哦吧OPPA & POCHA

营业中

休息中

今日嚟到元朗搵嘢食 元朗夜晚呢邊真係好多嘢食 揀咗呢間韓國菜 哦吧OPPA &POCHA 上網睇係韓國人打理 即刻好想試吓😇 坐低睇睇餐牌 圖文並茂 有中文有韓文有英文🤣 聽到佢哋係用韓文溝通 點知落單嗰陣原來佢哋都識廣東話😆 落完單好快小食就上咗嚟啦 估唔到呢度小食有咁多款 平時最常見嘅泡菜同埋菠菜 呢度仲有火腿薯仔絲、翠玉瓜 仲有兩款我喜歡嘅魚糕條同埋魚仔😬 韓式蔬菜炒粉絲熱辣辣即炒即拎出嚟 好香麻油味 粉絲煮得啱啱好 唔會一夾就斷 蔬菜木耳豚肉 炒埋一齊好香好好食～ 人蔘雞湯天氣涼涼地想食啲熱辣辣嘅湯飯 仲要人蔘雞夠哂滋補😌 一拎上枱個湯仲係滾緊架😍 大大隻雞 雞肉整得好腍又滑 連雞胸都唔會覺得柴 滿滿糯米飯 配上有淡淡人蔘味嘅湯食 配合得啱啱好 感覺好似喺韓國食緊咁呀 推！ 鐵板炒豬肉呢個大推！勁好食🤤 用濟州嘅豬肉已經好好食 特別想講係佢特調嘅汁 調得好好 用生菜包住嚟食 完美🥹 牛肉石鍋雜錦飯覺得整整齊齊既韓式拌飯好療癒😌 今次揀咗牛肉味 仲有蔬菜、豆芽、香菇 重點係隻雞蛋 撈埋一齊食 再加埋拌飯嘅醬 一啖一啖停唔到口😬 整體嚟講 呢間哦吧 食物質素不錯 環境舒適 店

又黎到元朗搵好野食嗱！今次食呢間韓國餐廳，區內少見，仲要係韓國人主理。入到黎見座位好闊落，見牆上既霓虹燈佈置，啱哂大班朋友夜晚黎邊燒邊飲燒酒。不過今次係中午咁啱經開，試下 lunch set 先，ok 既再夜晚黎 encore。上主菜前每人都有三款前菜，包括泡菜、沙律醬既蟹柳通心粉同小魚乾：泡菜唔太辣，感覺似係自己手工做既，比較新鮮，唔同平時買返埋黎果種腌到梅哂咁；份小沙律都幾好味，而小魚乾會相對咸啲，啱食飯/飲湯撈埋一齊食。泡菜炒飯泡菜炒飯唔太辣，用左珍珠米黎炒。除咗泡菜之外仲加左午餐肉一齊炒，上面再鋪隻半流心既煎蛋同紫菜碎，感覺好似去左韓國咁。鮑魚石鍋雜錦飯鮑魚拌飯有勁多餸料，有泡菜、芽菜、節瓜、甘筍絲、香菇同菠菜，感覺好健康🧡鮑魚係切左條咁上既，都幾肥美同煮得幾彈牙。上菜時老闆娘都俾左麻油同辣椒醬俾我加落個拌飯到，之後佢見我加得太少，忍唔住出手幫我拌飯😆仲話唔辣家，加多啲先好味，咁又真係多啲係好味啲既👍🏻另外仲加點左個泡菜魷魚，好味又彈牙。Lunch set 佢有送野飲，都係揀左韓國既罐裝梨汁同汽水飲。so far 都幾好食同店員感覺好親切，下次試下夜晚黎食燒肉先👍🏻

我最鍾意呢間韓國餐廳係由韓國人主理，因為可以食到正宗韓國傳統嘅地道美食同燒肉。而且餐廳環境相當寬敞，乾淨衛生，令食客可以好舒適咁用餐。一坐低就會奉上六小碟前菜，每碟都好好味。我地叫咗個豬排骨，肉質鮮嫩，非常入味，而且好多汁，真係超好食。另外仲有佢地嘅大牛排骨一樣超美味，肉質嫩滑，好有牛味，再配埋佢地自己醃製嘅酸蘿蔔或者生菜同醬料一齊食，口感一流，簡直就係色香味美。另外再叫咗碟牛肉，亦超嫩滑，入口即溶，好好味，配埋佢地嘅韓國米飯一齊食簡直超滿足，真係每一碟都冇得輸。而飲品方面亦有好多選擇，包括好多韓國罐裝飲品，梨汁同提子汁都好好味。總括來講，呢間餐廳不單止食物有水準，環境舒適，而且服務員雖然係韓國人，但廣東話好流利，態度亦非常好，全程都好貼心，照顧週到，令客人有一種好親切嘅感覺，我一定要介紹多D朋友嚟食呢間咁好嘅餐廳，試埋佢地其他咁多款菜式！

好似係韓國人主理嘅餐廳叫左個燒肉set +豬皮 + 泡菜湯 海洋煎餅全部都好好食燒肉係由店肉親自燒嘅老闆娘仲要送左兩份韓國蜜瓜俾我哋真係唔寫食評唔得🥴🤤要保住呢間韓國嘢🤤

同朋友仔去元朗搵食，搵左呢間韓國菜，正宗韓國人主理，隔離兩張枱都係韓國客，連個氣氛都食到韓國味。小食都唔hea架，係非常好食，尤其是炸魚仔，鹹香脆甜無骨甜酸辣炸雞，炸雞係用韓國雞，由韓國入口，雞件上面有花生粒，脆口又香口，嗰張又甜又辣，刺激食慾！炸醬麵，麵條好粗，有嚼勁，炸醬有薯仔、洋蔥、青瓜和肉粒，醬汁掛滿麵條，正！海鮮蔥煎餅，，個餅外面煎香脆，裡面係滿滿韭菜同海鮮，配上秘製醬汁，咸中帶少少酸。炒年糕，年糕煙煙韌韌，個汁辣中帶甜，同岀面食開既汁好唔同。蛋捲，裏面有紅蘿蔔和蔬菜，咬落係爽、脆、Fresh，個蛋又有鬆彈感。

好耐冇嚟元朗搵好野食啦! 今日Lunch約咗朋友介紹嘅呢間韓國餐廳食, 係區內仲要係韓國人主理呀! 入到黎見座位好闊落, 仲有兩行卡位, 牆上有啲霓虹燈佈置, 啱哂大班朋友夜晚嚟一邊燒肉, 一 邊飲燒酒, 聽她們講, 晚上嘅燒肉, 燒鰻魚等料理係以韓國濟洲直送食材供應的; 不過今日嚟食個午餐, 呢度午餐都有好多set呀! 午市則主打定價相宜的傳統韓食, 平日適合區內學生幫襯, 他們的員工大部分都係韓國人, 但佢地都識講廣東話。上主菜前每人都有三款前菜, 包括泡菜, 醃大豆芽, 醃茄子。泡菜唔太辣, 感覺似係自己手工做咁, 比較新鮮。Lunch set有一個蛋花湯, 飲品要咗可樂同埋梨汁。梨汁係韓國好多時都見到, 裡面有粒粒梨粒呀!石鍋牛肉雜錦飯牛肉拌飯有勁多餸料, 有泡菜, 芽菜, 青瓜, 甘筍絲、香菇同菠菜, 感覺好健康;上菜時老闆娘都比咗麻油同辣椒醬我可以就自己鍾意加落個拌飯度, 辣椒醬唔辣, 加多啲先好味。拌飯用石鍋上, 夠哂熱辣辣, 仲有啲飯焦香脆, 加埋飯上隻煎蛋一齊食, 夠哂惹味呀!紫菜包飯韓國嘢我最鍾意食飯卷, 佢地嘅餡料都好多, 有餐肉, 紅蘿蔔絲, 醃蘿蔔, 牛蒡絲,

這間韓燒店的環境舒適寬敞，座位間非常寬闊。前菜六小碟我們首先品嚐了韓牛鮮牛掛骨，肉質鮮嫩多汁，特別是掛骨部分充滿了豐富的肉香。老闆娘親自為我們煎肉，每一塊都煎得恰到好處，味道令人陶醉。🥩🍖接著，我們還點了雙拼炸雞，選擇了甜辣醬和原味兩款。甜辣醬炸雞微辣適中，外脆內嫩，味道十分誘人。原味炸雞則保留了雞肉本身的鮮美，多汁而香口。🍗🍗老闆娘非常友善，除了幫我們煎肉之外，還介紹了一支香港買不到的有氣紅茶，口感清新，給我們的餐點增添了一份驚喜。🍵✨準備離開時，老闆娘還送上了新鮮的哈密瓜，為這次的用餐畫上了完美的句號。

最近迷上追看《黑白大廚》，突然很想吃韓國菜，於是今晚約朋友去哦吧OPPA & POCHA正宗韓式料理吃燒肉。😄餐廳裝潢簡單而整潔，座位寬敞，抽風系統足夠。店員很禮貌地以韓文招呼我們入坐。餐廳食物選擇豐富，有套餐、肉類、炸雞、鍋物、冷麵和年糕。首先上桌的是韓式前菜，每款都是正宗的韓國小吃。老闆娘親切地幫我們烤肉，我們點了濟州五花肉，從濟州島空運來港，烤出的五花肉肉質帶點油脂，口感柔軟，配上秘製醬料特別好味。豬肩肉肉質鬆軟，帶點肥膏但不會覺得油膩，搭配麻油和鹽更能突出肉質香味。😋豬肩肉，肉質鬆軟帶點肥膏但烤出來不會覺得油膩，搭配麻油、鹽來吃根突出肉質香味。甜辣炒年糕煙韌，魚板和韓式粉絲辣味十足，味道非常滋味。辣味魷魚（生）配飯吃非常爽口，是必試之選辣味魷魚（生）配飯吃非常爽口，是必試之選。餐廳食物新鮮美味，老闆娘親力親為烤肉，並時刻關心我們的需求。店員非常禮貌和親切，讓我們的用餐體驗十分愉快。

元朗好像愈開愈多韓式餐廳 突然想食燒豬肉便試了這間哦吧 用QR code落單發現有很多選擇 無論是烤肉 炸雞 煎餅 鍋類甚至部隊鍋都有 花多眼亂🙈 .最後點了韓牛鮮牛排骨 $310 和濟州五花肉+豬肩肉+生菜set $380先上了6款前菜、辣醬等 然後便開始燒肉 最重要是店員會幫忙燒肉 保證燒得好食 而且她們會有建議食法 首先食原味 然後可以用醃製酸蘿蔔夾住食 第三款是生菜包肉的食法不得不說 這樣肉的質素很高 韓牛排骨肉味很濃 不重油脂感 加少許鹽巴已經好吃個人最喜愛是濟州五花肉 半肥瘦的五花肉烤到外面微微脆身 用酸蘿蔔夾埋一齊可以減低油膩感 好吃👍🏻原來餐廳已經開了接近一年 可能位置上不起眼好像不算多人認識 下次想再黎試埋烤雞同人蔘雞

👭今日約咗我妹妹喺元朗食燒肉，佢話經過幾次未食過想試吓，所以即刻約咗佢去食，我哋兩個都喺韓國返嚟，但對韓國嘅熱愛非常之大，韓牛濟洲豬都係首選！我自己就好鍾意食水冷麵！試吓呢間韓國人打理嘅元朗燒肉哦吧！佢哋用二維碼落單非常方便！😌😌😌中午仲有set餐，非常之抵食！🐷濟州豬肩肉150g $180大大塊濟州肉，唔會太多肥豬肉，我覺得唔錯，個人唔鍾意太多肥豬肉，剪到一條條，剛剛好！豬肉味都重，佢又焗酸酸嘅醃蘿蔔片 ，店主教一塊酸蘿蔔片一嚿肉，夾埋冇咁油膩，真係非常之夾！好食👅👅👅👅🍜冷湯麵 $98水冷麵份量大，麵質爽口，如果唔夠酸可以自己加酸醋，我自己個人鍾意多加酸醋，好傳統嘅水冷麵，包括雞蛋，青瓜片，雪梨片，泡菜。好食👅👅👅👅🐮牛板腱肉 $400兩個人食份量啱啱好，燒牛嘅各邊數15秒可以食係剛剛好，厚薄適中，一口一塊，可以點配鹽或者芥辣食唔錯😌好食👅👅👅👅🍲海鮮泡菜豆腐鍋 $108去韓國餐廳必叫海鮮泡菜豆腐鍋配飯，濃濃嘅泡菜味再加海鮮將個湯昇華，配米飯食一流，最，緊要係個豆腐同隻蛋！呢個味道唔會過鹹，海鮮材料足夠一人食糧！要趁熱食！好食👅👅👅👅👅🐷濟州豬肩肉150g $180呢個size係一

🌸 牛大排骨+濟洲五花肉套餐 （💰580）點了套餐先上六款前菜如泡菜及魚仔等❤️牛大排骨醃過本來已經很入味，烤過後肉質仍然嫩而且帶有肉汁！五花肉半肥瘦烤後帶油香，伴著生菜、醃蘿蔔、其他配菜及老闆的秘製辣醬吃不會膩✨店員很熱心幫忙燒，燒得剛剛好！套餐還有一碗泡菜湯，酸酸辣辣夠開胃，上菜時碗內的湯還熱辣滾燙🌸 半隻原味炸雞（💰98）韓國空運的無激素雞肉，外表炸得酥脆，不會有一團團炸粉的口感，雞肉嫩而且能鎖著肉汁不會乾身❤️這次點了原味，店員推介的honey butter味留著下次試🌸 生醃八爪魚（💰70）常見的韓式醃製生八爪魚，香辣惹味

朋友話想午餐去食韓燒，就上openrice睇吓附近有邊間韓燒餐廳，見到依間韓燒都幾多好評，就決定去試吓。餐廳入面無咩油煙味，環境亦都非常舒適，而且由韓國人主理。我哋叫咗濟州黑毛豬套餐share，份量足夠兩個人食。套餐包括兩塊五花肉同豬肩肉，仲有兩碗白飯同唔少配菜。濟州黑毛豬套餐黑毛豬肉非常新鮮，份量都好足料。店員會幫手燒黑毛豬，仲會非常細心，每一面都會煎一煎！佢哋會幫手將豬肉剪開一條條再燒，咁就唔怕唔夠熟啦！套餐除咗白飯之外仲有提供生菜，可以包住豬肉食！燒好嘅黑毛豬肉香噴噴又非常軟腍，一啲都唔會覺得韌！餐廳有提供辣椒醬同鹽俾我哋調味，只需要簡單嘅調味料就已經可以帶出黑毛豬肉嘅香味！配菜有茄子同泡菜，泡菜唔會太辣，茄子甜甜地好好食！

⭐️韓牛鮮牛排骨第一次食呢款牛排骨，連骨既肉排，唔識點燒，店員雖然唔識講廣東話，但都主動過黎表示可以幫手燒，加分🥰 肉味幾香，咬落有油脂味又唔會鞋口，不錯～⭐️豆腐鍋唔算好辣既豆腐鍋，泡菜味唔算好出，清清地既湯底，食落更加無負擔，豆腐係磚狀，咬起黎更加有口感，用湯配飯都一流🙈⭐️蜂蜜奶油炸雞好少係香港見到呢款口味既炸雞，蜂蜜味做得好濃郁🤤🤤 奶油味好香口，仲要份量多之餘仲要炸衣唔厚，雞肉多汁嫩滑，值得一試😍

成日行過元朗雞地都見到依間韓國餐廳，由韓國人主理嘅。午市套餐居然只由$68起，好抵食呀！見到餐牌上面的午市定食都是韓國傳統形式的套餐，更不收服務費！肥仔緊係要去試試啦！🇰🇷特大牛骨湯飯🇰🇷呢個牛骨湯飯係我食過最足料嘅牛骨湯飯！一共四舊大大舊嘅牛肉，仲有兩枝排骨。牛肉同湯嘅調味得宜，絕非味精湯，淡淡嘅蔥花味，抵食！🇰🇷冷湯麵🇰🇷天氣仲咁熱，想食個美味冰涼嘅麵食，呢個必點！口味酸酸甜甜的水冷麵，吃得特別醒神。麵嘅質地煙煙韌韌Q彈得很！而且冰粒都係用湯雪起嘅，溶咗之後唔會溝淡個湯，好掂！🇰🇷半隻原味炸雞🇰🇷炸雞炸得脆卜卜非常之香脆雞肉汁好鮮嫩一咬啲雞肉嘅汁bid晒出嚟。總結，韓國人主理老闆娘、店員都係用韓文溝通，感覺好正宗。環境好大，座位之間好寬敞 ，坐得好舒，推介！

近排被一首紅爆嘅《APT.》🎧🎹🎙️🎚️瘋狂洗腦，GG唔理三七二十一即刻搵返間韓國餐廳邊食邊un💃🏻住聽先夠過癮。重要識食一定食由韓國人🇰🇷主理嘅同食材由韓國新鮮直送✈️嘅甘先夠正宗。點知比GG 發現到形點附近有間韓國餐廳不單止符合曬我嘅要求，仲要由星期一至日都有午市套餐又唔使加一嘅貼地抵食韓國餐：一個價錢包左三碟前菜 + 一個主食 + 一罐飲品。一坐低即掃QR code落單，唔使驚唔識同阿豬媽仲有oppa 用韓文溝通🤭📌原味香脆雞五件🐔🐔🐔🐔🐔外皮酥脆，內裡係啖啖嘅雞胸肉，岩曬GG仲有佢解油膩嘅最佳拍檔 - 醃蘿蔔大大舊都唔覺得濟😋📌紫菜包飯🍙色彩繽紛、顏色鮮豔，令人食慾大開🤗有蟹柳、雞蛋、牛蒡、胡蘿蔔、青瓜等餡料無論口感定味道都好豐富同有層次🤤📌辣芝士火腿泡菜炒飯🧀🍛金黃色半融嘅芝士係酸辣嘅火腿泡菜炒飯上，好好熊啤啤甘🧸，超可愛😚係鐵板上拌勻炒飯同芝士即時有拉絲效果🤏🏻香口又邪惡得泥好吸引我呢個芝士控😍📌鮑魚石鍋雜錦飯🦪🍲估唔到午餐一人份量竟然係甘巨大，上到枱都好驚訝😱有鮑魚、芽菜、紅蘿蔔絲、翠玉瓜、香菇同菠菜.....配料超豐富再加上麻油同辣椒醬一齊拌埋食超有口感最底仲有飯焦添😁👄重要