唐包點

营业中

休息中

今日落雨天，在油麻地地鐵站內包唐包店買兩個包，店舖都不忙，有兩個員工，一個員工收錢，一個員工俾食物我買了1個菜肉包和1個白饅頭，而選擇什麼包，各人喜好，貪它獨立包裝，包吃落都香付錢之後，接左牛皮紙包裝袋，出地鐵站落大雨，心情麻麻，行到兩個街口，自己心血來潮打開包裝袋看看，咦點解只有1個菜肉包，我明明付款2個包，當時收銀職員都重複講左我要什麼包，唉，失策又要返落地鐵站拿回。我去到店舖解釋職員只俾1個包給我，收銀職員立即查單，第二張單已經系菜肉包8元和饅頭6元，俾食物職員立即俾番1個饅頭及換過新包裝袋，加上［唔好意思］算啦，落雨啊，包裝袋已經濕濕，下次買野要檢查左才離開，走返轉頭真是嬲嬲豬

想找个地方火速买点吃的，然后去听网课，就在这里买了一波下午茶，我买了奶黄包叉烧包香芋包，朋友非常想吃菜肉包，我就买了四个包一个七块五，然后店员说我们买的这些加个十块钱，可以拿一份莲子红豆粥，想到这样的粥很有营养，就买了一份，说实在的我自己买的这三个包吃得有点撑。

最近唐包點聯乘角落生物出左新包超級鍾意角落生物既我 緊係即刻入手啦因為係凍包既關係 要返去自己蒸食落唔算驚艷 味道唔算出色無佢其他包咁好食個口感類似奶黃包既質感 但食落無奶黃包咁甜 而且紫薯味唔算重感覺上無咁肥同健康D但同預期中既味道有一段落差因為本身唐記其他包都好好食不過唐記出親新包通常都唔太出色如果鍾意角落生物既話 可以買一個包捧下場始終個包比較貴 18蚊一個 如果要鐵盒就24蚊如果唔係因為鍾意角落生物我會買其他包就算

油麻地地铁店的唐包点位于入闸机对面，本来是要坐地铁回家。但经过时店员一直在推销他们的新产品，又见到客人在排队。反正想买点饭后甜点，终于又要破费了。手工酥点是新出的，有4种选择，价钱也算得上是相宜。这几款中式糕点推出的时间不长，几次想买都是已经卖完，这次可以试试味道。平时在酒楼很少会吃到芝麻糕，漆黑的外观没什么花巧。冷吃有点腍，可以吃到不浓的芝麻味，如果稍为结实一点会有点口感。紫芋酥内白芋蓉味较淡，相比之下，芋蓉包会更好吃。

煉奶蘋果流心包知道有新包，特意今早買來試試。其實都沒有抱太大期望，結果如我所料。有少少蘋果味，煉奶沒甚麼特別。外表是不錯的，不過虛有其表。始終覺得最好味的是流沙奶黃包。

星期六返工前經過地鐵站內的「唐包點」，突然想起一件事，就係要買啲好嘢給同事一同分享，因為大家星期六要返工，無得出街與家人享受週末，並非樂事，所以我覺得花少少錢買啲點心返去一齊同同事開心share，大家都要開開心心地星期六返工。燒賣本身$18/份，估不到今日「唐包點」有優惠，第一份正價，第二份半價，即係買四份只要俾三份價錢便可，每份有四粒，超低食。🗨各位食家真係不要攪錯，這間係「唐包點」，係三個字「唐包點」，是用微波爐膠盒，不會用發泡膠膠盒。

每個星期總有一至兩日食唐記包點做早餐，返公司翻熱個包，再配埋杯滾熱辣嘅中國茶就夠晒醒神。鍾意佢呢間個包又香又軟身，返到公司稍微翻熱之後仲係好軟熟，白𠽌𠽌，漲卜卜！而且餡料豐富，內裏嘅菜肉餡大大份，咬開就已經聞到肉香，食落仲有啖啖肉汁！有菜又有肉，感覺幾健康，仲要$7.5一個，經濟又實惠！加上呢個分店嘅店員有禮貌，又有效率，order俾錢再攞包都唔使10秒搞掂，啱晒我日日趕住返工要極速買好早餐！

之前試左佢個阿華田包, 聽聞華田奶茶非常好評, 今次又經過唐包點決定買枝嚟試下😂搖兩搖👋🏻, 將d沉澱物搖番勻去就飲得😊, 奶茶好香滑, 第一啖首先飲到嘅係濃濃嘅阿華田味道, 下一秒會飲到茶嘅苦澀味, 再下一秒會飲到兩者混埋一齊嘅味道, 非常融合, 同時層次感亦非常多, 唔知道熱飲會係點呢🍼☕🤔通常奶茶小妹比較中意茶味濃d奶味少d, 阿華田奶味本身較淡, 所以會顯得茶味濃d, 但佢個茶底濃得嚟又無蓋住阿華田嘅味道, 非常特別!! 中意飲華田同茶味濃d嘅奶茶不妨一試, 雖然已經變回原價12蚊枝, 但覺得cp值仍然幾高, 誠意之作!😋😋

呢間唐記就係我公司個地鐵站超方便而且選擇又多每朝我都會係一個加一杯野飲當做早餐的今日食既呢個包係香芋包同叉燒包因為買幾個仲有特別優惠價岩哂我呢D打工仔一次過買幾日早餐哈哈香芋包入面係香勁多既芋黎!! 超RICH既口感香芋味十足, 而且係超多料的唔似其他店得中間先有香芋!! 仲要淡味的所以食兩隻加一杯野飲其實都幾夠飽包既SIZE都算幾正常, 比起其他小店個D感覺上仲大呢個奶茶超好飲每次都係必飲一係奶茶一係豆漿唔好睇佢細細支我諗都有一杯奶茶既份量!!

一早返工唔想食空氣包蒸包都係另一選擇站內開設蒸包店係幾方便晨早流流，有啲包款未出動Standard包款都有仲有啲新式嘢，不過唔啱我呢間店除咗蒸包，亦有出售未蒸包，等客人買返去自己蒸價錢平少少我點了紅豆包（$7.5）我覺得佢比X記包點細個啲，我過咗20分鐘先食，仲暖包裝有2層，多過X記包點佢個紅豆包，唔似茶樓咁白面包佢個包皮有紅豆碎，而且係淺粉紅色，感覺唔色素係好自然由紅豆來嘅色內餡都夠多唔洗咬到好入已經吃到餡啲餡咬到紅豆皮，我鐘意呢款感覺係真紅豆嚟嘅紅豆餡

琴日又係一個瞓過龍嘅早上，所以唯有又係買唐包點番公司做早餐啦🙈🙈🙈鮮蝦燒賣呢度嘅燒賣從來冇令我失望過， 大大粒而且仲有原隻既蝦係上面，燒賣亦都做得好彈牙，就好似係酒樓飲茶咁樣🙈🙈👍🏻👍🏻👍🏻👍🏻香芋包香芋抵必須叫嘅香芋包，香芋蓉超多，簡直每一啖都係，食落真係令人好滿足，而且香芋蓉唔會做得好甜，所以好易入口，做早餐一流👍🏻👍🏻番薯包平時早餐我都會食麥皮，因為纖維多啲對健康好啲，但係講時間嘅關係就唯有用高纖嘅番薯包去代替，味道同香芋包一樣都唔會好甜，好易入口，yummy!

今日揀左食唐包點做午餐，嗌左鼓椒排骨飯，北菇雞飯，燒賣同2支支裝豆漿。2個人食份量好足夠，每個都大大碟又足料。份量夠大而且味道濃郁。講番個飯，雞飯既雞無骨啖啖肉，飯又多 。排骨飯啲排骨都好夠味又多。抵食又飽肚唔食唔舒服。之後口痕仲叫多咗個燒賣，雖然係外賣但有酒樓水準，燒賣肉唔會太實亦都唔會好咸-地點係地鐵站內，有時放工都會去買包醫下個肚仔，旁邊有少少位置俾客人立食。今次轉戰外賣返屋企，佢包裝企理整齊，員工又超快手，好快我就已經拎到個外賣返家品嚐

幾個月後又去玩貓，照舊出mtr買熱食上去。魚香茄子飯 $29好欣賞佢分兩碗，一個飯一個魚香茄子。飯夠女仔食有多，長條形就質外帶飯。淨食啖飯都唔會乾身。配魚香肉碎汁就當然好味d，夠香口。茄子有微辣，有小炒風味。鳳爪排骨飯 $27樣子小巧，內藏大肉，入味鳳爪。豆豉咬開就香既。鳳爪唔多油既，皮香有小軟骨。排骨易咬，都唔會有雪味。奶皇包 $7.5好靚奶黃色，軟包好奶好順滑奶皇。少少甜，香為主。蕃薯包 $7.5飽滿蕃薯去次所，哈哈！蕃薯蓉實扑扑，比奶皇包甜度高d。燒賣 $18紅蘿蔔粒蝦仔，豬肉似咬墨魚丸咁。蜂蜜紅棗生薑茶 $9紅棗生薑補身，本身比較濃辣既薑有蜂蜜幫下中和了。

唐包點口味大眾化，越出越多種類。外賣自取形式，非常方便。職員手腳快，人龍好快就清。咖哩雞飯辣中帶甜，味道濃，除咗雞仲有薯仔紅蘿蔔。飯餸分兩盒盛載，份量剛剛好，膠盒可入微波爐，方便翻熱。豬軟骨飯同樣好夠味，比預期嫩滑！餸汁撈飯都好食。香菇雞包，熱辣辣拎上手即時食，正！番薯粟米粥粥底夠綿，清中帶甜，可加少少鹽調味。雞札內有豬肚，嫩雞，豬皮，芋頭，足料呀~凍奶茶值得一讚，冇諗過有如施水準！o係唐包點呢度，已經可以買到一家大細想食又啱口味嘅嘢，仲要有埋凍奶茶，真意想不到！

香港打風被迫中午早放工，好多食店都提早關門，難得返到油麻地站見到唐包點有開，就去買左幾樣食物同屋企人一齊食咪以為唐包點剩係得蒸包賣，其實仲有多款中式點心、蒸飯、特色飯等等可供購買豬軟骨飯夏天想食啲濕濕地有汁嘅飯，唐包點都有幾款特色客飯可供選擇。我就揀咗個秘製豬軟骨飯，豬軟骨份量又幾多喎，炆得好香軟入味，而且佢係半肉半軟骨，並唔係只得豬肉，用黎送飯食一流呀糯米雞有份量的糯米雞都幾大隻，一打開就充滿荷葉香，面上的糯米飯頗Q彈有米香，內裡有豐富的配料如：叉燒、雞翼、鹹蛋黃、冬菇等等，鹹香又滋味燒賣燒賣同樣係大大粒，豬肉結實新鮮，同鮮蝦味道好夾奶茶樽仔奶茶嘅奶同茶比例剛好，茶夠香濃，奶夠滑芋頭包圓渾渾的芋頭包呈粉紫色，好靚，內裏係飽滿甜美嘅芋頭餡香菇雞肉包餡料充足又鬆軟