唐人坊 (已結業)

今晚屋企個個都自己食，於是乎我收工之後，就附近方便，去咗崇潔街間好多日清公仔嘅唐人坊，叫咗碟海南雞飯，加杯青檸梳打，點不知有兩個食客入嚟，又係叫海南雞飯喎😅食落啲雞肉香滑同埋有嚼口，感覺好似啲功夫雞嗰種，證明攞返啲雞有番咁上下👍點埋蔥油同泰汁好惹味，象牌梳打應該好過一啲其他本地牌子，咁樣食完埋單承惠$52，又覺得好超值喎🤣🤣🤣#海南雞#青檸梳打

之前去試過佢哋嘅海南雞飯可以比美專門店用心制作飯香D雞好嫩滑多汁一D都唔會(鞋)口👏🏻👍🏻真係好好食😋今次再嚟幫襯下午茶☕️食網球拍雞髀外脆內軟好Yummy 🤤真係無得輸👏🏻👍🏻一定會再次光顧👏🏻👍🏻

之前食過好多次都無冇問題，今日再去買食海南雞+1個青瓜，D飯生米食不到入口，青瓜咸到酸要吐返出來，成份食物食不到掉咗落垃圾桶，唔知係唔係換咗老細，食物質素唔同晒。

第一次去這間餐廳（雖然這間餐廳已經開咗十多年) 一進入舖頭進入眼簾的，就是數之不盡嘅清仔精品， 連清仔味道發展史都有。🤗我們點了這個餐很吸引，出前一丁嘅味道，大家都知道，就不多說了。 個漢堡係以前舊式快餐店嘅味道，好懷念😘落單紙係舊式嘅過底紙。 係一間很特別的餐廳

話說幫襯咗幾次，都係食佢嘅出前一丁，又或者雞飯，今日下午茶就試下佢嘅網球拍雞脾！午餐：咸蛋黃雞脾印尼撈麵，凍檸茶 $50下午茶：網球拍雞脾, 熱檸茶 $30手生炸雞脾，外脆內軟，very juicy,沒有柴皮, 沒有千年油的油膱味！比我想象的超班！另外老闆話食兩個餐送一個日清杯麵！呢次真係又食又攊！

有美少女茉莉花相伴共餐特別醒神開心，泰亞萊居然已執笠，唯有轉戰唐人坊。點解張單印住金冠，已轉左手？轉眼幾年無幫襯，不知質素變成如何。平時都沒有那麼旺場，落雨反而食客一浪接一浪。地盤、電工、裝修、西裝、OL、師拉、阿叔、美少女、學生、等等，應有盡有。熱齋啡，雖然水溫過高會使到咖啡變酸，但依個溫度微暖，咖啡香味出不到來的，薄薄水水的味道。樽仔無冰奶茶，甜甜奶味，弱弱茶味，幼滑不足。青檸梳打，室溫梳打水，何解不雪呢？要等冰稍為溶化才夠凍，甜味強帶少少酸，第 1 杯還夠凍，第 2 杯已沒有冰了。海南雞拼豬頸肉飯，雞髀肉勁結實而嫩滑，雞味濃帶鳳脂甘甜，連雞翼都去埋骨有誠意。豬頸肉硬掘掘，少點牙力都處理唔到，味道焦香，搭上濕爛黃薑飯還可以。海南雞飯，黃薑飯濕濕的，幸好香香的甜甜的可接受的。有骨無骨各有好處，有骨原汁原味更多雞汁雞油雞香味，無骨食得方便啖啖肉吸汁力更強勁。結實質地三黃雞，雞味清甜濃郁，雞皮彈滑不油膩。醬汁在海南雞飯裡永遠擔當重要角色，酸汁不辣而開胃，讓雞肉打滾一下，索盡酸汁再躺在香香雞油黃薑飯上，狠狠地全部塞入口，相互擦出愛火花，比起無汁更可口更好味。頭抽瑞士無骨雞飯，外觀企理骨子靚

樹懶仔某日走過見到這間主打出前一丁的餐廳，就決定進去嘗試一下。聽說店裡店外所有出前一丁的擺設都是店主的珍藏，到處都看到清仔家族的蹤影😆出前一丁吃法一般就是「撈麵」和「湯麵」。除了湯底或醬汁的搭配之外，煮即食麵的功夫也非常考究。綜合樹懶仔煮即食麵多年的經驗，秘訣就是不斷冷熱交替。在家煮的時候不可能每次都過冷河，就要在煮的時候一直拉出來讓麵接觸到空氣，那麵條就會爽滑不糊口了。言歸正傳，介紹這次的食物了。金寶車打芝士汁+碳燒蜜味豬頸肉撈丁 ($46) + 凍奶茶走甜 ($2) = 💰48以這個價錢來說，吃個出前一丁貴了點，不過抱著嘗試一下的心態來試試這家熱愛出前一丁的餐廳，至於值不值得則要由各位客官來評斷了。賣相來說，擺盤不錯，主打的芝士汁非常濃厚鮮艷，我個人不抗拒三色豆，如果有抗拒的朋友可以叫店家不要加。烤完的豬頸肉看起來很嫩滑亮澤；配菜也是有水準的，與那些連鎖難吃到爛掉的烚菜截然不同；麵條乾爽而不糊，還沒放進口就知道水準了。第一件事，把芝士汁都倒在麵上，然後攪拌均勻。掛滿芝士汁的麵條非常爽滑，濃郁的醬汁足夠鹹香但不會太鹹，起碼食完不會膩口要喝很多水。蜜味豬頸肉嫩而不柴，樹懶仔覺得也不錯，

突然想食越式海南雞，行到老遠竟然執埋笠，十幾年舖都要說再見。兜兜轉轉最後都係出前 一丁，索價 $47 蚊太貴喇麻！比我安安樂樂食碗麵唔得既，食個丁麵都要搞到我勁燥底，著晒火！神州大媽已經第二鑊點夠我去搭枱，個座位本身已經有人坐緊，勁尷尬！再次黑面話知您，我鍾意坐邊就坐邊！前面一個人埋單成堆人圍住仲乜春，阻夠住晒，我仲以為排長龍被幾個阿叔插隊打尖埋單先！依間唐人坊極鍾意按排所有食客迫埋一齊坐，我都知要慳位要留檯，但您張枱勁那細勁那窄，坐定定伸長手臂已可以兜巴星對面位人兄！對角咖哩牛腩阿叔撩鼻屎，隔離椒鹽豬扒綣髮肥仔屍嗅腥蚶蚶，對家四眼叔強姦碟雞飯一嘴都係，那麼多奇珍異獸，困獸鬥﹗早餐時段真心坐得超級舒服，渡假一樣鳥語花香，環境清靜悠閒，空氣流通氣氛祥和。早餐冷清清只得小貓三四隻，明顯出品比午市黃金時段質素高好多！餐牌寫明星期四福米就係褔米，嬸嬸有堅持不準轉福麵呢，有原則有責任心都係件好事既。而且其他湯底出前一丁麵已全部取消轉為合味道杯麵，真係有食客會專程坐係度食貴價杯麵嗎？依家只供應麻油原味或黑蒜油豬骨兩款。發現錯字，最緊要正字，捍衛繁體字，捍衛廣東話，菠蘿飽？食完就會飽？為食早餐專登早

原來紅磡崇潔街有間岀前一丁既主題餐廳「唐人坊咖啡餐廳」老闆喺岀前一丁既忠粉，私藏大量岀前一丁既精品。直情好似將餐廳整到博物館咁呀除咗出前一丁煮得好味之外，呢度嘅無骨海南雞同網球拍雞髀都係好岀名㗎！出前一丁自己煮湯麵就食得多啦！所以今次我叫左個撈丁，配上丘比沙拉汁焙煎芝麻口味。結果意想不到咁好味呀！網球拍雞髀一上枱我都「嘩」咗一聲，雖然就冇網球拍咁大個，但都有乒乓球拍咁大㗎！外層雞皮炸到好脆，一啖咬落去除咗好厚內之外，入邊雞肉仍然非常滑嫩。食一隻已經大滿足啦！不得不讚餐廳煮既岀前一丁真係特別好食呀！無overcook，仲食落公仔面有彈性，自己真係煮唔到。

去紅磡探朋友，路過呢間唐人坊茶餐廳，被佢嘅出前一丁清仔陣吸引住！原來係老闆私人珍藏，勁有heart，成間店舖都係出前一丁嘅物品，由figure 擺設到餐具都有，牆上仲貼有出前一丁嘅歷代變化，真係要超級粉絲先會咁細心😍！我地一人一個set，出前一丁泡麵配厚切豬扒🐷/網球拍雞脾🍗。麻油味出前一丁整得啱啱好，麵質彈牙😁！網球拍雞脾🍗超級有份量🤩，炸得好好，皮脆肉嫩，配上少少炸蒜頭＆蔥粒，更添惹味🤤。厚切豬扒都係一流，雖然好厚，但煎嘅火喉好好，肉質唔會太腍，保持實在嘅口感👍🏻，特別鍾意佢秘制嘅蔥油，為濃郁肉味錦上添花✨。

今日同哥哥去左唐人坊吃喝玩樂玩足大半日都唔洗一百蚊😆真係超激抵😍哥哥上個星期升小一開學👨🏻‍🎓老師贊哥哥上堂留心聽書💗好啦一於帶阿哥去唐人坊俾佢食最愛既丁丁麵同埋打卡夾公仔啦😍哥哥離遠見到餐廳已經超興奮😆因為門口有兩大部丁丁主題夾夾機😍入到餐廳裏面每一個角落就算連個牙簽筒都係清仔🙌🏻真係成個丁丁博物館咁😻不得不說呢度個下午茶真係好抵食😍兩隻雞翼配西多再加埋雪菜肉絲米都係$33🌟加$5仲可以嘆埋支樽仔奶茶😋哥哥就叫咗個超級大嘅網球拍雞髀配經典麻油丁丁😍飲品就叫咗大大杯椰汁三色冰😝呢個網球拍雞髀真係不得了😎超級有份量👍🏻雞髀外層炸得香脆之餘一啖咬落去仲要爆曬啲肉汁落嚟😍呢個多重口感嘅味道真係下次一定要帶埋爸爸再嚟食多先得😆經典麻油丁爽口彈牙嗰個差唔多掂啲湯都飲晒😋呢度每一樣食物分量都勁大👍🏻我同哥哥真係要慢慢食先食得晒.食完再同清仔瘋狂打卡📸眨吓眼咁又玩咗一日喇✌🏻

一直都好鍾意去唔同卡通嘅主題店發現到喺紅磡有一間🔸出前一丁🔸主題店成間店都係清仔當然要去試下啦門口已經擺放住好多唔同嘅出前一丁清仔嘅產品仲有好大隻清仔公仔添個清洗公仔仲帶咗口罩超級可愛入到店內牆身全部都係清仔睇睇餐牌有咩食除咗有出前一丁仲有飯，小食同撈檬等等都幾多選擇我就叫咗個芝士撈丁同配左咗隻Super big 雞脾🍗😈好邪惡😈朋友就要叫左雞出前一丁我哋仲有嗌咗泰式鳳爪炸蝦餅 同埋蝦多士 芝士撈丁個汁真係好濃好香雞髀超誇張應該係大過我塊面做得好香脆朋友點做個雞出前一丁都話唔錯泰式鳳爪都有水準蝦多士香口炸蝦餅極度推介直情係好食個泰式店食到嘅而且價錢都好抵

＃下午茶餐 分享唐人坊/ 清仔冰室 入邊有好多出前一丁公仔的產品😊😊有些係非賣品，好靚😊😊之前嚟過食套餐😁仲未捨得用隻出前一丁公仔碗😊套餐$78豬扒/雞髀原味/豬骨湯麵樽仔奶茶/樽仔青檸梳打送清仔面碗一隻😄😄今次食豬扒炒出前一丁 $38+ 凍飲$2無骨海南雞飯 $42+ 凍飲$2 👍👍😋😋海南雞好滑 😋無骨容易食👍（海南雞飯 下午茶 堂食減$5）豬扒多士下午茶 $33+凍欽$2總括來說算價錢都算合理的

好耐之前係媒體曾經見過一次，有一間餐廳用出前一丁做主題。好多時都會經過附近，但係就冇幫襯佢。呢個星期咁岩都係附近開工，所以點都要嚟一嚟。呢個真心推介。吉列豬扒係屋企點樣整都唔會整得好食，而且無咩幾何用咁多油。唔知係我好彩定抑或係餐廳嘅好習慣，呢件油炸嘅吉列豬扒竟然冇油嗌味！食得我不知幾開心！你之前有一日去食呢個黑蒜湯底沙嗲牛肉麵，我反而覺得佢嘅煮叮叮手法仲有進步空間可能我鍾意食爽口呢個角落令我想起，呢排叫外賣係唔係應該用返佢？另外餐廳門外都有大量出前一丁相關嘅食品出售，非常經濟實惠！下次再食網球拍雞髀！

趁著快新年，我們原本是專程來加太賀拍攝一些新年賀年照，但來到才發現環境已經相當破落了，酒桶變到灰灰殘殘，有些的外殼更凹陷了,而大多數燈籠的燈也沒開🤢走時轉角就發現原來有一間以出前一丁做主題的店鋪，🎈♥大紅紅，門外更有一夾公仔機，而店外店內都充斥大量出前一丁的海量精品和公仔😗排列陣式，什為壯觀，不過牆身的出前一丁的編年史只展示到2014年而已🤣食物價錢也便宜，都只是30元就可以吃得飽飽🍜來到出前一丁主題餐廳就當然是order出前一丁麵啦，湯底可以任選，然後配上港式茶記配料，比如五香肉丁，雪菜肉絲等等，和腸仔荷包蛋麵包；而我們就要了沙爹牛肉， 牛肉大大舊，厚身有肉味，其沙爹味更不會搶去黑蒜豬骨湯的味道，至於麵底就當然是出前一丁啦，哇哈哈哈🐸🦐🦐🦐。見到餐牌寫了🍼樽仔奶茶，我們也加錢試一下，和平時凍奶茶不同，是用樽仔做瓶子(😂)奶香奶濃，茶味也凸出，樽內也沒冰，不會因長時間飲用，而慢慢變淡，但樽仔和出前一丁是沒有任何瓜葛，這個就有點失落了 。店內所有精品都可以拿來拍照，有興趣更可以購買回家的唷店家只做到18:00就收爐啦，如果想來打卡就要盡早到啦