唐包點

营业中

休息中

天氣熱辣辣，有時真係唔知食乜好。所以放工行過就隨便搵黎食，但係呢間真係飽肚又好味。燒賣：大大粒燒賣，真材實料，表面已經見到有原隻蝦肉，咬下入面仲有小蝦肉粒，豬肉唔會蒸得過硬，味道比較濃。麥皮饅包：麥味香濃，包包煙靭Q彈，微甜。鳳爪排骨飯：係經典的蒸飯，鳳爪有點辣，排骨量適中，而且唔靭，唔多碎骨，食排骨最怕就係一啖飯有好多碎骨痴住。秘製豬軟骨飯：豬軟骨炆得好軟，軟骨好似啫喱咁，肉質又不會過老，醬汁偏甜。香滑奶茶：有傳統港式奶茶嘅感覺，茶味濃，加上滑淡奶，好正。黑芝麻豆漿：芝麻味重，豆漿不會過甜，飽肚整體食物質素中上，想快速食個中式點心，但又唔想排隊飲茶，這是一個好選擇。

唐包點其實又係唐記包點😂唐包點全部食物已經入定膠盒，所以一order店員就直接拎盒嘢食出嚟。.原來除咗蒸飯外，佢地仲有客飯！有三款客飯，有魚香茄子、咖喱雞同埋豬軟骨飯。叫咗咖喱雞飯同豬軟骨飯。咖哩雞入面仲有薯仔、洋蔥同紅蘿蔔，薯仔夠淋，係用有骨嘅雞件，雞份量都算多，雞肉較散。豬軟骨飯有驚喜，啲豬軟骨舊軟骨煮到好軟腍。除咗豬軟骨，入面仲有啲薯仔。.另外仲叫咗份燒賣，燒賣上面有隻蝦仔～唐記奶茶都唔錯。

今日同老婆去咗美孚嘅唐記包點買咗兩盅飯，兩個點心，屋企人好開心！飯好香，唔會太林，好新鮮最鍾意就係啲點心，因為點心真係即蒸，馬拉糕，唔太甜，好有蛋味！ 真係好好食！

今日同媽咪去咗美孚， 行行下又見到唐記， 所以心血來潮又去咗唐記買嘢食， 今次喺唐記買咗個北菇雞飯，雞包， 同埋蕃薯糖水！ 回到家後所有嘢都是熱辣辣，它的器皿裝得非常之好 ，亦都唔會漏，亦都非常之熱辣辣！ 講番啲飯，飯香，餸非常之新鮮， 個雞包保持得非常之熱辣辣，包皮非常之軟熟，簡直唐記嘅招牌菜 ，下次我一定會再食其他東西，例如馬拉糕、 芝麻包、奶黃包等等！

放工經過見到咁多人排隊即時身痕想一齊食多個～種類多到花多眼亂～睇都睇唔完😝最後我決定揀左腐竹雞蛋糖水，燒賣同埋香菇包！腐竹雞蛋糖水煲得恰到好處⋯⋯甜度適中而且好大隻雞蛋喺裏面非常足料，正阿～～燒賣大大粒⋯⋯有咬口豬肉彈牙又爽口，令人欲罷不能食完一粒想再食啦⋯⋯呢個包包唔使我講大家都知道啦⋯⋯完全係多料到一個點～一打開個包包已經見到豐富嘅冬菇木耳紅蘿蔔絲～帶給包包濃厚的鮮味和健康鍾意健康嘅朋友一定唔可以錯過而且絕對唔會失望㗎

不論係港鐵站或街上都搵到唐記蹤影，而且食物選擇多，價錢合理，包裝獨立衞生，每星期總會幫襯一次。是日晚上同家人一齊偷懶想快食，就搭地鐵回家前到美孚閘內嘅「唐包點」買大餐，買咗一個熱辣辣嘅番薯包及香芋包作甜點，我愛呢兩款甜包，包面甜甜地，裡面餡料滿佈番薯及香芋蓉，十分香口，真係好好。爸爸大愛鮮竹卷，外面腐皮包著豬肉及蝦肉都好彈牙，味道都不錯。秘製豬軟骨飯$29蚊，非常超值， 白飯同餸汁是分開裝，很乾淨衛生，份量十足，而且豬軟骨好淋夠入味。細妹食足料糯米雞都係$27蚊，真係好足料， 獨立包裝相當衛生。我仲買埋豆漿，每枝都係$9蚊，豆漿都有豆香，唔會太甜，非常健康。

最近天氣太悶熱, 不想在街遊遊盪盪覓食, 和同事去唐記買些方便的餐點, 回公司慢慢食。在我印象中唐包點就只是賣中式包, 原來唔只, 有包有飯有點心更有糖水, 很利害。腐竹薏米雞蛋糖水$15: 腐竹都煲到溶晒, 糖水呈米黃色, 甜度適中, 有大大隻雞加上一些頗大粒的薏米, 糖水來說這款應該是比較有營吧。咖哩雞飯$29: 雞肉、薯仔、飯的份量如一個客飯, 這個價錢合理, 汁和飯還分開上, 令飯不會太糊, 咖喱有豐富的香料味道也有一定辣度, 雞肉幾嫩, 薯仔不會太硬。糯米雞$27: 近三十元的糯米雞, 在我印象中算是比較貴, 然而, 它卻的確很足料, 有一整隻雞翼, 冬菇, 蛋黃, 瘦肉等, 很大件, 一個女生可能會吃不完。黑芝麻豆漿$9: 自家出品的黑芝麻豆漿, 有誠意, 豆味都幾香濃。全部食物都一早入了耐熱膠盒, 保持熱度, 好處是拿給客人好快手, 不好是無法用自備環保盒子。

今日啱啱返工專登去唐包點買啲糖水食下～如果唔係廣告～都估唔到原來買包嘅店舖都有糖水食👍🏻👍🏻首先我叫咗個腐竹雞蛋糖水～清香嫩滑，配上香濃的蛋味！即是覺得皮膚滑溜滑溜！正呀～～食完糖水梗係要食個鳯爪排骨飯！！熱辣辣飯粒～煮得軟硬適中！而且排骨鳳爪嘅份量非常之多～抵食抵食鋪頭將紅豆包包裝得十分精美～就算買多幾個都唔怕黐埋一齊～呢個細心位值得一讚鬆軟嘅外層包裹着紅豆蓉～紅豆蓉甜度適中而且幼細～好味～～

近依年興起唐包點越開越多成為中式版嘅快餐店的確係一點完單即時有得攞今次叫咗個北菇蒸雞飯+ 香菇雞包比較少餸多飯啲雞都好淋好滑冇骨嘅但係太少至於啲飯...可能蒸嘅關係濕濕地淋曬咁好冇咬口如果飯質係硬身會好食啲所以個飯比預期中差😐相反地香菇雞包好好食!少少暖暖地個包超軟身而且餡料多 比例啱外面包甜甜地 入面就鹹鹹地 加埋肉汁 好夾味真係好好食🤤食多個都得

道地外賣自取品質及口味多元化，堅持搭配優惠套餐百變美味每逢出爐密做出質感不失原味元素 !設立連鎖快餐沖現經營，小朋友可邊歎包包顏色多多選擇猶疑不決的你或合家隨時隨地悠閒當茶點小食暖胃醫肚一盅兩件而不膩一叮便可食用招牌主打巧手包點餡料滿滿沒有空虛感，包點以外的點心同樣出色豉椒鳳爪/雞扎/燒賣通通通通$18皮薄餡靚夾起不易散，證明蒸的時間拿得準繩燒賣較一般的骰鮮蝦、豬肉餡料很足引人食指大動看似平凡普通但內裏澎鬆外層熱食入口如手掌般厚交融零負擔份量足靠清淡挖一口拌拌滲入肉汁盡顯加強，難怪速食昇華味蕾價格合宜大件夾扺

唐記愈開愈多, 無孔不入, 我D同事個個都會食, 連家人都試過點解? 因為選擇多, 岩大眾口味, 而最重要的是, 平! 平! 平! 總是在各食肆選擇中做到一個平價, 雖只是外賣, 好處是唔駛迫慢慢在家/公司食, 係慳錢好幫手~對我來講, 百食不厭既鳳爪排骨飯, 本身已Like呢個點心, 加埋蒸飯都只係$27, 想點? 夠晒正啦~ 份量夠, 一定夠飽~怕唔夠飽或心思思想食多d? 我今次就叫多個生竹牛肉, 好standard的味道, 不太油, 都滑, $17...另外買多個$5饅頭第二日做埋早餐, 平過在街買豬仔包都難怪老幼都會排隊買, 地道香港人都應該無咁易生厭, 最緊要係一直都keep到平價同水準呢~

星期日一個人食飯，搭地鐵係美孚站轉車返屋企，經過大堂唐包點唔多人。蒸飯同點心好似好唔錯，排一陣好快輪到我，就買咗一個排骨飯，鮮竹卷同埋燒賣。三樣嘢埋單只係$61，分別係排骨飯$27，鮮竹卷$17，燒賣$17。 返到屋企覺得啲點心仲熱，不用放微波爐加熱，就即刻開嚟食。排骨飯的排骨同好入味，份量十足，豬油滲到飯裏面，十分香，鮮竹卷的材料很充足也很新鮮。燒賣的豬肉好有肉味，味道也很不錯。整體來說我覺得真係超值。

今日晏咗返屋企位食飯都未食鬼死咁肚餓經過美孚地鐵站見到有間嘢好多人排隊買嘢食，睇下menu見啲嘢食好似都幾吸引所以就係呢度買咗外賣返屋企食 見老豆未食嘢就買埋佢個份幫老豆買咗鳳爪排骨飯食 打開啟資料都幾足，老豆話啲排骨好香，鳳爪好滑好唔錯我自己就食豬軟骨飯佢個飯同埋啲餸係分開放嘅一打開個蓋已經聞到好香嘅醬油味 佢啲豬軟骨衡量都唔少一嚿嚿嗰啲係薯仔嚟，炆得好淋同好入味 豬軟滑又滑又彈牙好有咬口 而且夠入味佢個汁係甜醬油汁嚟，撈飯食好啱 我食晒啲飯都仲有餸剩佢個糯米雞又係好正， 夠大份而且好足料，有成隻雞翼係入面啲米夠淋而且好夠味，同老豆share食食到好飽好滿足我仲買咗支佢地嘅凍奶茶，茶味香甜仲好滑，佢個甜度啱啱好，可以話係我鐘意嘅黃金比例

今日收工熱辣辣唔想食飯，經過地鐵站唐包點買點心食算了！其實唐包點都好多選擇架，除左點心之外，仲有多款蒸飯同蒸包，最重要係快靚正，好多時收工時間都會出現人龍排隊，好受歡迎仲有魚香茄子飯同㗎喱雞飯，但已經售罄了，下次一定要試下店面非常簡單整潔，只供外賣落完單唔洗一分鐘店員已包好食物比我，好有效率鮮竹卷，䐄料十足，味道調味剛剛好，不錯有三大條好抵食鼓椒鳳爪，又稔又入味，仲有清甜嘅蘿白燒賣，每粒都有鮮蝦，賣相十足，口感爽口彈牙，真材實料，推薦雞扎，兩大件，分量十足腐皮好有口感，裏面包著嫩滑嘅雞件，入味嘅魚肚同竽頭，真係滋味無窮再食埋熱辣辣軟綿綿嘅蒸包，真係極滿足啊

唐包點係美孚港鐵站閘裡面, 見今晚收工收得夜, 就順道係唐包點外賣左D點心番屋企食。章魚肉餅飯27肉餅飯，細細個就食, 係我的comfort food 黎, 多得唐包點, 係夜回家/ 自己懶整肉餅時, 叫一盅就最方便。唐包點的肉餅做得鬆化好吃, 基本上食唔出有好多肥豬膏, 而且有內裡章魚粒有馬蹄粒, 口感一流, 而且厚度適中唔會太硬實。飯量也多, 一個男人實夠吃。魚香茄子飯 29唐包點進化到唔只賣盅頭飯, 連有汁飯都有得賣!! 而且更加係港式味道的魚香茄子飯。茄子和飯分開上, 唔會整到D飯太肥淋淋, 唔會睇細細盒, 其實D茄子都幾大舊。茄子有魚香味, 香辣開胃, 送飯一流。鮮竹卷18內容餡料包括豬肉、冬菇、木耳和紅蘿蔔絲等等, 腐皮外面煙韌，內餡爽脆。加上蠔油芡汁, 即使無酒樓的環境, 也味美非常。叉燒包7. 5大大個, 熱騰騰, 叉燒餡兼具鹹甜、肉和漿汁也豐盈，而且肉香也濃。香菇雞包 7. 5香菇雞包除了有雞有菇外, 也有木耳, 而且最重要係唔覺將啲雞肉入面有大量肥肉，食得健康。香滑奶茶12係新產品, 12蚊就有一支, 通常係酒樓食點心只會配中式茶, gam 樣配香滑奶茶都係第一次。