嫩啵！炸猪扒脆味鮮嫩，一啲咸香都啱口；大肠包小肠台味十足，超吸引！啲飯好得意，啲茶又岩曬味地址就係大埔墟大光里44號地下A2鋪，真心好食到爆燈！就睇到呢度，真係要訓唔到㗎！絕對推介！👍

我總係要重覆犯相同嘅錯誤，今次已經係我第三次來到呢間哥哥添飯.妹妹泡茶，不過我覺得都係唔太推介。-一入到門口，侍應已經指我去坐個超近門口嘅位。因為係下午茶時段，所以要搭枱。-今次點嘅係下午茶哥選1+妹選1，我就揀左椒鹽鷄腿排＋黑松露炒蛋，同埋魯肉湯米線，再加多左杯水果茶。-椒鹽鷄腿排＋黑松露炒蛋椒鹽鷄腿排冇咩椒鹽味，而且食落口好油。黑松露炒蛋就更誇張，我以為自己飲緊油落肚，炒多過火左。-魯肉湯米線呢個有啲搞笑，我食嘅時候，就聽到隔離個姨姨講話：「點解可以咁油架，哇，食唔落啦」。然後，我就發現原來佢同我都係食緊魯肉湯米線🍜🤣其實我都覺得好油，真心唔推介。- 水果茶應該係成個set最值得推介，茶味重，有好香嘅水果味，正Overall,，應該唔會再來食了😅

以下是一篇 200 個中文字的餐廳負評:今天我在這家餐廳自取外賣午餐,結果等待了整整 130分鐘才終於拿到餐點。這實在是令人非常失望的就餐體驗。餐廳的服務效率實在是太慢了,以至於我寧願選擇其他外賣平台下單,也不願再來這裡用餐。我今日在中午十二點就來到餐廳取餐,結果等待了將近30才終於拿到我點的餐點。在整個取餐過程中,餐廳的工作人員表現得十分冷淡和漫不經心。他們似乎對顧客的等待時間毫無概念,也完全沒有任何歉意或主動解釋的態度。這樣的服務態度無疑會大大降低顧客的用餐體驗和滿意度。作為一家致力於提供優質餐飲服務的餐廳,他們實在應該重視每一位顧客的感受和時間。在顧客等待時間過長的情況下,應該主動解釋並致歉,而不是冷漠地讓顧客自行等待。這樣的做法實在太過粗疏和不專業,完全無法令人滿意。我希望餐廳能夠引以為戒,盡快改善服務效率和工作人員的服務態度。只有這樣,才能真正提升顧客的用餐體驗,吸引更多的回頭客。相信只要餐廳願意改進,一定能在市場上立足並獲得更好的發展。

我看到openirce的正面評價很多，所以就來試一試。大埔有幾間不錯的台式餐廳，所以看到這間店開舖，都幾期待。吃過兩次，第一次嚐了胡椒豬肚，味道一般，湯不熱，就是有胡椒味，沒有其他，材料算是可以的。但吃完之後很口渴，晚上不斷喝水。最近再去一次，覺得要俾多次機會，這次是下午茶，吃了蛋餅和炸雞刈包。前者很乾也硬，醬汁與蛋餅不搭，壓到扁扁的；後者油淋淋，一拿上手炸雞就機會跌出來，刈包因為炸雞的油變得光亮，而且頗硬，應該是急凍的，處理得好急凍的也可以軟綿綿。一凍一熱的烏龍奶茶，完全沒有跟特別要求，少糖變無糖。很好奇為什麼這麼多like，俾咗兩次機會，大埔仲有咁多台式餐廳，下次應該不會再來了。

估唔到呢間本身喺其他區開嘅台式食店，我之前只係試過去火炭分店嘅外賣，而家大埔分店嘅堂食店，竟然食評好評仲多過其他分店。我這次來到，忘記了之前吃過什麼，一定飲過珍珠奶茶，這次飲過珍珠奶茶味道相當普通到茶味不夠濃郁，冰粒太多，珍珠亦都沒有以前咁彈牙有嚼勁。它的拌麵，不知道是不是因為比較多油，脂肪比較多，因此吃得比較油。🥲麵條本身質地帶少許彈牙，本身冇乜調味料，佢俾咗一盒仔預先整好嘅豉油，其實都算係冇乜誠意㗎喇😼不過整體點餐後等得比較耐，可能因為炸物比較多，佢全部嘢都係即炸掛。這個雞扒都算係夠大塊，亦都因為即炸，脂肪多的話，亦都帶點油膩，因此吃起上來比較多膩，唔知係咪食早餐都食得比較遲，我都要慢慢進食，後來才提返起個胃口。😂不過整體就佢嘅麵條質素，調味料嘅味道，以及珍珠奶茶嘅珍珠質感以及茶味，佢喺大埔有咁多好評其實都係令人有啲奇怪，👦如果食台灣嘢我都唔會食佢，如果你話喺大埔要搵食店嘅話，就更加唔會再次來到這一間台式食店啦。附近你去刀削麵、油渣麵、餐廳又或是下午茶，大把更佳的選擇

員工坐喺到大聲吹水講粗口，成間餐廳好L嘈，廚師講粗口座出面都聽到，又鬧交又玩，感覺好差。食物質素都可以，不過豬手D毛都冇乜處理，豬手一半皮食唔到，浪費左。D員工一盤散沙，好似冇人管理咁。

J12 麻油薑母鴨 併 白飯（$62）大約有六件鴨，薑味微辣，麻油味唔出，醬汁咸咸甜甜，味道是可以的。鴨件入味，但肉質好嚡，完全唔嫩滑。白飯可以免費加大。tm12 燒仙草奶茶鐵觀音（+$18）半糖微冰，鐵觀音味幾濃，但整體味道普通。仙草份量適中。J5 養生花雕醉雞濃湯麵（$62）好濃嘅花雕味，而且味道不錯，但可惜雞肉同樣都唔嫩滑，連雞翼、雞槌啲肉都係嚡的。半隻糖心蛋算係最好味。湯麵湯底好清，只有咸味。麵條普通，似759貨色。tm3 黑芝麻泡沫奶茶（+$14）微糖微冰，黑芝麻好似好多，但味道唔出，整體味道又係普通。如果一定要搵亮點，唯有揀醬汁，其他都無咩特別。唔試唔可惜。PS：自己 scan QR code 落單。沒有加一服務費。

工作日晚餐去覓食，店鋪好新淨，店員都幾nice，人多要搭檯。兩個人一共消費141，試到好多款小食，而且好飽肚😝花雕醉雞湯麵，花雕味好濃！湯麵有d藥材味，食起身好正。一開始睇上去覺得碗麵好細，不過食到一半都覺得幾飽肚。跟餐搭配佐杯凍烏龍奶茶，只➕3蚊，冇霖到味道幾好，唔會太甜而且茶味幾好。芝士蛋餅。一口爆芝士，因為食完麵再試，所以比較膩，但整體搭配好味，醬料搭配幾好！地瓜條好味！！！ 好推薦點，話梅粉便酸，不過加係一起就幾好味。九層塔鹽酥雞，味道ok的，但炸雞冇肉汁，仲係甜圓坊的炸雞好味好多。